超人佳亞的个人专页

好耐無食過味千，今日陪朋友去皇室堡買BB用品，買完嘢朋友話睇戲，OK去買飛，未夠鐘入場去醫肚先，去到3樓，離遠俾好大隻大口仔吸引目光，埋去睇睇，原來係味千同大口仔crossover ，但除咗精品，仲有個大口仔拉麵，望見餐牌幅相幾得意，即管入去試吓，落完單繼續同朋友傾計，5分鐘左右員工將食物送上枱，（大口仔太肉拉麵）估唔到同餐牌幅相一樣，紫菜、蛋、碗邊公仔都係大口仔，立即試一啖，湯夠熱，味道依然係以往豬骨濃湯，麵身軟硬適中，試吓太肉，入口好淋味道有少少似台灣東玻肉，但又有少少辣味，個人認為如呢個係太肉飯味道應該更好，好快食完碗麵，差不多夠鐘入場睇戲，埋單，順便問吓經理姐姐有無太肉飯，佢話遲少少𨍭新午餐將會有得供應下次要再嚟試試…查看更多

今日同姊妹去左元朗Y0H0 shopping,喺商塲無野啱食,姊妹提意行去B仔果邊搵野食，一落天橋我已被食神呢個招牌吸引住，原來係新開車仔麵，就入去試吓，坐低望吓張order紙，都幾多餸選擇，我哋一人叫咗一碗麵，湯底唔錯，幾夠味，姊妹嗰碗加咗辣汁，佢話夠香辣，講返啲餸，豬大腸炆得好淋，咖哩魷魚好入味，（太喉急，唔記得影相）之後唔夠飽，再叫咗碟浄牛腩，呢個最驚喜，又夠淋又夠味，都值80分，唯一美中不足係杯涷奶茶唔夠茶味…查看更多

好耐無嚟過呢到,主要因為水準一般,但最近喺屋企信箱收到佢哋嘅傳單,望一望無郵chop,估計應該係親自派發,見佢哋咁有誠意,今晚就俾多次機會佢哋7點鐘去到,見到門口排晒隊,原來等7:30(呢到出咗新menu,星期一至五18:00及星期六,日19:30後特價小菜$18-$28),之前喺傳單都見到,但估唔到今日父親節都有入到去侍應送上menu,咦?點解有羽壽司menu嘅?問一問佢哋原來同集團嘅,而且六月起可以兩邊都食到對方食品,唔錯喎叫咗幾款小菜:越式炒蜆:唔會好辣,配上越式香料,感覺好有越南風味甜酸雞煲:雞好滑,而且外層炸粉超薄,味道酸甜適中,一流酸辣牛栢葉:味道同泰式鳳爪差唔多,但換上牛栢葉,都幾特別酒煮蘿蔔牛尾:一向唔食牛尾,因為大部份西餐廳嘅紅酒燴牛尾都做得好差,但呢個就唔同啦,不但炆得夠淋,亦無牛尾嘅酥味,配蘿蔔清清地,幾好味紅燒烏頭魚,無乜特別,但都算ok埋單連2枝beer都係$200左右,咁嘅價錢有咁嘅水準,下次一定再嚟…查看更多

約咗朋友補祝生日,諗唔到食乜,朋友話呢到啲嘢幾好食,試吓啦,唉............:(有一蚊雞promote,試吓先,隻雞又乾又柴皮:(唔知咩雀巢豆腐,本來都ok嘅,點知我食食吓,口入面有條咬唔開嘅嘢,吐出嚟睇,嘩,有無搞錯呀,(因為唔方便喺呢到講,但保証任何人見到都會發爛渣嘅嘢)揾個店員理論,佢答(唔好意思,多謝你嘅意見,一陣送返啲糖水俾你哋啦)我聽到即刻用粗口回應佢,佢只係攞走嗰樣嘢,唔識叫經理過嚟解話算,繼續食嘢魚香茄子煲:等咗20分鐘,嚟啦,一打開蓋,望一望張電腦單,落錯個魚腩茄子煲,叫佢換過啦,10分鐘左右再嚟,一埋枱完全聞唔到咸魚味,食落仲有味:(椒鹽墨魚SO:呢個都正常咕嚕肉:甜酸味都唔夠:(古法蒸多寶魚:等咗一個鐘頭三個字,追咗三次終於嚟,我估佢應該去咗銅鑼灣海皮釣呢條魚返嚟,不過食落都算幾好味,都無理由等個幾鐘啩?精彩時刻到啦,食食吓有UFO(烏蠅)飛過,仲要喺我哋啲嘢食墜機,呢次揾個經理投訴啦,佢答我一陣送返啲糖水俾你哋啦,我呢一刻爆啦,答返佢(唔使客氣啦,我驚中毒呀)咁大間公司,今時今日仲有呢啲問題出現,都唔明佢點解咁旺,唔通香港人真係唔識食??????…查看更多

