bbb_888foodie的个人专页

疫情期間都朋友相聚都唔係易事，朋友早前前外地回來，終於得閒聚一聚。之前生日飯都係呢度食，同餐廳印象好好，所以決定帶朋友再到訪little fresh😋約左朋友星期六三點，叫左一個慢煮雞胸沙律，一個fish and chips，沙律岩岩好可以中和番炸魚薯條既熱氣。另外再叫左一人一杯咖啡，好chill的weekend afternoon，最後仲叫左一個apple crumble結尾。雖然小店環境唔算大，但係服務真係100分，好細心成日留意住我地有冇飲哂水，不斷為客人加水，而且用餐時間冇特別限時，當日我地由3點坐到6點都冇問題。如果想同朋友好好地傾計，大推呢間餐廳🤩…查看更多

今晚收工相約朋友聚一聚，因為朋友住大圍，我地就揀左沙田雙方都就腳既地方。飯前飲杯咖啡後，就係新城市行吓睇吓有咩食，見到連城有一層餐廳，想食日本嘢，就黎到Tonkotsu 8 by三田製麵所。好快有得入座，我地叫咗一碗醬油拉麵🍜，鐵板炒飯，另加一個餐，有野飲可樂同小食忌廉蟹肉薯餅，另外獨立再加一款小食餃子。😋上菜速度都幾快，拉麵軟度要左適中，口感不錯，薯餅炸物亦都炸得新鮮脆口，朋友亦都滿意鐵板炒飯，份量亦多。另外職員服務態度好，價錢經濟實惠。…查看更多

今日收工去將軍澳探訪朋友新屋，上去前先醫醫肚，見到有間食炸雞又有pizza，一於就揀呢間😋坐低睇睇menu，有個二人餐，$278有餐湯沙律餐飲，小食，pizza🍕，炸雞🍗，岩哂樣樣都想試既我地 ，仲見到餐廳都有甜品menu，晚餐梗係要叫埋甜品，成餐飯先完整😋好快餐黎到，先有餐湯沙律，好creamy，沙律份量亦都多，成晚食物都偏熱氣，有沙律有菜中和番好緊要呢。🥗炸雞同pizza都陸續上碟，炸雞有四大舊，pizza味道亦唔錯，成餐都同朋友食到好飽。呢個套餐性價比好唔錯，又可以試到唔同食物😋😋…查看更多

男朋友最近返工好忙，成日要OT。見佢想食日本嘢，就喺佢公司附近，搵咗間日本菜，同佢撐枱腳。🥢😋我哋一共叫咗三個菜：豆腐沙律配胡麻醬，唐揚炸雞，同埋12道風味拼盤。沙律冷盤都算幾大碟，凍凍地食落幾消暑。佢比較多菜，可以中和返食炸雞嘅罪惡感。12道風味拼盤好特別，佢由12款矜貴食材組成，每款食材一杯，下面有壽司飯或者沙律菜。三文魚腩超級好食，佢嘅油香味好重，但食落又唔會覺得好溜，比連鎖壽司舖絕對高一班。另外蟹膏都好香，完全冇腥嘅感覺😋走嘅時候，仲見到佢午市外賣魚生飯嘅廣告，五十幾蚊就有交易，觀塘區嚟講，算係良心價啦！…查看更多

一星期終於到星期四，同朋友收工係鑽石山chill下，買下野後，要搵地方晚餐，見到有間好似日式西餐既餐廳，見甜品又幾吸引，就決定入去試下！😋餐廳都幾闊落，唔會太迫，牆上仲有好多得意既圖案，整體感覺都幾清新同舒服。今晚主要叫左兩個main，野生牛肝菌燴飯同帶子龍蝦汁手工麵，份量都多，燴飯好creamy，帶子龍蝦面亦都好吸汁，跟餐仲有湯同一杯飲品。食完main點少得黎個飯後甜品，蜜瓜窩夫，嘩比個份量surprise左，$68咁大份好難得，因為出面好多食窩夫都閒閒地都差唔多100，同埋個蜜瓜，一食不得了勁juicy!! 呢度好推介女仔黎呢度試佢地既甜品！有機會都可以食埋佢地既主食🤩…查看更多

趁住平日放假，新界牛趁平日少啲人又要出港島，決定去銅鑼灣搵食😋。諗左好耐想食咩，決定想食egg benedict，上網搵一搵有咩餐廳有得食，就黎到銅鑼灣no boundary是日兩點左右黎到，人唔算多，坐底睇睇menu有咩食先。今日target係要食egg benedict，有幾款唔同既口味選擇，最後揀左parma ham benedict。野食黎到，份量唔算大，上碟時食物溫度都好似已經攤凍左，食物一般，亦無跟飲品，總括黎講未必想再試多次啦。…查看更多

又黎到冇堂食既日子，今次係大角咀附近Staycation，夜晚就開始搵下有咩食。😋友人夜晚想食飯，見到呢間幸福海南雞，有二人餐選擇。二人餐可以揀一款主食，我地就揀左豬頸肉，有半隻海南雞，兩碗油飯，同埋兩碗湯，仲有生菜。豬頸肉就還好，口感唔算香脆，都比較淋。 海南雞就肉質都幾滑，油飯亦都幾香口，同埋二人餐份量真係超多，除左湯，仲有兩杯野飲，份量黎講係非常之抵食呢。…查看更多

