yiupang9999的个人专页

平時每日喺apps㩒幾分鐘，儲分，日積月累換到禮物同呢餐，今特登過嚟北角一次過享受晒佢1 X 西班牙白豚肉拉麵（雞濃湯）1 X 自選小食：吉列蠔1 X 自選飲品：烏龍茶室溫原支拉麵爽滑彈牙，雞濃湯味道偏淡，但口感濃厚，易掛汁，用蘆筍唔用蔥，更顯高級。豚肉我食到似有少少照燒汁味既豬柳？有2舊好軟好稔好正，有一舊就口感似中式燒味叉燒🤣枱上有7味粉同放左魚乾仔既醋，倒少許醋落匙羹點拉麵同湯更加突顯鮮味。吉列蠔2隻，外脆內軟，夠曬熱，有蠔味，唔腥。座位有9個，我1800入座到走都只有我一個，但聽到佢接電話booking 時今晚會再有8位。低消每位$300值得推薦既一間小店Ps:佢其實仲係居酒屋，有更高級餐點…查看更多

尋晚晚餐同埋今日午餐夾埋一篇嚟打：尋晚個意粉幾好味。唔會好水，幾creamy, 夠熱，份量都算多，但d蝦唔係好新鮮，口感差d。尋晚塊西冷叫5成，但明顯熟得濟，變左起碼7成，有d韌，都幾大塊。今日午市呢塊就真係似5成喇。但啲薯蓉放咗喺旁邊，比起尋晚喺塊扒下面全部都係薯蓉黎講，個份量好似少啲。裝飾唔係用蕃茜碎，而係用菜苗，好清甜，話係每日新鮮既。但今日午市無俾我，（偷影咗隔離嗰份，佢果份係有嘅）尋晚塊扒上菜時唔係好夠熱，我估係因為佢等埋個意粉一次過上晒？（我無要求一齊上）同埋可能係凍碟上，薯蓉同菜都唔夠熱，但味道正常，可惜份量唔夠成年男人食。晚餐有餐湯同包。包夠熱，牛油一粒剛好，包有辣椒，微辣。忌廉湯正常。熱咖啡好香，推介👍午市嘅話，同一個西冷扒餐，比起晚餐平廿蚊，但係就唔包餐湯同包，要另加12蚊先有。尋晚嘅忌廉湯好飲過今日嘅洋蔥湯好多，我完全唔識欣賞。用匯豐信用卡埋單，無論午餐定晚餐，套餐嘅價錢會有九折（但唔計其他 extra,所以蛋糕同埋午市嘅湯都冇得折）全日冇加一，但午餐食近乎一樣既野既話，其實只係平左$6蚊而無左塊包。詳細請睇圖果2張單，晚市（意粉+湯+包+熱飲+甜品）：（$128*0.9）+22=$137（西冷+湯+包+熱飲+甜品）：（$138*0.9）+22=$146午市（西冷+湯+熱飲+甜品）：（$118*0.9）+12+22=$140重點嚟喇，其實我係畀佢門外嘅甜品櫃吸引咗，先有意思嚟幫襯嘅。問咗佢哋員工，甜品係來貨既,但係我覺得好靚亦好味。芒果cheese cake: 個面有少許（+1粒完整）開心果碎，但有d怪味（疑似油“益“味），某部份位置芒果啫喱都有怪味，但下面幾層都好好味。特濃朱古力：好厚實，好濃郁，微苦好好味。焦糖伯爵茶：都有開心果碎喺面，無怪味。好香茶味，無被焦糖味蓋住，口感都係厚實，好味。服務質素有好有壞。佢肯講既話好清晰，但好多時係乜都唔講。會自動幫你斟凍水，要飲熱水既一定要自己開聲同佢講話唔該加熱水。晚市嗰陣我，我朋友畀我快食完正餐，喺嗰陣我先叫餐飲同埋甜品，雖然出面仲有好多件，但我都嗌佢幫我hold起先，甜品陣間叫先上。而當我剛食完正餐，可能個女侍應見到我週圍望，知道我想上甜品，就自動幫我上咗，抵讚。👍晚市我book咗六點，嗰陣完全未有客，有卡位坐（3張，因為有柱位，所以分別係4，6，5人。但其實冬天著厚衫，1邊坐要3個人，睇到都覺得迫）但今日午市2點半，明明大把位，我示意1位，同指住張4人卡位想坐落去，佢叫我坐對面普通位唔係問題，但點解要黐住另外1枱客（一對夫婦）右邊，而唔隔1張枱呢? 不過之後另一個一個女仔walk in坐喺我右邊，本身喺度既2枱客埋單，導致有段短時間就係得返我哋三台，但黐住，其他係吉既，少尷。卡位留空晒，但之後佢只係入左一枱walk in 去4人卡位，同一枱五人booking去6人卡位，覺得可以安排得好d。加分位：無論意粉上面定係要求加都好，芝士嘅話佢唔係畀芝士粉而係磨芝士碎片，香濃好味👍…查看更多

