102225.couple的个人专页

喺香港都可以食到外脆內軟嘅熱辣辣西班牙油條Churros😍同店長傾開先知佢真係去咗西班牙取經，再改良成香港人口味～當日落完單後見到真係即叫即炸金黃色！加埋肉桂砂糖好夾，連我平時麻麻哋肉桂嘅都覺得好食😆仲可以自選醬料，我加咗朱古力醬，好邪惡，但好正😈仲有多款口味Gelato🍦熱辣辣嘅churros配上凍嘅Gelato! 特別推介60%黑朱古力，味道濃郁，食完一杯唔夠喉🍫🤣開心果Gelato上面鋪滿開心果粒粒，口感好好，好滿足😚…查看更多

🍣帆立貝三文魚籽盛丼 ($188➡️$158)見做緊開幕優惠減價，黎到真係好似張相咁，三文魚籽滿到瀉😍‼️三文魚籽一啲都唔腥，卜卜脆，帆立貝都好鮮甜，而且份量一啲都唔少有四大隻❗️呢個真係必叫😋🥰🔥火焰盛丼 （$168➡️$84)感謝祭做緊半價，有火炙三文魚、帆立貝、蟹柳、仲有👧🏻最中意嘅左口魚，輕輕燒過充滿油香🤤仲有蛋黃撈飯🍳滿足！$84真係好抵食😍但如果$168我就會寧願叫上面個款🤭🦐赤蝦 （$58/2隻）鮮甜～總括嚟講，帆立貝三文魚子丼飯非常出色，令我哋有想encore嘅衝動🤭服務態度好好，一坐低就送上麵豉湯，麵豉湯仲要好有誠意地有魚肉帶子仔係入面，好鮮甜！⚠️⚠️我地2月尾去有開幕優惠，但唔知做到幾時😬😬大家趁有優惠快啲去🔥…查看更多

🍲壽喜燒牛肩肉鹿茸菇燴飯 ($95)一食落去個下有驚喜!😍牛同飯都有甜甜嘅壽喜燒汁味，煮法似risotto, 飯係偏腍身嘅，蛋用左蘭王蛋🥚蛋香非常濃郁!🐟花魚一夜干定食 ($115)好精緻嘅擺盤😍定食包括前菜、主食、麵豉湯同埋紫菜飯🍱前菜個粒白蘿蔔配菜清甜入味好juicy! 好出色!🤩花魚肉質較實帶油脂香, 加少少蘿蔔蓉味道好夾~☕Iced Latte ($36) & Rose Latte ($32)Iced Latte味道正常，但Rose Latte就有D太甜了~總括黎講，食物味道不錯，但餐廳人手稍稍不足，眼見幾張枱一路未執，而我地非lunch hour兩點幾落左單後都等4-5個字先有野食，如果附近趕返工嘅可能要諗諗😔但如果好似我地咁chill下嘅，就可以試下啦🤗…查看更多

見到好多人喺呢間餐廳打卡，影啲好Y2K復古霓虹燈風格相，去到發現比想像中更靚😍一出𨋢有隻大bear bear歡迎👏🏻入到去有籃球機跳舞機，又大又闊落，啲野食仲超正❗️🍺BBB刨冰啤酒-水蜜桃味 ($98)平時都唔係話超好啤酒，驚苦，但呢個完全唔會！上面係蜜桃味嘅刨冰，甜甜地又唔會過甜，撈埋落下面啲啤酒度，甜得來又飲到啤酒嘅香，絕對會為咗呢杯啤酒再嚟過‼️😍😍🧀大發！芝士鐵板泡菜炒五花肉 ($178)一嚟到就聞到個芝士味好香！店員話佢地用左兩款芝士，所以特別香🤤等佢熱左就可以撈埋泡菜豬肉！辣辣地，芝士拉哂絲，好香好開胃😆🧀大發！芝士鐵板牛油蒜片蝦 ($198)呢個同芝士泡菜五花肉一樣，好香芝士味，啲蝦好彈牙好香牛油味，最緊要溝埋芝士到好好食，啲蝦既鮮同芝士好夾🤤🍗Butter x Garlic 無骨炸雞配脆脆薯格 ($178)炸雞又係外脆內軟，啲雞滑到我地兩個震驚左🤣薯格整得好出色👍🏼好鬆脆！凍左都仍然脆！雞同薯格份量都好多😂🦪炸蠔 （$98）炸得好脆卜卜，但入面又好嫩滑，仲有蠔既鮮味😚👦🏻男朋友自創咗一個食法 ，本身叫左芝士鐵板既，將啲芝士卷落炸蠔到食，都好好食😋大家可以試下🥰總括嚟講，呢到嘅裝修好靚好岩打卡，背景音樂大大聲播住blackpink呀bigbang呀，所以好岩成大班朋友過黎飲酒大大聲傾偈都得😆鐵板定價稍高，但食物質素都好高呀！😙♿️♿️尖沙咀A出口有𨋢，然後向住美麗華方向行，去到松本清對面會有條斜路（都有啲斜，如果手推嘅要注意⚠️）上到去就係諾士佛台，轉右行前幾步就到大廈地下，有斜路有lift上，餐廳超闊落✅…查看更多

