Bobby Chu的个人专页

今日返咗總公司黃竹坑， 下午一條友去食晏， 發現新商場裏面 有呢間清湯腩。門口已經香噴噴。 我梗係入去食啦。入到去睇餐牌除咗傳統嘅 清湯牛腩 配粉麵米粉。 佢仲可以配飯添。（ 碗清湯腩度仲有自蘿蔔， 蘿蔔超甜）我最鍾意就係清湯腩 和牛筋 配白飯一齊食。 個人覺得 咁先至食到真真正正清湯腩嘅香味。 呢間嘢完全唔會有味精， 牛筋又啱啱好唔會太爛 又唔會太 硬。佢lunch嘅時間基本上係排長龍， 我 因為 畀佢嘅香味吸引住 ， 所以 趕時間排隊都要食。…查看更多

星期日例牌同老婆揸車週圍去。今日兜咗去大坑， 浣紗街週邊。現在嗰度開咗好多cafe， 嗰度都係 優皮一族，年青才俊， 放假 聚集 之地。我哋隨便揀咗呢一間 靚裝修之cafe .因為小弟 個胃唔舒服 醫生要我少煙少酒少濃茶少咖啡。所以去到cafe，都唔能夠飲咖啡。我兩公婆叫咗兩杯特別嘢。Yuzu Ederflower SodaWalnut Tuffle Apple Infusion2 x butter scone兩杯特飲非常用心製作，色，香，味 ，美。成杯雞尾酒咁。尤其是,Yuzu Ederflower Soda.柚子味香， 配 接骨木花茶香連梳打水。 完全帶出清香味。butter scone 也不錯，入口即溶，牛油味平均。正！有水準！就係咁樣今日同一班年青優皮過咗一個開心快樂嘅下午。立即後生晒…查看更多

芽莊 喺香港 開咗好幾間。每一間都係高朋滿座， 點解？因為我覺得 佢乾淨企理 菜式 合香港人口味。 今日我想 講講佢最多人叫嘅菜式。大部分人入嚟都係食。。。。越式牛肉河- 今次我叫咗越式牛肉牛丸河，先講講佢湯底佢湯底 偏 鹽味重， 牛肉味唔夠重。 香茅味唔夠。 我曾經喺越南食過 其他 嗰邊啲牛肉粉， 湯底一般牛肉 脂肪 以及香茅味道重， 顏色會清啲。但係如果佢哋喺香港咁做， 香港人未必buy。可能會嫌佢太油， 亦可能有人會嫌棄的香茅味重唔夠味精, 唔夠 惹味。 所以佢呢度嘅牛肉粉基本上係做到合香港口味。牛肉同牛丸都ok...除咗之外我亦都叫咗個雞絲粉。湯底都係一樣， 鹽味較重。 唔夠香茅味。雞絲都唔會太韌. 剛剛好.兩碗河粉， 師傅煮得ok， 唔會脹曬。 都幾滑， 口感不錯。我哋都叫咗個蔥油豬扒飯。豬扒 口感不錯， 但係我覺得蔥油比較勁。 我應該同佢講小蔥油。 亦都係一樣香港人鍾意食蔥油香， 我相信所以佢地落咁勁蔥油。 蘿蔔絲方面 我覺得好似酸得滯。 總括嚟講佢地嘅味道 ok可以， 味道方面 迎合 香港味道。但老實講 喺香港要做得多人鍾意 必須要加 多D香港 味道元素才能 高朋滿座生意興隆。本人覺得如果食 (各國不同的菜色)，我 比較希望 必加入該國家的 當地元素較好。_…查看更多

