100%自費＋真實食評讚左要讚既位先，餐廳舒適，環境係舒服既，唔多人都幾寫意。入到餐廳，從menu講起，我地叫左一個UDC凱撒沙律，結果黎到，麵包粒、煙肉粒一粒都冇，見到既係煙三文魚、芝士碎、羅馬生菜，同埋飯素？？？？冇睇錯，係飯素..配沙律，我食咁耐野以來第一次係沙律配飯素⋯跟住 main 叫左招牌名古屋鰻大阪燒意大利飯⋯不得了，一黎到食個飯底，有芝士味本人已經睇清楚Menu，冇奶類製品先叫，點知蛋包飯個底係有芝士⋯.即刻忍唔住問一問餐廳員工個飯係咪有落芝士？原來真係有落芝士。跟住我即刻放棄個飯，淨係食得鰻魚。真係忍唔住要提醒個餐廳員工，個飯如果有芝士嘅，麻煩加返芝士，我唔食得奶類製品，俾佢害死。之後最經典係明太子意大利粉配珍珠帶子，一上臺完全黑人問號，明太子係邊？見到又係沙律醬，番茄醬，心知不妙，mix 埋一齊既味道好奇怪！好難食⋯重點點解上面會變左蟹柳同埋蟹籽？我唔係食緊明太子意大利粉？？？？跟套餐可以加$66，有湯、有嘢飲會、有甜品嚟到個湯簡直 再次黑人問號？係白汁金寶湯然後上面加咗幾滴嘅黑松露油？好難飲，唔係我飲，係我朋友飲佢話好難飲。跟住套餐有埋飲品，我揀左紅肉火龍果梳打，火龍果肉打到起泡然後就咁溝梳打。唔難飲，但係唔好飲。最後嗰66蚊套餐仲有甜品，好粉，有啲綠茶，有啲芝士味咁囉。我好懷疑呢間餐廳咁多個like係咪打手嫁？真係好難食係一間垃圾餐廳.終於知道點解香港人寧願北上都唔留港消費，我冇返大陸消費，但如果香港餐廳keep住咁既質素，最後好多人都會被迫北上消費。…查看更多
圖案俾次機會大家試下好冇食點知唔試猶是可，一試把鬼火！俾大家睇吓上碟個碗麵係點先，留意番第一張相 正正常常咁之後就開始嚟料啦