上個weekend我地兩個又去左將軍澳海邊搵野食😬今次唔同平時donki個邊，今次去天晉匯，原來個頭都好多餐廳！呢間泰國餐廳唔算好大，有室內有室外，見lunch set唔係好貴，就去試試😙佢嘅lunch set 一般$70-80都有，配埋沙律/冬陰功湯，熱飲，係海邊呢頭都算抵食👍🏼🥫冬陰公湯冬陰功湯偏酸咗少少🤏🦀軟殼蟹蟹肉炒飯 （$118+$5青檸可樂）軟殼蟹比起一般大隻，好脆，入邊仲要有肉食到，正👍🏼而炒飯都炒得唔錯，調味適中😋🦐蛋包虎蝦炒金邊粉 （$138+$15青檸梳打)賣相好靚😍有三隻大虎蝦，肉質彈牙，金邊粉外圍有蛋包住，金邊粉唔會炒得太濕，側邊配有花生碎同辣椒碎🌶️俾你自由調味，撈少少更加香😋🍡串燒 （$48/3串）有豬牛雞肉選擇，我哋只係揀咗牛同雞，即燒熱辣辣有炭烤香味，但肉質仍然很滑🤭沙嗲醬好重花生味，👧🏻超鍾意🥰🦑燒原隻魷魚 （$138）見到有魷魚👦🏻又點會放過？🤭魷魚都彈牙爽口，但略嫌烤得唔夠香，如果再香啲就更好😋總括嚟講，餐廳性價比唔錯，味道唔差，最緊要係份量超大，係大到我哋食唔哂🤣呢個價錢連埋前菜嘢飲，都係海邊一個好選擇👍🏼♿️♿️將軍澳A1出口，轉去天晉匯商場方向，有一連串餐廳，餐廳有室內室外，如果涼啲可以坐室外，而想坐室內嘅輪椅朋友，可以轉返入商場入邊😬…查看更多

我地星期六Lunch time食，基本Lunch Set $168（前菜+主菜+甜品+飲品），可以升級唔同嘅組合⭐️🥔前菜我地揀左是日餐湯，薯仔湯，幾香滑😬🍕辣肉腸芝士Pizza ($168+$18 Latte)Pizza係薄批，烤得香脆，個汁調味適中，唔會過酸，傳統口味無得輸😋🦞龍蝦芝士焗通粉 ($168+$48主菜+$18 Cappucino)Mac and Cheese仲要加左龍蝦，完全不能抵抗‼️😈芝士拉絲🧀個汁好香好濃帶有龍蝦湯味，中間有隻龍蝦鉗！美中不足係龍蝦鉗個殼冇輕輕剝開，好在有男朋友幫手起肉🩷☺️如果唔係懶人如我就prefer佢起左肉先😆☕️咖啡偏酸，我地自己麻麻地😬🍨甜品我地揀左是日甜品，係三粒泡芙，但個皮有少少太腍，個餡唔會太甜，如果個皮做番脆身少少會好食啲🤌🏻總括嚟講，兩個主菜都好滿意☺️最基本$168已經有齊前菜主菜飲品甜品，價錢好合理，我哋食完已經即刻話呢間可以encore！😍♿️♿️尖沙咀A出口有𨋢，餐廳喺The One商場，商場門口無級，門口有lift直上4樓，餐廳無級空間足夠✅…查看更多

