msanniefong的个人专页

早幾日涼涼地，約朋友打個靚邊爐，今次去左一鍋堂，午市超抵食$188任食4小時，單點火鍋嘅質素，可以話係香港地道火鍋放題，原味道地。超過10款港式特色湯底，材料十足，完全係誠意靚湯，有蝦米瑤柱冬瓜鍋、蕃茄薯仔豬骨湯、鹹菜胡椒豬肚雞湯、蘿蔔粟米豬骨蜆湯、黃金椰子雞湯、沙嗲牛肉湯、麻辣鴨血豆腐湯、怡寶椰香喇沙湯等。我地就揀左揀了黃金椰子雞湯同怡寶椰香喇沙湯，椰子雞湯鮮甜鮮美，仲有陣陣椰子清香，記得飲湯先，我地仲叫花雕醉雞件令湯更濃郁，而怡寶椰香喇沙湯味道濃郁，帶有濃濃嘅椰香與喇沙嘅香辣，微微嘅辣。進口火鍋肉都幾高質，我地呢個餐都幾多選擇，有美國牛板腱、安格斯牛肉、牛肉眼、西班牙豬梅豬肉片、壽喜燒黑豚肉、紐西蘭羊肉卷、黑松露墨魚滑、梅菜豬肉餃等，安格斯牛肉肉味濃又嫩滑，西班牙豬梅豬肉片一d都唔鞋口，紐西蘭羊肉卷都唔錯。自助區勁豐富：有涼拌小菜、沙律、炸物、熱食、蔬菜、火鍋料、丸類、麵類、水果、軟雪糕、雪糕杯等等。飲品區有自家製茶飲、有營花茶、茶酒、甜飲，鴨屎香檸檬茶酒，仲有打邊爐必飲嘅生啤，仲要任飲添。…查看更多

上星期一家去左尖沙咀打邊爐，lee間火鍋店好有古代宮廷feel，餐廳嘅設計好似皇宮，好岩娘娘們黎聚會😝。雍穆公主•花膠雞湯鍋（半隻） $328金黃色嘅湯底濃郁撲鼻，厚厚嘅花膠令湯底好有黏口感覺，雞肉鮮嫩多汁，好滋潤。我自己都飲左幾碗😂。艾莎公主牛肉寶盒 $498牛肉寶盒很精緻，有7款唔同部位嘅牛肉，本地手切牛三角，牛匙仁，雪花肥牛，牛展，牛黄喉，牛柳粒，牛舌片，牛匙仁肉質細嫩，口感柔滑，味道鮮甜，牛黃喉口感爽脆，想試多款牛肉一定要揀佢。香香宮煮餃子拼盤•四粒 $98有4款唔同餡料：韭菜豬肉餃｜黑松露蟹肉餃：有黑松露獨特香味，蟹肉鮮美｜蟹黃餃：蟹肉鮮香｜龍蝦豚肉餃：皮薄，龍蝦夠彈牙，鮮味十足，升級版雲吞。即炸黃金響鈴（六件） $98即叫即炸，必點必食之一！響鈴炸得香脆，外層加左超多蛋黃醬，夠店香，就甘食都勁正，入口鬆化好邪惡。自豪製足料竹蔗茅根 $78非常足料，一揸嘅份量都好幾多，而且清甜解渴，岩哂一邊打邊爐一邊飲。公主油炸鬼 $68油炸鬼中間包住蝦滑，都幾幾有特色。手打鮮牛丸•四粒 $78手打鮮牛丸彈牙可口，肉質鮮美爆漿芝士腸 $42…查看更多