我不嬲都係金記嘅fans。 每逢 想食嘢只要見到有金記就一定會 幫襯.今晚去咗香港仔， 唔知食咩晚飯見到有金記， 我哋走咗入去食。標準晚餐有ABCDE....我揀咗B羅馬局龍脷柳飯老婆揀咗拍薑菜心炒牛肉.相信大家都知道 佢哋嘅 餐具喺 張枱嘅側邊櫃桶度攞.我落完單標準動作就準備攞餐具。一打開。。。。Wah請睇照片.見到隻鐵匙羹上面有塊乾咗嘅菜!!!!一睇到即唔開胃....金記喺我心目中，乾淨，企理，連鎖經營管理得非常好。真係唔知點解呢一間分店會搞成咁。好快脆我碗羅宋湯，同老婆碗中湯就到。羅宋湯-好多油 ，肥冧冧。 結果淨係撩曬啲菜出嚟食冇飲過個湯.中湯- 老婆話 冇味道好淡 好似溝咗水咁拍薑菜心炒牛肉到了， 牛肉炒得熟個頭， 一片就硬到死，一片就畀梳打粉搞到冇曬肉質。。 羅馬焗龍脷柳飯一嚟到我心諗，乜唔係焗飯？ 點解咁嘅。。 (我太天真了) 其實佢冇搞錯 ， 羅馬焗魚柳 +飯.... 龍脷柳有雪味 , 側邊啲 配菜 青到紅蘿蔔 凍凍地..總括嚟講 今日真係好失望.我覺得咁多間金記呢一間管理 有啲失水準.我不嬲都唔會畀負評...今日畀負評希望 佢將來會改進。…查看更多

星期日基本動作都係同老婆遊車河, 最近隻手扭親所以都係比老婆揸車.今次老婆 帶我去咗呢一間好特別嘅隱世cafe真係估唔到我老婆可以搵得到一間咁特別嘅Cafe. _呢間餐廳位置喺纜車站旁邊。 喺附近仲有車位泊， 有啲錶位喺 纜車 天橋底。 我相信google可以搵到正確嘅車位位置同埋入口。門口隱蔽， 一行入去條路仔有幾級樓梯， 入去嘅時間望正繁華嘅中環境。 呢間餐廳正確地址其實係一間 唐樓嘅地下。 感覺好有 英式唐樓feel..我兩公婆叫咗兩杯 茶， 蜜糖蘋果茶 蜜糖玫瑰花茶 同埋一件榛子蛋糕share添。啲茶唔錯㗎唔會用茶包求其搞畀你， 一打開你見到一粒粒乾嘅玫瑰花。 食物方面都上可以, 基本上嚟呢度係欣賞環境. 開下眼界.室內裝修非常橘子仲見到有部 玩 具纜車 車 喺個巴位上高行嚟行去非常 配合環境。鍾意坐室外嘅可以， 去室外坐下 咁就可以直接見到架 堅嘅 纜車 上上落落。 感覺好過癮。呢間cafe我覺得基本上可以擺喺 旅遊雜誌道吸引多啲外國遊客過嚟一面飲咖啡 一面欣賞獨有嘅電車 以及中環景。今次我會 嘗 试upload video, 希望upload成功啦.點解要upload video?因為一定要用video先睇得到真真正正嘅 環境呢度嘅環境冇得頂呀, 可以一路飲 咖啡或者茶, 一路欣賞獨有嘅纜車 車景。…查看更多

呢期成日要去康怡， 基本上每個禮拜都會喺康怡食唔同嘅餐廳。 今次我去咗呢一間連鎖式經營嘅上海菜。 喺門口已經見到好多師傅努力咁樣 做小籠包同埋做拉麵。 因為門口咁嘅形勢，基本上入到嚟每個人 入到嚟都必會叫呢度嘅小籠包同埋食佢嘅拉麵。上海姥姥 我唔係第一次嚟每次嚟到我都會食呢度嘅 小籠包同埋 炸豬扒拉麵 拉麵。呢度嘅小籠包， 非常新鮮由其是個皮。 真係可以叫皮薄餡正 ， 咬入去裏面有肉汁。 照片方面我冇影到 因為 基本上 大把人都會放上網。我特別要提嘅就係呢度嘅炸豬扒拉麵。呢度嘅炸豬扒， 外皮鬆化， 豬扒非常厚身 ,炸出嚟基本上係完全唔會乾. 食到骨邊完全炸得啱啱好唔 唔會有生嘅感覺.麵條方面非常煙韌 有口感. 湯底液都唔覺 太鹹啱啱好.呢期佢仲有做到 番石榴特飲買一送一. 佢嘅番石榴特飲清新 唔會太甜。 因為呢一間係連鎖店 我覺得佢哋經營得非常好. 能夠keep到個品質.…查看更多