是晚抓住最後禁晚市堂食前既尾巴，收工之後搵到觀塘中海日升中心地下入面一間食poke bowl 的餐廳。餐廳非常寬敞，主要係木系座位非常舒服，亦有一部大電視比客人觀看。呢間餐廳係食poke bowl，一開始可以從揀一份蛋白質開始，今次我就試左慢煮雞肉，bowl既價錢亦以視乎揀咩雞蛋白質以定，慢煮雞胸就$72。醬汁方面就揀左壽喜菇汁。主食部份可以兩溝，我就選擇左壽司飯同糙米，另外仲可以揀三款配菜，以及不同調味，好似木魚絲炸蒜芝麻等等。仲會附送一碗三文魚湯，今次仲加左5蚊要一杯凍既桂花烏龍茶，同埋加15蚊要左奶茶蛋糕，成餐飯都食到好滿足。😋總括黎講，呢間poke bowl餐廳，坐得舒服，味道亦不錯👍🏻…查看更多

Weekend 係大角咀附近玩staycation，諗住呢邊好多小店周圍試。今日lunch想食韓國菜，就搵到呢間My Ahjussi。店內環境充滿少女風格，天花板有好多花，燈光同成個氣氛都係比較浪漫💕。我地總共叫左三樣食物。餐廳仲會送一人一碗海帶湯同一啲配菜。第一樣上既食物既係韓式牛肉飯捲（$55），正正常常。第二樣食物係蒜香蜂蜜炸雞（$88 6pcs)，新鮮炸起，加埋醬汁，食落好惹味😋。第三樣食物就係黑松露薯條（$45），同樣新鮮炸起，份量都算多。👍🏻有樣想特別讚下小店，當日去到由於我地叫既食物都無跟飲品，小店提供左水，亦不厭其煩不斷加水。大家如果係叫pasta/burger/飯等食物，就會跟餐附送一杯飲品。…查看更多

中午食完飯，買杯野飲差一差電再迎接下午既工作。係觀塘區既上班族都有唔少飲品店既選擇。今日就行到裕民坊，呢個商場都開始有唔少食肆飲品店進駐。地庫一層就有間新開無耐既春芳號。叫左杯微糖走冰的葡萄柚青茶，都幾大杯，甜度亦剛好，杯上圖案亦都特別，當日杯子係印住新加坡著名地標。見店鋪亦有提供一啲輕食如吐司，亦有其他新款飲品，行過肚餓都不妨可以試下。…查看更多

今日同朋友由大埔踩單車到元朗揾食，夜晚食完晚飯仲想搵野食下，就搵到呢間豐衣足食熱狗店，搵食途中睇餐牌見佢有啲特色牛角包，一於就去會一會佢。雖然店鋪唔大，但都提供有幾個位方便大家住坐食。今次我地叫蛋牛牛角包，加套餐要左細薯條同埋可樂，埋單$57。野食新鮮整起，薯條好夠熱同脆，牛角包都唔錯呢。今次我地就冇叫熱狗呢，下次再入元朗就要試下呢。大家如果入開元朗，都可以試下呢間。…查看更多

今日終於試到呢間聽喎少人講話burger好食既餐廳，星期五下午黎到唔洗等位就可以入。😋坐底望下餐牌，菜式主要係burger，亦有兩個泰式麵既選擇，餐廳係免收加一服務費。填好要咩餐之後交比職員就可以了，今次我就揀左烤大啡菇黑松露芝士牛肉漢堡。然後我想加個甜品，見餐牌又冇寫咩甜品，問職員有咩甜品，佢地會比個甜品餐廳比客人揀。餐廳招呼都唔錯呢，職員都好有禮貌。食物黎到，burger個黑松露汁好香，另外個餐伴有沙律以羽衣甘藍為主，可以中和一下薯條同burger👍🏻食完同店員講幫忙上埋甜品，不過甜品可能雪耐左，解釋等耐少少先好食，今次就叫左開心果蛋糕。😋😋小店服招呼好，食物質素高，會再到訪的😁…查看更多

是日晚餐朋友話好耐冇食過車仔麵，於是揾下附近有咩餐廳就揾到呢間。呢間車仔面，座位有卡位，環境似乎比一般車仔面坐得舒服啲。當晚我地都叫左碗幾多餸既車仔面🤣，有蝦條，墨魚條，鳳爪，酸齋同魚腐等等，每樣好足料，亦會附送生菜。我地另外叫左碟腩汁時菜($17)，份量唔少架，蠔油請餐廳另上比我地。飲品方面，餐牌上有一項叫荷蘭谷咕，同行友人好有興趣試下係咩黎🤣，其實係濃啲既朱古力，唔會太甜。大家有興趣都可以試下。…查看更多

早兩日同朋友係新蒲崗搵食，咁岩行過見到德國熱狗x茶匠，試過唔同既熱狗店，就係未食過呢間，當然要試下。德國熱狗其中一個menu係以唔同地方名命名佢地既菜式，而中文名就有啲搞鬼特色，我地就叫左一個叫夏惠姨Hawaii。熱狗黎到，有煙肉菠蘿芝士，我地叫左套餐，包一個細薯條同一罐可樂，埋單$58。呢個價錢黎講，定價都有啲進取，因為熱狗口味唔算話好有特色，薯條份量亦唔多，雖然薯條咁岩好新鮮炸起，個包都小小脆，唔錯既。呢間德國熱狗係同茶匠一齊合作，套餐/熱狗如果想叫茶飲有優惠，飲品價格有減3蚊優惠，由於價錢唔算太吸引，因為埋單隨時七八十蚊，所以我地都係飲番可樂算。堂食方面，店舖提供少量位置方便大家即場食。總捨黎講，德國熱狗x茶匠呢間，大家經過可以一試，但唔好太大期望啦。…查看更多