嘉利仔的个人专页

同朋友去Califonia食飯, 經過間朱古力專門店, 見到呢度有唔同既朱古力, 但係都幾貴, 店員話係比利時朱古力, 仲剪左粒白朱古力士多啤梨俾我同我朋友試食, 個切面靚到呢, 未入口巳經嗅到好香士多啤梨味, 入口脆卜卜, 白朱古力很滑, 酸甜適中。其實我前幾日先食過 Muji 隻白朱古力士多啤梨, 入口香脆, 不過啲朱古力甜到我唔想食, 同埋冇乜朱古力香，而呢隻朱古力就香滑好多, 同埋唔甜膩。我都食過北海道六花亭隻白朱古力士多啤梨，0個隻牛奶味重啲, 我個人覺得三隻中呢隻最啱我口味, 呢度仲有唔同既口味, 有紅桑莓、車厘子、藍莓等, 忍唔住買番啲返去，係此megabox之行既意外收獲。…查看更多

和女友剛巧行過上址，看到新開張的這間冰室，第一時間入去試一試。叫了以下東西：1. 奶油豬。比翠華的差，包只是有點脆，而且不太軟，也不太熱。2. 豬排包。比澳門茶餐廳的差，包太硬，豬排唔太熱又煎唔太香口，還加了沙律醬，正宗是沒有的。3. 火腿炒蛋+多士 和其它茶餐廳一樣，記得銅鑼灣近保良局有一間又是標榜用360牛奶，它們弄的不太好，但也比這間好。4. 奶茶。也不出色。總括來說，只不過是剛巧經過才會一試，但不會再試下一次。不明白吃過叫好的人，為甚麼會說好食，如果想試以上的食物，可以到我說的那些正版試一試。P.S. 最後要讚一讚是侍應態度良好，我本來是散叫，但他提議叫餐抵D，幫我轉了餐；之後煎蛋轉炒蛋他們也很HELPFUL。…查看更多

今次選了海景海鮮酒家，因為有5-6年沒有去鯉魚門食海鮮，重遊舊地和女友走進那條窄巷，家家的侍應都出來拉客，完全沒有頭緒吃那一家，在苦無頭緒的情況下，好在女友叫我上open rice...這家酒家位於球場隔鄰，走進後，女侍應很熱情向我們遞上menu，叫我們先看菜式，合心水才決定；後來，女侍應向我們推介套餐，每位250，菜式包括：蒸一條唔知咩斑椒鹽瀨尿蝦皇蒸鮑魚仔 (每人一隻)蒜蓉粉絲蒸扇貝 (每人一隻)上湯/芝士焗龍蝦 (兩人一隻)薑葱屈蟹 (小羔蟹、每人一隻)豆腐海鮮湯 (每人一碗)白灼蝦例牌楊州炒飯炒青菜 水果和甜品埋單600元有找，我認為幾抵食，叫做每樣菜式都有，食物不俗，很鮮味，而且海鮮幾新鮮；侍應的態度非常好，好勤力換碟；下次一定會和fd食多次p.s. 餐前的酸薑皮蛋好好味，以為好貴，原來都係$10，想叫多幾碟…查看更多

未試過峰壽司，試過呢間後，覺得其它的迴轉壽司，都唔及呢間，原因有幾個：它的壽司是手握的，機壓的很實，飯會不夠軟；壽司上的魚生比飯大，正宗的日式壽司是這樣，而且頭尾最好要蓋過飯，它做到了；魚生都幾新鮮，而且款式都算多。本人很喜歡葱三文魚壽司、燒三文魚壽司、熱熱的饅魚壽司。本人覺得已一般迴轉壽司的會錢，吃到如此美味的食物，真的物有所值。唯一美中不足的是，除了tea的時間外，其餘時間都要大排長龍，如果可以訂位就好了。…查看更多

已經幫襯過三次，次次都無失望，環境好舒適，入到去有一種高雅的感覺。最喜歡吃"火文"牛肋骨煲，牛肋骨真係好入味，唔油，恰恰好，試過南山谷的牛肋骨都唔夠呢到好味，栗子都好好味，用d汁黎送白飯，一流。其它食物如石頭飯，冷麵都很出色(冷麵還比其它地方平)，味道和其它一樣，很好味，麵很煙韌。此處的侍應姐姐很好人，服務態度又好，人又靚，佢會幫你refill泡菜，我女朋友話喜歡吃，她更會拿兩碟給品嚐，(一種是全醃製，比較辣，另一種是半醃製，味道較鮮，無咁辣，我較喜歡這種)。吃完飯後，還有免費水果一碟，和餐茶/雪糕奉送，都幾抵食架。P.S. 聽住韓文歌，一路望住電視播緊<天國的"雞批">，一路食野，個feel幾正…查看更多

