goodfoodhunter123的个人专页

因為係紀念日，所以男友特別搵到間靚靚cafe帶我去嘆～呢間位於觀塘裕民坊嘅餐廳認真高質，我最鍾意係佢嘅鮮蠔泡沫濃湯，蠔味鮮香撲鼻，仲有又大粒又新鮮，每一啖都係享受😍至於主食我地就叫咗兩款。我叫嘅係法式油封鴨髀配橙酒汁，油封鴨髀外酥內嫩。好鍾意佢嘅鴨皮係脆卜卜嘅口感，入邊嘅鴨肉由於係油封呢個煮法，所以keep到軟嫩同鮮甜，再配埋橙酒香味同一眾配菜（尤其係柑桔），完全冇以往食鴨髀太漏嘅問題👍男友嘅主食係蟹肉水牛芝士雲吞配忌廉汁，雲吞係義大利雲吞，每粒都好飽滿。男友話最鍾意雲吞內餡嘅水牛芝士同蟹肉配合十分完美，芝士又唔會搶咗蟹肉嘅味，而水牛芝士嘅creamy口感又同雲吞超match，我偷食咗粒，的確係100分🥰仲有個黑松露薯條都正㗎，薯條炸到金黃色，點埋個香到暈嘅黑松露醬，少少邪惡多多好味😋最後點少得甜品呢？我地order咗香蕉忌廉榛子朱古力pancake，全部食材都好夾，仲有個杏仁脆脆，個口感好鬼正😙…查看更多

我不嬲都好鍾意食東南亞嘢食，其中泰國菜更加係我嘅至愛，多得有呀哥帶我去呢間位處灣仔嘅泰國餐廳，我先可以食到一餐如斯美味嘅泰國料理盛宴。餐廳嘅裝修勁靚勁有泰國feel，座位闊落坐得舒服。食物方面，不得不提嘅係椒鹽軟殼蟹。佢外層酥脆內裡柔軟，面頭有好多炸香嘅蒜粒，食落口個口感好豐富。青咖哩雞都好好食，個咖哩汁微辣又充滿香料餘韻，水準十分之高，拎黎撈白飯食一流呀。仲有九層塔炒肉碎都好正，真係有好足料嘅九層塔，絕對唔係用粉炒出黎，肉碎個辣味微酸帶鑊氣，肉汁飽滿，撈飯食可以食兩三碗。奶油大蝦係呀哥嘅最愛，奶油唔漏，蝦肉蝦膏鮮甜。炒飯就係我嘅心水，尤其個臘腸同港式嗰啲有些少唔同，果然係正宗泰式風味。嘢飲都一試難忘。奇異果沙冰果味清香，解膩開胃。原個椰青唔單淨止椰汁清甜，果肉都軟嫩可口，而家再諗起都流口水呀。…查看更多

平時去美麗華廣場，多數都係去飲嘢，好少聽人講去嗰邊食嘢，但原來嗰邊都有唔少高質嘅餐廳，今日行行吓就發掘到間唔錯嘅漢堡店！☺️☺️餐廳裝修較為狂野，用唔同嘅車呔組成間隔，俾人一種wild嘅感覺，忍唔住都叫返杯啤酒飲下，餐廳做緊優惠，一杯跟餐都係廿零蚊，真係好抵飲！👍🏼👍🏼漢堡方面，我哋叫咗蜜糖芥茉烤大黑菇芝士牛肉漢堡同鱈魚漢堡，小食又叫咗個鵝肝薯餅，牛肉漢堡十分Juicy！漢堡size好大，一口幾乎都咬唔晒🤣🤣蜜糖芥茉醬惹味得黎又唔會太過搶，唔會喧賓奪主，幾好！鱈魚柳質地實淨，唔會一咬就散之餘，仲好有魚味😋😋鵝肝薯餅煎得恰到好處，要雞蛋裏面挑骨頭的話，就係份量太少了。整體嚟講，味道真係幾唔錯，值得一試！…查看更多

MOS Burger係源自日本嘅跨國連鎖速食餐廳，經由日本喺東京傳過嚟，已經有幾十年歷史，但唔知大家又知唔知道MOS Burger嘅MOS點解呢？🤣🤣原來mos 係解作most delicious 嘅意思，後來，M又解作佢好似高山一樣氣勢雄偉(mountain)，O則是海洋一樣，心胸廣闊(ocean)，S係下次有咩太陽一樣冇邊嘅熱情(Sun)🥳🥳聽落都幾特別喎，今次叫咗個烤牛肉珍珠堡，同我上一次食一樣都係咁高質。🤩珍珠飯軟林林，牛肉汁朔晒係入面。最好嘅係MOS Burger 可以唔洗配薯條，如果唔係飯加薯條，就會食到個人好飽，我叫咗個摩斯雞塊，咁樣就係滿足嘅一餐。總括嚟講，今次比到個幾好嘅用餐體驗。…查看更多

