Toki L的個人專頁

每日收工經過都見到大排長龍，呢間《Burger Mate 》主打美式傳統漢堡, 用美國靚牛, 製作美式足料手工漢堡,每日限量200份，大家記住9點前去到，就唔會賣晒㗎啦✨！CHICKEN BURGER $98香脆雞扒漢堡，雞肉炸得外脆肉嫩，蕃茄生菜好新鮮就連麵包都係每天新鮮製作，份量十足👍🏻！AUSTRALIAN WAGYU $130頂級澳洲和牛漢堡，和牛經過手打而且充滿肉汁，加埋新鮮蔬菜和醬汁，完美融合😋！ONION RING / FRIES $45食漢堡都必定配吓炸物一齊食，大大份，味道正常，有埋手套超細心😊！…查看更多

放假食餐好😋當然要放縱一下！呢間《殿 大喜屋 》日本放題以全港獨有波士頓龍蝦＆魚子醬任食✨✨為主題！刺身船！－次試哂多款刺身，肥美三文魚，極大赤蝦，北寄貝，帶子等等．．．每款好新鮮😋！另一回本必食💁🏻‍♀️ 避風塘炒蟹、油鹽焗大頭蝦、花雕醉鮑魚、泰式金不換炒花甲，所有海鮮都好鮮甜👍🏻！金湯燴花膠、皇牌炸乳鴿、燒榴槤、蜜柑鯛薄切、泰式虎蝦、海膽軍艦，全部都係高質食材，放題必點👍🏻👍🏻！而自助區亦有齊冷盤、甜品、水果和冷熱飲品！而其他食物就可以電子落單，夠哂方便👏👏！…查看更多

收工想食宵夜，一定諗起《楚撚記大排檔》以本地情懷霓紅燈牌為店鋪設計，每晚都座無虛席，特別有氣派✨！老火菜乾煲豬肺湯 $58豬肺雖然得一件，但其餘湯料十足👍🏻真正老火湯，味道濃郁零味精，一人一盅夠方便！豉椒炒蜆 $105見每一枱都有點，果然夠哂鑊氣🔥冇沙又入味，豆豉加椒香特別惹味！鳳尾蝦多士 $88一碟六件，即製即上熱辣辣又脆卜卜，咸香帶點蝦的鮮甜，無論口感和味道都好有層次👍🏻！菠蘿拔絲咕嚕肉 $119以梅頭肉製作，絕無肥膩感，加上蜜桃、菠蘿、紅椒和青椒✨配料都絕不馬虎，賣相與味道同樣有質素😋😋！楚撚冰凍大檸茶 $38味道正常，分量無期望中嘅大杯🤭!…查看更多

知道尖沙咀開咗間海底撈火鍋，地理位置超方便，好辣之人當然要去試試啦😃！店舖環境闊落又清潔，一樓卡位小聚，二樓專享包房，一大班朋友共聚就啱哂啦✨✨！麻辣／豬肚雞火鍋 $187經典麻辣🌶️越食越惹味！濃郁嘅湯底，雞肉鮮甜唔嚡口👍🏻豬肚爽口亦好足料！手切雪花肥牛 $128必點✨必點✨肉質入口軟滑，脂肪分佈均勻，牛肉貼在碟子直放都不掉，證明夠晒新鮮👍🏻！山藥/菠菜 $36清洗得乾淨，又夠新鮮👍🏻！大滿足午餐肉 $58賣相擺盤一流，但如果炸過再上枱，味道會更香口！炸魚皮 $46脆卜卜，沾湯一流！竹蔗茅根馬蹄水 $48大大樽，但味道略嫌較淡！自助區會有多款調味選擇，兩款小食和少量水果，完餐後😃店員會送上果盤和甜品比客人解解辣✨✨！…查看更多

今日去咗砵蘭街打邊爐💁🏻‍♀️呢間《鍾爺爺海鮮火鍋刺身專門店》估唔咁旺場😌好彩有預先訂位！翅群花膠雞鍋 $228而家打邊爐都會比較注重湯底，有齊雞件、翅群、花膠、紅棗和杞子放入濃湯滾一滾，先飲湯，再打邊爐👍🏻味道鮮甜夠哂滋補！本地牛展 $288牛味濃郁帶有少量脂肪，涮煮數秒即刻食得，濃郁但不膩！紐西蘭聖子皇 $136點咗2隻放入香濃湯底，爽口又鮮甜，不用沾任何醬料已經好好食👍🏻！手打鮮蝦丸 $42 ／鮮蝦雲吞 $38人數唔多可以點半份🦐蝦肉食得出好新鮮！✨✨原來九點後入坐全單有八折優惠之外，每人仲會送一支嘉士伯添！收零晨2點，咁就夜一夜都可以食到👍🏻！…查看更多

