JK肥仔的个人专页

已經第二次光顧. 今次下午一點半到, 避開晒繁忙時間之餘仲可以揀位坐.點左紅酒牛肉飯,炸雞拉麵, 滑蛋豬扒飯. 炸雞的漿粉唔匀, 一咬落去有啲位淨得漿粉, 豬扒就冇呢個問題, 不過豬扒炸完後就乾身左, 如果同丼吉日本吉列專門店餐廳 (Tonkichi) 就真係天同地的分別, 當然人地juicy好多.紅酒牛肉飯就最ok 喇.…查看更多

廿七號晚一家人去試, 之前食過荃灣間舖, 覺得唔錯, 於是再光顧九龍灣呢間, 我都有望吓之前的食評, 雖然有好多劣評, 但諗住餐廳方面見到會改善, 就偏要去.晚上八點半到, 唔駛等, 叫左好多款壽司, 大部份口味都可以, 但一些如帶子等則好名顯有腥味. 軍艦和手卷的紫菜則一啲都唔脆點了黑豚軟骨拉麵, 但炆到啲豬肉太腍, 其實係碎晒, 差鍋物: 個爐點左二十分鐘但仍未滾, 叫侍應換另一個爐但都冇好轉, 結果食一個溫吞吞的牛肉鍋.埋單時其實已經開始左特價時段, 唔知隔離枱係咪知佢邊啲壽司唔掂, 我見佢叫左成十二件三文魚壽司, 都算最保險.開始明點解其他朋友話做特價都唔去食, 我覺得呢間餐廳有好多改進空間...…查看更多

南記是我其中一間常去開餐的地方, 說起來已有十年吧. 最近陸續發現佢為不同店舖改名, 取名"香港仔南記", 唔係地方名, 而係解為香港人的南記. 雖然店名更改對我的光顧意欲冇影響到, 不過改名背後通常因老闆更改或股權變動, 最後有機會影響到食物水準. 不幸地這情況也發生在南記身上.其實寫這篇食評前已反覆光顧了波斯富街, 天樂里, 士丹利街的南記 (都係腩肉小鍋米線), 以前佢好味的地方除了調較得宜的湯底 充滿肉味的腩肉, 醒胃的酸菜, 微辣的肉碎,當然仲有主角- 米線, 咬落稍稍彈牙, 也吸收了湯底的精華.之不過佢地最近的水準倒下降了, 大部份都稍微差了, 腩肉的水準還好, 但最要命的是米線, 最咗幼身咗, 仲有食落去一pat pat, 唔係單純碌耐左, 係啲粉既質量渣左, 有啲漿糊feel. 簡直好陌生, 好似去吃一間全新店舖咁... 唔知你有冇同感...或者我再會光顧多一兩次, 話晒都吃左成十年, 希望佢會好些啦.…查看更多

看過之前的食評推介， 發現除左加連威老道附近的韓式店舖外， 在寶勒巷亦有一間， 於是今日同友人一齊去。之前啲食評話食套餐啲侍應會摶命同你燒晒啲肉，所以今次記住要小心些。晚上七點十分抵達， 冇訂位但唔駛等。坐底後就好快決定食乜：燉牛肋骨， 冷湯麵， 泡菜湯， 烤牛肋骨肉和豬五花腩肉 （只有兩種烤肉而且唔係套餐）， 有幾耐就陸續上菜， 都幾快。我地開始吃熟食，隔唔夠三分鐘， 佢地嘅韓籍侍應就埋黎幫手燒肉， 唔係套餐但都幫手， 佢仲一開始就放八塊豬肉， 諗住佢驚我地餓才放這麽多（畢竟得三個人）， 點知佢跟住一路唔停， 係咁燒，我地同佢又言語不通， 結果佢一路燒， 我地就一路食， 有啲似餵鴨仔．．．還是失敗有一特別現象， 嗰侍應燒好後會將食物整好（如將豬五花肉卷在泡菜內）， 然後放在男客人碟上， 淨係男客人先有， 女客人就有夾給她， 只係在烤爐上整好然後等你自己夾， 都幾傳統不過論食物又真係好味， 烤肉醃得入味仲有醬汁加添其滋味。燉牛肋骨就更加唔駛多講， 好好味， 夠腍， 唔會太鹹。冷麵加點醋， 正！ 泡菜湯就不俗。之後再叫左"milky rice wine" （冇中文名， 不過直譯應為奶白式的米酒）， 用中式酒樓的茶煲上。酒味特別， 都易入喉。合共六百三十元。咁究竟應該點菜才好， 如人不多， 可先點一兩味熱食先填肚， 然後後加一份烤肉等佢幫你燒（希望佢到時會啦）， 隔一陣再點下一份烤肉， 最後才叫冷麵。我會下次再去試下咁叫…查看更多

