星期六同朋友一齊慕名而來食正宗韓國菜，七點半左右黎到，唔洗等位就入座。諗住啲嘢食份量應該唔大，所以兩個人叫左四樣嘢。點知嘢食黎到係樣樣都好大碟！尤其是用黎烤嘅牛肉，雖然每一片牛肉都唔係大片而係好似碎片咁，但真係好大碟，烤左三round都仲未烤得晒！炒粉絲味道好，但有小小唔夠油，食落有啲粉。個湯真係好清甜好好味。而個紫菜卷係不過不失，都幾好食！老闆係韓國人，識小小普通話，老闆娘係香港人，佢地兩個都係做廚房，好忙。而門面係由一個似係大陸人，但又識講廣東話嘅姐姐負責。我地去果日都幾忙,老闆佢地一直做到冇停手，姐姐都燥燥地，但都要理解一下！
…查看更多
…查看更多