去開康怡個頭 搞搞啲嘢 順便食個lunch , 撞啱公眾假期梗係人山人海. 見到有間新餐廳. 準備入去試一試. 去到大排長龍.醒目嘅我見到bar檯有位.我就 立即同哥仔講吧檯我都唔介意. 咁樣我就有得入去唔使排長龍.吧檯旁邊 已經好大隻毛筆字寫住[走青加底].呢間餐廳主力都係做啲懷舊菜式, 餐具再用大公雞添. 一行動埋去我就見到有 砵仔焗魚腸 . 砵仔焗鱼腸喺我嘅favorite. 但係好可惜, 我啲屋企人唔like. 而且兩個禮拜後我要 驗身, 因此 忍一忍口 希望報告好啲啲.. 只要報告好之後我就可以食乜都得所以我哋都係叫啲普通 清清地 嘢, 點心 蝦餃燒賣腸粉， 鮮蝦陽春麵， 牛筋陽春麵， 北菇蒸雞飯， 竹笙扒豆腐。食物方面蝦餃燒賣 腸粉 全部 即叫即蒸. 可能因為坐喺bar位見到 師傅換努力工作非常認真所以特別覺得新鮮好味。 竹笙扒豆腐 味道,清淡， 豆腐非常滑。陽春麵方面 就一般般啦！一路食 餐廳一路 播放 壞舊歌曲， 又陳百強又 張德蘭.... N 年代歌曲... 氣氛都ok... 我始終冇食呢啲手本名菜. example 焗魚腸， 豉油雞......所以我一定會返嚟.... I definitely will be back....1…查看更多

今日係母親節嘅大日子。我隻死仔，話要請佢母親食飯. 作為父親的我 當然可以黐餐。 我老婆（就住）佢嘅荷包，求其搵一間。我哋決定去咗太古城嘅 靠得住。 門口寫住米芝蓮推介餐廳。我都估唔到 粥粉麵飯嘅連鎖店都會有米芝蓮！先畀我介紹一下， 太興 集團上市之後， 除咗佢哋嘅手本名曲太興燒臘 亦都起咗 幾個大品牌, 敏華冰室, 茶木, 亞參雞飯, 靠得住。。。靠得住大家都知道做粥粉麵飯。佢哋對馳名嘅係 以自家魚湯粥底馳名！ 佢哋嘅粥底係用海鮮淆出個海鮮湯，再煲粥！我哋叫咗個鮮甜帶子粥佢嘅粥底果然鮮味， 但係老實講， 可能用得太多海鮮之旅嘅嘢， 我食落感覺得有少少 味精感覺。 總體味道不錯。 帶子大大隻， 唔會煮個籠。我亦都叫咗個 滑牛肉粥。 粥底基本上係一樣。 牛肉方面算係 軟硬適中。 感覺可以。我亦都叫咗一份雲吞麵， 因為我不嬲鍾意食雲吞麵。 佢上雲吞麵嘅時間係用個煲仔喺你面前放啲湯上去， 目的就話唔好浸淋啲麵。 佢嘅雲吞麵都可以， 小弟覺得佢偏鹹。我哋亦都叫咗啲小點。 混醬腸粉， 蘿蔔糕， 炸醬麵， 銀芽炒麵。混醬腸粉， 我覺得都可以，唔會有 冰過嘅感覺。蘿蔔糕就一般。銀芽炒麵， 食落好味香口， 麵質太薄， 如果麵輕輕粗少少會更加出色。炸醬麵就太鹹啦， 嗰醬太濃。總體嚟講,如果佢稱 佢自己沒用味精. 我唔係咁 相信.靠得住係連鎖店。 能夠 在管理上 做出 咁嘅 菜式 ， 都算係不錯.…查看更多