平日食車仔麵都會特別留意個辣汁，而呢間位於尖沙咀嘅《華記潮州滷水車仔麵 》個經典招牌滷水汁，以濃郁鮮甜為主打，無論湯底或餸料以及小食✨✨試過一定有驚喜👍🏻！三餸車仔麵 $53～可以選通菜底👍🏻必點蘿蔔超入味，胡椒豬肚丸好彈牙，春卷就正常發揮，另加$2多芫荽🌿分量都唔少！牛雜麵 $48～有齊牛肚、牛膀、牛肺和牛腸，味道濃郁，特別點了米粉吸收哂湯底精華，每一啖都充滿滷水味道😋記住點重口味全部汁，少少辣特別有層次！招牌小食～新鮮魷魚鬚 $52口感Q彈，香辣調味夠哂入味，特別開胃食唔停口😋！太陽餅 $45蝦餅即點即炸，外層金黃香脆，魚肉加上鮮蝦沾上甜甜雞醬，特別惹味👍🏻！…查看更多

啟德全新AIRSIDE購物中心，除咗可以購物和睇展覽之外，各式各樣嘅餐廳都好多✨✨今次就試咗呢間意大利《The Cipollini Pizzeria 》佢哋以手工薄餅、意大利麵和義式冰淇淋為賣點！🍕12吋薄脆餅底，任選兩款各享半份 $188Hawaiian ~莫扎瑞拉起司、火腿和新鮮菠蘿！Bolognese ~牛肉碎、莫扎瑞拉起司、車厘茄、芝麻菜，再配上濃郁蕃茄醬底！🥗凱撒沙律 $128新鮮蔬菜和芝士碎，加$30有埋雞肉，還有麵包糠和炸至酥脆嘅煙肉碎等等．．．味道咸香清新口感亦好有層次👍🏻！🐔雞翼 $58單骨雞翼，一碟有5件即點即炸，香脆又香辣好惹味，但份量感覺偏少！🌰榛果避風港沙冰 $58沙冰感覺比較少，似係一杯有層次嘅濃濃朱古力榛果飲品！🍧意大利冰淇淋 $48（一球）自家製正宗意式冰淇淋，每日新鮮製作，口感順滑濃郁，每一啖都帶點果肉🍨今次試咗椰子菠蘿、意大利芝士餅和荔枝味！…查看更多

天氣炎熱🥵又突然落大雨又打風，完全唔想出戶外，所以就去咗九龍灣德福快閃買個花甲粉返屋企食😋原來呢間《陳仔花甲粉》喺6月1日新開張！Food court 位置都幾廣闊，自助外賣機一撳完轉頭就攞得，包裝整齊仲有埋保溫袋，返到屋企啲食物都仲熱辣辣👍🏻！伊比利亞橡果豬花甲粉 $69香辣鮮味花甲粉 $61份量都唔少，有齊芫荽、金菇、娃娃菜和豆卜，味道都幾鮮甜，花甲新鮮但有幾隻有少許沙😌好彩因為有分湯，所以及時夾走，沒有影響整碗嘅味道！而辣度和粉麵亦可以自選，跟餐仲會有埋嘢飲🧃加配小食重可以減$10添！…查看更多

想食吓D鑊氣小炒，天氣太熱又唔想去大排檔坐得唔舒服，深水埗呢間《金豪酒家》絕對滿足到你要求👍🏻！蟹.蟶子海鮮孖寶 $638避風塘炒蟹～原隻上枱超大隻，超多炸蒜又脆又香口🦀肉質鮮甜夠入味✨✨必食😋！蒜蓉粉絲蒸蟶子～蟶子新鮮爽口，蒸嘅時間控制得剛剛好，粉絲亦吸收哂蟶子嘅甜味👍🏻👍🏻！芥辣牛柳粒 $118炒得特別有鑊氣連合挑都香口，加入埋芥末醬調味，非常惹味！金豪和味雞 $188半份已經足夠四人食用，咸香味濃👍🏻！艷影蝦球 $128一碟有九隻，建議即食🍤外層酥脆，如果醬汁再酸甜D，感覺會更好味！魚腐浸小白菜$98白菜爽口🥬湯底清甜，配搭以上惹味小菜，不錯！…查看更多

