joeylo1018的个人专页

呼~好耐冇食好西喇...睇OPENRICE0係長沙灣有間有HEART小店, 呢晚放工一於去試試!地點確實係有D難搵既~*****長沙灣D2出口千祈要穿商場行, 唔係好似我地咁直行, 就兜左個大大圈~最後0係一D傳統車房附近, 就搵到呢間橙色門口, 好含蓄既小店CHOOCHOO~哇好彩BOOK左位! 全店得20個位好的式, 最特別係個佈置, 好似長途火車咁拉門入, 每台都係窗口位--有頭頂行李位同埋有4個窗口電視播住鄉野風景, 成餐食2個鐘都好似冇REPEAT過, 真係好有FEEL~今次既ORDER全海鮮:: 有蜆湯, SLOW COOK SALMON, 同埋蘆筍龍利卷PESTO汁PASTA平時出面餐廳既蜆湯至多10幾隻, 但係呢個一黎已經係大過我塊面既碗, 入面既蜆食極都有! 仲俾埋蒜蓉法包片點湯食, 驚喜度爆燈! 蜆肉啖啖肉不在話下, 而且入曬味仲冇沙:)))真係不得了!至於三文魚扒就用左而家好輕既慢煮方法, 係三文魚愛好者既恩物!!唔單止冇平時熟三文魚既腥油味, 佢仲保持住本身魚肉既幼滑, 魚皮又煎到金黃香脆, 真係好難唔扮優雅地細啖細啖食~~~蘆筍龍利卷加炒意粉都見到廚師有HEART一面既--龍利攬到D蘆筍實一實, 切落去唔會即刻散, 不過可能個意粉放耐左, 有少少油出左黎由於台細細, 店員見我地d蜆湯未捨得俾佢收, 就即刻好親切咁拎左個架出黎放碟意粉上去--又有趣又鏗位!! 同埋都好細心咁同我地講廚師而家預備緊我地既魚, 等我地耐心等候, 好窩心如果2-5人想搵間地方傾計試新野, 又要極上服務, 呢度一定交足貨俾到驚喜, 不過一定一定一定要BOOK位!!!…查看更多

尖沙咀坦白說要有green monday又要少過60蚊既地方確實唔多~呢日竟然幸運地俾我撞到入去呢間Wing's Kitchen~"午市免加一"對我黎講係發光喇!wao~有我都幾喜歡既菌類意粉, 送湯送包送熱飲0岩0岩好58蚊!佢個環境好似一間cafe咁, 有好多diy油畫仲有一塊大黑板寫daily specials今次坐0係窗邊既位置, 可以望住尖沙咀午飯時候既熱鬧情況~落單唔夠5分鐘, 蕃薯湯同熱辣辣既包送上!蕃薯打蓉哂, 好滑身又夠濃郁~配埋包個胃部開始有滿足既感覺到我個牛肝菌闊條麵喇~牛肝菌好香, 不過個忌廉汁略未夠厚身, 唔太粘粉..不過味道都okay既到老細叫既焗芝士匈牙利牛肉飯!堅係熱辣辣焗出黎既, 唔似有D店係就咁燒燶個面就算不過送既野飲就唔好要求太高, 叫返D正正常常檸水檸茶好D~(咖啡有少少中伏..)OVERALL60蚊特集成功!有下次…查看更多