今日下午同老婆大人係太古城中心行街街睇戲拍下拖。下午有D肚仔餓。老婆話想食粥。见倒有間正斗。立即入咗食啦！老婆大人叫咗碗 肉丸粥。我就梗係叫咗我最愛又出名嘅<雲吞麵>啦。餐枱上嘅枱墊,上面寫咗有關 香港 雲吞麵嘅歷史... 上面寫 雲吞麵四大家族， 有(何家）洪記，(陳家.）釗記，(麥家)池記， ( 區家) 筷子記。 基本上四間大多数人都係香港食過。 呢四間基本上我都 成日去。因為我覺得香港嘅<雲吞麵>真係頂呱呱。 只會係香港先食得到呢種特別嘅味道。好快，我老婆碗肉卷粥已經到。粥底非常滑_.. 肉丸彈牙, 唔怕太鹹, 好香肉 味. 完全唔覺有味精. 再講雲吞麵..麵質 爽滑 鬆軟彈牙 ， 湯底香濃鮮味完全冇味精唔會過鹹！ 鮮蝦雲吞， 一咬落去感覺， 好新鮮， 香甜好食。 一食落去就不停咁食停唔到！ 我食雲吞麵有種習慣， 食到最後一定要用紅醋。 放喺匙羹度食最後一啖， 咁食法可以感受得到 一種 清新感覺。 即時 可以隨時食第二碗。 今日我冇 食第二碗， 因為雲吞麵同埋啲粥我哋兩公 當係個 下午茶. 如果 有遊客 問我香港美食 有啲乜嘢 , 我一定會介紹佢哋食 香港 呢 幾間 老字號嘅雲吞麵.佢哋嘅雲吞麵味道只有香港先食到…查看更多

今日同老婆去airside, 行下.連續幾日落雨最好就係行商場 , 行到咁上下見到有間抹茶店喎. 我同老婆梗係坐低食個TeA嘆下la.我老婆叫咗個熱宇治煎茶。呢杯嘢一般般 都香，唔怕（夾）， 但係 真係唔可以話佢非常之好飲。再配個抹茶 忌廉蛋捲 至於個抹茶 忌廉蛋捲真係有啲失望， 抹茶 蛋糕 太乾， 一放個差去已經甩咗出嚟。 我估計應該係放咗一段時間 。我就叫咗杯凍抹茶 綠茶雪糕。至於我杯凍抹茶 綠茶雪糕 ， 味道清甜， 有抹茶清香味， 杯嚟到我篤爛咗 嗰個雪糕 所以影出嚟效果麻麻地。 其實賣相都唔錯。:)呢間嘢乾淨企理， 係喺airside有間咁嘅嘢都唔錯， 但係如果叫我特登走嚟食， 我諗我未必會。下次嚟我會再試多次佢個 抹茶忌廉蛋捲，畀多次機會佢。價錢係咁上下，喺香港地 差唔多啦 .…查看更多

昨天 去黃竹坑上班， 午餐時段非常 大雨， 所以梗係買啲外賣返公司食囉。 聽啲老友講， 你一間外賣非常好吃因為無味精又有老火湯。所以當然要試一試！ 我叫咗 北菇蒸滑雞飯 ➕️ 苦瓜黃豆煲肉排北菇蒸雞飯雞件大件食落堅 唔覺味精無( 雪 )味.冬菇 比較硬,如果 淋啲啲比較好.苦瓜黃豆煲肉排盪認真好飲， 又有苦瓜， 金香可口。備註.照我所知佢哋好多老火湯, 乜嘢款式都有, 但係如果要有連湯料嘅, 只係得幾種.同事話, 如果喺呢度飲湯必須要有湯料嗰種.....有湯料嘅比較出色. 當然啦要畀多啲錢㗎....如果要吃外賣這間堅唔錯.…查看更多

