haziness的个人专页

好少寫食評，但今次下定決心要寫！因為Openrice基本上得清一色好評，但再碌落啲發現先有一千零一個精明嘅食客已經講咗呢啲好評都係來自KOL/ foodie！！🥲🥲🥲咁我哋今次就係一行5人去食飯，6:50pm坐低，7:09pm落單，7:44pm終於黎第一碟餸，海鮮農夫包，質素普普，偏鹹，都係啲急凍海鮮，但0蜆肉，全部都係得返個蜆殼7:59pm黎第二碟餸，魚肚羹，應該落咗好多味精⋯⋯越食越鹹⋯⋯自問都食到重口味（雖然食得濃味同食得鹹係唔同）但我都覺得鹹足成晚🤯🤯8:09pm 椰菜苗，正正常常，但炒個菜要成一個鐘？8:21pm 明爐烏頭魚，味道嚟講，算係全晚最好味了，但係好多魚鱗刮唔清，仲食到碎咗嘅青口殼🫨🫨🫨🤯🤯🤯一嚟好嘔心，二嚟慶幸屋企人冇鎅親口成個場地方唔大，但係坐得好迫，逼到我同隔籬枱好似同一張枱咁樣一齊食飯😄傾落先知隔籬枱仲慘， 6:30pm坐低等咗兩個鐘，去到8:30pm條魚都未到🥲 然後仲見到餐廳繼續入人，我直頭想做口型做手勢叫未落單嘅人快啲走😂仲要全場爆滿，粗略估計約80人，然後得2個侍應serve全場，仲間唔中要入廚房幫手，真心唔得👎🏼⋯⋯以為H8呢啲大廈入面嘅餐廳，大部份都係小店，但原來呢間係胡爐集團，同醉胡爐、胡爐同一個集團，仲要咁嘅質素，有少少被騙嘅感覺？好彩今次都係普通食飯，如果去生日慶生一定超掃興，不可一不可再，千祈唔好為咗個火焰燒雞而去🥲 唯一一讚係侍應態度算係好好，全晚間餐廳好似玩overcook燒咗個廚房咁，但都保持冷靜不停救火🧯…查看更多

因為住得近，呢間餃子店都食過不下十次架喇餃子整體黎講係唔錯既尤其以前未有咁多人既時候啲餃子隻隻都又飽滿又包得實話説琴晚再去，嗌左8隻湯餃入面至少5隻都係包唔實或者爛左，入哂湯就算啲餃本身好味都失色哂:(但最嬲既係有位新黎既年輕員工服務態度惡劣！令我忍唔住要係到開個post講！我地仲嗌左8隻煎餃本身有碗細湯跟既 但煎餃黎左10分鐘都未有湯咁我就好有禮貌地問嗰位員工：唔該，想問係咪有碗細湯跟架？:)然後得到既回覆係極唔耐煩既：唉得啦得啦！我心諗我好聲好氣咁問都唔明點解無啦啦要受氣囉⋯⋯完全係比呀媽哦完唔耐煩既答覆明明可以話：等多陣啦/我拎比你/一陣會黎架喇⋯⋯但偏偏係要態度勁差咁敷衍客人見到有其他客人想買生餃都好有禮貌咁講一樣比嗰位員工不耐煩地hea答：唉一陣啦係呢到唔係期望有「客人永遠是對的」既服務但絕對唔係要比你發脾氣受你氣囉食物再好食都冇用希望店家可以加以改善…查看更多