cheri_t10的个人专页

這家新店我第一次來，座位頗多，有單邊位適合獨食客。環境乾淨，裝修雅緻，坐得舒服Lunch menu 已印在餐墊上，飲品另加錢。不知晚上是否有另一個menu呢我點了經典蕃茄牛肋肉，有兩大舊牛肋肉，肉嫩多汁，份量剛剛好。最喜歡上面兩粒新鮮車厘茄，鮮甜juicy。湯底果然有濃濃茄味。tomato控表示很滿意滿足。這裡服務很好，職員有禮有笑容因為新開張，只接受現金，但我唔夠cash，哈哈哈哈哈，好瘀，唯有放低身上所有cash，出去提款再回來繳付餘下金額，幸好職員都體諒。要加一服務費Overall 我很滿意，可以再來…查看更多

Happy Friday 來這裡吃晚飯一坐下就有兩樣免費小食：兩款olives, tomato bread。同行的人都不吃olives，我可以一人獨食第一道菜是招牌的 iberico ham with crispy tomato bread，這道菜可以揀full / half portion，我們五人，所以揀了full。幸好揀了full，因為好好味，after taste 濃烈，想必是36個月，half 一定唔夠喉呢。伴碟既tomato bread （同免費小食既tomato bread一樣，即是我們食了兩次）是新鮮既tomato 配上香脆面包，同樣好味。Spanish omelette 只是簡單的薯仔和洋蔥，十分香口，真材實料。Warm spinach鮮嫩！配上蘋果、松子仁及提子乾。上面有一球basil sorbet，非常清新！蟹肉份量多！底層有青蘋果，整體很fresh !!Red prawn煎得剛剛好，新鮮爽口，伴碟既燒甜椒很甜，墨魚汁薄脆有驚喜，薯仔忌廉汁好味。來到這裡怎能不吃乳豬，本是一客四件，但我們一行五人，所以就加$多要一件。豬皮香脆，豬肉嫩滑。底層的蕃茄薯餅比乳豬更有驚喜！但每件份量很少，不夠喉！Paellq 份量大得絕對夠5人食用！海鮮新鮮，但嫌飯太濃味。Go Spanish 食Churros 是常識吧，但我們覺得非常一般，反而自家製vanilla Ice cream好滑好好味，但溶得太快！3個甜品中這個最好，warm apple tart 配上拖肥汁和vanilla ice cream ，一流！黃色那條有些少似鳳仙（但我覺得鳳仙好味好多！）Overall 所有咸點都好好味同值得encore !好期待再黎！！甜品就麻麻地。服務同環境都好好。值得推薦…查看更多

因為早收工，黎到只係5點幾，可以直接拎pager，等一個鐘就有位。但請留意，離開超過15米，pager 就接收不到的！咁點樣行住街等位呢？！面包是免費和微暖的，黑麥面包好好食！少少甜，外胞內軟，令人停不了口。法包則一般。點了signature drink: lemonade 。好大杯好fresh! 仲飲到檸檬肉。邊吃肥膩的食物邊飲lemonade是最好不過。點了最受歡迎的菜式：chicken Madeira。食完明白點解最受歡迎，嫩滑既雞肉上舖上melted cheese，potato mash 是真材實料，這道菜式冇得挑剔！一定會encore ！份量夠2-4人食。 Mac and cheese ball 好多人推介，我不多說了。拳頭般大，一人食一粒夠晒皮。Salted caramel cheesecake 是焦糖控必點的！！！面頭的caramel sauce令人好滿足呀！！！…查看更多

陳生又開新店，今次地點比之前4間更隔涉，附近環境好靜！我地六點就去到，店內只有小貓三四隻。這店主打鰹魚，所以湯也是鰹魚！好清好清，絕不油膩，冇味精，不愛出外飲湯的我都飲了大半碗！最適合女生的了。兩片豬肉很嫩滑，但較薄，男生會不夠吃呢。蛋是水準之作！面質很有咬口。Overall 我很滿意，是我暫時在港吃過最高質的拉麵！！！店內有鰹魚絲等出售，大家可以買回家慢慢品嚐呀除了西9商場果間之外，陳生其餘食店我都幫襯過，依間最正！值得encore !!!…查看更多

