LoveFoodMan的个人专页

佢個門面裝修同餐牌係抄咗另一間有名嘅茶餐廳。但呢間翻版茶餐廳出品就係差CP值低。食物差都唔緊要 , 但係用餐時間只係得30分鐘, 未計啲夥計要時間送餐過嚟。當你食到30分鐘就有個肥仔店員行過嚟溫馨提示你用餐時間已經夠, 心諗乜野用餐時間!! 仲要係只係食咗30分鐘!!原來佢喺個門口並沒有標示話用餐時間30分鐘，你要入到去坐喺度先至睇到佢有一張細細張嘅”溫馨提示”. 伏到冇朋友。見到好多朋友原來都食到一肚氣, 原來真有其事. …查看更多

如果純粹打個卡還是可以的. 不過其實造型都係冇乜特別 其他類似嘅cafe應該有好多選擇。食物方面索價甚高all day breakfast $148, 有個炒蛋, 肉丸, 最搞笑係有個細細碗滷肉飯, 講真全部都係平價貨, 份量仲要好少, 感覺老闆都係一個孤寒嘅人, 佢個炒蛋只係比麥當勞早餐個蛋質素好少少, taste like artificial egg power另外滷肉飯小食拼盤同樣難食, 劏你$128. 一間Cafe嘢食唔好食都算, 但係連杯咖啡都同樣難飲咁先大鑊試咗杯脆焦糖卡布奇洛, 佢犀利嘅地方係完全冇咖啡味架唔鍾意飲咖啡嘅朋友可以試吓同埋佢個所謂脆焦糖面係完全凝固唔到, 只係一層糖喺面度浮吓浮吓, 等咗5分鐘都凝固唔到。試問一杯熱嘅咖啡有乜可能做到上面嘅焦糖面凝固, 有少少科學常識嘅人都應該會有呢個黑人問號好少寫咁長, 不過呢間Cafe實在係貴價劣食經典! 希望多啲人寫啲真實食評! …查看更多

見到咁多人對呢間餐廳讚不絕口 就諗住去試吓。裝修外觀都有少少驚喜 見佢個餐牌設計都幾有特色 叫咗一個意粉, 另外加多一個Pizza。食物方面都算唔錯。但係杯嘢飲...就十分出事滿懷希望叫咗一杯朱古力Latte, 一飲就知瀨晒嘢, 成口都係朱古力”渣”講真去茶餐廳飲杯朱古力都好飲過佢 但係呢杯嘢要收$48再加一, 真係想叫佢俾返錢我連沖一杯朱古力都可以咁求其, 乜攪勻d朱古力真係咁困難?! 同埋侍應嘅態度都唔係好。又係一間失望而回嘅餐廳Ps 食完返到屋企肚痛 唔知同食物定係飲品有冇關係。同埋, 我係真金白銀俾錢食呢餐飯.你見到嗰啲”星塵”, 全部都係未攪勻嘅朱古力”渣”…查看更多

下午茶時段叫咗個牛肉炒烏冬 等咗冇耐就有得食。食物出品熱辣辣 送上枱面仲有煙出 冰凍檸檬茶都係加兩蚊好難得新年期間仲有下午茶時段 新年期間並無加價實在係一間良心小店係一間可以回頭嘅餐廳…查看更多

入到去間餐廳好舊 都心知不妙 但係冇辦法其他舖頭太多人排隊 唯有硬着頭皮試吓只係叫咗啲好普通嘅嘢 魚生都冇食 個譚仔口音阿姐就係咁sell人食啲貴野 咁就梗係冇上佢當每人食左好少野都要每人$200落樓$200我諗其實有好多餐廳都可以做到啲幾好食嘅嘢比客人。但係呢間餐廳只係做到你去AEON買到一個外賣日式飯盒大概$40咁上下水準嘅頹飯。都唔係好明今時今日疫症之下呢啲咁嘅劣質餐廳都生存到, 仲要開天殺價.有人話啲業主無良, 其實好多餐廳嘅老闆都講唔上有良心, 劣質食物鮑魚價錢, 就係我對呢間餐廳嘅總評…查看更多

行過路過諗住入去試下近排成日要排長龍既龍門. 入面都幾多人, 叫咗個豬扒炒一丁, 一上枱望見就已經唔想食...個樣好似去咗啲canteen比個兩餸飯俾你咁款. 話就話係炒一丁, 不如話佢係乾爭爭撈左啲豉油嘅出前一丅。塊豬扒就腌到完全冇晒豬扒味, 其實我都唔知自己食緊既係一塊肉我希望呢一間餐廳可以用”良心”去製作食物。始終你係一間食肆, 所有人都係真金白銀用錢光顧你間餐廳, 請你唔好serve啲垃圾俾人食搵d有心人笨…查看更多