佢2間鋪對住，我食既係鍋心對面果間，服務好，上菜快，環境好，廁所都乾淨。c4，肉眼，薯菜，5成熟，黑椒汁，紅湯，熱咖啡肉眼夠稔，可惜過熟。影完相即刻食，已經係暖。建議用熱碟上菜保溫。可+$8追加額外份量（我叫薯菜所以追加既係薯菜，之後問左就算食飯既都有得揀加薯菜！！）大推！邊度搵餐廳肯$8俾咁大份薯條你？！仲要有菜）而且熱過主菜果d好多。主菜：7.5/10追加薯菜：10/10b4芝士焗吉豬飯炒飯底👍茄汁想再多少少，芝士ok，面頭放吉豬，夠熱夠脆，不過實左d，可以揼鬆d，同埋唔夠juicy, 整體味道唔錯，但有改進空間。主菜：6.5/10午餐至到下午3點，之後就會轉下午茶menu。甜品跟餐加$20有是日精選蛋糕，芒果慕絲，香，甜，好味，最面有芒果肉😋個人對甜品評分比較嚴謹，唔係驚艷，但$20件，性價比高蛋糕：7/10蛋糕性價比：9/10紅湯正常，餐包夠熱，外脆內軟。…查看更多

上完茶果嶺，搭小巴落返觀塘搵食，入黎apm 口痕就黎試下呢間牛角包。人氣既榛果朱古力已經賣晒，所叫咗個法式莓果。酸酸甜甜，非常開胃。 鬆軟嘅牛角包上面有層雜莓漿，另外口喝再買左2支野飲，檸檬茶都好飲。店員服務態度好，有禮貌。地方乾淨企理，櫈都坐得舒服。…查看更多

喺附近食完下午茶，平台路過見到有雪糕，即刻就停低睇下有咩味。款式都多，特別味都唔會好貴。不過我就揀左1濃1淡既石板街同綠茶。自己習慣出街食飯會帶住飯盒，所以叫左老闆直接入盒，環保d d。綠茶味好夠，雪糕亦好奶，快溶。石板街朱古力味濃，好味。…查看更多

返工喺附近食過幾間都係麻麻，第一次黎呢間。12：07入座唔使等位，叫左快餐A , 黑椒汁，少意，中湯，汪啊姐，$58什扒包括：雞扒，豬扒，豬頸肉，火腿，腸仔。2塊扒有d燶，只可選黑椒/茄汁；飯或意。味道正常。餐具兜只有叉同匙羹，要另外問佢拎刀。服務算唔錯，不過我同隔離枱杯熱飲都要我哋差唔多食完碟飯，再搵侍應叫佢先即刻整，但另一邊杯凍飲一落單即做，攪笑：）臨走問佢拎室溫水佢會俾杯熱水加冰等我可以即刻飲到。但本人覺得可惜既係什扒無牛，飯無得轉薯菜，同無芝士粉。。。不過喺銅鑼灣$58包湯，包餐飲而唔伏，cant say no more。…查看更多