近呢幾個月,見到各間麥當勞分店紛紛裝修,因要配合公司策略,全部單即嚟即做,不過最近幫襯過MegaBox同埋呢間分店,就有啲不滿,話說呢兩間鋪個門口同收銀買飛位置距離太近,搞到等嘢食嘅人頂住晒個門口,阻住其他人買嘢,而且麥當勞之所以成功,除價錢平外,絕大原因是因為平靚正快,最受趕返工返學嘅人歡迎,而家咁樣,即係叫嗰啲人唔使幫襯啦,而且本人絕對唔覺真係好食啲…查看更多

呢間嘢開咗咁耐,一直都好想試吓,但次次都鬼咁多人排隊,足之等到今日見到門口無人,梗係要試吓啦,點知.............油甘魚壽司海膽壽司火炙三文魚壽司和牛壽司吞拿魚腩壽司鱆紅魚壽司三文魚籽壽司芒果三文魚卷雞軟骨清酒煮蜆軟殼蟹手卷整體嚟講,壽司及剌身味道都一般,而且壽司太細粒,手卷又無配料且淋,熟食就OK,特別係清酒煮蜆,幾鮮甜,不過熟食選擇太少,唔夠飽,想叫多啲嘢,但又唔知食乜,算啦埋單,等收條嘅時候,侍應埋嚟執枱,唔小心倒瀉豉油落我條褲到,點知佢SORRY都無句就行咗去,隔離枱另一個執緊枱嘅侍應見到只係發呆,連紙巾都唔識攞俾我,個經理喺門口隔住玻璃見到又唔理,唉............有排都唔使去…查看更多

試過灣仔間分店好好食,呢到做放題,一於試,質素普通,但服務一般,先點刺身,都幾新鮮,到壽司,款色極少,而且出品好慢,成半個鐘先有得食,耐唔緊要,但一D都唔好食,D飯淡而無味,又唔甜又唔酸,到熟食,可能俾D壽司影響,無晒食慾,淨係個鯖魚同雞翼叫OK,但又係等好耐,等到無晒胃口,算埋單,都要等10分鐘,成個場五成客都無,離晒譜…查看更多

早兩晚同朋友去呢間(活)食飯,朋友話好食,所以唻試,.............點知.......唉!又中計三文魚湯,第一啖幾好味,有魚味,但越飲越咸燒鯖魚,OK,應是全餐最好味三文魚壽司,塊三文魚爛都照出,有無搞錯?????油甘魚壽司,唔夠新鮮,可能因為無咩人叫鱆紅魚刺身,OK啦鵝肝壽司,OK雞翼,都幾好味另外叫好多壽司,但壽司飯一夾就散而且服務真係差,既然要人客剔Order紙,然後入電腦,但出品全部用顏色碟,(包括熟食)所以D熟食好細碟,而且食完無人收碟,留返埋單數色碟,(咁點解用電腦入單?)如果食物沽清又無人通知,要你追單至同你講,成個場60-70坐位,但經理連侍應都係得3個人,點做?食物更好都無用啦,無Service又何來有客呢?…查看更多

上次去過尖沙咀吉列,一直念念不忘,聽朋友講呢間仲好食,而且晚晚都排長龍,一於試返次,軟殼蟹,好多蟹肉,正吉列蝦,蠔,朱扒,朱柳,OK麵豉湯,好飲西瓜汁,好新鮮,不過唔夠凍總括而言,都算好食,但以朱柳比,就差過尖沙咀分店(呢到整到好漏),而且服務都差少少,尖沙咀D侍應好主動介紹食物,呢到就.............都OKo既…查看更多

14/4,放假約埋朋友出唻食飯,想食日本菜,諗唔到食乜,決定食放題,7:30左右到達,一去到立刻睇ORDER紙有咩食,唔對路,少左好多選擇,照食啦,壽司剌身Keep到一年前水準(唔太好食,但都唔係好差)到和食啦,燒雞翼及羊扒,好食,其他就把鬼,牛油炒什菌,大量金菇,無乜牛油味,蟹粥,普通,除咗用曰本米,成個粥同中式嗰啲差唔多,甜薯及南瓜天婦籮,啲粉好厚,日式炸豆腐,OK,八爪魚小丸子,仲衰過街邊整定嗰啲,蚧籽沙律,好多菜,無乜蚧籽,綠茶,無味,吉列生蠔,好大隻(啲炸粉)蠔都唔知有無半隻,好快過左個半鐘,收銀姐姐衝埋唻同我朋友講LastOrder,我朋友話等一等因為有一個出咗門口食煙,個收銀姐姐好唔耐煩咁講要快,因任食有限時兩個鐘,呢個時候食煙朋友返入唻,收銀姐姐再好唔耐煩咁講LastOrder,朋友就話唔須要,收銀姐姐砰砰碰碰咁收晒ORDER紙,連支筆都收埋,(使唔使呀)跟住上甜品,4杯雪糕上枱,朋友問咩味,就叫個Waitress問,對話內容如下,(我哋:呢4個咩味?W:甜品囉!我哋:咁即係咩味?W:雪糕囉!我哋:咁究竟係咩味?W:得一隻味!無得揀!我哋:我夠知得一隻味啦,咁即係乜味呀?!W:豆腐)嘩有無犒錯?一早你答我豆腐咪得囉,埋單走,老細及員工究竟知唔知做緊日本餐呢?點解可以咁無禮貌?茶餐廳啲服務都好過佢…查看更多