晚飯過來這吃個甜品，上一次光顧時仍是在佐敦的舊店，那次吃完念念不忘，今次重臨，滿心期待及歡喜！先吃綠茶旦卷，海綿蛋糕很濕潤鬆軟，可惜cream 已沒當年的輕盈幼滑口感了。一人一杯parfait！上次食過，好好味所以今次再點！最頂既餅乾好脆！雪糕綠茶味不濃，亦不夠滑，不過不失。綠茶mochi不單冇綠茶味，口感好粉！好難食！！custard cream 好鞋，綠茶jelly冇綠茶味，亦不滑，幸好唔難食......白色的疑似溶掉的牛奶味雪糕，味道好人工！然後有一層濕透的海綿蛋糕。最好吃是底層的栗米片。因為太太太難食，所以大家都食剩了⋯⋯⋯估不到搬到這裡後水準倒退這麼多，很失望！！！…查看更多

自從上年朋友帶我黎之後我就念念不忘了，本人少黎cwb，所以每次黎都好想食eat it italy。 點了一jug lemonade $90 兩份飲，分到6杯！睇住佢用新鮮檸檬榨出來，好fresh好好味！下次會encore！可以加soda，不過問左西人廚師意見，佢recommend 唔加，我聽左佢意見。 點了兩件Bismark，$48一件，原來會自動波幫你一開四。批底好脆，好多tomato sauce 及芝士，非常足料！旦是溏心的，我好喜歡。每次黎到一定叫Parma ham X cheese，今次揀左 burrata 加車厘茄，唔好睇佢咁大片脂肪，入口即溶，冇筋的！burrata 好creamy，正！$168mixed seafood 寬條麵$148，蜆一般，蝦同魷魚爽口，我好喜歡這裡的意粉，因為有咬口又掛汁。樓下有食家話意粉成餅野咁，其實homemade pasta 通常都好掛汁，凍左好容易成餅野，所以我每次都會第一時間清左意粉先。唔鐘意既話我建議你食機器製造既意粉。Banoffee $45，朋友話好飽只食一口甜品，點知佢食完一啖後話好好味，最後佢食左一半，哈哈。香蕉夠晒熟，食banoffee既話香蕉唔夠熟會好掃興。我最喜歡香蕉同餅底之間既caramel sauce, yummy !…查看更多

我地冇book，6:15去到，唔洗十分鐘就入得。首先去立食區，唔洗等，有專人帶位，不過枱面好dirty，好多豉油漬，冇人清潔既，我地自己轉枱。枱下有位比大家放袋，幾貼心。 我地三個人，些牙左set c and set f，和牛冇咩牛味，入口唔溶，有筋。赤身鮮甜，仲好食過中toro。 三文魚籽正路，海膽有少少腥，朋友話scallop好食。北海道海膽$65，好貴，同埋好腥囉！！！！！！唯一優點係份量足。但我寧願少但肥美鮮甜。因為立食既關係，食完即走，去海鮮don區進發。（食完sushi唔敢對don區抱期望）因為七點幾，所以有人龍了，旁邊串燒區同樣有人龍。我地排第十左右，好彩等得唔耐，大約15分鐘左右就入得。依度好少少，有人抹枱，不過成地垃圾。枱底有得掛起個袋。 友人既特級山貴don我既七色北海don。salmon 既色偏橙紅，我留返一片用來做茶漬飯，半生熟反而好食過生食，今次我有scallo，果然唔錯，鮮甜同厚身。海膽應是加拿大貨，有少少腥，但一定好過之前既北海道海膽！！！初時以為是細細隻既甜蝦，估不到咁大隻，幾爽，蝦頭我留黎浸落茶漬飯度。茶漬飯既湯偏淡味，可以一試。深水埗某間既茶漬飯好食d。好彩去左立食區先，如果食海鮮don先，之後應該食唔落sushi。依度既wasabi係鮮磨貨色，我好喜歡。overall 貴但唔值，食物唔係特別出色，地點隔涉，地方DIRTY ，搵唔到返兜既原因。其實.......唔黎唔係損失。咁既standard仲要立食，唔知佢捱得幾耐。 …查看更多

