B&C's Profile

之前食過幾次晚飯都好味, 見佢有做全包宴, 咁今年團年飯就試下係呢到食~雖然地點比較街坊, 餐廳裝潢唔華麗, 但係食物同服務都比大酒樓好, 仲要每碟菜都擺到靚咁比你食, 仲要又有伴碟, 又雕花咁~~ 人地咁有心思, 我地食都食得開心D啦~~ 六小碟, 六樣都好味~~ 黃金子母蝦, 其他食肆D蝦通常都有殼, 呢到D蝦冇殼, 蝦肉仲好大隻, 可以大口大口咁汁連蝦肉一齊食, 好味~ 同行既小朋友唔like醎蛋黃汁, 佢食中間既清炒蝦仁, 一樣好味~ 鮑螺片海參, 用蔥燒方法煮, 好足料亦都好好味~ 呢幾年, 食過咁多酒樓食全包宴, 好耐冇見過有蝦片伴碟既炸子雞, 咁細微既都做足, 佢令我記起以前係酒樓食過既炸子雞係咁樣o架喎~~小籠包個樣都幾靚仔喎~~ (因為我唔食呢樣, 唔知正唔正, 但其他人都話ok) 高力豆沙唔係特別驚喜, 但係個樣都幾靚仔, 唔會謝晒咁就ok啦~~ 仲有紅燒鮑參翅, 松子魚, 火腿津白, 都係好好味~~ 不過掛住食唔記得影相 …Read More

見到之前食評既相有打冷食品, 但係我地去到, 門口open kitchen 冇擺食物. 入座後亦都冇酸菜, 只有花生. 我地一行六人叫左, 小吃: 潮洲炸豆腐 - 豆味濃, 幾好~ 脆生腸拼青瓜 - 生腸好味~ 主菜:蠔仔烙 - 好好味~南乳XX豬頸肉 - 送啤酒一流 霸王雞 - 唔嚡唦嗲牛肉芥蘭 - 一般魚腐浸菜苗 - 相對其他餸既質數, 魚腐差左D 糯米飯 - 好正~ 甜品:蛋白杏仁茶 - 有小小似腐竹蛋糖水, 好香杏仁味, 味道OK高力豆沙 - 雖然佢個樣差左小小, 但係好好味喎, 好過好多京滬食店芋頭烙- 第一次食, 都幾好味架~~ 坐得舒服, 地方都算整潔, 食物亦都好味 ~~ …Read More

今日諗住試下新野, 叫呢間試下~~ 叫左 1+2組合餐 : 環遊世界超薄奇脆批+香草烤雞焗飯+炸雞4件 小食套餐 : 海鮮寛條麵+小食拼盤都幾準時一個鐘就送到, 但係....... 一打開, 唔係呀....攪成咁呀~~ 打電話去投訴, 佢話唔建議外賣速遞叫超薄奇脆批, 咁點解我order果時你地唔同我講, 結果佢都再送過一個薄批比我, 但係.....只係有D餡料出左黎, 都ok啦...食物味道係ok既, pizza餡料好足, 味道都好味, 炸雞都真係好過KFC, 小食拼盤既春卷&咖哩角好似公仔點心, 寛條麵&飯都好食喎, 我覺得好過pizza hut …Read More

次次食海鮮都係入布袋澳, 第一次去鯉魚門食, 只係知道海鮮檔同酒家有結盟, 但係第一次去, 都唔知邊間同邊間係一伙,咁我地諗住睇海鮮靚唔靚黎揀酒家, 成條街我只係睇中兩間海鮮檔, 諗主再行入D睇下, 見到呢間酒家個環境都幾好, 佢地又sale 下你, 叫你睇下海鮮, 咁arm 同佢地結盟果間海鮮檔係我覺得好果間, 就係咁我地12人叫左椒鹽特大瀨尿蝦, 白灼花螺, 花雕蛋白蒸大花蟹兩隻, 豉油王大老虎蝦, 蒜容粉絲蒸大聖子, 清蒸大連鮑魚, 白灼墨魚, 魚湯浸白菜仔, 炒芥蘭, 椒鹽豆腐, 炒飯, 海鮮檔送炒蜆比我地, 而酒家就送海鮮湯及水果, 全部都好好味喎, 不過佢送既蜆就細隻左D, 但係都好大碟, 我地個個都飽到不得了.價錢佢地就比布袋澳貴, 但係我覺得布袋澳D海鮮冇呢到咁靚, 又冇大隻瀨尿蝦同埋格局似大排檔多D, 一分錢一分貨. …Read More

因為亞仔想食壽司, 間間都要等位, 呢間就最利害, 可以叫緊30號, 但係飛就派到100, 不過想行陣街先,都照攞飛, 一個小時後, 行完街都仲未叫到, 等多30分鐘先有位, 食左峰玉子,就已經覺得呢到好食過板前好多,微暖的蛋,上面印左個峰字,包住小小飯,間直正!!!!仲有,峰蝦夠爽,帶子鮮甜夠厚,就連三文魚都好好食.....以呢到既價錢同食物,簡直物超所值!!! 　…Read More

見佢咁出名, 今日都叫個及第粥同皮蛋廋肉粥外賣試下, 返到屋企, 一打開, 唔係呀....咁"希"o既, 好似唔係好得喎, 但係食落都幾好味, 係生滾粥咁, 亞仔就話好正, 但係我鍾意食杰身D o既粥, 所以就唔係咁對口味...…Read More