lau1891的个人专页

平時飲野唔係揀珍珠奶茶就水果茶王，呢日突然想轉下口味，點左伯爵咖啡凍奶茶試一試。點解我會揀呢杯飲品呢？因為我每次去買野飲都咁岩聽到有其他客落單買呢杯，我就一直好好奇到底伯爵茶底整出黎係咩味道呢，所以的起心肝飲一次。要讚一讚呢度店員好貼心，落單問我駛唔駛少蜜少冰，我揀左半蜜就即刻比錢。點知出左單我先醒起自己忘了叫走冰，馬上同店員講返，佢地即刻幫我處理，而且態度很友善無嫌我煩。講返飲品先，佢地杯奶茶做得好好飲，奶茶好有茶味，同埋好順喉，甜度剛好，不會飲到起晒痰。咖啡凍口感似蒟蒻，幾有咬口，同埋份量好足，啖啖都吸到咖啡凍，好抵飲。作為一個珍奶控，試過晒北區既功夫茶，覺得祥華店比其他分店好飲，每次買珍珠奶茶，拎起手都摸到暖暖的、很新鮮煮出黎的感覺，好彈牙好有黑糖味，拍得住係台灣飲既珍珠奶茶！呢個水準值得我每星期keep住幫襯！…查看更多

呢間一家要寫食評話比大家知！明太子意粉好正，好鐘意同啲紫菜一齊食，食唔停口。另外仲有個burger，揀左七成熟岩岩好，keep到個口感，不過牛肉味偏淡，反而伴菜薯餅有啲驚喜，外層超級脆，唔駛點茄汁食都好正。提一提大家一定要預約前往，因為全場滿座，出面都好多人等walk-in。…查看更多

今日下午茶食左抹茶麻糬窩夫，有紅豆、糖漿、雪糕伴碟。窩夫外層可以再脆啲，但好在有少少抹茶味搭夠。麻糬係食唔出既不過雪糕、紅豆都同窩夫好夾店員好好服務，主動比兩隻碟我地share食，值得讚賞。…查看更多

朋友話個個星期都要食一次，所以的起心肝試下呢間餐廳。款式都幾多，壽司、卷物算齊，仲有晚市便當揀。鵝肝多士好香、珍寶牛油果軟殼蟹卷好大份、原條燒鰻魚夠入味、雞泡魚干都好香口，淨係叫呢啲都食到好飽呀大滿足…查看更多