0係尖沙咀工作大約一年多, 感覺就係- 0係K11開既非集團式小餐廳, 總係好快就變臉..從前係一品螞蟻既位置, 竟然出現左間好精巧既小店入到去既感覺係- 嗯~有設計過的:)中間好似一個酒吧既感覺, 用好多酒瓶做既吊燈, 份外有情調被安排到最入單邊梳化既位置, 前面既高枱隔一隔, 唔會咁開揚~其他既吊燈都係用紅酒杯裝飾既~其他擺設都營造左西式既氣氛午餐MENU做PROMOTION, 叫單點都送沙律飲品!平均都係80蚊位!首先黎既係沙律~係碟上既..都算幾大份, 不過沙律菜唔係太新鮮..如果多少少汁會幾好!跟住黎既係明太子海鮮意粉, 係日式既~不過份量夠3個人分2次明太子有成隻匙更咁多!帶少少辣同咸味, 加埋爽口既意粉都幾滿意~之後既係西班牙炒飯, 佢地係同平獲仔上既, 分9"同11", 3個人9"都夠喇~不過佢呢個西班牙炒飯同其他地中海餐廳唔同, 有飯焦既!?!但食落又唔痴牙, 幾新奇最緊要多料!!!!再黎PIZZA, 原本叫左8", 點知落左個12"3個人食真係有少少吃力呢個PIZZA油份多D, 不過PARMA HAM配我至愛既火箭菜係PERFECT!0係MENU上面見到個CHOCOLATE PIZZA好吸引!!就算撐住個肚都要叫!!!不過呢個要等15分鐘以上......一黎到熱辣辣, 好香濃撲鼻既肉桂味!厚切既香蕉又好有咬口!不過係個雪糕冇咩特別......跟餐既抹茶梳打好夠濃味~唔係好強既氣泡0岩哂我!!仲唔使加錢!!!!!必叫…查看更多

是日咁0岩撞正搶IPHONE 6潮..陪朋友搶完之後醒覺又一城塞滿左全香港一半既人(!)好不容易爬到上L1層, 見到比較少人拎飛排隊, 所以就中伏地拎左..等10幾張.....睇到個MENU都穿哂先入到..被安排坐BAR枱既位置~即刻叫-一個鰻魚飯一個咖哩豬扒牛餐!! (哈哈TIPS係同廚師哥哥落單會快D~)首先黎既係一小兜柚子汁沙律...不過不失喇..只係D菜唔太新鮮, 有D"捆黑邊" 到我既鰻魚飯..我條鰻魚比起平時出面食既厚肉(!)但鰻魚汁似係普通燒汁多D..朋友點既咖哩飯真係慘不忍睹...最吸引係既0個個好似攬球既飯..豬扒唔JUICY咖哩汁似咖哩磚出品:(下次都係行多層去FOOD COURT好D..…查看更多

好多人諗, 海鮮酒家乜乜乜應該好貴喇~點知..0係面書見到佢地有POST MENU..竟然見到有破低價既午餐喎..梗係要去試試佢喇~坐低之後極速揀左野食~之後唔夠5分鐘就出哂黎喇首先黎既係送既老火湯~都幾夠料既, 又唔太咸~之後就黎我地既升級版"碟頭飯"~油雞飯, 香蔥雞柳飯, 干炒牛河同XO醬海鮮炒飯!!一人份量黎講..係極級大份~味道都唔錯, 餸又夠多~最緊要係SERVICE真係唔錯!!哈哈重要係, 唔收荼錢有茶飲, 飯夠大碟, 仲送野飲!!堅抵!…查看更多

