icefire_water的个人专页

相比起買一個我唔知會唔會食既蛋糕，買幾個細既唔同款保險 d，又岩哂多心既大家😂香印提子戚風蛋糕個 cream 好有奶味，加埋香印既清甜同鬆軟既蛋糕，整個配搭好出色👍🏻 可惜係限定款，下次未必有了🙈 雙重朱古力中間既朱古力漿比較杰身，我仲食到麥提莎😍 加埋面頭 d 朱古力脆脆，成個蛋糕既朱古力味真係好濃郁🤤另外三個係巴伐利亞，即係上面係包含生果、食用花、椰果等既啫喱，下面就係生果味既芝士慕絲。我地一致認為菠蘿、香印提子同白桃三隻味入面，菠蘿係最好食既，唔會話好酸，個平衡做得好好❤️ 桃同提子相對地比較清新，一開始就食佢地先會好 d~ 今次食完覺得唔錯，下次想試伯爵紅茶味😋…查看更多

係高壓之下要識得放鬆，如果唔係好易崩潰，所以我繼續 food therapy。 等巴士期間餓了，見到對面有間越南餐廳，決定都係醫左肚先。燒大蝦柚子沙律 - 🍤有燒過好香口，肉質也彈牙，是新鮮蝦，加埋酸酸甜甜既醬汁同柚子，係一道稱職既開胃菜💁🏻‍♀️原味焗蠔 - 有前蠔檔經理係度，佢一試就知蠔係新鮮蠔🤪而且因爲焗既關係蠔味濃縮左，一咬就湧出黎，好濃郁好正，佢有配埋個醬汁，係平時食泰式生蝦果隻，但再辣少少，點埋食到停唔到口😋咖哩蟹+蒜蓉包 - 呢個係絕配 👍🏻個咖哩食得出有炒過 d 配料所以香味好有層次，同埋 d 辣味係慢慢滲出黎，加埋兩隻蟹都多膏，兩個人 ko 一煲無難度，何況加埋蒜蓉包好足料😍滿滿的蒜蓉，再黎食都一定會叫返呢個🤤皇牌火車頭 - 真係皇牌，因為足料到爆，有牛丸、生牛肉、牛柏葉、牛筋同蘿蔔，牛肉出色，湯底醇厚，我飲哂成碗🙈 菠蘿冰好喝 ❤️個平衡做得好好，無話好酸，店員介紹話係因為用新鮮菠蘿+橙煮過，所以好 fresh❗️ 芒果冰都不錯的，不會很甜或很假的味道~…查看更多

放 lunch 揾野食係條街曬左一陣已經頂唔順，行過見到開左新茶飲店就順便試下~見到朵朵系列好可愛！將藍天白雲收藏左係杯入面😆 一個要藍天朵朵，即係梳打汽水味~ 另一個要甜苺朵朵❤️兩個都要半甜，我地飲落覺得都 ok，唔會話好甜，又唔會話好似藥水味，最重要佢係沙冰，天時暑熱飲真係透心涼🤤另一個珍奶粉唔駛講，一定係試黑糖珍珠奶茶。不過呢度就無得揀甜度同冰多少，好彩飲落都唔太甜，奶味偏重，珍珠軟硬適中有咬口，連我呢 d 唔好珍奶既都會考慮再飲~同埋呢度 d staff 好有禮貌，又好有心機咁每支飲管都加上兔仔嘴裝飾，好打耳啊~~…查看更多

當飯堂無野好食，自然要向外尋找美食，就試下瑞士汁雞髀常餐啦💁🏻‍♀️ 瑞士汁夠甜，但又唔會話浸過龍搞到好鹹，只係有少許位有 d 硬，不過整體都係嫩滑既~ 公仔麵出色啊，彈牙，個湯好濃，我飲兩啖已經放棄飲落去😅火腿奄列正，無炒過老，蛋是滑的❤️牛油多士都好食啊，每啖都有濃厚牛油味，我一向都係咬兩啖就放棄既，是次居然食哂 2 塊，就知佢係唔同 d 😌奶茶夠滑，但有 d 澀🙈同事食左瑞士汁炒河，我偷食左兩條，都不錯的說，同埋份量都大碟，大食人士可以考慮❗️ …查看更多