Lunch Omakase ($1180)成個set包左我都數唔到幾多道菜，好似食極都仲有咁🤣其中印象深刻嘅有：🥗前菜🔸白粟米+螢光魷魚，味道清新，粟米超juicy超甜無渣🌽🔸象拔蚌超新鮮，爽口，配左小小柚子岩鹽令佢更鮮甜，好耐無食過咁好食嘅象拔蚌😍😍😍🍣壽司🔸赤身、拖羅壽司好香油香🔸蟹肉都鮮，佢配埋紫蘇葉但我地個人prefer唔加，比較食到蟹嘅原味☺️🔸女朋友至愛嘅海膽都好出色，一啲腥味都無😋🦪生蠔一黎到至愛生蠔嘅男朋友大驚喜🤭生蠔好大隻肉質飽滿，海水味適中😍佢話淨係黎為咗食隻生蠔都抵🤣🍤炸蝦仔中間好得意，嚟咗一兜炸蝦仔，加咗少少鹽好香口，送酒一流🤭🍙鯖魚卷初初會驚鯖魚好腥，但佢炭香味係令我地震驚左❗️一啲都唔腥，仲好香魚油味！連收尾嘅麵豉湯都唔hea，入面真係有新鮮蜆，仲要唔少😬總括嚟講，大推介‼️♿️♿️尖沙咀A出口有𨋢，向K11方向行，餐廳門口係趟門，有啲重，而店內只有面向師傅嘅high chair，需要過椅～店內有無障礙洗手間🚻…查看更多

Weekend嘅時候總想搵個地方chill下，放空下，所以有follow開我地嘅都會發現我地成日去將軍澳海傍🤣好鍾意吹下海風囇下太陽☀️呢日搵到間未食過但價錢又幾抵食嘅Fish & Chick! 😋🐟🍽️Lunch Set會包頭盤，主菜，飲品，價錢$88-118左右～🐟Fish and Chip Set ($88)頭盤煙三文魚沙律配蜜糖刁草汁🥗煙三文魚好厚好香，沙律汁甜甜酸酸，作為前菜好開胃😋主菜炸魚薯條，魚預設左新西蘭藍鱈魚🐟佢仲可以再加錢換銀鱈魚/比目魚等等，但default呢隻都已經很不錯👍🏼炸得好好，外脆內軟，個皮酥脆得黎又唔會覺得好油膩😬而薯條係粗厚身嘅🍟份量都幾多，👧🏻係食唔哂嘅🤣🌶️橄欖油炒香蒜片辣椒意粉 ($88)頭盤+$25揀左鐵板炒魷魚仔配蒜蓉包，魷魚都幾新鮮，味道唔差🦑蒜容包正常發揮😬主菜意粉有驚喜🤩估唔到呢到連意粉都幾出色，蒜片炒得好香，辣味適中，意粉偏硬身啱晒👦🏻成個意粉都炒得好香，份量唔算少，好食！😋飲品+$20要Fruit Punch🍹感覺足料唔算太甜，但份量較小，下次都係叫番可樂抵飲啲🥤😆總括嚟講，無論價錢、味道、質素都好合理，餐廳嘅人都好nice，又會問番你食物意見，氣氛輕鬆！🏖️…查看更多