同亞女出左沙田食個BrunchEgg Mimosa Salad 法式香草蛋沙律蛋黃係mix左蛋黃醬，沙律菜新鮮爽脆French Steak Tartare 法國生牛肉他他牛肉他他份量十足而且口感豐富，配搭脆多士不錯。Brunch Omelette 早午餐奄列拼盤（西班牙火腿，牛油果蓉，燒薯粒，田園沙律）Lee個拼盤很健康，奄列都算軟滑，牛油果蓉滑順綿密。Salmon Galette flaked salmon, courgette cream cheese, rocket三文魚蕎麥薄餅 （三文魚肉意大利青瓜忌廉芝士醬，火箭菜）賣相都幾靚，第一次食蕎麥薄餅，薄餅同青瓜忌廉芝士醬都好夾，不會感覺膩。Pistachio Creme Bralee開心果焦糖燉蛋開心果味超濃郁，焦糖加上開心果碎有層次，整體味道甜而不膩。Cappuccino 泡沫咖啡Matcha Apple Zest 抹茶青蘋果特飲幾特別嘅飲品…查看更多

上星期約左朋友係沙田食lunch，經過樂天皇朝見到有沙嗲牛肉小籠包⁉️甘特別真係未試過喎🤔沙嗲牛肉小籠包 $58Lee個小籠包好創新，沙嗲湯汁都幾濃郁，牛肉餡都幾嫩滑，有層次感，食落唔會覺得怪。李白醉雞 $93醉雞鮮黃色有光澤，雞件吸收哂酒嘅香味，酒味香濃，而且皮滑肉嫩。蘿蔔絲酥餅 $55外皮做到一層層而且都脆，內裏滿滿嘅蘿蔔絲餡清甜軟腍而不膩！蝦仁酸辣湯拉麵 $78材料十足，有木耳、荀絲、豆腐、蝦仁，味道香辣，越食越起勁😆，辣得滋味，酸酸辣辣好開胃，而拉麵爽彈，放耐了又唔會糊。…查看更多

最近新搬左黎家樂坊，都幾有格調，而家空間感比之前較大，每張枱都會有點距離。❦焦糖青蘋果鵝肝多士鵝肝厚身又肥美，煎得外脆，配上焦糖青蘋果清新，不會膩，讓我回味無窮。❦蒜香牛油酒煮蜆蜆肉大隻肥美，有濃郁蒜香味同淡淡酒香，香草蒜蓉多士好出色。❦ 汁燒三黃雞氣管口感幾特別，夠爽脆。❦ 蒜蓉燒蠔燒蠔大隻新鮮多汁。❦豚肉節瓜波板糖：將豚肉同節瓜卷成波板糖形，配左帶有黑松露味嘅月見醬，好味不會膩。❦ 鹽燒原塊雞皮好邪惡👿脆卜卜，真係不得了，簡單調味已經好好味。❦ 和牛棒配松露一口飯松露味又香，牛味又香濃❦ 鰻魚炒飯炒飯粒粒分明夠乾身，每粒飯都有醬油味道。鰻魚肉質軟嫩，帶點甜甜嘅醬汁。❦ 牛舌拖羅：厚切牛舌腩燒得剛好，牛味濃又夠juicy。❦ 鹽燒三黃雞腿肉：外皮香脆，雞腿肉好滑，又juicy。❦ 明太子淮山燒：准山爽口帶滑溜口感，配明太子醬微辣惹味，估唔到都幾夾。❦ 焦糖鰻魚芝士玉子燒：玉子燒軟滑，加左芝士之後更creamy，仲有要包著鰻魚，層次豐富。❦ 糖不甩燒芝麻湯丸❦ 雞肉軟骨棒（付月見）❦ 孜然豚肉韭菜花卷❦汁燒免治雞肉軟骨棒❦ 鹽燒雞軟骨❦ 海苔黑豚肉鵪鶉蛋❦ 百香果桔仔梳打 …查看更多