之前都經常去, 貪佢夠嘈, 夠氣氛, 但而家"摺左"…查看更多

我和女朋友都經常會到此餐晚膳，貪佢近旺角，行完街就可以去食。我最鐘意此餐廳的煎鵝肝，幾十蚊大大片，味道都算ok。其它我最喜愛的有南瓜湯、燒羊膝，羊膝燒得好入味又唔"蘇"整體都唔錯，牛排類set dinner尤其大碟，環境都裝修都幾舒服，價錢適中p.s. 唯一美中不足的是播流行曲，同餐廳的璧畫和格調格格不入，令整體氣氛打了折扣…查看更多

很可惜~…查看更多

最初去因為和民無位，因為見佢d食物好似和民咁，咪走去試下，點知去過一次就無再去。叫佢個牛肉陶板燒，d 牛肉好鬼"un"，個牛肉仲要3催4請先至有，d 壽司又唔好食....唔會再幫襯~~…查看更多

次次黎呢道都無失望，環境舒服，價錢合理，味道幾好，今次食左個2人套餐，因為唔駛諗，一坐低就order，個餐好豐富，有麵鼓湯、前菜(芝麻八爪魚、中華沙津)、日式生菜沙律、天婦羅、炒雜菌、日式餃子、驤雞翼，每樣味道都好，最鐘意個雞翼，(比翼雙飛，好意頭)，總之食到飽飽，要打包個冷麵...仲有個甜品，芝麻或綠茶雪糕，正，埋單都係200蚊到，抵食…查看更多

我係散叫的，埋單500幾蚊同隔離食buffet差唔多，我之所以去chesa因為我原本想訂隔離buffet既窗口位，但fully booked所以先去左chesa，不過我覺得都係值既，間餐廳幾有情調同特色，好似去左間古典小屋咁，service同野食都good.不過你可以考慮埋隔離buffet，望住個海景view都幾正p.s. 帶佢去半島慶祝生日當日，佢都唔知幾鬼驚喜…查看更多

當日是女朋友的生日，剛巧又是半島的周年紀念，有discount，所以點都要試一次氣氛真的很好，candle light 加精緻的報置，好有情調，order左一個頭盤沙律拼盤、鵝肝、一個紅酒汁燴牛尾同甜品朱古力屋仔。個沙律拼盤d蝦好新鮮，整體都好fresh；個鵝肝外少少"燶"裏軟滑，仲好大塊，(因我女朋友怕肥，所以兩人食，分左之後都夠食)；個牛尾好入味，d汁好正，分左之後都夠兩個人食；最後個屋仔賣相好正，又有d字寫係上面，tum得我女朋友好開心整體來說很好，環境舒服，侍應有禮貌，招呼週到，又識講野食物水準佳，有機會會再去…查看更多

之前都聽個好多fd話好食，又話要預早book臺，但個電話打極都無人聽，有一次行過，碰下運氣，剛巧無人等位(7:45pm sun)真是奇蹟。試左幾款壽司，款款都有水準，絕對不是那些機器壓出來可相比，壽司呈三角形(唔係機壓的方形)上面有大大片的魚生，(正宗的壽司是要魚生的頭尾都蓋著飯)，魚生新鮮，叫一客三文魚壽司有1/3碟刺身咁大塊，真係好鬼正之後叫左個日式炒飯都幾惹味，炒得好香，裏面又有硯，又有蝦。最後叫左個侍應是日推介既綠茶布丁(好似係)，有好濃既綠茶味整體來說食物唔錯，好過好多個別的餐廳，壽司好味過壽x亭，綠茶布丁好味過麻布xx，環境都唔錯，坐comman area都可以看到激光加煙火…查看更多

情人節揀左呢度，唉.....，試左d 壽司，比火間土差，好普通，食左個雜菌炒肉?? (女朋友叫的，所以唔記得咩名，我個人覺得好似港式宮寶雞丁)好多油，但幾惹味，因為我鐘意食鵝肝，所以order左一客，普通無乜驚喜，仲有一個日式泡菜，我個人覺得差過韓式，無韓式"頁"得咁spicy 咁入味，最後叫左個綠茶加紅莓雪糕球，都幾好味...可能我無試過佢d 招牌菜，但我叫的菜真的味道十分普通，唔出色，之前網上話呢間橙家幾咁好味，幾咁特別，我個人就唔覺得，環境幾黑，外面又無景...應該唔會再試…查看更多

識得一個韓國人，佢話呢度算係幾正宗既韓國菜，味道算係唔錯，價錢算合理。聽佢咁講，於是冕畫和女朋友一試，叫左冷麵、豆腐窩、海鮮煎餅、同一支梅酒。冷麵都唔錯，唔會太韌，唔似有d餐廳整到好似食橡筋；豆腐窩同其它餐廳一樣無乜特別；海鮮煎餅用料豐富又煎得香口，送酒一流(不過有d似香港的薄餐)整體算ok，無乜特別驚喜，有機會試下燒烤再給食評ps. 以上叫的都是韓國人最常吃的菜式…查看更多