上個禮拜去完美食展，行番去灣仔想搵野食，點知大部份餐廳門口都有級，搵到心很累🥹去到利東街，一入去見到呢間拉麵店，門口有大大條斜路，入面亦都唔細，簡直係沙漠搵到綠洲嘅感覺🏝️🥹🍜辛辣黑豚腩肉豚骨湯拉麵 ($65)首先講個湯底啦，個湯底辣辣地，辣得黎好開胃🤤，唔係死辣，好好飲🤩辣度可以自己揀，女朋友叫左少辣都覺得岩岩好👌麵我就叫左粗麵，女朋友叫幼麵，兩樣嘅麵質都好好👍🏼個感覺好似自己手打麵，唔似係工場貨，口感好好，彈牙好食😋而豚肉就正常😬個日我地下午茶時間去，價錢十分抵亦唔多人，呢間如果開正屋企附近，我應該會成日食🤣個湯真心正😍♿️♿️灣仔A4站有lift，去到利東街（囍帖街）地舖就見，門口有斜路，店舖空間充足，推介！✅✅…查看更多

呢間餐廳其實係我地有一次去D2 Place，個度嘅保安叔叔同我地吹吹下水推介我地去🤣佢show哂相大推呢度嘅吞拿魚丼，所以我地出開旺角就順便去試下🤭🍣極上吞拿魚丼 ($198)Omg‼️而家睇番張相都好想食🤤拖羅、吞拿魚同魚蓉舖滿哂成個碗🤩無論係大拖羅中拖羅都好重油脂味，好新鮮好香，份量唔少，夠哂配成碗飯，食完成口都係油香，真係好❗️正❗️😍😍🍣望月師傅特盛壽司 ($248)一set有12粒壽司，粒粒都絕對唔hea🫶🏻🦀️特別推介蟹肉壽司、蟹膏壽司，真蟹肉，蟹味好香🤩🦐赤蝦壽司好大隻仲要有膏🍣帶子壽司好厚肉好新鮮，拖羅/吞拿魚同個丼一樣咁正🍳壽司set包茶碗蒸同麵豉湯，正常水準👍🏼🍹白桃活乳酸梳打 ($28)唔算太甜，解渴👍🏼總括嚟講，水準好高，特別推介吞拿魚丼，食完係超級滿足，雖然價錢都偏貴，但間唔中獎勵吓自己都好開心☺️♿️♿️上雅蘭中心2樓有少少麻煩，因為佢客𨋢係唔到2樓，所以要去地下搵職員，叫佢開貨𨋢度門。貨𨋢要出番去街，喺周生生右邊(見下圖)，上到2樓之後有三道門要推，輪椅人士最好搵埋朋友陪同⚠️餐廳無級通度環境闊落，推介✅✅…查看更多

今日👦🏻特登黎接👧🏻收工，去左公司附近一間居酒屋食晚餐🥰🍲大蜆味噌煮 ($78)黎到有個火爐仔一路heat住，好有誠意😆先飲一啖湯，咸度適中，加埋蜆嘅鮮味，白蘿蔔嘅甜味，飲飲下發現佢仲加左一少粒檸檬仔🍋配搭新鮮而又好清新🤩蜆都新鮮，唔算好大隻但又唔算好瘦😚🦀味噌甲羅燒 ($98)初初👦🏻仲話係咪即食罐頭蟹膏個啲🤣但食落就知，呢個鮮好多滑好多😍蟹膏配埋鵪鶉蛋、蟹籽、蟹肉、蔥粒撈勻，仲有白飯同紫菜可以包住食，個種鮮甜味我地而家諗起都好想食呀😍😍🍢串燒雞之拼盤 ($98)串燒有驚喜🤩雞軟骨同平時得一粒骨仔個啲唔同，帶多啲肉，好香好好味😋雞腎正常水準，雞肉唔會好乾，燒得好滑仲有肉汁，配埋京蔥好正🤤🦑照燒魷魚筒 ($98)魷魚燒得好香，仲有陣炭烤嘅香味，好夠味好好食😍係魷魚鬚嗰part會有啲過火，但係都唔影響口感😉🍚慢煮醬燒牛舌丼 ($98)呢個飯係廚師推介，真係要比個讚佢👍🏼牛舌，佢係比牛舌尾位既，通常出邊會食到好鞋，但係佢呢到因為慢煮關係反而好鬆軟，唔會好鞋，仲好夠牛味😍🥂白桃梳打 巨峰梳打 ($38/each)佢係日本支裝個隻，拎埋出黎即席倒俾你😚總括嚟講，呢到嘅食物好唔錯，樣樣都好食😋尤其是甲羅燒真係大滿足‼️座位闊落，卡位仲可以望到街景，幾舒服😌♿️♿️北角站B1出口有lift，出左之後行大概5分鐘已到。港運城大門有斜路，但餐廳都好好，後尾開左佢地餐廳側門俾我地餐廳直接出番大街，好方便～…查看更多

