JFM的个人专页

除了紫逸軒中餐廳, 我亦喜歡威尼斯人內的 Portofino 意大利餐廳.地方寬敞, 裝修雅緻, 給人舒服感覺. 服務欣勤周到, 高級餐廳享受. 但當中可能有些服務員還在培訓中, 這點我是接受的.有幾次星期六晚, 沒訂位時都滿座. 如特登去試這餐廳, 在假期日子最好先訂位免在門口掃興.菜牌內都是常見意大利菜式選擇. 價錢我覺得比香港同級餐廳便宜一點.高價的有松露菜式. 經濟點, 可選沙律, 意粉或薄餅, 才幾拾一佰多元一客, 健康又飽肚.試過海鮮拼盆, 四佰八十元(大約). 份量足夠我和太太食完已半飽.記得上次除了生蠔未是最好, 其他都很新鮮. 我會再試多次看有否改善.飲品價格都是合理水平, 豐儉由人.最另我深刻的是餐廳氣氛. 與太太結婚多年, 一起吃飯已變成每天都做, 最普通不過的事情.而在這裡開瓶餐酒, (主要原因不是太貴 - 我認我孤寒 )配合美食和氣氛, 和太太細說內心感受, 返回昔日拍拖時侯, 美好時光.威尼斯會員咭提供八至九折優惠.…查看更多

恭喜紫逸軒獲得米芝蓮二星殊榮.受惠澳門搏彩業開放, 各賭場不約而同提供很多優惠給客人.免費來回船票已是最基本, 因此亦帶動我與家人多來澳門消費娛樂.澳門四季酒店內的百利沙娛樂場是我們首選, 而紫逸軒就在酒店娛樂場入口旁邊. 隨之我們都喜歡到來用膳.餐廳環境, 服務及配置是理想的. 有禮招待, 沒有自覺高高在上而傲慢.而最另我們欣賞, 這裡最著重還是食物品質, 沒有貴而只是食裝修的感覺.午餐點心當然出色. 但我還是特別喜愛晚餐的菜單.打開餐牌, 珍饈百味盡在眼前. 然而亦有不同大眾化小菜可供選擇.燒味有試過叉燒例牌, 約一佰元, 肥瘦配搭合適, 炭燒肉質味美.乳豬件, 約二佰元, 選最美部份, 只隒份量太少.湯羹, 有數個選擇, 一佰至一佰五, 很不錯.魚翅, 最貴的海虎翅約八佰元一客, 可以但不是最好.鮑魚, 有日本, 南非等選擇. 我喜歡叫一客網鮑片, 用鮑汁送白飯, 好味, 約二佰元.海参, 花膠相對較貴, 好像三五佰元一客.小菜有煲仔菜, 肉類, 海鮮, 蔬菜不同選擇, 平均一二佰多元一個.較有印象是蒸帶子, 去骨鴿肉, 好味. 和牛約五佰元, 我覺得不值.未有在這裡吃過燕窩和蒸魚, 未能評價.飯後有小甜點送贈. 其他甜品有多款選擇, 我的最愛是芒果布丁.平均消費每位五佰元. 一頓滿足的晚餐. 幸運能在百利沙得點贊助就更滿足.…查看更多

早陣子到此意大利餐廳晚膳, 當晚約七成以上是外國人.氣氛是熱鬧的, 沒有傳統西餐廳的拘謹.侍應與經理都是香港人, 服務優良專業, 中英語溝通亦沒問題.先點瓶庄水, 香檳酒與餐酒. 然後各人自選頭盤和主菜. 餐牌選擇多樣, 不難選出自己喜愛的食物.同行友人頭盤分別點了沙律, 鵝肝, 龍蝦生牛肉.主菜選了意大利飯, 牛排及鱸魚. 食物品質與賣相俱佳. 附送的麵包條舔鮮茄茸清新好味.其中松露意大利飯是整頓晚餐主角, 香氣無敵. 飯的質感很好.但原來飯跟松露是分別收費, 索價共八佰大元.而其他菜式是一般酒店餐廳收費, 由一兩佰多的頭盤到三五佰的主菜不等.友人飯後選擇甜品, 我沒興趣, 沒去記他們選了什麼. 喝杯咖啡, 談笑風生, 晚飯完滿結束.有使用openrice提供的七五折優惠, 但要留意並不是全單打折, 當晚餐飲及松露收費並不包括在內.整體是一間高水準意大利餐廳, 收費亦然.…查看更多

