JmeTang的个人专页

有人食群記豬手麵經過見到做緊乳鴿特價，今日收工柴娃娃專登去食，嗌咗兩隻乳鴿，一碟蒜蓉蒸扇貝，同埋一個菜。乳鴿上菜嘅時候，熱辣辣，一定係新鮮整起！食落去一啲都唔乾，有汁，都好香乳鴿味！真心有驚喜喎！酒樓姐姐服務態度唔錯，反而經理就麻麻哋。。。不過總括而言 佢嘅乳鴿一流！仲要價錢只係24個幾一隻！食到一半先記得影相～～～～其餘兩個餸菜都好食，一定會再嚟幫襯，嗌多啲小菜…查看更多

話說經過美孚肚餓，諗住搵間茶樓試吓啦，好耐冇飲茶！見到OpenRice食評幾好，一上到去好快就有位，因為兩個人。叫咗幾樣點心，第一樣係奶黃流心包，雞扎等等。。。個包一食，係熱辣辣嘅，係流心，但係可以用難食嚟形容！！！！！！！！！生存喺世上咁多年未見過奶黃係咁嘅色，黃透明色似柚子味喎！跟住見到啲所謂嘅蛋黃粒粒，一試入口。嘩！完全唔係蛋黃味，之餘嗰個”柚子醬”完全冇奶黃味，剩係得個甜，係好鬼甜。。其他點心都唔使再講咁多，價錢一啲都唔平，質素簡直大跌眼鏡。相我剩係得奶皇包，第一樣相嘅點心咁嘅樣，跟住其他點心都冇乜心情食，雞扎兩件 兩件個餡都唔一樣。。。…查看更多

收工揾野食就揀左呢間～睇其他食評講到佢好好食，又話水平超過全港九成咁，就試下囉～招牌酸菜魚 米線 小辣魚：正常偏”梅”:(酸菜：完全唔酸:(湯底：得個鹹字, 酸菜魚湯底本身就應該係酸味重同埋好惹味, 佢完全整得唔似米線：正常配菜：除咗份量好足, 味道係冇味另外嗌咗小食食，但係冇影相。本身佢啲小食全部都好貴，完全唔係小食嘅價錢。。。:(比我感覺係佢所有嘢白烚，然後倒一個唔好味嘅酸菜魚湯落去。竟然會有評論，話佢好食過全港九成嘅酸菜魚？？？好懷疑啲評價係….？賣相係好似幾好咁，但係味道完全唔得。。。只可以講$58.1個酸菜魚米線，價錢算平掛。。。…查看更多

價錢：$16.4粒味道：少少魚味口感：淋到好似霉咗咁…懷疑啱冇牙阿婆食醬油：豉油辣椒油都完全冇特別竟然會有人介紹佢？？？正常燒賣唔係應該彈牙㗎咩？？？佢係大粒嘅，大從來未食過咁”梅”嘅燒賣…查看更多

野食相冇影 因為太頹翻工會經開深井，未食過呢開見有早餐諗住試下，新屎坑～ 見到早餐餐牌其實唔算平，蛋餅40幾蚊😅 後面小食30幾蚊。。。唯有叫個麵食，咪當試下冇所謂啦～我叫咗個滷水牛𦟌 & 魚腐 烏冬 熱檸水味道先唔評價住，始終我冇影相冇證據，但係想問吓收多錢係發生咩事？原本我諗住嗌新竹米粉，服務姐姐：米粉容易發脹使唔使幫你加分湯，要加兩蚊我：咁唔使啦，我改烏冬唔該當時冇為意收咗幾多錢，後尾返到公司食先至發現收咗$45第一，外賣要加錢其實就冇乜大問題，普通茶餐廳都要收一兩蚊第二，明明話分湯先要加兩蚊，到最後我冇，點解都要加錢？第三，餐牌寫贈送嘢飲，到頭來我杯檸水又要加一蚊？我叫個$42嘅早餐，外賣總共要加多3蚊，係唔係好大問題？唔算，但係點解唔一早寫清楚？？仲要佢嘅煮食係冇寫到明兩蚊係外賣錢，直接加入食物錢，反而熱檸水就有寫要加一蚊？？？好心作為餐廳，一係就直接寫外賣要加$3，一啲寫得唔清楚一啲又寫得好清楚？如果我唔好彩同佢講分湯，即係總共一個外賣要俾多5蚊？？？:(:(再講食物味道滷水牛𦟌：白灼咁，基本滷水嘅顏色都冇唯一份量係可以接受 (有5塊 差唔多紙咁薄)魚腐：2嚿湯底：冇味 叫做有條白灼菜送(都係嗰句 我食左 冇影相冇證據 個人感受)…查看更多