銅鑼灣世貿中心開咗好多新餐廳，個日夜晚去搵食，見到呢間裝修幾靚，啲位又闊落😬🦐泰式生蝦刺身 ($108)淨係黎到個樣已經嘩一聲！咁靚嘅🤩每一隻都有個杯仔，點滿泰式海鮮汁，酸酸辣辣🌶️生蝦亦都好新鮮😋(食完過左3日先寫架，無肚痛🤣)🥩阿閒泰幸運炭烤拼盤 ($248)拼盤一黎到侍應就提醒燒牛肉要食先，凍左驚會鞋‼️🔸燒牛肉好好食，好鬆軟好juicy，唔會嚡熠熠😬🔸魷魚正常發揮，爽口易咬，亦無燒到過火🔥🔸燒蝦就有小小過火🤌🏻但係都好香好好食🤤🔸雞肉串燒好特別，係用支香茅做串黎串住啲雞肉，燒得好香好滑😋🔸燒菠蘿🍍好清新啲汁多到咇出嚟，仲有雜菌同蕃茄，好豐富🤩🥘冬陰功濃汁海鮮配農夫包 ($208)個湯起初食落去會感覺似係冬陰功加羅宋湯咁🤣但因為餐廳都屬於fusion菜，而且食食下個味又唔差喎，幾特別，愈食愈好食，點埋個蒜容包好正☺️海鮮有墨魚、蝦、青口、帶子等，煮得岩岩好好入味☺️🍜野姜虎蝦炒泰國新鮮卷粉 ($128)呢個卷粉好驚喜❣️其實我地唔知卷粉咩黎🤣有啲似河粉卷埋，但就好煙煙韌韌咁好正！味道辣辣地好夠鑊氣，每一條粉都好似比汁包圍住，我地都不停不停咁食，啲蝦都炒得好香，呢個必叫‼️諗起都想整反返碟當宵夜🤤🍸青檸冰涼特飲 ($48)青檸梳打再加小小薄荷葉味，清新😋總括嚟講，呢到嘅野食碟碟都好靚好岩打卡🤭但味道上唔係打卡咁簡單，樣樣都整得好好食，環境裝修都好靚，價錢小貴但質素對得住☺️♿️♿️銅鑼灣D1出口有升降機，出左lift行去後面兩分鐘就到世貿中心😬⚠️注意‼️上1-4樓嘅lift係大門扶手電梯左邊 ，仲要搵保安先開到架😓⚠️注意‼️走嘅時候要打番電話俾世貿職員，如果唔係部lift唔停G/F😓…查看更多

我地兩個都好鍾意去啲cafe hea下，飲杯咖啡傾下計，互相同大家講下呢個禮拜嘅趣事同煩惱🤍見到呢間叫Coffee Break好似可以take個break🤭就入左去試試🥰🌶️蒜香辣椒雞肉意粉 ($76)蒜味好香，辣味都好夠，好開胃🤤諗起都想食😍意粉軟硬適中😊雞肉就有少許嚡，但係可接受😬🦞龍蝦汁海蝦忌廉意粉 ($96)第一啖食落已經食到龍蝦味🤩但食食下就覺得蕃茄味有少少搶左龍蝦味😂汁好creamy，意粉軟硬適中，蝦都有4-5隻，爽口彈牙☺️🍟黑松露薯條 ($32)薯條份量都好多架，粗幼中等，坊間有兩款size 大家應該都食過，呢度就介乎二者之間😬黑松露醬都好正😍仲有黑松露粉添🤭☕️Cappuccino (餐+$8/$12 ➡️熱/凍)Lunch set包一杯$30嘅飲品，其他就再加錢😬我地兩個都叫左Cappucino，無論凍定熱，咖啡味都偏淡，不過拉花好靚🤍總括嚟講，呢間Cafe嘅價錢比起其他算親民，想坐底簡單食下或者傾下計，都係好選擇☺️👀題外話；餐廳嘅歌幾好聽，有周興哲有林俊傑，但係播得都幾大聲🤣如果想搵個好安靜嘅環境就未必適合啦😎♿️♿️坑口站A1出口地面，過對面馬路就係TKO Gateway，輪椅人士就要去右手邊有條斜路入商場，之後升降機上一樓，跟住過去厚徳food court個邊既樓上，但係小心睇唔到佢因為都算係個凹位🥹餐廳無級，入面空間都足夠，餐廳外面都擺左兩張枱，推介！✅✅…查看更多