落雨唔想行得遠，就係樓下揾野食，見到新開餃子即刻試！一次過試哂湯餃同煎餃，睇相都見到🥟隻隻飽滿，皮厚薄適中，餡料都多。韮菜餃煎左係香口 d另一款係芝士豬肉，佢唔會爆汁，不過食得出有芝士味，滿足👍🏻湯餃方面先講湯，係有花膠既老火湯😍 好好飲，係住家湯既味道，我飲哂成碗😋佢有 3 個 set，我地要左粟米香菇豬肉、沙葛豬肉、香菇木耳雞肉各三果款。我最愛沙葛，梁記一向深得我心，呢間可以同佢互不相讓❗️雖然唔夠梁記爆餡，但呢度既沙葛切粒，比較容易咀嚼❤️ 粟米香菇好好𡁻頭香菇木耳雞肉個菇味就濃 d 💁🏻‍♀️食得辣既記得問姐姐要辣菜甫，正😍總括黎講樣樣都好出色，又係時候再去試其他味🤤…查看更多

又到食好西平衡一下既時間。係 mk 咪 search 下有咩好食，見到呢間咁多好評就試下啦~居高臨下望住出面落雨都幾寫意🙈 嘆返杯白酒，兩杯都唔錯，店員推介好詳細👍🏻 凱薩沙律+蒜片蝦好食，🦐好香，沙律 dressing 好重手，對我黎講濃左 d。加埋脆烟肉有點鹹。蟹餅好食😍 好大粒，入面好足料，食落啖啖肉加少少檸檬味，所以唔會覺得漏😋 墨西哥粟米甜中帶微辣，食到停唔到口🤤 蟹肉南瓜湯好飲，好濃🎃味，蟹肉都落得好足，攪匀之後每啖湯都有蟹肉❤️ 美中不足係有 d 蟹殼碎😓肉眼五成熟✅，伴碟既茄子、黃色翠肉瓜同薯蓉都好正🤤成餐飯都好滿意，好食，難怪 7 點已經爆場，好彩我地早到咋，黎既記得 book 位💁🏻‍♀️…查看更多

慶祝日諗住食餐好少少，點知就衰收尾🤦🏻‍♀️8 點幾去到，話 d 套餐賣哂，得返散叫。然後其中一個老闆人物熱情地介紹我地食和牛丼 (但佢係讀井😓果下都覺得有點不安架啦，係日本餐廳做都可以讀錯既) 咁我地就試啦，加埋個秘制汁真係 ok 好食既，入口咬兩下就融了。只係食左一半就覺得有 d 漏，要食返 d 沙律同黃蘿蔔解下膩先可以繼續。另一個好處係沙律，湯同漬物係任食既。散叫左幾片牛，同牛舌試下，但 d 肉上左超過四個字都未有爐俾我地😰 牛都嫩滑既，但唔夠肉味。牛舌係厚切，要用 d 力先咬到，第三舊近筋位我係咬唔開🤦🏻‍♀️ 明太子雞翼都普通。重點係食到一半隔離有枱人入左黎，兩個老闆就一樣熱情介紹啦，但就俾我地聽到佢地話可以照叫套餐，只係有 d 種類無，但可以補其他款俾佢地。我地聽完心諗，咁點解頭先佢地唔咁樣同我地講可以咁做啊🤷🏻‍♀️有 d 嬲😤基於服務安排都幾混亂，食物質素又普通，未必會再去了。…查看更多

