終於試埋佢地個Dinner set menu，果然無令人失望！今晚試嘅係佢地嘅PINE menu，十二道菜，一開始以為有排食少少驚左，但其實一路飲住酒同朋友傾住計，反而無一種趕頭趕命嘅感覺，真正好好地品嚐美酒佳餚，享受同好朋友一齊嘅Happy Friday !一踏入餐廳自然俾呢度個玄關設計吸引住，帶點日式嘅設計呼應返佢哋嘅日本食材。第一道菜係是日前菜。今晚嘅會係安康魚肝，味道有少少腥，未必人人有興趣，但個人黎講就覺得味道特別，都幾開胃！然後出場嘅係味噌魷魚。味道不過不失，但們plating 卻十分artistic!第三道係Hokkaido Scallop Carpaccio。 當帶子嘅鮮味配上柿嘅質感，面頭仲有啲酸酸辣辣嘅汁，口感十分夏日，開胃！再嚟嘅係我今晚嘅至愛，日本桃太郎蕃茄。大大個日本番茄已經相當滿足，配上日本冰菜同苦瓜，非常健康而且美味。個重點係，當中有一個番茄清嘅分子料理，入口一咬即爆出番茄清嘅精華，味道十分清香，說實話我第一次試到呢一種食物，分子料理果然係一種好方法為食客帶來驚喜！ (Friends photo)和牛餃子蘿蔔湯，湯身本身非常濃郁，配上一粒法式和牛餃子，晚餐中場飲一碗係一個好好嘅intermission 。第一道主菜嚟到佢哋大熱嘅海膽飯。用上嘅係日本海膽，以大約50g海膽做一下大約50g嘅飯，聽到你都知道你一客飯係相當之咁濃郁同美味！另一道主菜都係我嘅精選推介，日本金目鯛。本身唔係一個好魚之人，怕骨，但大廚選用嘅金木鯛魚柳，絕對冇呢個問題與新鮮得十分之咁香同埋將啲魚汁鎖住係肉裏面，配上意大利青瓜，將青瓜切成條狀，好似一囗麵，個湯底就係魚汁加上意大利青瓜汁，環環相扣，十分美味。再嚟就係餐廳嘅拿手好菜，A5和牛Tenderloin。本人相信是要個牛靚，唔需要花巧都可以好好味。大廚輕輕將和牛煎到medium rare，配以少少嘅朱古力汁，帶出和牛嘅美味。加埋兩款甜品總共12道菜，為我哋星期五晚呢一個生日派對畫上完美句號。…查看更多