好耐都冇食過上海嘢，見到呢間嘢好多人排隊，一問之下，先發覺原來好出名，每個星期六日都會好多人特登揸車過嚟🤣🤣不過好好彩，我哋唔係排咗好耐，在已經有位🥳🥳我哋叫咗個擔擔麵，佢同平時嗰啲有啲唔同，叫做改良擔擔麵，不過後尾發覺，其實主要係多咗啲肉碎，碗麵嘅辣味主要來自啲肉碎😂😂配菜簡左排骨，豬扒好厚身，點埋啲湯食嘅一流👍🏼👍🏼另外叫咗個上海小籠包，八隻都大大隻，湯汁滿瀉，配埋店舖入邊嘅荔枝醋，食幾多都唔會厭。😌😌甜品我哋仲叫左個豆沙鍋餅，即叫即整，熱辣辣，豆沙容唔會太甜，所以唔會太膩。😎😎叫咗咁多嘢食，埋單都係兩百幾蚊，其實算係幾抵😋😋總括嚟講，可以再嚟呢間舖頭🙏🏼🙏🏼…查看更多

平時返工食飯，時不時都會過對面工廠大廈買外賣，雖然冇得堂食，不過近過街市，一嚟環境衛生啲，二來又唔使等咁耐，所以都好受附近嘅打工仔歡迎🤩🤩呢間舖頭多數都係食日式料理，佢個便當個樣都幾精緻，有幾款唔同嘅小食，有糖心蛋，有竹輪，以前有好幾款和風主菜，和風牛肉、照燒雞排，咖哩豬排。唔知點解後來無左和風牛肉🥲我好中意食，希望老闆見到我個留言 會加返入menu除咗日式便當，仲有幾好食嘅海南雞，重要係冇骨嘅，配上老火湯，幾滋補 每次幫襯，老細都會送返張優惠券，下次就可以用嚟免費換支嘢飲，其實我都係俾啲野吸引到，先Keep住幫襯😂😂所以諗真啲其實都幾高招。總括嚟講，選擇算係幾多，味道都唔錯，價錢合理，幾好！…查看更多

每次經過油塘中心，都會發覺嗰個舖位嘅舖頭轉咗人，上次好似係買台灣嘢，今次又變咗買麻辣燙😂😂好似冇一間做到超過半年今次忍唔住叫咗兩份外賣，第一份係撈粉絲，為了揀咗肥牛、豬頸肉、娃娃菜同埋豆卜，叫咗小辣。另一份係撈公仔麵，叫咗薯仔、豬紅、蓮藕同埋雞肉，呢個叫咗BB辣，對比之下，發現分別只係辣醬嘅少一啲😂其實都係差不多辣。有啲可惜嘅係，呢度嘅麻辣燙係冇湯㗎，得撈。味道係會重啲，但係相對地好似感覺都冇咁正宗。個人覺得粉絲比公仔麵好食，比較吸收到醬汁嘅精華，肉嘅份量都比較少，而且好似唔係好新鮮，雞肉甚至有少少酸，唔知係咪因為天氣熱嘅關係。買單就$100兩個人，又唔算好貴嘅，不過冇嘢飲，感覺就唔太抵…查看更多

去親金記冰室都係食早餐，因為佢個豬膶麵都其實幾好食，有啲薑絲僻腥，好過出邊食黎食去都係五香肉丁同埋沙嗲牛肉。🤣🤣今次見到佢個餐牌有美極生炒牛肉飯，但我又唔係好想食美極，睇吓個Menu，發現原來有蝦醬生炒牛肉飯。本住試吓有冇壞嘅心態，有驚喜喎！😀😀飯粒粒粒分明，唔會黐埋一舊舊，會好似隔夜飯無曬水份，乾爭爭咁，飯粒飽滿，口感真係幾唔錯😋😋蝦醬味道足夠，味道唔會過咸，唔使再額外去落啲咩調味料，即係豉油嗰啲。另外，我叫咗杯幾特別嘅野飲🧐🧐叫荷蘭唂咕，查返資料發現舊時香港冇咁資源豐富，所以唔係人人都飲得起朱古力（可可粉、奶精、糖嘅混合物），所以師傅會用比較平嘅可可粉，直接用砂糖混合，變成呢歡特色嘢飲，入口比較苦，大概係黑朱古力同埋牛奶朱古力嘅分別。幾特別，我其實唔係好鍾意😂😂…查看更多