唔知大家有冇留意，旺角深水埗呢啲相對較舊嘅區，街道上嘅舖頭好多時都有一級，其實呢個亦都係令到好多輪椅人士卻步，唔想出街嘅原因之一🥲所以見到すき家門口有斜路，淨係呢個咁貼心嘅設計，已經值得加1分🥰我地大約朝早11點去到，唔洗等位直入🥰🍚溫泉蛋燒肉丼 + 炸雞套餐 ($44+$20)燒肉有燒汁嘅香味，牛肉份量都適中，加埋溫泉蛋撈飯就一流🤭炸雞就比較乾都鞋，唔太推🫣🍱鰻魚牛肉丼 + 烤鯖魚套餐 ($79+$30) 鰻魚就係正常鰻魚口感，唔係出邊食落口有骨個隻，算中上水平😬牛肉就真係偏小🥹味道適中～鯖魚大大條都幾抵食，味道偏鹹但魚肉幾滑～總括嚟講，喺旺角想平平啲食個快飯，佢係一個好好嘅選擇👍🏼唔算超好食但呢個價錢黎講，可以接受😬♿️♿️旺角A出口有lift，餐廳門口有斜路，店內通道闊落，推介！✅✅…查看更多

我地有日想去海邊飲下酒食小小野吹水🍺諗起呢間我地之前去過嘅將軍澳海傍串燒店，今次再去，串燒水準依舊呀😍佢會有個heat住嘅爐仔俾你啲串燒keep warm，好貼心💕❣️必叫！🍢大漠烤羊肉串 ($48/5串）羊肉唔會燒到好嚡，小小臊唔會太過份，連女朋友都接受到😬孜然粉味超香😍🍢烤牛舌 ($28/2串）爽口又唔會韌，好香，我地最後encore左🤭🍢Q彈豬頸肉 ($46/6串）豬頸肉就好印象深刻🤩因為男朋友對豬頸肉有個情意結，見到一定會叫🤣呢樣會比到驚喜大家，調味料岩岩好唔會太濃味，好鬆軟，仲食到好香嘅炭燒味，信我必叫呀🥳🦪蒜蓉烤生蠔 ($38/1隻)蒜蓉味好香，蠔都夠新鮮，鮮甜又滑🥰🦪蒜蓉烤蟶子 ($46/1隻）烤蟶子就之前黎都食過，水準無變，一樣咁鮮🥰🍢烤雞腎 ($28/2串）呢個都有驚喜！因為雞腎會容易燒得好乾，點知呢到唔會，仲有小小脆☺️🦑Q彈大魷魚 ($45/1串）調味料適中，唔會太濃😊🍢烤雞肉 ($28/2串）燒得岩岩好外脆內軟🤩❣️爭少少🤏🍞奶油烤小饅頭 ($26/2個）小饅頭黎到非常可愛，細細粒，仲有一碟芝麻一碟煉奶🍼但佢比起食開炸饅頭無咁香脆，比較乾小小🤏🧀黑松露芝士撈丁 ($58)上碟嘅時候忍唔住驚歎🤩好靚仔有一大pat黑松露，仲有拉絲架，好邪惡😈可惜我地食嘅時候淥耐左小小比較淋，但味道上係好濃黑松露同芝士😍總括黎講，我地黎第二次都無失望😚環境乾淨舒適，啲串燒真係好好食，配啤酒好享受🤩想吹下水飲下酒，或者想食下宵夜嘅，大推😍…查看更多