qkk123的个人专页

食材用料新鮮，廚師烹調技術高超，整體食物全部都係高水準之作；尤其今日最大亮點就是雞肝醬多士，雞肝醬調味適中嫩滑，再配熱騰騰的多士非常美味。明太子玉子燒：明太子份量驚人，玉子蛋味濃郁嫩滑。明太子飯團：飯團脆口，再配以香口紫菜同明太子，簡直係配合得天衣無縫。雞翼：彰顯廚師功架之作，雞翼燒得皮脆肉嫩，炭燒味芬香撲鼻。甜品（焦糖燉蛋）：蛋味濃郁，焦糖香甜芳香。另外，服務員態度良好同埋非常勤力，這是一間非常值得推介的餐廳。⭐️⭐️⭐️⭐️⭐️…查看更多

第一次試呢間滷水叫咗終極咖哩牛筋腩同埋加咗蘿蔔，仲有個神秘醉雞腎。1. 牛筋入口即溶炆得好濃味，咖喱味如果可以再濃少少就更加好。2. 蘿蔔無根勁甜勁好味，佢用清湯去炆，非常鮮甜好味。3. 雞腎酒味非常濃厚，份量亦啱啱好，有時唔想食太多想試吓，一個人份量就最好。整體非常滿意，相信下次會再幫襯。老細同員工都非常友善，明顯間舖都係用心製作，希望佢哋嘅水準可以繼續保持，支持小店支持用心製作嘅廚師同埋老細。希望繼續努力。…查看更多