難得落雨，喺炎夏中增添涼意~莫非已不知不覺間進入秋天?見涼涼地，我地5個美女呢日就黎到佐敦既呢間'好好火鍋店'~地方一啲都唔難搵--喺警署轉彎，見到童軍中心過對面，就大家樂條街行多2步就到。話說呢度真係5星級服務既打邊爐店!!點解咁講？食到咁上下有人幫你換碟雖然而家逐漸有店家做到，但係幫你用隔油網去埋油又有冇試過？？呢間火鍋店好有'麻雀雖少五臟俱全'既感覺，全店大約有8張枱，我諗應該都有50人既~首先人手起碼都有8個，差唔多真係一抬頭一舉手就有人招呼，第二就係，由門口招牌睇到，有得食雞煲，火鍋，仲有海鮮sashimi哈哈呢日食既野又係不得了既~首先係邊爐前既開胃菜~話說原來老闆除左火鍋店, 仲有間老字號既上海店0係附近!!!所以我地有肯可以有正宗上海酸青木瓜做前菜!!!真係好夠爽口好開胃!既然見到招牌上面寫出名海鮮SASHIMI, 我地梗係要試試佢喇~: 叫左一條老闆推介既魚同埋大蝦SASHIMI~~哇真係好耐冇試過中式既鮮魚片!唔單止甜, 仲好滑添~個蝦又係超鮮超彈牙~配埋呢間店特製既汁就冇得頂!好喇話說秒速就清左D刺身, 咁條魚未好浪費??唔使驚!魚頭同魚鰭轉頭就拎左去用椒鹽炸!!魚骨就用左黎煮湯!!!!登登登登~到第2樣主菜上場喇:::打邊爐!!終於開爐喇~我地今次食既係老闆自創既-----爆炸蜆窩!!聽個名都覺得勁喇~原來係成個煲咁多既日本大蜆,用魚湯煮佢, 一隻隻先後搶住開口就好似爆炸咁!!我地都好似爆炸咁"哇哇哇哇"!!搶住用筷子拯救呢D好似0係開中見到有麵包粒開哂口既魚咁樣既大蜆!!本來食蜆都預左有沙, 但呢度D蜆竟然一粒沙都食唔到!!!!!仲因為用魚湯煮開而令D大蜆鮮味出哂黎~SO JUICY!!!!我地另外都試埋火鍋例排既朋友: 牛腩心同埋五花腩~都好新鮮冇欺場好少有地, 打完邊爐有飽而不膩既感覺!老闆仲送埋自家桂花糕俾我地回甘一下添!!!SERVICE真係100分!!…查看更多

談心嗎？除了人物外，時間和地點都好重要😶今日難得2個沙田妹黎到銅鑼灣，為左搵呢間冇商業街味既小店，黎放鬆一下。遠離銅鑼灣中心大約10分鐘既路程，位於一間大廈既12樓，只有3位戴著圍裙既姐姐~嗯。有點私房菜的感覺。首先要按門鐘，之後入到小店::一邊只有15至18個座位，另一邊就有一個好大既open kitchen.好開心被安排坐在廚房大雲石枱的一邊，可以看到食物準備的過程~睇住佢地好安靜，好用心地準備我地既食物既背影，即使整間店大家都好刻意地小聲談話，幸福既感覺就洋溢滿成個環境。首先係好精致既afternoon tea set: 第一層只有3件~~少不了的英式鬆餅，配自家草莓醬，仲有即做既芝士火腿三文治同三文魚三文治。真係好有媽媽的手既感覺第二層充分地表現左老闆娘既誠意::3大件cut cake,仲有一舊brownie同fruit tart.Cut cake係每日新鮮做既，tiramisu咖啡味夠哂濃，鮮果忌廉蛋糕有滿滿既草莓同藍莓，仲有nutella cake w/nuts..另外我地仲叫左一個house salad同oreo lover::house salad好fresh, 味道似cascer沙律，有羅馬生菜，粟米，車厘茄同白菌。Oreo Lover 係waffles w/ oreo ice cream睇住waffles新鮮出爐，蛋味非常濃郁，唔似平時其他地方既粉漿味waffles..配埋oreo雪糕真係好幸福好滿足不過如果再脆口啲就更好!!最後既幸福來自一壺暖透心既花茶::喺整個茶葉架上，自選既最愛-桂花，係食完甜品之後中和味蕾既滿足。有時，簡簡單單地看著別人為自己準備既心意，比任何事物都滿足。…查看更多

原本係想去試下堪富利士道新開既三哥, 點知發現隔離有個用北京做主打既餐廳 (!)0係樓下有幾個易拉架介紹午餐推介, 正好係60蚊內!!! (正!!)一於試下~ 上到3樓, 迎接我地既係一個好型好舊式既牌坊--北京老家, 4隻大字, 好有歷史既感覺!坐低之後, 見到用既餐具同擺設都好傳統我地叫左4個餐: 宮保雞丁, 糖醋魚片, 擔擔麵, 同埋酸辣湯麵~首先黎既係送既例湯~都唔錯架, 4個人每人都可以分到2碗既份量!又多料又唔重味精之後就黎D小菜~~宮保雞丁既味道唔似我地平時食既感覺, 唔算太辣, 但係冇腰果既~(?)至於糖醋魚片,即係咕嚕魚XDD炸粉少少厚..至於我地既擔擔麵同酸辣麵, 就真係食得出北京同上海菜既唔同~擔擔麵係水D, 同冇花生醬味既~而酸辣麵就真係酸好多同辣好多麵質都係冇上海既咁彈牙....成餐比較特別反而係D送既餃子--睇得出係人手包既!皮唔會太厚, 肉都夠JUICY~係驚喜~下次可能叫餃子餐既話, 個反差會冇咁大? (笑)ANYWAY, 60蚊有咁多野食, 飽哂, 又加埋個環境, 都值得推介丫!!…查看更多

