Cony1125的个人专页

在荃灣地鐵站附近隨意找了家餐廳，無諗到食物質數都唔錯，加$58有香煎鵝肝，大件抵食仲要好食！個餐湯蘑菇湯都好味！主菜叫咗個香煎肉眼扒，可惜只係比一般茶餐廳質素好少少。反而另外一個香煎肓鰽魚柳拼虎蝦，我一個唔中意食魚嘅人都係咁食，又香又滑，令人回味，但隻虎蝦有少少可惜，感覺唔夠新鮮，佢哋配嘅薯蓉寫嘅係鮮薯蓉，真係比KFC嘅滑好多，果然用粉溝出嚟嘅同新鮮薯蓉就是不一樣，又滑又好食地理位置非常方便，而且坐位與坐位間闊落，坐得好舒服，推薦，會再來…查看更多

想試呢間西餐廳好耐，lunch 過嚟試吓，聽講佢哋意粉最出名，就叫佢地招牌卡邦尼意粉試吓，加$15有沙律餐湯加特飲，再加個蒜香牛油焗田螺可惜個卡邦尼意粉，可能因為lunch所以出咗簡餐，奶油味十足但冇煙肉味，所以淪落為大家樂正常白汁意粉的味道 埋單計埋加一$105一個lunch，不能說性價比很高，但坐窗台平日人少算幾舒服，會再來試試其他菜式。…查看更多

落單到拎8分鐘，感受到佢係即叫即炸，拎到返公司6、7分鐘路程蟹腳已經微涼，個吐司present得好靚係全隻冇剪過，蟹形狀保持得好好，但食落去有啲普通，食到中間個蟹心位置有少少腥，但係蟹腳位置唔錯，滑蛋都做得好滑，就係啲醬汁有d淡味，整體係好食嘅，就係一個正常味道嘅軟殼蟹麵包，冇咩驚喜，食完一個包都已經好飽，$60食一個午餐嚟講都ok,可以一試…查看更多

第一次寫食評，就咁就俾咗A-1啦！對A-1嘅麵包一直有份好感，以前屋企附近商埸有間A-1,每次行經附近都聞到好香麵包味，不過2年前間鋪被地產霸權收咗，就無再唸起過隻味道。最近看過部關於整麵包嘅動漫，又令我唸番起以前喺商場聞到嘅麵包味，唸起都留口水...:)於是有日經過荃灣A-1立即入去唸住從溫舊夢，睇晒全埸至吸引我嘅係要成$14嘅炸豬扒包，爲咗重拾美好回憶，貴啲都要架啦！當滿心其待一咬下去，第一個感覺係好硬，第二個感覺係好凍。個包已經開始發硬，好難咬入囗，塊豬扒係凍就唔再講，食落只有極淡嘅豬味，更加唔好講香味，再講就太難為塊豬排啦...咬落去有種油浸嘅感覺，再加啲沙津醬，嗰種感覺真係要靠自己先領唔到。到底係咪一定要放入微波爐先好食呢，係咁不如佢地出獨立包裝等客人想食時在雪櫃拿出來叮叮佢，咁咪唔洗等人特登去到A-1買新鮮出爐麵包囉！反正都係凍同硬之嘛！…查看更多