好耐都冇食過拉麵，今日經過旺角，見到呢間嘢好多人排隊，忍唔住就去湊下熱鬧。🤣🤣餐廳有六款唔同口味嘅湯底：豚骨、醬油、海老、辛辣、蟹肉、魚介，有一款限定嘅黑松露口味，限定口味嚟到嘅時候，已經賣晒。🥲🥲考慮咗一陣之後，決定食醬油味，但我坐喺吧枱嘅時候發現，其實所有嘅湯底，都係用豚骨湯做底，然後加入唔同嘅材料調製而成。😂😂拉麵有分博多同熊本，即係平時見嘅直麵同曲面，我鍾意食直麵多啲，感覺上有啲似上海麵，曲麵就有少少似鹼水麵。另外我加咗精選：即係有糖心蛋、紫菜、叉燒，不過我覺得有啲唔抵，因為糖心蛋居然都係要另加先有。🤧🤧味道非常好嘅，蛋比較生，會有蛋汁爆岀黎，叉燒有啲似凍嘅煙肉。總括嚟講味道唔錯，價錢偏貴…查看更多

屋企人生日，就去左酒樓食片皮鴨。😋😋🦤🦤片皮鴨切得薄身，表皮香脆，配上軟糯的餅皮，很有反差！👍🏼👍🏼😀😀餐廳重裝片皮鴨嘅肉拎左去炒芽菜，呢個就一般般，因為菜嘅份量太多，肉嘅份量太少，味道有啲唔平衡。🥲🥲有啲可惜另外，重叫左個粉絲蔬元貝，略嫌少咗啲豉油，味道有啲淡。不過，整體都okay，至少海鮮size夠大🤣🤣之後重叫咗個西蘭花炒帶子，餐廳好貼心咁樣提供左蝦醬，海鮮配上蝦醬嘅咸香啱啱好。👍🏼👍🏼臨到尾聲，餐廳仲好貼心送左糖水：今次係南瓜西米露，唔會太甜🤩暖入心下次去可以試佢個炒飯，聽姐姐講，好似都幾多人叫黎食，應該可以質素不錯。🧐🧐埋單都幾貴，不過食片皮鴨都預左啦😅😅…查看更多

銅鑼灣最好食嘅車仔麵之一👍🏼👍🏼每次經過都勁多人排隊，因為佢真係又平又靚又正🤩🤩車仔麵嘅餸選擇唔算話好多，但好野貴精不貴多，自己最鍾意食炸魚皮，因為點埋佢個特色湯底真心一流！😋😋佢個辣醬都好過癮！🔥🔥唔會話好辣，但有幾刺激😳豬頸肉又係不得不叫，份量多！🧐美味齋口感介乎魚腐同豆卜中間，中意呢類型食物嘅唔好錯過😌麵底推介油麵同伊麵！唔會太淋😎左叫右叫埋單都係50一個人抵到爛！…查看更多

每次經過壽司郎都好多人排隊🤧今日等咗兩個鐘終於排到。可能係因為防疫政策嘅關係，我同我朋友兩個人坐張枱都算幾寬躺。不錯！迴轉壽司嚟講佢選擇都正正常常，我話特別多都冇話特別少。傳聞中好好食嘅中拖羅🍣中大拖羅🍣我都試左，自己鍾意中拖羅🍣多啲因為冇咁油膩。叫咗幾個炸物食，炸雞同薯條，居然係即叫即炸，好香口！仲好食過大部份快餐店🤣🤣兩個人埋單四百零蚊，壽司嚟講算OK啦。不過要等咁耐，都唔知幾時先有下次😳…查看更多

聽講呢度嘅滑蛋蝦仁飯好好食😋所以呢個週末，山長水遠過到嚟油塘，試一試佢。🥳不過估唔到佢個位置唔係咁討好，係food court外圍，而且座位係半開放式，感覺好似冇乜私隱咁。🤧食物話咁快就黎到，滑蛋的確係幾滑，蝦仁都幾大隻，甜豉油都幾入味，不過份量有啲少，食到後尾唔係好夠餸飯。另外叫咗杯凍奶茶，味道偏甜，都幾香幾滑！買單其實都係六十零蚊，其實唔算話好貴，，不過坐得麻麻哋舒服😅所以淨係用餐經驗一般般啦…查看更多