友人生日，相約到此擺大壽。上網book枱方便快捷，飯局當日會收到 電話。餐廳不大，約有20張枱。我地由7點坐到10點，連埋我地都係得6枱生意，慘。先黎咖啡溏心燻蛋。吃過很多間餐廳的燻蛋，都是沒煙燻味的，所以這家讓我很驚喜！咖啡味不濃，不愛咖啡的人都可以食呀。蛋黃味道濃郁，溏心效果出色！唔點淮鹽都夠晒味。食半隻唔夠喉呀，未埋單已經想encore 了！很多蝦菜式都好吸引，我們點了芝士蝦球伊面，大蝦非常爽脆！好正！芝士伊面比一般中式酒樓出色，芝味濃郁。好想再黎試其他蝦類菜式！牛肝菌汁牛柳是全晚最差的一道菜，牛柳很「un」，而且吃不到牛肝菌味。出名既京果陳醋咕嚕肉醬汁濃郁，咕嚕肉外層裡面半肥瘦，必點！蟹肉芙蓉燴明珠健康清淡，食完上面濃味既菜式，再食這個感覺很清新。銀湖西施我比喜歡蒸蛋白的部分，很滑溜。上面是蝦肉炒蛋白。薑蔥cha 燒撈粗面，這道菜的精髓是薑蔥，但偏偏薑蔥很少，我很失望。紫薯金沙球即叫即炸，紫薯味不突出，我大愛肥死人既金沙！綠茶芒果糯米糍，外皮冇綠茶味，亦不夠煙un，芒果夠甜。六個人埋單14xx。再試依度既點心呀…查看更多

我幫襯過既餐廳中，我最喜歡sabatini既環境，很優雅悠閒，像身處外國一樣。比起其他高級餐廳金碧輝煌既裝潢，這裡顯得更有品味！得知Sabatin也出了tea set，便立即相約好友。$588+1，包一杯香檳或橙汁，可由3:15坐到5:30。可能是新推出吧，入座率只有約4成，不過咁樣仲好，因為人多=嘈吵。香檳和橙汁我不多說，是正常的味道吧。先送上來的是Parma ham，不會太咸，哈蜜瓜清甜，olives也夠juicy，不錯的opening。上層最出色是和牛burger ，有牛味亦夠juicy，香草面包鬆軟，細細個唔夠喉呀！tomato 無比鮮甜多汁，下面既芝士脆脆偏咸，所以佢既意思係要一齊食，但我prefer分開食，因為芝士既咸味會蓋過蕃茄既鮮甜味。原以為很普通的salmon mango 盒，兩樣食材都新鮮，混在一起吃，誰也搶不了誰的風頭。中層最出色是紅蝦多士，脆而不膩。scone賣相較差，又矮又細件。原味難食，提子味好很多，食完唔會痴牙。另一樣是芝士多士，不過冇芝士味。依個時候已經好飽。。。Sabatini 既tiramisu同 Saint honore 不嬲都出名，唔多介紹。雖然飽飽地，但好食到想食多幾件！！Napoleon放了一段時間仍鬆脆。 panna cotta 香滑但沒驚喜。最後仲有affogato，vanilla ice cream +coffee wine + almond wine+杏仁脆脆，雪糕好香vanilla 味，略嫌細球唔夠喉，配上濃郁既coffee wine& almond wine ，完美既ending !!!食過咁多afternoon tea，最出色一定係依個！亦只有這個才令我有encore 既衝動！…查看更多

