rachel.tang.982的个人专页

呢排天氣成日都好唔穩定，一時落雨一時好猛太陽，搞到個人嘅胃口都時大時細，心情都差咗😵‍💫今日難得屋企人話出去銅鑼灣度食飯，我就強烈推介咗呢間，齊齊鋸鋸扒，令到個人都開心啲☺️☺️☺️我自己就揀咗呢個紐西蘭西冷，再拼大蝦及紅酒燒汁，個扒我㨂左5成熟，口感好煙韌，塊扒嘅份量亦都好大，我一個人都爭啲食唔曬😂屋企人就揀咗呢個西班牙烤乳豬，雖然係 ¼隻，但係份量都好大件，我係第一次食呢個西班牙式嘅烤乳豬，同我哋平時食開嘅中式好唔同，完全一啲油膩感都冇，仲要係脆卜卜熱辣辣！呢個真心有驚喜👍總體嚟講，呢一間嘅質素都唔錯，份量好大，食物嘅質素亦都幾好👍 會再返兜…查看更多

今日旺角做完嘢，喺通菜街見到有間新開嘅餐廳喎，見到門面裝修幾典雅呀，咁就試試先。 我哋一行二人，每人嗌咗個丼飯： 日式牛舌溫泉蛋丼飯同埋黯然銷魂丼飯跟溫泉蛋，上枱好有驚喜喎，價錢好大眾化，幾十蚊有交易，但係食物嘅份量好大份😍牛舌同埋叉燒啲份量好多，真係鋪滿晒成個碗，上面仲會有晒留心溫泉蛋，啲秘製醬汁跟埋溫泉蛋連埋啲牛肉一齊食，真係好好味！跟住我哋仲一人叫咗一碗甜品，個賣相好靚😍 用咗中式瓦碗去盛載，揭開好有驚喜，自己最鍾意就係呢個紅豆爆珠冰荳花，啲爆珠鋪面好靚，閃閃發光㗎😍 味道都好好味，唔會偏甜，價錢都好抵$38 咋！ 溫馨提示，佢哋係每日限量供應架！ 另外開心果糊都好抵$42， 個味道亦都唔會偏甜，面頭鋪滿晒一粒粒開心果碎，好味又啱晒打卡！ 好高質嘅小店，值得再幫襯👍…查看更多

要選香港最代表性嘅菜式，一定係茶記，首選係就梗係菠蘿包配熱奶茶啦！ 食過咁多間嘅菠蘿包，呢間菠蘿包真係好大件，又抵食，好足料！ 面頭嘅脆脆仲係熱㗎，有圖有真相，真係好大份，大過杯熱奶茶😆再配埋靈魂嘅熱奶茶，完全係令成個下午茶叉晒電，100%能量注入😆😆😆另外我哋仲叫咗個炸魚柳，係足足兩大塊，每塊都大過我隻手掌，再配埋沙律醬，超惹味！ 呢間茶記幾高質，食物大大件，夠晒抵食！仲要係啲嘢食真係熱辣辣嘅，菠蘿包拎上手仲要係熱辣辣，質素有保證！ …查看更多

天氣咁熱，同Fd 子出去一定要揀啲靚甜品食，降下溫。啲女人對甜品真係另一個胃，食得勁開心大滿足 😚雙重開心果小山園焙茶雪奶 ($78 ),雪奶口感勁豐富，有冰，有cream,有雪糕。呢款係開心果拼焙茶，個配搭真係幾perfect! 仲有埋啲果仁開心果碎碎。開心果奶蓋焙茶麻薯窩夫 ($82), 都係開心果味拼焙茶味😂😂不過呢個係窩夫做底。個焙茶雪糕好濃香茶味真係好好食，又唔太甜，最鍾意呢種雪糕！窩夫都幾夠脆。兩款甜品都勁靚，我地真係食得好滿足🤓…查看更多

呢間餐廳不嬲都有支持開，因為食物質素太高質，又夠抵，性價比堅高。勁開心既係佢地以前係下徑口村架，依家搬返大圍區喇，咁近我，梗係要去支持啦！泰式燒雞扒飯配蔥油汁燒雞扒真係幾好食🤤外皮燒得香脆雞肉嫩滑，配埋蔥油汁好惹味，唔想食飯仲可以將白飯轉沙律，冇咁heavy 再追加埋泰式炸魚餅(3件）小食叫左個炸魚餅，炸得剛剛好，魚餅夠彈牙，配上泰式香料幾惹味👍🏻野飲方面梗係要飲佢地主打既優質即磨咖啡見倒好多人話佢啲咖啡好正，今次叫左杯果然幾正☺️最抵係呢間餐廳泊車好方便，勁近田心村咪錶停車場👍 最重要係佢地依家係試業同新張期間，生啤買二送一丫！勁抵！下次再約埋屋企人擦返餐勁先😆😆😆…查看更多