午市套餐：包，湯，主菜，茶，甜品紅酒燴和牛牛邊肉，黑醋沙律,$78煎紐西蘭肉眼扒，焗薯，$88食評：紅湯：夠濃，多料，有肉，正！黑醋沙律：清甜，正常。厚多士：配士多啤梨果醬，OK。和牛牛邊肉：似牛腩，唔係好稔，但夠多。抵食但口感一般。汁好濃，但由於我唔係撈飯/意，所以本人覺得咸味同甜味都過左。肉眼：應該俾鬆肉粉“拿”過，連筋都好鬆，好易撕開。黑松露白汁，唔錯。焗薯有牛油，都甜。賣相方面可以改進，其實簡單灑少少蕃茜已經得。至於抹唔抹碟就見人見志啦。同埋落單啊姐無問過塊扒要幾成熟，所以切開見到已經係7成+熟。不過而家都已經絕對對得住個價錢。汪啊姐：偏酸，我落埋d果醬當糖漿，依然被咖啡酸味蓋過，但加埋奶中和左陣酸味,士多啤梨味出晒黎，好正（個人意見，我係會亂沖咖啡既人）雪糕：港產焦糖脆餅雪糕，食得入口。唔似“大阪牛乳”。（ps. XoXoberry / Xojimaya喺雪糕關注組係被唾棄既牌子，詳情請搜尋“律師信味雪糕”）環境：乾淨企理，但後欄去廁所就好大陣怪味。…查看更多

員工a（後生女），員工b（紫衫疑似越南auntie)，員工c（another auntie)我12：03入到去，坐低，12：05想叫野食果陣咁啱我有電話要講，於是我yap 手，b埋到黎果陣我食指篤住餐牌，篤d餐幾下，但b仲問我要咩，咁我答d餐，唔使飲野。佢覆左1次，行開左。隔3分鐘，b幫左邊1家3口疑似熟客落完單，過黎問我，頭先你係話食咩嘢？ 我話d餐，唔飲野，佢話：下,唔飲野？跟住我先見佢寫單@12：09碗野黎到，左邊枱問b拎蔥，佢即刻俾，我問b，b就話我碗野唔落蔥架，陣味唔夾。雖然食落唔差，但我真係好鍾意食蔥，當我聽到右邊叫野食走青時，我問a可唔可以俾芫茜蔥我。結果佢係有俾到，但亦有說話講a：如果再有咩需要可以再搵我哋，但你呢碗係本身係唔包蔥既。我唔該完a，就即刻倒晒落碗蕃茄牛河度繼續食。而右邊枱出餐前俾唔記得b定c截住彈返轉頭，同廚房講未走青，要走青。重點黎喇，我鼻敏感，食到咁上下就流鼻水。望過周圍都無紙巾12：32 我同c講：唔該，後面係咪洗手間？c：係啊我：咁我去一去先，麻煩唔好收住。我未食完。（仲有1/4碗，有牛有茄有河）c：哦，無問題，唔會收你既。3分鐘之後，12：35我去完廁所出返黎，我原本個位比1對男女坐左，b落緊單，而我碗野無左，我支水無左，我張單都無埋。我行去問c：err，我d野呢？c：我唔知啊，我睇唔到佢收左。我：下？頭先我張單仲喺碗邊，未俾錢架bor, 咁樣都收？（我心入面好想爆一句，邊個咁好人幫我埋左單）b：哦，得架喇，知架喇。我：咁我支水呢？b：得得得，我裝返杯俾你，你慢慢坐，小心啊，好熱架，唔好飲住啊。12：37於是我坐低喺原本個位既左邊，一路覆msg, 1路等杯水攤凍。然而，果杯係滾水，我等到12：42決定起身，同a講，我唔等喇，滾水點飲？我都係去埋單喇（見到門口有幾個人等）a：好啊我一路跟住a行去收銀我：張單就無左，但我記得係$56, 好似係5a枱，食d餐。去到counter, a 1路問門口個客要d咩，1路㩒機俾我嘟8達通，但就喺a 攤手向8達通機示意俾錢既時候，排門口果個客就嘟左。。。我：先生，你嘟左我張單，不如我payme 返$56俾你啦。先生：唔怕啦，應該一樣價錢既姐，你再嘟過啦。a同我講：麻煩你再嘟過我：但你收錯左佢錢，我直接俾返佢咪算囉。a：唔緊要架，你嘟啦，頭先我未收佢錢架。我：下，咁頭先“嘟”得咁大聲係咩黎架？算喇，你鍾意啦。”嘟” 我兩袖清風咁走。去ok 買過支野飲，先至可以有個樽之後裝水捱埋個下午。…查看更多