因為在附近返工，可以放工時黎食而不用排長龍。以為六點幾冇咩人，原來堂食都有三個人，等外賣有5個左右，果然大熱。我養生堂食點了熱薑汁芋圓，$25，即叫即煮 上台時嚇了一跳，因為蛋花很醜:(芋圓同地瓜圓都較淋，同事亦認同，芋圓幾乎吃不出芋頭味，地瓜則好少少。反而小丸子最「煙un」，但份量最少唔會encore。…查看更多

貓之眼我想食好耐，因為我喜歡蛋包飯，但很少有機會去wanchai，今次終於有機會！所以見到人龍有約十人我照等！ 我點了茄牛+咖哩豬。有3件牛腩，不過全都很"un"。免治豬肉份量少得可憐，少到數得出來，加埋都冇半件牛咁多。所以我是食飯飽，唔係食肉飽。兩個醬汁都很一般般，可幸的是吃完不口乾！主角蛋呢，是很滑，有蛋味。但overall 不值得排隊，更不值$78。試了友人的漢堡扒，黑椒味很重，我們都很失望。唔明點解咁多好評…查看更多

做yoga 前食午餐，不能太飽，但又不能不夠飽，很矛盾。未夠12點已8成滿，點了veggie all day breakfast，$108，面包烘得太脆，得個脆字。牛油果烤過的，我覺得就咁食好味過烤。炒旦幾滑，但不夠旦味。mushroom很 juicy。其餘食物質素正路。$108.....但份量很少。我不明白為什麼veggie 和non veggie all day breakfast 同價。如果想飽肚，請不要點這個。…查看更多

$50大元既truffle twist ice cream $50 挺貴，要不是加入了黑松露，我應該不會試。雪糕質地香滑，松露味十足！猶其是白色那邊，清楚見到一點點的松露。黑色那邊因為是朱古力，所以搶了一點點松露的風頭。想不到松露加入甜品是如此配合食完吐出來的氣仍有松露味，好似食榴櫣咁，好正呀！…查看更多

平日晚上八點幾去，不用等位。點了什菜沙拉，有罐頭粟米、罐頭菠蘿、tomato、生菜等，味道很「正路」，沒驚喜也沒失望。芝士煙肉年糕。煙肉份量足，可惜芝士同年糕冇味既。蜂蜜脆片雞，醬汁沒有沾到雞上，全都在盤底！炸粉不夠薄，雞肉亦不夠滑。朋友們說他們點的7喜冇味既。侍應態度麻麻地，木口木面不願說話。附近這麼多韓國美食，做得這麼差應該快被淘汰…查看更多

短短時間已光顧過兩次。一次lunch 一次dinner 。一坐底就見到有一個女侍應是日本人，亦有些日本人客，食物質素應該有保證吧。 吉列豬柳飯lunch 頭30份可以以$50享用！豬柳挺鬆軟，炸粉薄又脆，吃到最後一件仍是脆的，但又不會覺得油膩，外脆內軟，$50絕對值回票價！！！就算用原價$68仍是抵食的！ 一人份量也有這麼這麼大碗椰菜絲，而且更可以refill，椰菜絲很爽，可配芝麻醬，但會不知不覺吃了很多芝麻醬。從來都不太喜歡味噌湯，但在這，我竟然飲得晒之餘仲想encore ! 湯不咸及很足料，紅蘿蔔白蘿蔔大蔥都是大大粒的及煲到很稔。自己磨芝麻喜歡這裡的珍珠飯另一日晚餐吃吉列豬扒$68，加$30轉set。豆腐不是百x喔，是布包豆腐，不夠滑但有豆味，欣賞上面有薑蓉。豬扒跟豬柳一樣咁出色，豬扒則有少量肥膏及比柳juicy…查看更多