平日放工想同蜜友靜靜地HAPPY HOUR, 但又唔想要酒精?呢日就黎到0係美麗華商場2樓, 驚見新開左間好精緻既CAKE SHOP:)上完扶手電梯直行到尾, 0係轉角位見到一個POSTER: "A party without cake is only a meeting"就知冇黎錯喇~~ 原來係又一運用小巷兩邊空間既小店~一邊係半自動咖啡機同蛋糕櫃, 一邊就係2排既小座位。小座位正正在STARBUCK樓上, 感覺比較小巧, 未被商業式既咖啡店文化蓋過:)簡單地點了一杯MOCHA, 一杯ICE PABANA SHAKE, 朋友仲ORDER左一件小CUT CAKE~服務是自助的, 點完餐, 店員做好了就會呼喚你~48大元的MOCHA來說, 係少貴喇~但飲之前將朱古力同咖啡先攪和, 朱古力既甜味同咖啡濃味恰到好處, 而且加上簡單的拉花, 正合我口味不過朋友的凍飲同蛋糕就有點令人失望了..Pabana, 說是由芒果, 香蕉, 熱情果同鮮牛奶打成, 入口時有極濃香蕉味, 之後就浮出人造的芒果味道..幸好牛奶的份量應該不多, 所以不會太膩口..但整杯特飲略嫌迷你了一點......不過平日來說, 人流不多, 都可以是一個靜靜聊天, 一起發白日夢的好地方…查看更多

從前是午餐最愛餐廳之一::梨花園，重新裝修後，一進門--嗯，多了點商業味道，少了點傳統的家庭感覺餐牌的數字增加是預料中的事，幸好，還保留著一貫的親切招呼炆牛肋骨仍是我的must item : 慶幸口味仍在~離骨的牛肉充分吸收了濃湯的精華，啖啖juicy，加上被精華泡軟的牛筋~不得了的骨膠原(笑) 再慢慢小口品嚐濃湯白蘿蔔，非常滿足。同其他韓國餐廳一樣，前菜也是桌上必有的，不過裝修後，同樣的小碟已變得商業化，沒有什麼特色。。都是同樣的芽菜，泡菜，菠菜等。。另外點的石頭飯，人蔘雞湯，炸醬麵，都不禁令人有點失望。。期待中的飯焦，滑不溜手的雞肉，同自家制炸醬。。都彷彿隨住翻新工程消失了。。:(連最後期待的香濃凍咖啡。。都因為數量有限而被'明天請早'即使不停奉上送白飯的紫菜片和鮮橙，還有說是和炸醬麵拌著吃的酸蘿蔔，都不能改變我的失望。。可能就像別人所說的，當生意愈做愈大，就愈來愈難維持原本的味道，而變得商業化吧。。不過開闊的環境和座位，確是能令餐廳有更大發展空間的。。就讓原本的味道停留在回憶中吧…查看更多