平民小店，平靚正b7 煙三文魚天使麵, $60c2 椰香咖哩吉豬（薯菜）,$588點左右入黎食，陸陸續續都有回頭客入黎，清一色叔叔。Ps: 一有人出入就會聽到熟悉既“沙華d卡”（曾經工作既地方曾經有過既聲音）Pps:隔離枱叔叔父婦叫海陸意粉，剩好多意粉，話下次會叫少意粉，唔好嘥。食評：話晒第一次幫襯，叫煙三文魚呢d現成野，一定無死。個天使麵有咬口，個汁都夠濃，唔錯。吉豬完塊上，厚實，皮脆，有少許肉汁，豬扒唔係好夠“鬆”，7.5/10分（但$60ja bor, 性價比算高)咖哩係sause on the side，似日式，好mild既辣，同得少少椰香，有洋蔥碎但無蘿蔔薯仔既汁。薯條有脆有唔脆，茄汁佢會喺雪櫃拎出黎。奶茶同咖啡正常水準，無反茶。紅湯有正常料，味道唔差，比較稀。絕對好過溝生粉。…查看更多

頭先系旺角行到攰，夜晚搵宵夜外賣，路過見到記得食過呢間野幾次，唔錯既，就睇外面個menu. 叫左2樣。但問題係收錢既時候，個a8 佢收貴左我3蚊，我影相問店員，佢話應該係出面張野印錯姐，係$42. 問我仲要唔要，使唔使轉其他野。我話“其實我就唔係差在果3蚊既，會照要，不過我勸你快d改返出面張紙囉，因住俾人消委會投訴。而到15分鐘後我拎完外賣佢都係未拎支筆出去改。講返野食，鋪頭好多人叫焗薯，但我無。蒜香豬扒好香。菠菜魚柳都ok。性價比高既…查看更多

同朋友一齊黎食，坐位舒服，景觀開揚。我地有玩boardgame, 可能係全場最嘈果枱。sorry.㩒鐘仔就會見到侍應快速反應行過黎，其餘時間佢其實唔會過黎打擾你。所以黎傾計係舒服既。仲叫左個牛脷意粉，無影相。牛脷都好味…查看更多

以前成日路過, 晚市都會排長龍, 所以無幫襯過, 而家廢炎時期唔使等, 即刻去食一次.招牌吉豬, 好似唔試唔得咁, 口感真係1流, 酥脆外層, 豬扒夠稔, 不過味道唔濃, 同埋聞落無咩味, 無令人有流口水既感覺. 沙律有2款, 椰菜絲雖然有胡麻醬, 但有d 寡, 我放左落湯度浸, 都ok, 另外可以揀沙律菜, 唔錯, 仲2款都可以任添, 飯都可以, 不過其實都夠飯. 午餐過百其實有d 貴.鰻魚肥美, 唔錯, 唔會太甜另外口痕叫左個炸3文魚鰭, 3件, 外脆內軟無叫刺身, 朋友一早飽左投降…查看更多

過去10個月黎食過十幾次, 水準都保持到.$198 揀3款小菜, 送埋糖水, 連埋茶錢, nuts 同加一, 三個人食,人均都係80-100蚊, 真係無得輸. 只要唔係過時過節, 基本上都坐得鬆動, 我住深水埗區, 但西九果間無做呢個優惠.我一定叫13.海味什菜(粉絲) 煲,我知材料可能係無其他小菜咁貴, 但真係抵食夾大件. d 菜夠稔易入口.4 欖角骨都好味, 雖然上一期既鎮江骨味道更好, 但d 排骨既處理方法一樣, 炸到外酥內軟, 仲要隻碟度無乜油, 擺左系枱度半個鐘攤到凍晒都唔係差太遠, 出面好難食到咁正.平時仲鍾意食8. 薯仔牛柳粒, 不過今次轉試下14. 初頭睇以為西芹腰果雞柳,但原來係豬頸肉,同樣地, 碟上面無乜油ps: 食左d 先至影相, 所以份量睇落小左…查看更多