慶祝屋企人生日今次我哋黎左GAIJIN, 登龍街樓上舖位黎, 環境唔算細, 坐到十枱多少少~ 我就早一星期book定, 見openrice仲有折tim~~好精緻嘅一碟櫻花蝦溫泉蛋沙律-配日本胡麻沙律醋汁。睇中左有溫泉蛋而嗌，啲沙律菜好嫩綠脆口，仲有我最愛嘅蕃茄！櫻花蝦豐富左個口感，真係唔錯嘅配搭👏香蒜欖油大蝦意粉好大一碟，我鍾意意粉夠彈牙，香蒜欖油非常非常香，味道滿意度係滿分！！大蝦肉質彈牙，高質！另加單點甜品-法式焦糖燉蛋。焦糖整得脆薄，蛋燉得滑嫩同蛋香味真係好出！甜品都係高質🥹…查看更多

見到呢一間餐廳好評如潮，一於掹埋公司飯腳一齊去試吓，真心有驚喜，忍唔住要幫佢出返個食評🥹🥹🥹 同事嗌咗一個雞煲，估唔到lunch都有雞煲食到，鍾意食雞煲，但係又唔想食咁大份量嘅朋友一定要食呢個！ 醬汁超級惹味，唔算好辣，但個靈魂醬汁真係好好餸飯，而且啲雞件份量超多，仲要全部都係靚位！自己忍唔住拎咗幾件雞嚟食，真係正！ 另外我自己就叫咗一個拿破崙意粉，夏天冇胃口就最鍾意食呢啲酸酸甜甜嘅嘢，細個最鍾意食呢個，好惹味！又夠熱辣辣，又足料！ 第一次食呢一間新開嘅餐廳，真心好有驚喜，食物高水準👍👍👍佢應該會成為我嘅返工飯堂啦哈哈🤣題外話，早餐都好吸引，返工前食個靚早餐都唔錯😏…查看更多

旺角必食Coffee Shop，環境好舒服，頂樓好好View，仲可以Pet Friendly，必推介。燒豚肉片慢煮蛋杞子飯＄110豚肉片超多，好香豚肉味，唔會太鞋口，仲有得埋二食添，倒埋湯做茶漬飯，一個價錢2個食法，正，配埋高質咖啡，高質！醬燒雞肉慢煮蛋鰹魚湯烏冬$98大大塊雞扒，配埋醬汁好好味，上面鋪滿我最愛既芝麻，充滿着芝麻香，烏冬亦都好煙靭，一啲都唔林，岩曬我值得一提嘅係佢哋全部既便當都會配埋有小食，好抵！另外，再食埋蛋糕，超香滑，大大份，我哋兩個人都食唔晒！好滿足嘅一餐，一定會二訪😘😘😘…查看更多

係荃灣做完嘢，無意間比我搵到間可以encore嘅港式茶餐廳喎～下次有興趣要試下佢哋啲蔥油飯同咖喱飯，好似幾正咁。企係門口見到間茶餐廳，餐牌選擇好多，除咗有基本茶餐廳供應嘅常餐、碟頭飯、咖喱飯、港式扒飯餐、蔥油飯麵餐等等，仲有小炒、煲仔、蒸類嘅菜式。－椒鹽豬扒炒公仔麵－芝士燴牛肉飯 －熱奶茶 我見隔離枱嗌左碟椒鹽炸豬扒，椒鹽味我哋一開始都聞到，好吸引，一於就點個椒鹽豬扒炒公仔麵啦！豬扒啱啱炸起，熱辣辣，仲出緊煙，豬扒份量好多，醃得幾香口入味呢。公仔麵麵質啱啱好，唔會太淋身。我同事就點咗個芝士燴牛肉飯，海量嘅芝士，牛肉好軟嫰，不過食咗咁多芝士，食到咁上下都開始滯，都係建議開心share好啲，一個女仔未必食得晒。…查看更多