是日green monday~咁啱約左一大班同事happy lunch gathering..黎到呢間Italian Casual Dining 既Osteria事源係睇中佢地日日新鮮既appetizer buffet,仲有即造pizza!!唔使擔心行緊green monday既我~我食既野同佢地差唔多::有露筍喇~翠玉瓜，雜菜，仲有我至愛既火箭菜!!!最喜歡淋少少 balsamic mustard,又開胃又帶到菜既鮮味呢度既菜仲要新鮮到，一啲黑邊都搵唔到!!!同場既同事就決心要消滅buffet枱上既homemade salmon同cold cut!!佢地都食得出自家煙既三文魚真係唔同出面買返黎咁，仲留住魚既鮮味喎!煙燻味加埋魚既鮮味，夾返啲菜食就perfect!!仲有parma ham with melon都係必食喇 manager仲親自同我地介紹沙律點撈先最好食添~服務一流丫!!多人一齊食飯其中一個好處就係::大盤有得share~食哂咁多款😈😈lunch set 上面有得揀南瓜芝士意大利飯，香煎三文魚配小茴香橙柳沙律，燒美國豬柳配粟米蓉，仲有扒菜芝士蕃茄汁薄餅(!)咁使諗咁多，各樣起雙丫唔該~話咁快~首先黎既係最期待既pizza--呢個啱哂green monday既我::係素pizza黎架!!真係太啱喇!呢個pizza比出面既普通批大啲啲，微脆既批邊加埋好濃厚既芝士同蕃茄醬，好滿足!mainpoint係平時出面都放好少瓜架，呢度係每一片都有哂紅黃綠既顏色之後黎既係一碟好醒神既南瓜芝士意大利飯! 哈哈open kitchen真係一個好設計::可以同我地既廚師傾計~~原來呢個飯都唔係咁簡單架，只係南瓜已經係煮左好多個鐘，煮到變哂蓉，(當湯飲都得)，唔會好似有啲地方煮度仲有一絲絲。。食落好怪架嘛~~而芝士都用左2種架，喺飯入面一種，再加埋飯面都落左啲，真係啱哂啲芝士鬼我地既大圓枱上就堆滿左食物!!!哇好興奮丫!!Staff都好nice咁知我地唔捨得咁快食哂所有野，所以見我地每碟食得7788先上第二道~咁就唔會極速變凍喇事源本人要green monday,所以惟有喺大家分緊個美國豬扒同salmon fillet時搶先--食甜品!!!!甜品又係buffet形式呢個真係冇得頂!鐘意拎幾多就幾多 :) )) 朱古力精既我。。當然要拎呢個朱古力mousse喇!!超濃既黑朱古力!!哇又係忍唔住秒速清左~仲有唔少得水果喇!!西瓜蜜瓜同菠蘿都好新鮮切好大大粒!!話咁快就捧住個肚喇即使係行green monday既都唔驚食唔飽。。相反--淨食沙律都飽呀--因為實在太多款同太新鮮喇!!!推介推介!!…查看更多

由唔知邊日開始，睇團購網已經成為每日既習慣，呢日一開，首先俾價錢吸引左--58午市套餐!!再睇，原來係之前去過飲野，仲要喺正公司隔離街既呢間bar仔既然佢地有意擴展日間既生意，梗係要支持下喇~~呢日約埋同事一行3人，買左2個意粉餐，1個漢堡餐，就輕輕鬆鬆地黎到綿登徑既SHOWBIZ…門口係一個大酒桶既設計，唔難搵~自己推開玻璃門，入到去同之前晚上幫襯係完全2個世界~晚上係伸手不見五指，由每枱既小燭光營造浪漫既感覺。。而今次中午到，成間餐廳好似一間themed cafe咁入到去得1枱客，我地自己搵位坐好冇耐就有人黎招呼喇~粉仔有3款揀，我地揀左肉醬意粉同蜆肉意粉。。漢堡有雞有牛，我地揀返傳統牛burger 喇:)由bar area一幅好大既米字旗睇得出，呢度係一間英式cafe, 我地近門口既area係有好複古既黑色大梳化，而入面就有張大卓球枱同飛鏢機~可見設計方面都放左心機等左大約15分鐘，第一個粉仔到!肉醬意粉份量都夠1。5人食~汁醬夠味，意粉又夠爽，仲有好多香草! 幾滿意既!!至於蜆肉意粉，一個字::辣!!落左好足料既紅綠指天椒(my god), 不過蜆唔會炒到離哂殼，都好滿意!!喺等既過程中，我地發現，應該係由服務員喺bar入面即炒既粉仔(!!)莫非呢度係bar同廚房一齊？坦白說, 漢堡係有D失望既..雖然SALAD份量幾大, 漢堡包又脆口帶甜味..但係塊肉有少少"霉霉"地~~:(((同埋可能做慣BAR..雖然係播緊我至愛MIKA既專輯~但係都係大聲左少少..我地講野都有D辛苦不過呢個團購正在可以坐低食完就走, 又唔使加一~~ANYWAY~~都係一個NICE TRY既~…查看更多