又約朋友去牛大人拾下拾下，今次揀左日本黑毛和牛A4+放題$488，任食黑毛和牛😍正‼️而家仲有「炎夏椰樂祭」限時活動，椰子主題火鍋，有好多特色小食、湯底同甜品添！我地就揀左鴛鴦鍋。一邊係「喇沙椰爺仲夏鍋」帶有濃郁嘅椰香和微辣嘅口感，另一邊係「木瓜椰皇嫩雞鍋」裏面有好多椰子個湯好清甜，lee2個鍋係期間限定家。套餐包左海鮮拼盤，有蠔、扇貝、鮑魚等等都係時令海鮮。除左鮮鮑魚，仲有古法醉鮑魚、炭燒鹽蔥鮑魚、柚子燒汁鮑魚，我就最喜歡古法醉鮑魚，仲要任食添。日本黑毛和牛A4+真係好高質，有好靚嘅雪花又粉嫩，牛味香濃入口滑嫩。伊比利亞黑毛豬梅肉油脂分布平均，肉味香濃，口感柔嫩。除左食牛之外，今次炎夏椰樂祭期間嘅「椰酥跳跳豬」勁得意，落爆炸糖好攪笑，「黃金椰絲蝦丸」幾彈牙，仲有椰林火山脆薯條記得配香椰火焰醬。特調飲品：藍調微風 （BlueHawaiian）清爽熱帶風情，粉桃椰香 （PinkuPaloma）粉紅好靚靚。Follow 社交平台仲送椰奶蓋芒芒爽今次雪糕雪條都好多款式，仲見到好耐冇食嘅苯NaNa🍌雪條添，仲食埋「香芋椰漿脆脆」好滿足。…查看更多

全線門店榮獲刺身牌照湊湊火鍋《和風海鮮祭》每日直送到港🛬，鮮活即劏😍🍲今次我地叫左鴛鴦鍋，兩款全新日式鍋底昆布文蛤鰹魚鍋，用昆布煮成，加上新鮮文蛤，湯底鮮甜甘香。另一個係信州百年味增自玉湯：用上信州味增熬煮，加入滑豆腐，湯濃醇香。🦞北海道小青龍北海道直送到港，肉質雪白，煮熟後緊實彈牙、蝦膏creamy、蝦味濃郁鮮甜，好滿足。🐧墨魚企鵝丸墨魚企鵝丸造型好可愛，用墨魚漿做成，口感彈牙，充滿墨魚味。🦐90%蝦肉製人氣蝦滑蝦滑真正好足料，蝦肉無完全打成蝦滑，仲見到蝦肉粒，食落爽彈鮮味，有蝦肉粒令口感豐富。🥩頂級美國牛板腱雪花分布平勻，肉質幼嫩，牛味濃。🥬萵筍🥤大紅袍奶茶🍵茉莉綠茶…查看更多

同Tiffany去完韓國未夠喉！一於再去食韓國料理。雞蛋多過飯的蛋飯卷見到個名唔駛多講，好喜歡紫菜包住薄薄嘅飯但又有厚厚嘅蛋燒，配埋青瓜絲、蘿蔔絲，清新得黎口感豐富。韓式燉牛肋骨配飯份量十足，燉牛肋骨肉質好軟腍又香濃，配上甜甜好微微辣嘅韓式醬，超下飯。玫瑰醬海鮮年糕有點驚喜😍加了玫瑰醬感覺好creamy又帶點辣，海鮮好足料有八爪魚仔、青口和蝦仁，長身年糕口感煙靭好入味。比初戀還要甜的蜜瓜窩夫蜜瓜當造季節清甜多汁，即烤窩夫外層酥脆、內裡鬆軟帶淡淡蛋香香味，加埋鮮奶油同蜂蜜，甜在心😍。飲完唔會手指指餅咖啡呢一個咖啡奶味濃，濃厚奶油加Espresso，咖啡味幾香，配埋手指餅好滿足。圓碌碌蜜瓜沙冰啖啖沙冰好冰涼消暑，仲有清甜嘅圓碌碌蜜瓜，好岩夏天飲。餐廳推出左Summer Time「Terrace Passport」活動，只要任何分店消費當季產品，集滿3個悠閒印章，就有Game Tour 參加資格，到8間指定分店挑戰，贏旅遊禮券、限定獎品、優惠卷等等，悠閒印章換免費飲品、飯卷、炸雞、50% off優惠券，另外，挑戰印章換限定帆布袋、午市套餐、$2000旅遊禮券（頭十位）！…查看更多