從未見過巴東牛肉係咁...口感係好似煲完湯嘅湯渣!! 係有咖喱味嘅湯渣!! 真係差到一個點真係諗唔到佢係點整 點解可以攞啲湯渣比客人食 真係唔相信呢道菜係咁整...唔知佢係邊度學返嚟...我諗求其去YouTube睇下點整都應該好食過佢只有海南雞同澱粉質食品係正常.…查看更多

經過銅鑼灣, 到咗下午茶時間, 就入去試吓呢間在OpenRice獲得高評價餐廳。叫咗一個炸魚薯條$75 , 同埋一個辣肉腸茄汁意粉$84。雖然話係下午茶 但係價錢係一般西餐廳嘅午餐價錢。間餐廳入到裏面其實裝修只係比一般茶餐廳好少少。期待的炸魚薯條嚟喇 見到之後只有失望 條炸魚比一隻手掌還要少 厚度係厚過一個$5銀少少 薄到好似張紙 薯條都係唔好食個茄汁意粉更加驚嚇 啲汁稀淋淋 我以為自己食緊湯意。碟意粉只可以用不知所謂黎形容 講真, 我未食過咁難食嘅意粉我都冇意欲影相, 只係肚餓食完就算 影咗佢碟底啲汁水。呢間所謂高評價餐廳 我係唔會再去 係冇可能會再去…查看更多

今次係慕名而來 叫左碟咖喱牛腩撈粗 麵係多 但$45一碟牛腩麵得三粒牛腩再渾入大量肥脂!!!!! 我基本比$45就係食個麵(個麵只係一般)???!!! 其實乜原來d食材係咁貴咩.....??!! 我見人地隔離碟海南雞其實都唔多靚仔, 肉質粗"鞋", 所以都唔會想去再叫黎試.間鋪已經離KT中心好遠, 熟食市場d租又唔貴, 但典解ed所謂出名既食店仲係咁無良所以奸商, 真係無分大小. 大部份好既食評...都係睇過就算. 依個拿督真唔掂…查看更多

Dinner set 要$58, 但其實凍飲要加$7, 計落其實唔平. 食物質素差左, 份量細左, 蝶炒雞河得5條雞絲 . 再叫左個蝦餅, 真係差過以前好多, 食唔到有蝦味. 這個價錢在大角咀有好多較好選擇.…查看更多

呢間餐廳係走工業風路線, 說穿了就係冇乜裝修嘅餐廳. 有啲位置係賣designer用品, 有一邊就係餐廳. 環境都算係ok, 但講到食物就認真麻麻.佢嘅價錢係一般中上餐廳價錢. 大蝦義大利麵set$148, 但隻所謂嘅大蝦, 個size同你出去食白灼蝦嘅大小差唔多, 同埋好珍貴只係得兩隻. 食羊set$168, 啲肥膏多到冇朋友, 差唔多有一半都係肥膏, 真係冇咩肉食. 同埋呢間餐廳冇咩服務, 水係要自己攞嘅, 但佢哋又收你加一喎.我諗淨係飲杯嘢都ok嘅. 再去食飯就唔會再去. …查看更多

冇見過啲牛柳粒所以係咁細粒 比一粒青豆還要細 炒飯係濕既 [見圖] 重要收你$43 如果大家唔信我講嘅說話(包括open rice審查文章嘅人員)可以去呢一間鋪頭叫一碟同樣嘅炒飯咁你就知我講嘅嘢係咪可信~ 自我審查 利益掛帥 其實有幾多篇"開飯"文章真真正正可以知道一間鋪頭嘅好與壞 有感而發~…查看更多

呢個所謂霸王雞同我想像嘅有好大出入依碟雞我個人認為應該被番蒸過無數次 雞肉已經鞋到一個點 仲要好多件雞都好多骨 雞皮厚肉質鞋 雞肉上枱係瘀黑色如果佢係一間老字號 就唔應該俾啲咁嘅人野客人食 講真普通一間燒臘舖嘅油雞都好食過佢 不知所謂的鋪頭 剩係得個名唔做得好耐其實今時今日買雪雞係好普遍 但雪雞整得好其實都好好食 其實一間咁嘅老字號點解可以經營咁耐但食物水準係咁參差 一個餐都要成＄80幾 其實係好多地方都食得到有餘 依間鋪頭我應該唔會再幫襯…查看更多

聽聞已久 今日終於有機會一試 $47一個雞髀意粉 係立食 等左10分鐘 滿心期待 終於食到隻雞肶 睇落係OK嘅 但一咬入口 成口油 係油到一個點 我覺得應該叫油浸炸肶 我見有好多非本地人慕名而來...其實好多茶餐廳既肶都好食過三多 真係唔明白典解咁多post話好食 Soooooooooo baaaaaaaaaaaaaaaaaaaaaaaaaaaaaasaaaaaaaaaaaassssaaaaaaad…查看更多

Give it a try for the first time, the spot was not easy to fine. Orders a steak which was nice and thick, unexpectedly juicy and tender. Another seafood pasta just taste like what it was nothing special about it. Service was good, with the dim candle lights on each table, quite relaxing.…查看更多