connie pig pig's Profile

跟我在台灣吃到的牛奶鍋差唔多一模一樣，真係好好食🤤！暫時未係香港其他台式火鍋店食到！而且唔係成日有貨！真係係台灣運過嚟奶香味濃，配上滑菇！真係好好味！通常每次去都係叫一份牛肉，配大量菜，有我最愛的莧菜，加上一大杯檸檬少甜！最後加埋甜品：黑糖白玉奶酪完美的一餐就完成了極力推薦大家試吓！除咗試咗牛奶鍋之外，佢嘅王牌石頭鍋都可以，由於材料係炒過，再加上湯頭香味濃郁！同食材好夾！任食蝦滑同墨魚滑，好足料！食到蝦粒同墨魚粒！所有食材按當天市場決定，新鮮供應，所以每次去都有機會食到唔同的菜和配料！唔會成日一樣餐廳環境乾淨，而且偏向安靜，適合情侶或者幾個朋友圍爐傾計！…Read More

因為餐牌冇人update，所以以為銅鑼灣店冇迷你佛跳牆食，但係有花膠佛跳牆！嬲呀！落單嘅時候，自己又唔記得問店員！所以叫咗另外三款，首次嘗試外賣！麵係要自己煮嘅，基本上同喺舖頭食嘅係冇分別！ 都一樣咁好食，外賣嘅湯底依然好熱，呢個係值得一讚嘅！海龍皇嘅海鮮好新鮮！好頭好尾嘅湯，好濃郁嘅牛肉味！最後係棉花雞，正常味道！所以最驚喜嘅係海龍皇！店員好Nice咁介紹新的花膠佛跳牆！ 唯有下次再食佛跳牆:)！港島區終於有好湯好麵啦！水準同大圍店一樣！由於好早食晚飯，六點半度就叫外賣， 所以等咗15分鐘就有得攞啦！非常方便！…Read More

自問自己吃餃子已經成精，無餃子不歡！荃灣的餃子屋，長沙灣的甜記及太子的手作餃子店！今次介紹嘅深水埗的家後！全手工制的家庭式料理！餃子皮薄餡靚！湯頭係日日新鮮出爐，老闆跟據當日的食材來安排煲咩湯！出現過肉骨茶湯底，靈芝豬骨湯、赤小豆扁豆湯、菜乾豬肺湯等等！喜歡喝湯的朋友可以去喝一碗足料家庭靚湯！另外值得一題的是他們的菜脯夠辣也很惹味！當然是自家製作！除了餃子，仲有車仔麵及牛腩飯可以揀！菠菜麵很好吃！正常一般的車仔餸任君選擇！…Read More

原本想吃旁邊另一間越南粉！但人太多，沒有心機等位！就入呢間試下！雖然見OpenRice D comment 麻麻地！但盡管一試！叫咗幾樣嘢！1. 蝦醬雞翼有驚喜！唔會好鹹！但食到蝦醬味,雞翼鬆脆，d肉仲有汁，唔會炸到乾哂！:)2. 海鮮炒越式粉絲: 用咗越南黑胡椒！好香胡椒味，小小辣！冇乜油，炒得好乾身！3.越式蝦餅： 正常貨色、無特別，下次可以試試其他小食！:)4. 米紙蝦卷： 蝦肉新鮮，夾咗燒豬頸肉，仲加有檸檬葉，口感清爽，有檸檬葉香氣！感覺冇咁漏！都幾飽肚！5. 蟹膏蕃茄湯粉： 有驚喜！啲蟹粉撈入碎豬肉內！同蕃茄湯好夾！食得太快冇影相！整體來講：都幾好味！幾位越南姐姐都好有善，有禮貌！出菜亦都唔慢！全餐食咗$2百幾！兩個人，每人100多D! 會再幫襯！食後感，並不如其他朋友在OpenRice 所寫的咁差！所以餐廳好與壞，還是要自己試過先知！:)…Read More

宵夜餐時間，沒有什麼人！吃了4款餃子🥟！上湯白菜豬肉加西洋菜豬肉餃子🥟湯餃子的湯是清雞湯有輕微的黑胡椒味道！另一款湯是番茄薯仔湯！喜歡的人自行選擇吧！煎牛肉餃子加羊肉餃子，共16隻！大滿足！用料新鮮！湯餃子菜多肉也多！適合喜歡吃多菜的朋友！另外菜Po 也是亮點！辣辣的很香甜！配餃子一流！食完餃子，飽到上心口！今次只吃餃子，未有吃其他小食類： 如 醉雞、醉豬手等！店面乾淨整潔，可能是新開業不久的關係！店員只有老闆一人，所以上食物的時間也需要久一點！大家請耐心等待！…Read More

步入初冬, 見天氣開始轉變, 又凍凍地, 特地到深水埗食蛇羹, 唉 ~ 結果有點失望.:(晚餐時間, 人很多,但因為一個人也很容易搵位, 一到達蛇鋪,已見滿坐,而且也有很多人買外賣. 心中已流口水,蛇羹味道應該唔錯吧, 叫了一個套餐 : 一碗中蛇羹 + 一碗糯米飯. 先講蛇羹, 有豬肉絲,冬菇絲,木耳絲, 有陳皮絲, 最重要的當然是蛇肉絲啦 ~ 基本上都落足料,但整碗蛇羹味道非常淡有少少稀, 初吃第一啖,我是什麼都不放的. 我吃不出有中藥味,也沒有其他湯的味道,只有少許陳皮絲的味道 . 而且愈吃愈出水, 味道更淡. 終於頂唔住,要加檸檬葉同胡椒粉吊味. 好失望. 好失望, 因為我不是第一次食, 作為街坊, 每年冬天總會幫襯幾次. 今天看到的是價錢加了, 味道淡了. 因為每年都食開, 有比較之下, 更覺難食. 配料充足,為何味道會咁淡O既呢, 我想應該是湯頭的關係吧. 吃完蛇羹,整個人都暖暖的, 唯一還KEEP到 的是吃完後, 完全沒有口渴的感覺,証明沒有下味精. 至於糯米飯沒有特別, 臘肉,臘腸,小蝦米的份量也足夠, 味道不會太鹹,吃完後碗底也沒有一層油, 糯米飯炒得夠乾身,亦很夠熱. 只是間中有些生米, 相信是生炒的關係吧. 唉: 明明主角是蛇羹,糯米飯 是配角. 今次覺得蛇羹和糯米飯的質數都一樣, 很普通. 其實深水埗尚有其他選擇, 今次出師不利, 未能滿足我的胃口. 下次會去試一試另一間老字號.…Read More