Verandah 還在裝修, 唔計Pacific Coffee, 香辣軒是影灣園內唯一食店.大家都認同這裡環境氣氛, 食品和服務都相當不錯. 價錢當然亦相對不便宜.我自己總覺得, 餐牌內容跟市區的香辣屋差不多. 但在美麗的環境下, 食物總是特別好味, 花多一點也願意.其實除了正常午餐或晚餐時段, 我最喜愛在此吃下午茶. 叫杯凍飲, 來個星洲米, 花佰零紋, 座在窗邊有太陽入屋, 但室內涼浸浸的環境, 看看花草樹木....多寫意....而我老婆亦愛在此午餐, 因為她會要求食完出返去鴨脷洲行名店outlet. …查看更多

經營好一間小店, 總需要有比別人做得好的地方才能生存.此店令我再三幫襯原因就是他的食品與價格相乎.環境ok, 氣氛舒服.食品質數整體不錯, 最愛他的無花果沙律, 蠔湯, Pizza Margarita 同咖啡.其他主菜都ok架.想講吓有人覺得老闆黑面, 我覺得其實是他對餐廳要求認真.有次見到有人話, wa...噤貴, 去街市x記啦.... 係你聽到都無引, 費是答佢啦.我就同旺區D餐廳比, 平 1/3, 食物環境都ok, 幾抵呀.門口又可以泊車 (但你唔好彩比亞Sir抄咗唔好賴我呀~)最後, 如果 drink list 再多D選擇就重好.多謝收看…查看更多

老友W 話辛苦咗一排趕好晒個大project, 連之前出D bonus都未有時間洗.Call 我話要整餐日本嘢慰勞吓自己, 叫我揾地方無需限 budget.佢起港島東住同返工, 就起openrice search 吓附近餐廳啦.wa... 呢間幾多好評, 睇相都ok, 就約你8點天后等啦.我之前都無來過, 主觀感話我知應該似D中上料理格局掛, 即係唔太多人, 慢慢嘆果D....打開門口, wa.... 海嘯呀.. 係人多到滿瀉, 重係weekdays炸喎. 枱已經好密, 重有3人座2人枱奇景.心知唔夾今晚氣氛. 剛巧有2人枱埋單, 知客小姐又欣勤請 Mr.W等等, 佢話無所謂啦, 食咗先講.座低更覺得逼, 點傾計呀. 只想快快食完走人.先點支Sapporo, ok喎, 有凍杯同小食跟, 先另我改觀, 有心機繼續看餐牌.內容同一般料理店差唔多, 價錢唔貴. 但係未來過, 都係睇吓人哋叫D物食先.左右兩邊都係叫套餐, $四佰幾, 樣樣有D, 好似唔錯.由魚生到煮物, 順序一碟食完才上另一碟, 套餐都有程序, 讚!食材同味道出乎意料真係幾得, 係非常抵食.個半鐘掃晒埋單走人 Mr.W 請 $五佰幾, 兩個"佬"都夠飽.之後我請Mr.W 出去再飲過慢慢傾.…查看更多

每次在西貢晚飯, 必提醒自己留肚去滿記食理甜品先走.真係唔知點解, 西貢店的味道, 總比市區商場分店好好多...有無insider講吓究竟其實係咪有分別架呢?今晚食咗芒果西米露, 芒果pancake 同糖不甩, 全部大路嘢, 但係味道總是特別好. 芒果當造 糖不甩夠煙韌, 花生夠脆, 糖漿剛剛夠甜滿足回家…查看更多

新開張時來試過晚餐, 覺得食物普通, 太花巧又太貴, 之後無再幫襯.有一天中午行過 IFC 順便揾地方食嘢, 又試吓佢D午餐啦.叫咗牛肉湯河粉牛肉好淋好滑湯好濃味河粉好滑加多蝶菜, 飲品, 兩個人共約$400幾.環境, 服務 ok, 有時食餐貴D無所謂啦…查看更多

即晚約友人一行互五人金鐘晚飯共聚.沒有預先訂座到達太古廣場. 原定心水餐廳剛滿座. 周圍看看見到ROKA, 朋友同意入內一試.環境幾ok, 座得舒服.服務都幾ok周到.點菜樣樣試D, 飲品部有幾多選擇前菜, 魚生, 壽司水平一般, 無多大特別燒物不錯, 牛, 魚, 丸, 菇菜...等, 雞翼最好味加理飯麵, 各人飽飽理單$1500幾, 金鐘消費水平, 三個鐘輕鬆度過總括不過不失. 在金鐘有太多不同 / 更佳選擇, 要成為眾人心水餐廳, 仍需努力:)…查看更多