打牌打到8點幾諗住近近地係 apm 食就出事。個fd話呢度泰菜ok，可惜今次錯哂。1. 我地7個人，落單個fd拎住個粉紅色4人餐牌同阿姐落單，到中段我地問仲有野未到阿姐先話佢以為我地落2人餐😨難怪個份量咁少😓但成枱除左我之外都係仔，其實無可能會叫2人餐，同埋我地係無白色二人餐牌。。。2. 無/勁弱冷氣，寶頂唔順要開風扇😥二人餐都多野食既，炒菜炒海鮮都正常咖哩豬扒還好，用薄餅點醬食就😋 餐湯係南瓜粟米忌廉都ok，正常二人食會飽既🙈我地另叫左烏頭，都嫩滑既巴東牛肉佢地話好食，可惜其他就麻麻了😥豬頸肉薄切但少許乾咖哩雞我食雞脾位都結實到有d靱生菜包d肉碎一半人覺得無肉粒口感，唔肯定係唔新鮮定肥肉太多🧐冬蔭功炒飯其實係西炒飯！完全無冬蔭功味😖 炒貴刁碎到我要用匙羹先可以「夾」起佢🤦🏻‍♀️ 所以我連相都無影。。。個fd 都話上次唔係咁，好失望☹️…查看更多

經歷左外憂內患既一星期，我要食好西舒緩下。行左去海港城盡頭，見到呢間點心舖就入去啦。 見到一版唔同種類既茶，要左個冬日特飲，戰然宜家係夏天😂好香梨味，梨同茉莉又好夾喎，好飲又解渴👍🏻 外表好 q 既蟹仔入面係避風塘糯米，就好似避風塘口味既炸饅頭，都幾特別~大愛龍蝦湯三皇餃😍 個龍蝦湯濃淡得宜，個餃都不錯❤️ 水煮魚夠辣！呢度好特別係雙魚，即係龍脷柳+魷魚😳 只係魚既份量少左少少😅 不過個底有好多芽菜，送飯一流✅朋友堅持要叫甜品，就試下佢既西瓜糕，芝麻卷同果仁餅西瓜糕同真係食緊西瓜🍉一樣，啖啖西瓜清甜味，好解渴。芝麻卷就好似食緊河粉咁，好彈牙又滿嘴芝麻味，好出色😋佢有2 款既，一款係夏威夷果仁，一款係腰果，好鬆脆可口唔肥膩，如果有得買返屋企食就好啦🤤…查看更多

開張儀式過後同屋企人去左歷史悠久既粗菜館食飯，細細個睇蔡瀾同李純恩食評話好食所以一直都想試~要左鱔煲，火候不錯，調味好，係個鱔多骨左 d ，食得唔夠暢快😅 豆腐好好食！小炒王水準不俗，腰果同魚仔夠脆而韮菜同魷魚好爽👍🏻 炸豬大腸無話炸到好乾，加埋個醬汁酸酸甜甜咁好易就食到停唔到口😆炒田雞都好香口，啖啖肉，送飯一流💁🏻‍♀️當日例湯係粉葛雞腳，好好飲！真。老火湯，娘煲既都無咁好飲🙈 仲要左想試好耐既豬油撈飯佢係石鍋上，撈勻之後堅好食啊，好香潤，我食左成碗飯🤤 雜菜煲都出色架！我地話以後家族食飯有地方了~~…查看更多

是日由於有朋友唔食辣，所以揀左酸菜魚，外加萵筍、寬粉、豆卜同午餐肉~ 另外仲要左 d 串燒，包括:豬頸肉、墨魚丸、茄子、娃娃菜、薯仔、牛仔骨、雞軟骨、雞腎同雞翼。先講魚，🐟係滑既，但無咩酸菜味，我上次食辣既好食好多🙈 豆卜有好多粒，吸哂汁都好食既😋 串燒就麻麻地。薯仔幾好食，不過唔夠爽脆。豬頸肉好食，雞腎都唔錯👍🏻 個墨魚丸好很難食🤢 好細粒，又硬，好唔抵。其他都普通啦。茄子我覺得鹹左 d娃娃菜要左 2 碟，第1次好鹹，第2次就好食🉐 如果再食，真係要食辣魚😂…查看更多

