tonychen015's Profile

今天去到這間冰室食野，由於是中午時間，早餐已完，惟有點常餐吧。點了雞扒米線餐：先上了奄列，裡面有蛋同蟹柳，好特別同有點驚喜，因為一般餐廳都係用火腿炒蛋。味道算過得去。奶茶好好飲，有水準。蕃茄扒米缐：雞扒我覚得好好食，應該岩岩煎起，唯獨米線真係差，好似浸左好耐，賬晒而且一夾就散，搞到我只係食雞。我懷疑浸左好耐30幾蚊算可以，但應該冇下次。…Read More

話說今日同女友到沙田行街，見肚餓就入了這間舖頭吃壽司。其實食壽司都不外乎果幾樣，不過這裡有點特別，特別多花臣野，好有創意。但係我們都係點了吞拿魚、三文魚、帶子、蛋自己平時食開既野。唔使等好耐已經上晒係台上！見到各樣壽司都幾大舊，外表唔錯。先試三文魚，水準之作，好有鮮味，而且大件兼厚厚的一件壽司。吞拿魚：新鮮，唔錯帶子：大大件，抵食蛋：如果可以的話，希望係熱既上台，應該更好味整體來講，各樣都係水準之上，但兩個人食唔多，未試到其他，下次會再黎試…Read More