份量多！二人餐288 5樣野喎(冇影到甜品)！冇加一！嗱 咩價錢咩質素，你期望高級上海野就唔會係，但佢所有野味道一定對得住呢個價錢有多！當然，絕對有改善空間1. 除左湯之外，唔夠熱～2. 松子魚唔夠脆，但係味道整得好味～得閒會想再食！…查看更多

太難食，冇影相朝早經過嗌咗個燒賣魚蛋 外加 牛肉球總共$40 本身我同個阿姐講話要細，佢比左大，都算。。。燒賣成粒勁硬勁實，諗緊係咪蒸得唔夠耐就出嚟賣？魚蛋未食過咁難食，勁粉。。。牛肉球，好特別，不嬲呢啲小食店都係買貨返嚟蒸，但係我想要連辣椒油都冇。我話要辣椒油個阿姐好似好順手咁俾我，點知一開係沙茶醬定唔知沙嗲醬嘅物體。。。重點係我全日淨係食咗呢間嘢嘅小食，個肚唔舒服咗兩日。。。頂住咁個阿姐服務態度西口西面都算，嘢食仲要咁嘅質素又唔係平。。。貼錢買難受…查看更多

話說開咗間新餐廳就到時間就過嚟試我叫咗個鹽焗雞米線，外加一個餸 豬紅，凍檸茶，加咗一包紙巾，埋單$80。份量：雞：五至六件豬紅：算多而且大粒米線：正常份量味道：老實講 雞好”梅”而且冇雞味，啲豬紅勁重胡椒味，基本上成粒好似食胡椒咁湯底偏鹹。最後我選擇辣椒油撈米線。。。唯一讚賞係個辣椒油幾好味。。。其他：環境光猛整潔，員工態度OK，餐具油笠笠總括嚟講，$80呢個質素，可以食其他份量多唔多就見仁見智，凍飲加$10，我諗算係已經貴過出邊～ …查看更多

先評論員工態度，推門入去果一刻完全冇表情….我唔知道我自己做錯嘢定咩當我以為只係一個員工嘅問題，後尾坐低由落單、查詢餐單問題、買單同埋完單走嘅時候…接觸嘅員工完全都好似唔想返工咁。價錢方面，可以接受啦。因為有優惠所以叫咗$99牛扒，同埋一個70幾蚊嘅卡邦尼意粉。牛扒份量我覺得足夠嘅，始終呢個價錢都唔可以奢求太多，但係70幾蚊嘅卡邦尼意粉就覺得份量比較少:(食物上，OK啦。牛扒叫做可以接受，始終因為我食優惠價嘅嘢，雖然佢寫到明係霜降牛，但好似冇乜牛味。。。個意粉就中規中矩，味道OK但係個汁比較”杰”身。係個賣相見得下人咁解總括嚟講如果唔係因為個優惠券就唔會去食，佢比其他西餐廳平但係有啲嘢可以做得足d，值得試一次但係我就絕對唔會再翻食…查看更多