今晚突然想食台灣野就叫左阿媽落嚟一齊食揀呢間係因為見裝修簡潔價錢合理.蕃茄牛肉麵 $58份量合理對得住價錢湯底帶有蕃茄嘅酸酸甜甜牛肉大大件又厚身啖啖肉嘅感覺最正👍🏻.三杯雞配飯 $68睇相都見到佢有幾香濃啦食落都真嘅唔係得個樣🤣.雞肉嫩滑沾滿醬汁醬汁甜甜微辣撈飯一流好耐無見阿媽食得咁快🤭.木魚花枝丸 $38小食最愛就係花枝丸好搞笑嚟到以為俾錯左章魚燒成個賣相根本就係章魚燒無誤😂有木魚片又有沙律醬.今餐阿媽都食得好開心睇嚟有機會會變飯堂了🤪…查看更多

前排去探朋友黎左黃大仙，諗住係附近食飯朋友就推介咗呢間街坊小店食飯，聽聞餐廳已經係老字號，不過裝修都好新，菜單選擇都好多，仲要唔收加一好抵食，今次試左幾款都好好食🤤潮州蠔仔泡粥 $35 蠔仔都好大粒十分鮮甜，粥底綿滑調味好好👍🏻加入一啲配料好惹味，絕對值得encore鮮蝦雲吞麵 $33熱辣辣最近天氣凍食真係好暖胃，雲吞大大粒入面真係有鮮蝦，麵質爽彈好滑身，湯底不會太鹹，又係必食推介！呢個真係唔可以錯過，抵食性價比極高！ …查看更多

平時好少食越南菜，經過覺得味道唔錯就決定試下，要讚下啲店員服務幾好，佢地全部都係越南人，又會好細心咁推介番啲菜式，好好!頂級順化湯檬 必點之選! 材料好豐富，有齊豬腳、牛腱、扎肉同牛丸，豬腳肉質好嫩，牛腱食落有咬口扎肉帶鹹香，牛丸大大粒又夠彈牙，特別在於個湯底清甜得黎又辣辣地，檬粉吸收左湯底好惹味😋 蟹肉炒飯炒飯好大碟，未食已經覺得好香，蟹肉份量都好多，炒飯炒至金黃色，配上配料更有鹹香，好好味，一啖一幸福😍 青檸梳打餐廳有多款越式特飲同梳打，呢杯青檸梳打酸酸甜甜好開胃，有助解膩👍…查看更多

餐廳裝修精緻，牆上面有好多特色掛畫😍店員服務亦唔錯，都有同我哋簡單介紹Menu，是日推介等等，整體對餐廳第一印象幾好😃當中我最深刻印象就係炸蝦餅，一上枱見到有八件，再一分為二，份量真係超多！而且味道真係好出色，算係我食過最好食嘅炸蝦餅🤩炸到金黃色，香口又彈牙，色香味俱全。另外冬陰功鮮蝦忌廉意粉都唔錯，係從來冇食過嘅味道，但係又出奇地夾，所以都幾有新鮮感。最後炭燒豬頸肉都好值得推薦，火候控制得好好，炭香四溢😄肉質依然嫩滑，大人小朋友都好鍾意食。…查看更多

之前食過一次覺得味道唔錯，見佢地逢星期日至四like/ follow 社交平台有85折優惠決定再訪，水準都keep倒，同屋企人都好滿意雞煲揀左唔辣既滋補螺片花膠雞煲，啲雞大大件都好juicy，一啲都唔油! 好高質配料方面選擇都好多，海中蝦大大隻，爽口彈牙，就咁食都有鮮味!另外試左店員推介既珊瑚蚌，味道鮮美，爽口幾特別! 自己鐘意配埋醬料一齊食更滋味， 另外必點紅薯粉，份量都好多，吸收左雞煲湯底既精華好好味環境方面位置都好闊落，座得好舒服，不錯!…查看更多

素食自助餐都流行左一段時間，而今次我就趁住午餐時間去同同事一齊去試下😝平日午市係由11:30am去到14:30pm)，價錢就$75蚊💰限時食75分鐘🦭首先係counter到買飛，75蚊免加一，之後就可以拎野食嫁啦🤩每人會安排一套餐具碟🍽️75分鐘都係用同一set餐具，而店主知我地第一次黎都有簡單同我地講下有啲咩特別野食🌯之後仲有同我地講佢地好多創意菜式都係自己idea💡叫我地試過好食都要帶多啲同事黎添，呢種親切感真係唔係到到都會遇到🥰今日試左幾款我都中意，而當中我覺得炸金菇最花心機🦚因為佢真係炸到好似一朵花咁，而金菇炸完之後好脆，唔會膩之外仲一啖接一啖停唔到呀🤣…查看更多