wewe12345的个人专页

今日假期同屋企人去西貢行山郊遊，行完之後梗係去返附近嘅海鮮檔食吓海鮮啦，食完海鮮之後大家都好有興趣嚟到西貢一定要試吓當地好出名嘅甜品，其實滿記我都食咗好多次，但係西貢嘅滿記真係未食過，我叫咗個杏仁蛋白食，因為我始終都鍾意食啲養顏嘅甜品，碗杏仁蛋白一到，已經聞到陣陣嘅杏仁香味😋聞落已經覺得好養顏養生嘅感覺，蛋白好嫩滑杏仁又好香，佢又唔會話太甜，因為出邊有啲杏仁蛋白會過甜，呢個甜度啱啱好，最緊要啲杏仁配蛋白真係好正，好味道難以形容，可能我本人鍾意食杏仁嘅食物再加蛋白簡直係絕配👍🏼…查看更多

有朋友話如果食燒鵝，唔使入深井，其實九龍有間食店都好好食，就係棋子燒鵝，平時經過都無行入去，覺得係普通燒臘店，經朋友介紹今日就入咗去試吓佢嘅燒鵝，見今日有啲肚餓就叫咗個燒鵝飯食，碗飯一到就已經覺得佢應該味道唔錯，如果你問我我覺得真係好食過好多燒鵝店，皮脆肉滑又夠香😋其實好食嘅燒鵝，真係唔係好多間….呢一間算係我覺得平民價又好食嘅燒鵝，下次如果有機會要試埋佢啲肥叉，因為肥叉都係我第二樣鍾意食嘅嘢！之後我仲打包咗盒外賣返屋企，俾屋企人試吓先！😁…查看更多