有點意想不到自己竟然會主動去幫襯這餐廳。是的， 我原本是一名傳統的食者， 每餐都要吃飯／麵 ／ 意粉等， 最多只可接受全餐餃子， 有時亦不會介意吃西式鋸扒。從來覺得三文治， 火腿／芝士 ／ 沙律等只能當小吃， 絕不能當正餐。近期因工作關係（經常有三文治午餐會議）， 已經逐漸去適應。下午路過CLASSIFIED，一望就知是那種三文治， 火腿， 芝士， 頂多有一兩款意粉的餐廳， 但卻被那歐陸家庭式的餐桌吸引進去。店子不大， 只有兩三張枱， 基本上必定會搭枱。我們兩人望着像英文報紙的兩頁餐牌， 雖然唔懂所有菜式， 但店舖裡有一兩香港夥計會解說， 之後我們點了穀飼雞三文治， 燒雞牛油果沙律， 再加一杯白酒。菜式賣相幾好，那份三文治擺法幾大體， 值得一提那醬汁， 微酸， 又有一點甜， 混上雞絲， 再搭上鮮蕃茄， 我覺得好味， 瞬間已吃完。另外的沙律， 調味唔錯， 不過都係喜歡三文治多些。結帳約二百六十元。適合喜歡歐陸風情的人…查看更多

平時幫襯開佐敦的小店, 聽老闆講係土瓜灣開左新舖, 於是一家人來試下.格局: 比佐敦店大好多, 有兩層, 幫襯時開左兩星期, 地方企理由星期日晚七點半左右到, 雖然話新開張, 但門口都好多人, 好在有先頭部隊搵位, 如果唔係都要等一餐.一坐底, 梗係先叫潮州鹵水鵝, 味道唔錯, 唔似有些店淨係得個鹹字, 有其他香料味.之後再叫了煎蠔餅, o的蠔仔好肥美, 而且有些許脆口(唔係炸到燶了o個種), 雖然我怕, 但都忍唔住吃了兩舊.經理再推介梅羔骨 - 唔知係唔係潮州菜, 但我覺得好好味, 賣相有光澤, 而且有少許梅子酸味(唔過火), 開胃, 仲要排骨本身唔肥, 正, 下次會再叫.:)同時柯打了煎鎗魚, 賣相一般, 味道中規中矩.芥蘭炒鮮魷 - OK 啦之後再加了方魚肉碎粥, 本來想ENCORE蠔仔, 但已經賣晒... 不過味道就一般, 下次都係試番蠔仔.仲有加了沙茶牛河 - 記得要叫兜亂, 我非常鍾意食, o的沙茶味剛剛好而且入味, 唔會炒到一PAT PAT, 強烈推介.甜品就叫了蛋散, 我覺得幾好味, 好過一般酒樓.整體幾好, 約四佰元. 門口有街邊位泊車, 附近亦有停車場服務OK, 不過有時唔夠伙計...要等一陣先有…查看更多

今日一早做乖仔去接埋阿爺出黎威威, 諗住佢老人家成日都係飲茶, 於是同佢去試西餐. 以前去過Outback的灣仔, 銅鑼灣同太古分店吃晚餐都唔錯, 諗住都唔錯, 就拉隊去佢地尖沙咀分點店, 點知...一入去都冇乜野, 因比較早到(約十二點半), 差不多包場咁滯, 於是叫了四個午餐如下:肉醬意粉: 請睇附圖, 簡直係水汪汪的意粉, 肉醬冇乜味不特止, 仲要水浸意粉, 有幾次想叫佢換, 但怕被加料, 所以忍住.是日精選魚: 侍應話係劍魚, 冇骨, 啖啖肉, 一諗o啱晒老人家, 點知整到舊魚乾争争, 好彩都仲有一大Pat幾油o既sauce頂住, 如果唔係都唔知點食烤排骨: 以前係其他舖都好好味, 殊不知今次真係不知所謂, 排骨又乾又瘦, 完全冇晒佢好味的juicy感覺. 伴碟的Fries仲要一望就炸過龍, 仲要加一大撮鹽. 唉...:(芝士煎薄雞: 賣相雖然一般, 但試落味道唔錯, 算係ok的菜式(唯一的). 煙肉加蘑菇再配以芝士焗薄雞肉, 味道幾夾.每個set都有餐湯, 但太杰. too creamy...跟湯的餐包係佢的黑糖麵包, 不過係餐包size, ok 架.飲品有得無限refill服務嗎? 麻麻. 係食完野收碟時, 侍應太想一次過收晒所有野, 結果成把餐刀跌左落我仍然會飲的可樂入面, 雖然我冇受傷, 佢亦都好快換左杯可樂, 盛惠三百大元...但是我簡直唔想再去...唔知你有冇遇到上述經歷, 希望沒有...…查看更多

今日下午去食小籠包, 一行四人大約十二點半抵達, 一心諗住要等下位, 點知仲有大把位坐, 裝潢都可以, 枱凳唔係太迫.叫左好多野食, 有干扁四季豆, 招牌小籠包, 炸排骨拉麵, 紅油抄手, 菜肉雲吞湯, 酸辣湯, 燻魚, 糯米燒賣, 蒸菜肉包小籠包皮唔夠台灣咁薄, 但夠汁, 炸排骨就認真麻麻, 唔香唔脆, 唔係好知想點, 抄手同雲吞就ok.簡單來說, 中規中矩…查看更多