是日睡到日上三竿先起身，即刻去試 baileys 甜品 (可以令我主動話要試既甜品真係 5 隻手指數得哂😅) 要左新地同蛋糕，上枱果陣個蛋糕同個宣傳單張個樣爭左支 tube (入面應該係 baileys 俾你唧落個蛋糕度) 我以為圖片只供參考 or 佢已經唧左，但食食下覺得佢應該係俾漏左我，因為個蛋糕真係得朱古力味，一d baileys 味都無😓 咁我問侍應啦，佢話係個 cream 有 baileys 味😯 我同寶 2 個都食唔出😅 不過佢之後有俾一小杯我話唔夠味可以加，所以都 ok 既~新地就係雲呢拿雪糕+咖啡雪糕+咖啡啫喱+baileys ，唔會出事既，放心食😆食左個下午茶，煙三文魚牛油果醬薄餅都不錯，係塊三文魚唔多夠俾 6 塊 🍕分者🙈 …查看更多

是次去長洲食左間好好食的 cafe ❤️ 係整袋好出名果間島中坊研既新店，一樣純白配淺木，好和諧的感覺😌 睇完 menu 大家都跟我要奄列餐😂 佢原本係選兩款配料，仲配埋多士既，但我地一致加$轉🥐，好抵啊你都見到相入面佢有幾巨型😱 同埋係好酥脆既，好好食😋個奄列都好好食，配料好足，所以建議大家真。係。要諗下叫咩配料先食得哂，果兩個揀咸牛肉既率先陣亡😂 如果食得哂，可以加$12 要出前一丁，煮到岩岩好彈牙，質素好高好好食🤤我仲加$要左自家醃製既檸檬配梳打，用泰國象牌梳打水好夠氣，好解渴👍🏻 tiramisu 略嫌酒味重左 d 😅以後去長洲除左大魚蛋又多左間必食㊙️…查看更多

去長洲雖然有好多野食，但個重點其實係食大魚蛋😍多年前我仲係食好多野既時期，我有次全日總共食左 7 串大魚蛋同一串甘永泰星加坡白魚蛋😆 果 7 串係試左唔同店舖既，總括而言，一出碼頭右手邊條小路第二檔 - 東源，係最好食架🤤 佢有好多味道揀，有辣有唔辣，任君選擇💁🏻‍♀️我通常都係食咖哩同沙嗲，兩個都係小辣既，今次試左個四川麻辣係勁 d，食完兩粒個嘴真係麻左，我個 fd 仲話似探魚隻味🤔我遲早揾次試哂佢所有味，唔多架，都係 7 隻味者🙈…查看更多

家庭聚會基本上都係食中菜架啦，今次呢間原本我都有係 openrice bookmark，不過食完覺得普通啦⋯⋯ 好豪咁叫左個花雕蛋白蒸阿拉斯加蟹，花雕味太重，導致蛋白食落偏苦😰 蟹就好食既。咕嚕肉係冰凍版，係好食既，皮脆肉嫩，醫汁甜酸適中，只係唔係好慣凍食🙈最鍾意煎蝦米粉😍 我第一次食咁既米粉，就好似兩面黃咁煎得香脆，配埋個芡汁一流，蝦又夠彈牙，全晚至好食就係佢❤️ 小食既鵝腸同鵝片都不錯👌🏻杏汁豬肺湯都好飲😋 另外黃金苦瓜真係好苦，我唔識欣賞😅不過名物乞衣雞就失水準，好鞋🤦🏻‍♀️ 而齋菜都無咩特別，正常囉加上係一般舊式酒樓隔局，坐得有 d 逼之餘，個廁所真係唔敢去，所以總括黎講無下次🙅🏻‍♀️…查看更多