shan89的个人专页

荃灣新開左間串燒同煲仔飯既餐廳果日坐車經過見到佢新開張點知見到係open rice book位既話，4個人有4隻燒蠔送，咁我地就順便book埋位喇去到已經有位喇，我地叫左串燒同煲仔飯全部都係即刻整嘅所以要等吓，不過都唔算耐首先嚟嘅係煲仔飯熱辣辣正，真係有飯焦嫁😋跟住串燒就陸續開始上喇，嗰日食嘅扇貝超大隻啖啖肉好好味，仲有個燒鱔推介必食勁肥美好好味，仲有燒雞皮不得了呀，你估佢唔到一啲都唔油因為燒到好脆冇油🤤我哋做嗌左珍珠奶茶🤤勁似以前仙跡岩嗰啲整體來講所有嘢食都唔錯，環境都舒適招呼都OK，呢度仲可以飲啤酒，三五知己飲下酒食下串燒吹下水都唔錯😁…查看更多

喺香港台式火鍋都有好多呢間係尖沙咀海港城地下環境唔錯店裏面嘅裝修都好有台式嘅風味👍🏻首先講吓餐前小食佢嘅滷水麻辣野相當出色豬耳仔勁爽仲有牛肚同牛筋都勁入味火鍋湯底我哋叫左鴛鴦鍋一邊係麻辣一邊係白豬骨湯底火鍋料方面玫瑰花造型既牛舌正呀😋仲有一個枝仔冰都係要試下好似一支墨魚滑比個粉皮包住左咁幾得意嫁☺️仲有一個墨條牛軋外型好似黑色嘅牛軋糖所有嘢食都不過不失，價錢方面唔會係抵食始終係海港城內面同埋環境真係唔錯食物方面都係食賣相多影相打卡一流🥴…查看更多

首先講吓最抵食嘅$10/1隻生蠔真係超抵食一打都係$120雖然係$10/1隻但係都唔錯嫁淡淡嘅海水味食到生蠔嘅鮮味我地叫左打半冇一隻唔新鮮👍🏻其他熟食仲有炭燒肉眼牛扒都幾好食我哋嗌左五成熟啱啱好👏🏻另外佢嘅香辣蒜片蜆肉扁意粉每次去親我都會叫呢個意粉食真係好味😋仲有一個炭燒西班牙極黑豬，呢個係厚切豬扒平時食豬會覺得好粗，但係呢個豬啲肉係勁軟熟真心好味😋約埋三五知己飲下酒嘆吓生蠔傾吓計真係唔錯，因為嗰度地方氣氛唔錯音樂聽亦都唔會太大聲唔會阻住大家傾偈如果係OpenRice book位仲會有折扣優惠埋單嘅時候記得睇單有冇比discount你因為職員可能會忘記咗俾返discount你提番佢地就可以喇😊…查看更多

首先講一講環境氣氛一流落地大玻璃見到維港景色三五知己聚一聚環境唔錯而且店員嘅服務態度十分好每一次上菜嘅時候都會介紹餸菜名稱咁樣就唔會唔知自己食咗啲乜嘢特別推介佢嘅敲糖棒棒雞同埋花椒桂花魚味道相當唔錯，一試回味特別要提一提我哋買咗蛋糕慶祝生日亦都叫咗個紅糖糍粑做甜品點知店員好細心咁樣係個紅糖糍粑嘅甜品上面寫咗祝福嘅字句連埋個蛋糕一齊上令人覺得窩心，感謝店員嘅小驚喜另外仲有一個小甜品送整體來講菜式味道都唔錯，環境服務都唔錯價錢跟服務態度菜式味道成正比不妨一試如果真係想睇夜景不妨預先book位預訂窗邊位置…查看更多

呢間日本野係荃灣新開既，原來佢係尖沙咀分店已經開左一段時間，口碑好似唔錯所以就去試試啦，本身book左9:15pm點知去到同我地講未有位，咁我地就等下啦，大概等15-20分鐘左右，我地叫左個佢招牌海膽飯有分大同細，咁我地3個女仔叫左個細既，我建議大家食大既，海膽都好新鮮冇苦味，跟住叫左d壽司小食同串燒味道都唔錯，魚生都好新鮮由其係個活赤貝壽司牡丹蝦壽司真係好味，但係就真係對個大拖羅壽司有啲失望喇，因為佢嚟到嘅時候完全唔覺得佢係大拖羅中拖羅左右同埋唔夠厚，所有嘢食都算過得去，價錢方面都係中等價錢，荃灣比較少呢啲日式餐廳可以試試。…查看更多

呢間616火鍋店成日聽人講話唔錯第一次去食全牛既火鍋，我地仲揀咗個牛雜湯底，湯底裏面真係有牛雜喺入面湯底好濃郁牛雜都唔少幾抵食，另外做叫咗一個麻辣鍋叫咗小辣個人認為辣味啱啱好，牛肉款式好多樣樣細細碟就算小人食都唔怕食唔到好多款，我最欣賞佢嘅係滑蛋醉牛肉酒味香濃灼一陣間食好滑，真心正，其實好多款都唔錯嫁，不過多款食到自己都唔記得咗食咗啲乜嘢部位落肚😂…查看更多