去左米線王，知道新開張，　叫了一碗酸辣米線加招牌腩肉同豬軟骨，　順便叫一杯珍珠奶茶解渴。　值得一讚係佢有台式飲料提供酸辣米線：夠酸，辣味差一點，　不過酸味似單純下醋，　酸菜的酸味唔突出。米線比較爽身，　個人喜歡腍一些，　腩肉唔錯，　好味，　最緊要唔係一大舊肥膏，肉佔九成，　肥只有約一成。　豬軟骨就失望，　太乾身。珍珠奶茶：　茶味唔夠，　奶比較多，　珍珠比例還好，　當然同街邊的台式舖比就梗係冇得比…查看更多

今日兩個人選了以下菜式: 娘惹麵線, 喇沙, 坡式咖啡(Kopi), 傳統Kaya多士.餐廳像快餐店般先付錢, 拿飲品, 然後侍應會拿食物到你的座位, 唔可以話有特別好的服務.之前係星加坡同馬來西亞吃過上述食物, 現報告如下:娘惹麵線, 喇沙 - 份量一般, 大食的應該唔夠食, 要叫多一碗. 娘惹味道一般, 唔夠馬來西亞的味咁濃, 喜歡清淡的應該還可以. 喇沙就有椰香味, 都算足料坡式咖啡(Kopi) - 坦白說, 同星加坡有一段距離, 啡味唔夠.傳統Kaya多士 - 雖然有厚多士同傳統兩款, 但我選了傳統. 弊在麵包唔夠薄, 星加坡的是將一塊方包一整塊的切薄一半(是上下一半, 唔係左右一半), 亦烘得唔夠脆, Kaya的味亦冇咁香, 主要係冇椰汁香整餐約九十多元…查看更多

同家人吃飽飯去吃糖水, 路過聞到薑味, 便入內一試. 原來係賣潮州糖水, 我們沒有試那些清心丸, 反而點了重薑番薯, 腐竹湯丸, 椰皇燉海底椰.重薑番薯, 薑味慢慢透出, 愈飲愈有薑的辣, 冬天飲驅寒一流.腐竹湯丸, 上枱時望住碗白色水, 心想同平日係其他舖食開差咁遠, 一望都看不見煲到爛的腐竹, 點知一飲, 就見到一塊又一塊的腐竹, 湯丸亦很大粒, 芝麻味都唔錯椰皇燉海底椰 - 清潤.好多料, 雖然都反映係價錢度, 成廿蚊至三十多一碗, 不過都係一個唔錯的選擇…查看更多

今日一行五人再到清真牛肉館, 其實我已於十多年前開始幫襯. 人大了, 便會想多作其他嘗試, 反而少光顧老舖, 對上一次已是一年前.今次可能是閒日晚上, 等了一兩分鐘就有位. 一坐低, 先叫五塊牛肉餅, 因為佢要整得最耐. 其後慢條斯理看完餐牌, 加了一客酸辣湯, 蔥油餅, 咖哩牛腩, 咖哩羊腩, 炒白菜, 牛肉雲吞, 上海炒麵(即上海粗炒), 雞絲粉皮, 雞絲海蜇, 再上一碟白飯.坦白講, 五個人都食到好飽, 味道冇乜變, 咖哩味道不太嗆, 份量足, 覺得羊腩比較好味, 燜得軟腍, 可能同羊肉本身多些脂肪有關. 牛肉餅依然一咬出汁, 但覺得肉身o個部份就冇以前咁好汁, 相對乾水咗些其他都ok啦, 埋單三百多…查看更多

大除夕同埋三五知己去慶祝, 唔係好想俾一筆附加費(多數西餐廳都貴啲), 查咗一輪知道佢同平日都一樣. 餐廳環境唔錯, 用木色為主, 有點漁船feel.餐牌選擇唔算多, 主要係魚同海鮮, 雖然好肉者都有少許菜式可選.先點了炸魷魚圏, 魷魚咬落彈牙, 但外層脆漿一般, 配以佢地的tartar sauce 都幾ok主菜每人都點了唔同的魚扒, 主要有三種煮法: 炭燒, 油炸, 脆漿炸. 啲魚扒好靚, 我叫咗吞拿魚, 五成熟, 侍應建議炭燒, 配菜可選薯蓉, 薯條, 焗薯, 成班人各自選了一樣, 個人認為薯蓉最好味.甜品點了是日推介, 都有四款, 又係全部點晒, 但就真係一般.成餐飯以魚扒最貴, 要成二百五十元至二百八十元 (視乎所選種類), 其他約一百多些一碟.每人約四百多. 食滿五百元可免費泊車三小時.第一次寫, 請多指教…查看更多