18/3,難得今日收早,落銅鑼灣逛街,行到九點幾,想去X田食放題,點知門口條友同我講十點半LAST ORDER,一個鐘都唔夠,走,出返謝斐道,諗住去北X道,經過呢間羽,見到門口仲有人排隊,諗住一係好好食,一係有優惠,一於試一次,叫好多壽司及一客燒羊架鱆紅魚壽司K希靈魚籽壽司:一般馬刀貝壽司:差,唔爽劍魚壽司:正常鯨龍壽司:正油甘魚壽司K皇帝蟹柳壽司:普通,好似擺好多日池魚王壽司:麻麻,無乜魚味另外三文魚籽同芥辣八爪魚壽司都OK燒羊架:又唔知點解要落蜜糖燒本人之所以話差,係因為D壽司飯,一夾即散,芥辣又唔辣,豉油仲好笑,甜到不得了,綠茶無味,兩個人食,埋單四百二十幾,無下次…查看更多

呢間店開張近三個月,今日終於有時間試,一入門口,見到壽司吧有條五顏六色光管,感覺幾特別,望一望餐牌,有六款刺身特價($20五片),叫齊六款再加幾款和食同壽司串燒雞翼:味道一般,過咸:(燒羊鞍:無乜羊味,而且唔明點解要加咁多蜜糖落去燒雞軟骨:都叫正常:)甜薯天婦蘿:麻麻熟食令我覺得同區做放題間X田都好過佢六款刺身:(三文魚,鱆魟魚,油甘魚,劍魚,立魚,甜蝦)唔太新鮮而且刀工唔夠,有魚骨吞拿魚腩壽司K和牛壽司:普通:(秋刀魚壽司:刀法如神,仲薄過張紙軟殼蟹手卷:無乜料,D飯仲熱壽司同剌身質素認真麻麻,全單五百零幾,早知去MEGABOX間X門食半價壽司都好食過佢…查看更多

28/2,因要到澳門工幹,大早唻到信德中心,未夠鐘上船,去呢間茶軒食早餐,叫沙爹牛肉麵,凍奶茶,等20分鐘未有得食,叫個侍應幫我催單,再等5分鐘都未有得食,叫個經理幫我再追,點知佢走埋去窗口同廚房講xx號客人肚餓,跟住見佢送碗麵過唻,望落無咩問題照食啦,嘩,D麵淋到唔知似乜,塊多士仲要凍冰冰,有無搞錯?費事煩埋單走人,仲記得幾個月前暑假,同D仔女過澳門,又係唻呢到食早餐,個場坐滿人,食物都好快到,就算追單個經理都好有禮貌而且好盡力咁協助客人,今次換左人即時變成咁,唔怪得而家無客啦,寧願上船食杯麵好過…查看更多

1/3與女友到Megabox睇戲及溜冰後於商場Shopping,行到夜晚諗住食飯,途經10樓呢間鳴門,諗起上次於九龍灣另一間鳴門幾好食,諗住呢間都唔太差,決定入去試試,一去到門口,個侍應同我講9點後入座壽司半價,當時8點半,但實在太肚餓,照入,一入門口,全場大叫歡迎(日文):)坐低叫食物,點了燒鯖魚,串揚拼盤,日式牛肉窩及幾客三文魚壽司,除牛肉窩無乜特別,其餘都是水準之上,到8點55左右,已見大量人潮於門口排隊等半價,到9點正,員工忙於安排客人入座,嘩,全場坐滿,侍應忙完後,經理亦無忽略舊有客人,將半價壽司紙送到9點前入座之客人:),仲記得上次去xx壽司,又係半價,但不可提早入座,如要提早入座便不能享有半價:(,既然經理咁識做,梗要捧場啦,叫多十幾款壽司,可能因為太多人同時落單,所以食物比較慢,20分鐘左右侍應將壽司送上,咦,鴨胸壽司,我無叫呀,望一望張單,完來自己寫錯,女友話自己寫錯硬食啦,諗住照食,見到個西裝友貌似經理經過,諗住搏一搏同佢講有無得換,佢立即幫我改單,咁好服務,下次約埋多D朋友再唻捧場…查看更多