唔知點的个人专页

見到好特別沙律buffet,就book位一家人去食只開一至5,六,日同埋公眾假期冇得食既,時間係12點-2點半環境同埋坐位都好舒服,唔迫,服務都唔錯12點就入去,可能係平日,初時好少人,但最後成場有一半人到啦我地坐左一陣就可拎野食,沙律醬有幾種,仲有d菜,薯仔等等,都有好多款野食撈埋沙律食仲有bread,有2,3種到啦,可以自己焗,有牛油甜品: 款比較少d,有豆腐花,都好暖,有泡芙,朱古力布甸,兩款蛋糕,有1款有酒味 另外都可叫noodle,飯食,係即整,noodle都有幾種,落單佢會即時整侮人都有一杯野飲,咖啡,奶茶等等,有d特別就要加錢.整體野食都可以,佢分3種,可只食沙律就一種價錢,沙律加甜品又一種價錢,沙律加noodle加甜品又一種價錢食曬3種都係百幾蚊,我地當日食左2種,就118蚊(大概,唔知有冇記錯),打去酒店問或睇openrice都有價錢.百幾蚊食到咁既野都算可以,大家不妨一試…查看更多

星期五慶祝同事搵到轉工新,就去左呢個食肆試一試夜晚7點到去到,唔係太多人,2-3個人就食個半鐘.環境唔錯,唔大油煙味,碗,碟同埋地方都唔dirty,refill好快,收碟都唔會好慢食物都好多選擇,可以燒既肉都有好多種,魚,腸仔都有,即食都有好多選擇,有時冇曬會轉d新款,豬腳彊都有呀,哈哈.甜品都有幾種選擇,有湯,西米露,涼粉,生果等等雪糕都有幾種味道我個人覺得可以燒既肉幾好味,其它就普普通通啦,但都可以既.但153元(星期五,六,日要加10蚊)食到咁多野,我覺得值得一試…查看更多

今個同fd睇完早場,跟住去食野,經過呢間食肆,我地又未食過,就入去試試.可能時間仲早,大約早上11點幾, 得少部份人食緊野.我地選擇左卡位, 環境ok,地方唔dirty,員工ok我地叫左個二人餐(128元),有兩個湯底.食物有青口,肥牛,豆腐,丸,魚片,菜,菇,象拔蚌,烏東,魚肉.仲有兩杯野飲份量唔多,樣樣得3,4塊咁,菜最多,但d野都新鮮總括,個二人餐岩兩個人食,食物份量係少但味道都可以,同埋員工經常幫人客加水(湯底),態度都好有善,地方又唔會太迫,免加一及茶介,128元有以上既野,我個人覺得算可以,大家有興趣可試試,哈哈:)…查看更多

我地幾個人想係聖誕節食buffet,間間都唔平,最後搵到呢間比較平既buffet,6點鐘可入去,6點半拎野食,環境普通,坐位唔迫,空氣好流通,可望到樓下大堂.refill同埋收碟都好快,員工都ok.我地知道200幾蚊應該唔會食到好好既野,果然仲,食物種類同埋款式ok,有得選擇.食物: 有生蠔,蟹,蝦,鱔魚,魚生,雞肉,壽司(即整)等等,即燒食物(雞串,雞翼,栗米,牛肉等),有中,西式湯.沙律有幾種味道,仲有d蕃茄,青椒等等伴住來食有橙汁,一支支裝汽水,奶茶,咖啡.我fd話最特別就係有打邊驢同埋糖水,佢食過幾間buffet都冇糖水,打邊驢都有幾種選擇,糖水都有中,西式.甜品有,布甸,楊枝甘露,幾款蛋糕等.生果有西瓜,蜜瓜,哈蜜瓜,菠蘿總括, 食物種類唔少,講真唔係好好食,但都入到口.如果對食物要求唔高,食得飽就可以,呢度係一個唔錯既選擇相反對食物要求好高,去呢度只係浪費時間,哈哈唔洗好貴就可係聖誕氣氛下食到咁多種不同既野,真係不錯,值得一試.…查看更多