去前做足功課，呢度冇得book位，2點半開始排隊，我地2點就到左，坐喺lobby正中雀巢形既wooden designer sofa度傾下計，到夠鐘就過去排隊~今日俾安排左坐喺大名鼎鼎既vertical garden下面既高身梳化，喺餐廳既一邊，2層高既樓底加埋自然光，係舒服既一坐低，服務員已經有溫馨提示，3點正先可以落order..所以我地惟有'坐住等'~終於夠鐘喇!!餓扁哂既我地終於落左order…2個tea set for 2 ,一人一壺熱花茶~不過，最後等左超過30分鐘先上枱。。可能需要多啲時間準備呱。。。😕見到我地既3層架終於黎喇見到咁色彩繽紛，我地胃口大開~哈哈呢個tea set份量好大，每款每人一舊!不過甜食占左9成。。佢地落完order就收左menu，好彩我地映低左，可以'自己估'~如果佢地夠人，可以做埋簡單介紹就真係perfect喇!!雜莓凍湯係第一層比較特別同其他afternoon tea少見既，不過蝦酥冇咩特別，蛋批唔錯~雖然鵝肝macaroon個0麥卡窿好脆又唔會太甜，但鵝肝醬就甜左啲同鵝肝味微弱左dd……秒速消滅左第一層，我地向第二層出發~首先係個cream cheese puff..我呢個芝士天敵都食唔出芝士味。。但個puff有啲硬。。，至於c焦糖朱古力三文治係新奇既~底面既朱古力係用dark choco杏仁碎片，然後中間夾一層朱古力moouse同焦糖mouse..驚喜地甜度恰到好處，唔會好膩個草莓曲奇就當陪襯喇，到個cream cheese 布丁(?)混合面頭既crumble同紅莓醬，so sweet~食到第三層有少少失望。。完全分唔到佢地係啲咩。。同埋味道少少膩特別要留意綠色呢舊::疑似蜜瓜芝士餅既青蘋果蓉(!!)。。呢個芝士餅第一溶左，第二個味道真係好怪一路食一路估啲野食，終於忍唔住麻煩個人黎問下。。喔原來係等我地消滅哂個3層架先會黎ice cream同餅仔類。。。。。。。雪糕類都係新奇既~粉紅色係雪糕批(?)黎到食落口係一層好似冰皮月餅皮包住超冰凍草莓果肉雪糕，到最底係草莓味白朱古力既脆口!!第二件就係香草味雪糕tart(完)。其實真係諗極都諗唔明點解啲餅仔要最後先分開上，雖然蝴蝶酥係好香脆同好香蛋味又唔油膩，但其他3款，好似芝麻卷同杏仁片都太甜了~或許可以一開始放on side會開心啲？哈哈overall黎講都係一個5星級水準!服務更加係super attentive, staff都好friendly!讚!😀只係menu knowledge可以improve少少(笑)…查看更多

