xee的个人专页

作為荔枝角工友，這間越南粉的生牛河一向是我出外快食的不二之選。牛肉質素不錯，湯底不驚人，但可以，食完唔會過份口渴。今日打算20分鐘解決午餐，三十幾度暑天想試下撈檬，牛扒雞扒之間選了雞扒，全因雞扒有星星推介。好快有得食。配料多，甘筍絲青瓜生菜絲很充足，色水吸引，加分，特別之處係有蔥油（我都唔明點解，可能個廚覺得雞扒要食蔥油掛）。撈好個汁先，汁偏甜，酸一點更好，不過不失。檬粉分量亦是很足。試下主角雞扒，很遺憾，令成個餐倒扣50分，太咸，完全係腎病級別既咸，一邊吃一邊令人懷疑廚師係咪味覺出了問題。比返少少同情分，就係食得出雞扒用左蝦醬去醃，有獨特的香味，但個咸度真係不可饒恕。最後我承認我係食晒塊扒，基於真係肚餓同唔想浪費既原則，而家後悔緊。跟餐叫左熱檸茶，共銀$59。下次叫返生牛河算，記得唔好信星星推介。…查看更多

假日正午12點，有幸辦完事在附近，經過發現六両三在此，見不用等位，就即改變計劃，入去一試。點了紅燒牛肉面，試一下湯頭，注意是不辣的，清甜味美，沒有過濃死咸，亦沒有味精，隱隱有點藥材味，搭落還有點細個時喝保衛爾牛肉汁的風味，有驚喜。麵是粗麵，軟硬適中，可惜的是間中有幾條頭位置仍有點硬，似未熟透，但大部份仍是合格。牛肉淋滑，牛味佳，肉中間有滑滑的筋位，沒有過咸，件數給得慷慨，吃得開心。唯一的遺憾是麵不太掛湯，但應不是店家的錯吧？好似無聽過台灣牛肉麵要掛湯的..（.除了那這重油重辣的店，一層油當然掛得上）大概是這家湯太好我才覺得遺憾，只好把麵放在大湯匙裡跟湯一起吃好了。…查看更多

荔枝角返工好多野食，但出去食一定唔平，我傾向外賣。這間一直是我外賣的秘密名單，食過好多次泰式海南雞飯，一直滿意，雞肉嫰滑，胸肉都唔鞋口，分配均勻，每次都有胸肉加二至三件脾肉。醬汁好味地道。今次見有店家極力推介的泰式蟹肉咖哩飯，就試下。打開有香味，泰式咖哩汁杰身，明顯有加蛋汁炒過，蟹肉分量唔吝嗇，起碼有一大堆，食味都新鮮。公司離店10分鐘步程，返到去飯餸都熱，食落正常，唔太辣，溫和咖哩，有堆鮮味蟹肉，荔枝角區$50，算不錯了。…查看更多

第一次上黎，試了個精選早餐，很不錯，有誠意的質素，價錢合理，$50 all day breakfast 包飲品應該很難在尖沙咀出現。全場full house，侍應不多，難得仍然保持笑容，見精選咖啡有syphon及ice drip，打算試下，侍應推介ice drip可試yannan，又詳細講解了咖啡豆的味道 - 帶紅棗然後朱古力香氣。好期待 ~ 一聞下去，果然有點類似藥材味! 飲下去…好熟悉的香氣~ 是什麼呢？有點似紅棗，但又不完全是…是花旗参！花旗参的香氣，和那種甘甘的味道！！ 然後，沒錯，是朱古力味！店子雖小，但有對產品有認識，而且尊重工作又友善的員工(多一點這些員工應該有助洗脫香港餐飲業的惡名吧…我估…)，為打風的星期六下午，帶來愉快的心情！Keep it up!!…查看更多