上星期同亞女食佢好喜歡嘅串燒，lee間串燒店係尖沙咀開左新分店，佢地嘅新餐單有好多獨特嘅風味菜式，而且價錢亦好親民，最平$10一串，平日都全場爆滿。🦪蒜蓉燒蠔（兩隻）$48 燒蠔都幾大隻仲好肥美添。🫔焦糖菠蘿鵝肝醬多士 $58 入面軟腍入口即溶，菠蘿清甜多士脆口。🍖豚肉荔枝卷 $15 豚肉包住爆汁荔枝，好juicy。🍴山椒鰻魚汁燒白鱔 $48 肉質爽彈，燒得皮脆，而家無骨。🥘蟹粉日式豆腐 $68 豆腐軟滑，蟹粉都幾多濃郁。🍙鰻魚飯團 $38 即叫即整，飯團焦香，醬汁濃郁。🍲白酒忌廉煮蜆 $68忌廉creamy仲帶點酒香味。🍢免治雞肉棒 $28 外脆內軟，又有軟骨，口感豐富。🥪港式蜜糖多士夾雪糕 $48 即叫即整，冰火交融好鬼正。🍢鹽燒雞腿肉 $20 雞腿肉好厚身，調味唔錯好juicy。🥩鹽燒牛舌芯 $28 油脂十足，都幾爽口。🍢鹽燒西班牙五花腩 $10 雖然要叫兩串但勁抵，五花腩有油香香味。🥢味琳魚干 $38🍍蜜糖菠蘿 $10 菠蘿果香仲勁多汁。🥤荔枝檸檬梳打 $28🍹桔仔薄荷鴨屎茶 $28…查看更多

星期日亞女練完波就去左airside搵野食，我地就揀左間好有意式風情嘅小店，餐廳嘅設計以木質為主，分有室外同室内座位，室外位仲可以比你同寵物一齊共餐添。餐廳 menu都幾多款式，有pizza、意粉、意大利飯、main course，仲有gelato添。Prosciutto e Melone （火腿哈密瓜）一上枱連隔離枱都「嘩」左聲，因為餐廳竟然將哈密瓜切成條狀，仲鋪滿滿嘅火腿，我仲要用刀叉切😆火腿咸香味突出配上香甜哈密瓜，好有層次感。Meatballs（肉丸）一款經典嘅意式風味，肉丸紮實多汁，入面仲有好多羅勒葉，番茄醬汁令肉味提升。TRUFFLE MUSHROOM & PEPPERONI (12-Inch)Pizza我就想食TRUFFLE MUSHROOM，亞女就想食PEPPERONI，可以叫half&half，PEPPERONI有蕃茄醬、莫札瑞拉起司和意大利辣香腸片，芝士加上蕃茄醬配上辣肉腸勁惹味，而TRUFFLE MUSHROOM有貝沙米爾醬、莫札瑞拉起司、黑松露片、蘑菇、松露醬，簡單配搭就能夠帶出芝士濃味同黑松露香味，仲有拉絲效果，而且好喜歡薄底Pizza。Tiramisu（提拉米蘇）Tiramisu 超香咖啡酒味，忌廉口感好軟滑，又唔會好甜。餐廳嘅 Gelato 係一個亮點，加＄18升級有香脆 Waffle 同一款Toppings，亞女揀左奶油糖味道，手工製嘅意大利雪糕，奶味香郁，口感綿滑又不會太甜。Chocolate Chiller(冰雪朱古力）…查看更多

