小痴纏的個人專頁

3號風球掛左成朝... 橫風橫雨下朝早都冇啖好食... 所以夜晚天色好D冇再落雨, 就出左黎行街順便食埋個DINNER, 揀左黎食拉麵...  5點幾6點.. 仲係冇乜人, 大把卡位坐...  我地點左個三文魚壽司剌身拼盤, 一個魚生飯, 一個咖哩炸雞球拉麵, 同清酒煮蜆1) 清酒煮蜆...   濃濃既清酒湯冇因熱力而立即揮發掉酒味... 食落蜆肉亦有蜆既鮮甜味... 食得出都仲算新鮮. 以幾十蚊一客黎講, 唔錯.2) 咖哩湯炸雞球拉麵...   個湯有好濃郁既咖哩味... 忍唔住會飲幾啖.... 至於個雞球 一咬落去 硬得不得了 好似石頭咁硬....要浸落湯起碼十分鐘而咬得到... 而且冇味及肉質鞋口... 真係幾失望...麵底不硬不軟 剛剛好 OK 以6X幾蚊黎講 接受的3) 魚生飯... 魚生冇之後黎既三文魚拼盤D刺身咁新鮮... 不過不失... 飯既醋味亦唔重... 似普通白飯... 另外跟埋一個麵豉湯...   70蚊黎講 算可以接受4) 三文魚拼盤.... 有三款壽司各4件... 另外約10片刺身... 先講下刺身... 脂肪魚肉比較色澤都非常平均同靚.... 食落亦冇雪氣味...  因為本人好怕食落去又未解凍仲成陣冰味..... 另外以壽司黎講 個火灸三文魚都幾好食... 燒得唔會過太過完全熟透...  半生熟 恰到好處  以$198 蚊黎講 價錢都幾貴... 但質素好 整體黎講  2個人食左4百幾蚊 其實都幾貴... 但真係叫質素不過不失 間唔中豪一次 咁囉....…查看更多

今日本人牛一, 同事好有心 同我慶祝 食好d 黎左呢到食呢到個環境 都幾舒服 不過要早d拎位lunch set 有幾款揀, 我都係穩陣至上 揀蒜蓉汁肉眼扒 飲紅湯 - 羅宋湯個湯就真係純意大利雜菜湯 得少量鮮茄汁味 需要自行加辣椒仔調味先飲得到正常羅宋湯應該有牛肉味 但飲落好齋...... 完全冇牛肉味個蒜蓉汁食落好咸 好似即食調味料D汁咁塊肉眼扒本身冇得揀幾成熟 食落為全熟 食落去都幾乾身 同"鞋口" 食落有渣既感覺用扒刀切起上黎都幾費力, 而且咬落口 真係有排咬 先咬得散黎吞落肚....味道真係好一般茶餐廳味, 有改善空間…查看更多

今晚約左朋友去新光戲院優先場 因為冇畫位 要排隊 所以預先係附近搵地方醫定肚先朋友提議試呢間一入去 茶仔偏好少少既格局 唔算多位 但我地坐卡位 都算舒服每人一客意粉 加多個腸仔意粉同腸仔 份量比想像中多  特別係腸仔 小食冇諗過有咁多...腸仔配香辣茄蓉汁, 酸酸辣辣 非常開胃惹味意粉較為乾身, 同好重黑椒味 食落D意粉唔會太淋口  好有口感, 夠爽口兩個都食得好飽 滿足 下次會再來…查看更多

星期日， 原來灣仔好多茶仔食店都唔開，行左幾間都閂，所以就揀呢到，貪唔使等位我地兩個人 叫左 一籠小龍包， 一碟四川肉絲炒飯，同雞絲燉湯拉麵小龍包 一咬落去 肉汁溶入湯汁。好好味四川肉絲炒飯 落辣椒炒 夠香口而不辣 而且飯唔會太濕同太軟 炒得夠爽碎 唔會一舊舊最後個燉湯。真係。齋聞都feel到好香雞湯味 夠清 總括來講 好滿意…查看更多

放工約左豬豬食DINNER, 成日食黎食去都係個D 其實都幾悶咁O岩行過呢到 望一望個MENU 好似都唔錯喎 就入左去試雖然冇SET 不過價錢 唔算太貴 每一款主菜都係 7X左右仲每人都叫左一杯土耳其咖啡試叫左個雞拼羊 同串燒雞  睇MENU圖以為係跟薯菜, 但原來黎到係跟奶油飯D肉類 全部都幾好食  唔會太乾 而且聞落好特別既香料味 又好份味 (唔似之前係土耳其食當地 食咩都好蘇咁..)D奶油飯 就反而 似白飯加左少少油 冇咩特別.......總括黎講 如果食佢D烤肉 係唔錯  如果可以揀配薯菜就更好 有進步既空間下次再試…查看更多

今日想飲茶... 但Lunch兩個人去茶樓飲又怕冇位經過呢到 試一試 新式既點心店入去到 有張點心紙 但唔算太多選擇環境好細 入到去 吹住門口d 熱風... 叫左6樣點心鮮蝦腸粉 - 佢d蝦唔係新鮮蝦 咬落去 梅的 一d都唔滑 食得出唔同蝦餃d蝦蝦餃 - 蝦是滑 但個皮乾淨淨 而且好厚... 同茶樓差好遠燒賣 - 算係正常...冇得特別牛肉 - 好多馬蹄肉 牛肉好淋北菇蒸雞飯 - 雞好少... 而且d飯有少少好似未熟透...好硬...總括黎講 都幾失望.... 又一路食一路滴汗...下次未必再試... …查看更多

同朋友行街SHOPPING 到一半上大黎醫肚....一向都幾鍾意食日本咖喱 貪佢唔會有椰奶味坐低唔算太多人.... 坐位都舒服...之前經過SOGO 地庫已想試 但執左後 都唔知邊到有 坐低睇下有咩食 叫左最穩陣既豬扒佢個SET 跟埋飲品 同沙律 見隔離D人 都飲橙汁 原來呢到轉橙汁係唔使再另加錢 幾好食落個咖喱 唔辣 而且冇得揀辣 不過都重咖喱味 飯偏少 D汁太多 想食多D飯 都唔得豬扒幾脆口又唔會肉質太乾 不過不失下次諗唔到食咩 都會再試…查看更多

十幾年同學 好耐冇見, 想搵個地方食下傾下... 觀塘假日 唔知食乜好, 就揀左試呢到...上到黎攞位 都要等左一陣先有位 好在地方都坐得幾舒服.... 唔會太迫拎起MENU黎睇 選擇算多 有普通咖里飯, 亦有咖里蛋包飯, 仲有d 另類d既選擇, 例如紅酒燴牛尾飯我本人為求安全, 第一次試下水溫 就叫左個最穩陣既咖里豬扒飯  呢到既咖里都有分唔同級數 1-5級我就試下佢第5級 最辣係有幾辣另外朋友們就食唔辣價錢唔算好貴 大約60-80 一碟飯 加左少少錢 可轉餐 湯 沙律 飲品 甜品  其二另外飯類 可加可減 少飯仲會平少少  當然多飯亦要加多少少錢如果想碟飯加送 仲可以加錢配好多唔同既送 豬柳扒都有得加  好飽滿的感覺味道上 幾好味 典型日式咖里味, 份量以女性黎講 算係偏多男性就應該剛剛好或差少少總括來講係唔錯既選擇 下次再試其他主菜…查看更多