態度差到爆！一坐底想食即蒸腸粉，大大聲話邊到咁早有呀！未整呀！(我已經唔該前唔該後)。冇咪冇囉，唔係咁樣答下話。我睇多陣餐牌，叫左個叉燒腸粉。嘩，難食到嘔，上枱果下唔記得影相，但係啲豉油同埋油浸住….個腸粉皮厚到…..唔知自己食緊咩咁！…查看更多

事前book定枱同佢地講會有好多狗，希望比偏僻啲同乾淨啲嘅位。我地去到等齊人，排隊比錢入場，燒烤場哥哥安排我地坐嘅位置非常理想！Dog friendly！！當然，大家想帶狗，請你帶好狗帶，唔好騷擾到人啦。安排幾好，員工態度都ok。呢個位已經加左分！食物方面，味道款式都好食同多款哥以選擇！有大大風扇吹住，唔怕話好焗。因為我地有狗關係，所以基本上係自成一角，要加炭，就揾人去講聲。等左一陣已經有人黎換，絕對唔會ok左然係唔記得左我地！就算我地冇叫，佢地每一段時間都會有人行個圈問有冇其他需要！呢個位絕對值得讚好！價錢合理，係果到買野飲都唔會話過份貴！唯一一樣野係希望可以加多啲燈(白燈)，個人認為比其他燒烤場暗(當然可能係我地個位係偏啲)…查看更多

生日黎慶祝入到餐廳，好有日本居酒屋嘅feel，侍應態度好好，比預約時間早左少少都比我地入(可能因為唔爆場)。happy hours 嘢飲有買一送一，坐低左叫左6樣野食，樣樣都有板有眼，咩價錢就咩質素，佢完全做到呢樣野。係唯獨個刺身算失望，除左刺身蝦係滿分之外，其他刺身就。。。好一般，連壽司郎嘅質素都比唔上。夜晚大約九點會有師傅表演燒魚，然後會請大家試食，味道都ok啦。成間野嘅氣氛都唔錯，侍應服務態度幾好，在場我見都有好多日本人黎食。總括，可以一試嘅～ 6樣野連兩杯嘢飲，total HKD 1045 加左一。都係果句，咩價錢佢就比咩質素你。小事一則 : 嗰晚我用信用卡比錢，第二日銀行打黎話我知，我張卡比人盜用左，係當晚大約12點幾嘅時間，用黎買pizza。我希望唔關餐廳事，只係想知其他食客有冇遇過同樣情況🙏 …查看更多

A4 和牛餐 / 7:30 - 9:30 PM / 500幾蚊一個人我係抱住係日本食燒肉嘅準則同期望黎評價, 先講下A4和牛嘅味道, 我覺得無牛味......sad完全比吾到我食緊和牛嘅FEEL, 本以為會入口即溶, 點知無..... 但佢嘅賣相的確係碟碟都好靚, 但入落口同樣係完全相差大。其他野食都好一般, 海鮮食左三種, 帶子, 蜆, 蠔 帶子同蠔都還好, 一食到蜆就出曬問題, 好臭.......前菜, 蔬菜類都不值一提了, 都係一般般......…查看更多

野食一般，黑糖珍珠鮮奶，完全冇鮮奶味，好似水咁樣，我諗普通一間台式飲品店都好飲過佢。p.s 要少冰佢依然變爆冰。坐位有課室風格，以為’’櫃桶’’有餐牌，點知全部都係人地用完嘅紙巾，當晚已經冇乜客，唔明點解會唔清潔。諗翻起都想嘔。個男侍應黑口黑面都算，問佢有關餐牌嘅野佢完全唔想答你，埋單果陣冇講多謝都冇乜所謂，但係佢個樣想趕你走多啲，以後唔會再黎！…查看更多

環境服務：餐具油立立，似淨係攞過水沖咁有個好似工人姐姐嘅員工，食食下野插隻手嚟中間加餐具，果下就真係覺得好冇禮貌一個落單員工就企係到無限挽電話食物：平同都叫做好食凍檸茶成杯都係冰，多到我連檸檬都篤唔到總結，如非必要我唔會再黎。…查看更多