quenquentinlo的个人专页

返工前諗住搵間餐廳食個早餐，路過咁啱見到海報寫住砂煲沙爹牛肉麵，見好似幾特別就入左去試。。。 入到去自己搵位坐低左，再手機落單之後就準備等食。等左20分鐘之後，開始覺得唔對路，周圍幾張枱明明遲過我到都已經食緊，有2個仲係叫左同一款食品，見狀就詢問侍應食品進度，再隔多陣眼見侍應捧住2個同款食品，但都係其他遲過我到既食客的，基於捧餐侍應同我有眼神接觸既情況下，先同我講而家整緊你個麵🙄 最後等左大半個鐘之後，終於有野食到。係等待過程我已經對餐廳無晒期望值，食物一到，果然無令我失望，成個麵完全唔入味，相信煮既時間唔多，因為就算用左砂煲，我都唔覺得食物特別熱，我用左5分鐘都唔洗就可以食完埋單走人 整體黎講，簡直浪費時間，可以唔洗再去： 食物唔係特別好食，非繁忙時間都可以漏單，第一次同侍應反映只係得到敷衍既答覆，第二次先至真係跟進下。價錢方面唔算特別平，$45得杯熱飲同個麵，同樣既價錢，係商場入面可以有更好嘅選擇…查看更多