安平燒肉最近出咗新Menu120分鐘日本A4+和牛饗宴，CP值極高，仲好有「儀式感」添。日本A4+和牛饗宴，有頂級嘅肉類🥩和海鮮🦐 (仲佔50/50)添，仲包兩款啤酒無限暢飲。一入座就有安平慢熬清雞湯，雞湯鮮美清淡，好好飲。而自助區有12款醬料比我地自己慢慢調配，佢地自家製黃金醬好唔錯。仲可以自己製作安平櫻花蝦飯。⭕️日本A4+和牛兩款嘅和牛有靚靚嘅油花，入口即溶。⭕️ 極．厚切檸檬牛舌非常有儀式感，原條厚牛舌呈上，仲有刀叉同沙漏黎計時，牛舌燒到外面焦香，裡面仲好粉嫩，肉質爽口彈牙。⭕️ 日本A4+和牛壽喜燒除左燒肉，今次仲有壽喜燒，湯底濃郁，配上牛肩胛肉眼，肉質柔嫩好Juicy，同壽喜燒汁好夾。今次海鮮款式都勁多。⭕️灸烤霸王蝦（鹽蔥）和（黑蒜油）第一次食以特製黑蒜油醃嘅霸王蝦，味道濃郁肉質鮮嫩，都幾特別。⭕️威士忌釀鮑魚配上安平特製的威士忌醬烤製的鮑魚，帶有微微嘅煙燻味同甜味。⭕️安平赤魚一夜干肉質細嫩，肥美多汁，其實好少會係烤肉店見到。⭕️ 灸烤生蠔 (鹽蒜)生蠔肥味飽滿，鋪滿左蒜味鹽醬，烤熟後帶出海鮮嘅鮮味。⭕️炙烤白鱔白鱔烤得外焦內嫩，肉質滑溜。⭕️ 黃油蒜烤帆立貝牛油同蒜為帆立貝增添了香濃風味。仲有大量自助甜品同飲品，有Haagen-Dazs 雪糕，其他甜品仲有石腐布甸、Tiramisu等等，飲品除左罐裝仲有自家泡製嘅茶，選擇非常豐富。…查看更多

約左住馬鞍山同學媽媽食飯，我地又鍾意牛又鍾意海鮮又鍾意打邊爐，所以揀左lee間台式任食火鍋，所以決定黎lee間台式全食火鍋，今次我地揀左Top1嘅澳洲200日穀飼牛火鍋餐，有成100款食材😍。最正嘅係可以一人一鍋，而且有8款湯底，我就揀左冬蔭公湯底，朋友就揀左QQ骨膠原，仲可以任叫任飲台式茶飲同任飲生啤🤭生啤岩哂我。澳洲200日穀飼牛係澳洲用上優質穀物飼養200日，肉質嫩滑，牛味濃郁，油花分布均勻，入口即化。澳洲純和牛，一樣咁好食，同樣油花靚，牛味濃，我地仲叫左特級牛舌，味道爽滑，餐廳非常貼心有張咭子寫上最佳涮肉時間添。海鮮都有多款選擇，生蠔肥美飽滿，海蝦鮮甜彈牙，大蜆冇沙甜味。除左火鍋食材仲有前菜同台式小食，前菜我就鍾意冰釀梅汁蕃茄夠酸好開胃，青麻椒辣魚皮好爽辣，小食有一鼎鹽酥雞、手作地瓜球、台灣腸等等而自助吧有唔同款式既飲品，有自助調醬區、麵類、丸類、響鈴、蔬菜類，蔬菜方面多款又新鮮。必叫台式手沖飲品，有百香果三重奏，冬瓜牛乳茶，黑糖珍珠牛乳，純綠研茶，芝士琥珀，任飲黑白神泡生啤，超香麥味。…查看更多

