蛋糕契媽的个人专页

呢幾日我唔知點解好想食Crunch cake，我好喜歡May’s Cookies既 Crunch Cake架，May姐係上一輯「May姐有請」都介紹過架，聽講劉嘉玲、蘇絲黃都好like架，不過又要order，最細都要訂7吋，差唔多兩磅，得我同老公兩個人，點食得哂 所以好少機會食到！咁橋Weekend行開九龍城，經過May's Cookies，嘩嘩嘩！點解有迷你版既，好興奮呀 9秒9秒即刻買左一個啦！細問之下，店員話而家星期六及星期日有現貨Mini Crunch出售，不過只限九龍城店有現貨，若是想係灣仔取貨，可以比哂錢預訂都得，不過都係只限星期六日的特別產品。水準keep 到喎！蛋糕好鬆軟，忌廉唔甜又滑，焦糖脆脆又唔會太甜！嘩！好好味呀 我同老公一瞬間就食哂全個Mini Crunch 喇 迷你版脆焦糖蛋糕售價 $118，價錢合理，我一定會成日幫襯呢 :)…查看更多

發現屋企附近開了一家由日本人經營的家庭式餐廳JP Deli，做的主要是便當，特別同老公去試下。店舖座位不多，只有一張六人枱，和一張可坐四人的吧枱，裝修唔算靚，但乾淨整潔，我選了蛋包飯便當，老公揀了鯖魚蘿蔔煮便當。我的蛋包飯便當先做好，除左蛋包飯外，仲有薯餅、炸雞、芋絲和醃蘿蔔，都好吸引:) 我先吃了醃蘿蔔，口感好脆，醃味啱啱好，仲食到蘿蔔既清甜；芋絲入味又彈；炸雞的脆漿很薄，香脆不油，雞肉亦嫩滑多汁；薯餅味道就淡左d；蛋包飯OK啦，雞蛋應該溝了鮮奶，唔夠蛋味，但飯有好香既飯味，應該用了靚日本米老公的鯖魚味道也很好，只是肉質較硬。呢到既食物味道較清淡，小小的店子，好有家的感覺。有機會，我都會再嚟！ …查看更多

那天係Beautifood 買完飯團，行出皇后大道道東，竟然比我見到 May's Cookies喎，梗係唔放過機會，買番隻 mini cake做甜品啦 係店員慫恿下，我買左一個迷你版 「橙香朱古力芝士餅」，返到公司到下午茶時間，靜靜雞攞出嚟嘆，朱古力芝士蛋糕加入橙條，嘩嘩嘩 實在太似我細個時候，每逢過年都渴望收到的賀年禮物...... 「積及朱古力橙餅」，好香呀！「積及朱古力橙餅」係咩? 真係要我地呢D七十後先食過呢款經典零食:) 實在太懷念呢種味道喇 加埋上層的朱古力慕絲，同埋面層的朱古力樹皮朱古力，食到唔停得口呀！不過我今次醒呀，留番半個老公食，佢係朱古力愛好者，梗係super like啦！佢話朱古力味濃郁，好有層次感喎:)美中不足就係店員話無义囉！搞到我唔可以係即刻食，要返到公司先食到！不過都啱既，環保d嘛！其實返到公司都有自己既餐具！…查看更多

呢到只供應沙律及飯團，款式唔多，不過簡簡單單，最適合做輕怡午餐，兼趕時間的好選擇:) 我點了「BLT」，裡面有脆煙肉、生菜及車厘茄，再配上煙肉沙律醬，味道好濃郁，質感脆卜卜，好好味呀我望住餐牌上的飯團款式，有一款好特別既 「粵式蒸魚」飯團，真係諗唔到蒸魚放落飯團到係咩味道，不過一定好得意！下次再經過船街，一定要試埋呢款。呢到既沙律很有特色，原來全部都係由米芝蓮的BO innovation的星級廚師設計，非常有特色！店舖好細，只有四至六個座位，所以大部份客人都係買外賣。我仲係船街揀埋外賣點品，下一篇再同大家分享。 …查看更多

昨天晚上看了TVB的飲食節目 「街坊廚神食四方」介紹香蕉拖肥批，主持人小儀讚不絶口，今日特別到九龍城行一轉:)。去到裝修精緻既May's Cookies，雪櫃裡既mini 蛋糕全部都好吸引，最後都係決定買一個mini香蕉拖肥批，打算同老公一齊享用，蛋糕到手後，忍唔住切了四份一，試了一啖，嘩嘩嘩 好食到不得了，香蕉dip了拖肥醬，再覆蓋著滑一滑的淡忌廉，好好味呀 一瞬間，我一個人就食哂全個批 記得店員同我講，忌廉是無糖的，香蕉也只是輕輕dip了自家製的拖肥醬，甜度適中，果然無錯，真係唔係好甜！我相信我好快會再嚟試其他款式既蛋糕:) 到時再大家分享一下！…查看更多

到特韵飯店吃飯，一定要多人，還有就是預先訂菜，必定能夠吃得很滿足。之前同屋企人到特韵食飯，特別訂了千錘百鍊雞比佢地試下。千錘百鍊雞做得非常好，真的超好吃，聽經理講才知道原來製作過程非常複雜，醃八小時之後蒸至兩成熟，然後煙燻至八成熟，最後以豉油皇焗至全熟，上桌時散發著濃濃的煙燻香味，肉質嫩滑，絕不肥膩，除了煙燻香味，還有豉油皇的香甜極富層次感，全桌人也大讚好吃。我最喜歡黃金明珠肉餅，蒸水蛋之中是一座寶塔形狀的肉餅，頂上是一個咸蛋黃。蒸水蛋配以肉餅，加上咸蛋黃，配合得非常好，好味道最估唔道既係特韵自製的合桃酥，熱辣辣，鬆化少甜，也很不錯。一個值得再去的地方。:)…查看更多

坤記真係幾時都咁旺，突然好掛住坤記的沙嗲肥牛粉絲煲同煲仔飯，到了坤記，等了20分鐘才有枱。我點了沙嗲肥牛粉絲煲，上枱時湯汁還在滾得啫啫聲，肥牛肉雖不是甚麼貴價貨色，但勝在有咬口有肉味，粉絲彈口，吸收了惹味的沙嗲汁，用來伴飯，好味到不得了。老公點了油鴨臘味飯，他一邊撈豉油，一邊話好香好香，外脆內軟帶煙韌的飯焦，頂呱呱！我們還點了鼓汁涼瓜，全部掃清光，飽到攬住個肚走…查看更多

喜歡甜品的我，甜品店當然是我同老公拍拖的好去處，糖痴豆是以前拍拖常去的甜品店。今次同樣地我也是點了我最喜愛的心太軟，老公點了麵包布甸。老公的麵包布甸先上桌，我馬上試了數口，布甸上的麵包焗得香脆，布甸香滑如燉蛋，味道不錯。我的心太軟上桌，朱古力流心蛋糕和雲呢拿雪糕中間有一抺甜忌廉，切開流心蛋糕醮些朱古力漿來吃，蛋糕外脆內軟，朱古力味香濃，非常好吃。 :)保持水準！值得一讚！…查看更多