ariaau的个人专页

今日想食口水雞，所以外賣叫咗口水雞米線。送到嚟發現無雞，淨係得碗清湯「淨米線」，我要求退款或者送返份雞嚟，結果竟然拒絕！佢哋只肯退$30，而原價係$69，淨係一碗淨麵收多過成碟雞，根本唔合理。🙄自問係嘅街坊，支持下小店，不時幫襯你哋 ，但今次真係令我失望到極點。真係唔駛再幫襯！😒I ordered the mouthwatering chicken rice noodles, really looking forward to a delicious meal. But when the delivery arrived, I was shocked to find only a bowl of clear broth noodles, no chicken at all! I asked for a refund or for the chicken to be sent back, but I was turned down. They only offered to refund $30, while the original price was $69. That’s just outrageous! Charging more for a bowl of noodles than for a whole plate of chicken is totally unfair.😠As a local customer, I’ve always supported your restaurant, but this experience has left me really disappointed. I feel like this kind of treatment is just a way to take advantage of customers. I won’t be coming back again.👋…查看更多

因為食到肚屙，所以點都要寫返🤢夏日炎炎，食物當然容易變壞。但作為食肆理應要妥善保存食物。當日叫咗個泰式虎蝦金邊粉，啲蝦係完全發霉。有時啲蝦唔新鮮啲肉係霉霉地，唔爽。但呢度嘅蝦係霉到無法用筷子夾起，雲一樣🤮人生初體驗。叫咗隻椰青飲，一飲，有氣梳打咁，味道都好怪酸酸地。同職員確認呢隻係原隻椰青，唔係加咗梳打。即刻退咗🤢又係人生初體驗。換咗杯玫瑰野莓茶都係極奇難飲。無玫瑰味，只有紅色咳藥水嘅人工莓味。最後臨走收銀處見到佢啲蝦(藍色visa卡簿後面果兜）就咁長期放喺無冷氣嘅空間，唔壞都難🙏我企係果個位都覺得熱。Blacklist✖️✖️✖️…查看更多

放工18:15去到排隊，已經超長人龍。經過漫長嘅等待終於入到去。因為預先填好點餐紙，所以即刻落得單。叫咗：親子烏冬（味噌湯，加腐皮）吉列豬扒烏冬（咖哩湯）紫菜炸雞柳雞翼（3隻）山梨葡萄果汁先上小食。雞翼味道正常，貪新鮮叫嘅炸雞柳無味。親子烏冬，話明「親」「子」，如圖所見，無咗隻蛋（子）。都驚自己理解錯，問一問職員確認。職員話有，叫我睇吓個底有冇。（如果真係係個底都無語🫠 正常係擺係面？）確認冇，佢就搵廚房拎返隻生蛋俾我，但當時個湯已經唔滾。豬扒烏冬先上烏冬，隔咗一陣先上到個豬扒。要求個餐齊哂先上都唔過份呀（得兩樣嘢）雖則呢度係香港，係失望嘅。烏冬味道一般/正常。總結個人感想，未試過嘅可以一試，但唔駛去排隊😀…查看更多

經過試碗豆腐花，本來都冇任何期望要咩豆味，要幾滑，純粹諗住到此一遊check point。但送上嚟竟然係散，未成型，衰啲講有啲似嘔吐物⋯🤮都同佢諗「自家製，可能未夠時間，天氣又熱，可能差啲，體諒吓」但之後見到其他人果啲冇咁差，起碼係成型，平時見到嘅豆腐花樣🙄就相信佢係搵我哋笨。圖中嘅質素根本唔應該俾人食，有良心係咪應該裝過另一碗？唔係豆腐花，係「豆腐渣」。The worst tofu pudding I’ve ever seen/ tried.The picture is worth a thousand words 😷…查看更多

好鍾意法式洋蔥湯🧅，但飲唔返係法國嘅味道。見到呢間賣相唔錯，所以去試試。晚餐有Dinner set for 2，選擇多，吸引的（唔包嘢飲）👍Starter 有洋蔥湯，另外再叫咗個whitebait tempura。滿心期待嘅洋蔥湯，很一般⋯包實在too soggy😵‍💫湯唔夠rich，太少芝士⋯不推薦🥲反而白飯魚好驚喜😮本身諗住白飯魚係平時屋企煎蛋果種，但佢係好大條兼肥美～肉身好飽滿，天婦羅粉漿又夠薄，食落口感好好👍推薦⭐️Main 叫咗duck confit 同steak。Duck confit 肉都香嘅，只係個皮唔crispy，mashed potato 伴碟，佢應該加咗芝士，個質感幾得意。Steak（要加錢） with fries，medium rare 做到。 外脆內軟，正常水準。最後甜品要crepe topped with chocolate ice cream。好味程度：可以為呢餐畫上完美嘅句號😌飽都要食🤘（都會食哂）P.S. 當晚冷氣完全唔涼，用餐過程唔舒適🥵A/C temperature was too high/ is not working ?? Even the restaurant was less than half full. We felt sticky 💦💦lol.. staff are friendly though.…查看更多