上星期同朋友食串燒，今次真係有驚喜，好有氣氛，而且通風做得好好，唔會有酒煙味，餐廳仲好貼心每張枱都有一個保溫爐，當日係平日入到去都爆晒場。職員服務好好，有禮貌、清碟又快。❦焦糖青蘋果鵝肝多士（必食推介）厚切鵝肝夠肥美，煎得外脆，入面軟腍入口即溶，焦糖青蘋果清新，不會膩。多士外脆內軟做得好出色，讓我回味無窮。❦蟹肉最中餅（必食推介）最中餅皮咬落好香脆包住入面滿滿嘅蟹肉同芝士，食落清爽，而且鮮味十足。❦汁燒三黃雞氣管（限定）第一次食，唔睇名真係估唔到係咩黎🤣口感幾特別，好爽脆。❦蒜蓉燒蠔（必食推介）燒蠔大隻新鮮，蒜蓉的香氣與海鮮的鮮味相得益彰，讓人回味無窮。❦蒜香牛油酒煮蜆（推介）蜆新鮮爽甜，而且有淡淡酒香，配上2件嘅香草蒜蓉包都好出色。❦鹽燒白鱔（推介）燒得皮脆，肉質軟嫩，而家無骨厚切鹽燒牛舌拖羅：外層微微焦香，好爽口。❦豚肉節瓜波板糖：都幾特別，將豚肉同節瓜卷成波板糖形，配左帶有黑松露味嘅月見醬，好味。❦明太子雞腿肉：雞腿肉好滑，明太子醬帶點微辣，同雞腿肉好襯。❦雞皮墨魚滑：薄薄雞皮燒得好脆，包住爽口彈牙墨魚滑，有層次感。❦芝士年糕：年糕軟糯包住咗芝士餡，仲有一碗芝士醬，真係好邪惡。❦蜜糖菠蘿：燒菠蘿酸酸甜甜清爽又解膩，仲好多汁。❦牛舌芯❦麻辣豚肉韭菜花卷❦汁燒免治雞肉軟骨棒❦鹽燒秋葵❦糖不甩燒芝麻湯丸…查看更多

上星期同老公拍拖仔，行左陣就去食lunch，想食韓式飯卷，所以去左Terrace in Seaside。輕盈又滿足的煙三文魚沙律 $86煙三文魚份量好足，沙律菜🥗份量都幾多，但感覺煙三文魚多過菜🤣沙律菜新鮮，而且仲有青瓜同青檸增加口感，非常開胃又解膩。明太子蟹肉飯卷 $118鹹香嘅明太子配上鮮蟹肉好配搭，而下層飯卷包著蔬菜，層次豐富，真係令你食不停。超級肉醬芝士千層麵 $112lee個千層麵都幾多層，切開好多肉醬，仲層層分明，肉醬好夠味，千層麵仲加左隻流心蛋 ，配埋芝士片同芝士碎，超級邪惡。開唔開心試咗先知嘅開心果蜜糖窩夫 $138今次lee個waffle 有3層，即烤窩夫外層酥脆、內裡鬆軟帶淡淡蛋香香味，淋上濃郁嘅開心果醬，仲撒滿開心果碎、堅果同焦糖脆脆，令口感豐富，而且不會好甜。清爽爆汁西柚檸檬梳打 $46初夏青柑柚子梳打 $42兩杯梳打賣相夏日，好清新，味道仲酸酸甜甜，透心涼。…查看更多

之前聽朋友講lee間嘅窯雞超嫩滑，我忍唔住訂左一隻黎試，打電話就會即叫即整，佢地點位於觀塘工業中心第一座，交通方便，去APM買完野就去拎，隻雞攞到上手仲係熱，保暖得幾好，先用錫紙包住，再放入保暖袋，所以返到屋企仲係熱。一打開錫紙，就聞到好香噴噴，size 都大大隻有d重量，燒得仲幾靚仔，望落表面雞皮都覺得幾嫩滑，小公主即時要我撕開雞肉雞髀比佢食，啖啖肉勁juicy，肉質好嫩，我只係用撕開都好輕易拆肉，撕開見到入有好多洋蔥同香草，所以好入味。而家仲做緊叫一隻窯雞，加一蚊就可以有小丸子糖水送，佢仲有其他甜品送添家！另外餐單仲有半隻豐味窯雞 / 蔥香雞飯餐＋口水雞飯餐。每袋窯雞（附送辣椒粉、勞工手套、膠手套）窯雞食用方法係用手搣。…查看更多