因本人食嘢比較奄尖，好多嘢唔食。已想試呢間 pizza 店好耐(單車友經過食過話好好味)，睇完 menu 又係好多配料唔食。今日膽粗粗入去 order, 唔要呢樣唔要嗰樣，少D呢樣，加嗰樣。可能小店一一照單全收👍👍👍，唔似出面幾間大牌子，menu係咁就係架啦("企理一邊諗清楚再叫，一下位"，親身經歷😠)。一帶開盒，賣相ok喎， 薄批多醬少芝士燶邊。真係好味道，佢地仲提供咗幾樽自家製醬汁(忘記影相)，有另一風味，其它地方未見過。味道85分，服務態度101分，會再幫襯，仲要介紹俾單車友。…查看更多

今晚走咗 去食比利時餐！呢一間 Frites 餐廳 係比利時菜. 比利時菜梗係要有飲杯 比利時嘅 啤酒啦Leffe 我酒鬼嘅經驗呢一隻啤酒 配薯條同埋牛肉係最好味嘅！佢哋嘅牛肉算係幾香牛肉味煎得5成啱啱好！佢哋嘅牛油汁 食落同牛脂肪 融合喺口度， 再飲啖 啤酒 係人生一大樂事。呢味嘢唯一彈嘅就係 佢哋嘅薯條 好似麥記。 我覺得係薯粉搞出嚟嘅。我哋仲叫咗三文魚配暖沙律！ 三文魚算係幾香不過魚油唔夠重。 不過好少餐廳有暖沙律食。 所以好難去衡量同埋比較。我哋當然係 叫埋嘅歐洲式炆牛腩。 牛腩算炆得好冧， 佢嘅汁配薯蓉唔錯！ 非常配搭得好！ 唯一可惜就係， 今晚冇人陪我飲紅酒，如果唔係跟红酒一齊食， 簡直可以比一百分。因為新冠肺炎我好耐冇得飛， 以前一年都會飛比利時一次。 今日嚟呢度食，希望懷念下 未有新冠肺炎 嘅時刻。…查看更多

今日 星期日周圍去行街睇戲， 上午 雖然食完咗個太興但係始終行得多好快就消化咗。啱啱喺金鐘 經過見到一風堂梗係试下佢哋啲拉麵嗎。下午茶時間非常之抵。 每位平均都係82。梗係食佢嘅 特製白丸元味 ( 裏面有低溫 豬柳叉燒)但係始終覺得佢哋嘅拉麵味精太強。 食落去好人工化！ 特別要講下佢哋嘅麵質。我特登囉order打軟身麵。 食落去軟得來 都算夠彈牙！ 佢哋嘅叉燒肥瘦適中. 算係可以！不過算數啦平日食正餐呢間嘢好鬼貴。 但係下午茶(平）可以解決一切！…查看更多

今日同外母一齊去咗太興食個晏晝，去太興梗係食佢嘅招牌燒鵝啦！我叫咗個燒鵝髀飯， 姐姐問我要唔要斬，當然要斬啦！唔通揸住佢成隻食成個嘢人咁咩。佢哋嘅燒鵝 好香嘅炭燒味！. 食落又唔怕乾！不過今日嘅白飯就比較失色咗啲！有點硬！ 不過唔緊要佢嘅燒鵝髀超好味搭夠！好快趣食完唔使十五分鐘。我哋就走人，因為門口真係好多人排長龍。 老實講新冠肺炎示曰， 食完下一位算數！唔好坐喺度太耐喇。 備註一題嘅就係佢哋嘅茶水埗麻麻。 啲檸檬好似冇味咁！…查看更多