食雞煲，個人最重視就係個濃汁~因為唔太食得辣，所以通常都係'最少辣丫唔該~'早幾年前開始，試其他雞煲，都係念念不忘紅磡嗰間，即使要忍受2人坐4位枱放6張椅，一係4人坐大枱搭3枱，同埋熱死辣辣排短則半個鐘耐則個幾鐘，都要去攞呢張飛。。仲要夠鐘俾人埋單收野。。其實都冇計喇~好難食到有質素既雞煲嚕~同埋世事冇完美架嘛，好食就得喇(笑)點知，喺幾個月之前，去左尖沙咀美麗華附近呢間煌極，我。。。移情別戀喇!首先，有得book枱! 仲要勁就腳啱啱仲要喺團購見到75蚊買150蚊現金卷，但係happy friday要6點前入座~所以我就好神心準時6點踏入門口!哈哈成場的我一枱~包場也!唔使講咁多，一坐低叫左個雞煲先~半隻微辣丫唔該! 大約10分鐘，雞煲到~waoooo應有既野有齊:雞件，紫洋蔥，莞茜，辣椒，花椒八角。。講開雞件呢~雞翼尖喇，雞脾3件喇，雞翼2件喇，仲有啲雞胸。。全部係搵到出黎~係辨認到既~唔會好似有啲地方咁，只係食到似雞味既肉咁。。😅另外，食哂雞之後必叫既呢，除左周圍都有既響鈴同唐生菜，就係'菠菠糖'同'鴛鴦墨'~咩黎既呢::'菠菠糖'就係菠菜包麻醬腐皮~放落加入少少上湯既雞煲入面，數20秒反轉再計20下，食得!仲爽口既菠菜，配埋吸收哂麻醬雞汁既腐皮~從此，麻醬唔係牛肉既專利!至於'鴛鴦墨'，對於墨魚精既我黎講，係不得不食既!😎呢個睇落似芝麻糕既鴛鴦墨，一啖咬落去，好明顯冇呃錢，好濃厚既墨魚味，仲有軟骨(?)，食落真係好有口感，真係仲抵食過啲墨魚丸呀墨魚滑丫嗰啲~仲有一個不得不提既(唔食得架)~就係個經理真係好friendly, 得閒就走過黎吹水，又好attentive地叫人拎汁醬丫，上湯丫，仲講左樣搞笑野--而家流行緊一個野飲。。係'利'賓納溝'檸'檬溝'7'喜~(自己諗點解喇)最後都因為佢極力推介所以我地就試左個格斯牛~係爽口既!都有1牛味架，88蚊。。抵既~~食雞煲，環境都好重要架~呢度首先樓底高，又有電視，仲有2層同卡位添!!真係幾多人食都可以坐得好舒服推介推介!!…查看更多

夏日炎炎出街行。。梗係要走入商場涼下冷氣醫下肚今日黎到朗豪坊商場。。哇真係覺得全香港既人都湧哂入黎咁因為係無planning咁出黎行，所以當然冇book位喇，不過原來真係好難等位架!!!喺呢個咁desperate既時候--food court 幫到你!真係好灰地迫入呢個幾千年未黎過既food court,竟然發現有間幾精緻既'南小館'好似好消暑既感覺，俾佢雪白既磚牆吸引左入去~原來係間上海小品店(笑)睇睇menu, 好似好精緻咁。。即係細碟喇😬，所以就叫左個風味麻醬拌麵同埋小籠包做下午茶喇。嗯。。麻醬拌麵原來係微暖的。。同想像中既冷麵有啲唔同。。係落左辣椒油同中式麻醬既上海麵，撈埋加左喺面既青瓜絲，看似好細碟既麵，其實都好夠食，仲好濟口添(笑)。。不過下次真係要叫佢剪一剪麵先，唔係佢一黏住成餅就好難分開嚕。。到小籠包。。呢度既小籠包真係要與時間競賽咁。。一上枱嗰下食，皮薄!湯又多又濃!!。。但係當我食完個麵再食第二隻時。。噢。。好後悔呀--層皮凍左變硬左，入面啲湯剩返幾滴。。仲好濃味精味添通常平時去上海食店，都係俾啲傳統茶你飲。。呢度有驚喜::蕎麥茶!! 有啲似玄米茶既清，但係再多啲回甘~~真係好消濟!!!既然俾左茶錢，咁就飲多幾杯喇😊同場加映--凍飲大冒險之::薔薇之戀(玫瑰蘋果醋加玫瑰水晶)。。哈哈一個字-甜!可以話係坊間xx玉露既番皂味版😰不過佢入面閃閃下既'冰'都幾夠特別既~~~…查看更多