去完M+博物館順道去埋B1樓層食晚餐先✨呢間《璞》高級粵菜館設有室內外用餐區，無論你想望住海景定係雅致大堂😌位置都好闊落！茶品都特別講究🫖每一款都有獨特嘅香氣，而職員亦會不時為熱茶補給👍🏻！蜜餞西班牙黑豚肉叉燒 $268以炭爐恆溫，慢慢食都唔會因為冷卻而抽乾醬汁👍🏻第一次試以紫蘇葉包住叉燒一齊食，味道冇咁膩之餘重多一份香氣😋！松茸菊花豆腐 $198巧手嘅刀工，將豆腐切得特別細緻，好似一朵菊花咁🌼飄浮喺充滿松茸味道嘅湯底，又靚又清甜✨！黃金焗蟹蓋 $238 賣相一流🦀以金箔作點綴，外層炸到金黃酥脆之餘，入面充滿蟹肉😋再加埋特製梅子醋，味道特別有驚喜👍🏻👍🏻！化皮金陵乳豬 $208兩個人食🐷點1/4份量剛剛好，一個好特別嘅配搭，乳豬皮超香脆連同蜜桃和饅頭片一齊食👍🏻層次分明完全冇油膩感✨✨海皇魚湯泡西施$268魚湯湯底加入大量蝦米、脆米和蔬菜，多重口感又鮮味，浸耐D再食變成泡飯更入味👍🏻！養顏燕窩奶凍 $108最後食埋碗香濃奶凍，超滿足！…查看更多

見到 《泰金鍋》推出咗個🔪手切潮牛餐120分鐘任食😋睇睇有咩食先！今次特別點咗呢個👍🏻馬來娘惹叻沙湯底，好惹味！而另一個係🍋‍🟩青檸椰奶雞湯，碌菜特別清甜，淡淡椰奶香！任食套餐包括✨✨4款潮汕牛～吊龍、匙仁、黑柏葉、匙胸口朥。另外亦有多款澳洲和美國牛肉，而豚梅肉和羊肉都有👍🏻即點即上枱，速度都好快，食肉獸至愛😋！流水蝦區～大頭蝦肉質爽口，但數量晤多，要等待店員補給！熟食區～基本嘅粉麵，海南雞，串燒都有，雖然選擇唔算好多，但味道做足泰式風味😋與平日去泰菜館食嘅味道一樣👍🏻！自助吧食材每日更新，火鍋配料超過二十幾款，飲品選擇都唔少👍🏻！甜品區 ～綿綿冰機、泰式奶茶、榴槤雪糕，至愛嘅千層椰汁糕和椰汁西米糕都有！…查看更多

收工想飲番杯放鬆吓🍻呢間位於元朗朗屏站附近嘅《皊叄木》日式小店，客人都以街坊和熟客為主，而食物質素估唔到亦有驚喜👍🏻！Sunset / 白啤 $33呢到除咗有清酒之外，呢兩杯（三德利啤酒）就最多人點🍺超泡泡綿密，白啤易入口，Sunset 就麥香味較濃！壽喜燒日本A4和牛 $68肉質超嫩滑，加上蛋香和甜甜地嘅壽喜燒汁，大推👍🏻👍🏻👍🏻！鹽燒一夜干馬友 $72半邊去骨馬友，進食方便之餘😌魚皮超爽脆，肉質鹹香味濃亦唔乾身😋配上啤酒一流，必點推介✨！娃娃菜 $32以豬油和蒜蓉爆炒😋夠哂入味又惹味！皊叄木炸壽司 $52即點即炸所以製作需時，脆卜卜又香口，食唔停口👍🏻！牛油醬油燒北寄貝 $78老闆話海鮮每日自行到街市挑選，所以特別新鮮！焦糖生命多士 $24甜而不膩，燒得剛剛好！柚子胡椒燒豬肋肉 $36雞中翼連尖 $36燒焦糖玉子 $36雞腎 $29…查看更多

呢間位於尖沙咀《人生有限杯串燒店 》 特別適合放工飲番杯 Chill 吓✌🏻 獨特風味菜式，而且價錢親民化，吧枱位置重可以睇住師傅即燒即上枱添✨✨！墨魚滑大蝦 $68紫菜香口，墨魚爽口，再加上鮮甜大蝦，無論口感或是味道都特別出色，必點推介✨✨鵝肝醬多士 $58一份有兩件，淡淡鵝肝香配搭上焦糖菠蘿，外脆內香甜，連多士一齊食配搭一流👍🏻！流心蛋薯仔沙律 $68配料看似簡單，但味道卻不平凡，作為前菜特別開胃😋！香燒翠玉瓜 $10抵食之選，翠玉瓜多汁爽口又夠入味👍🏻！蒜蓉菜脯燒茄子 $38大大份見每枱都有點😋果然超濃蒜香味帶微辣，好惹味！芫荽雞絲手抓餅 $58分量夠足料之外，餅底亦做得非常酥脆，如果油份略為減少就更完美！免治雞肉棒 $28配上日本蛋，特別滑溜！重有多款特式串燒～盬燒鮮雞腎 $20盬燒鮮雞皮 $20豚肉牛油果卷 $28鰻魚飯團 $38🥃檸檬荔枝 whisky $38🍹荔枝檸檬梳打 $28荔枝清甜，檸檬清新，食串燒飲零舍解膩✌🏻啱哂！…查看更多

知道呢間《南瀛水產》餐廳以每日新鮮運送時令食材，提供日本地道磯燒，壽司刺身料理！店內亦充滿居酒屋風格，打卡超靚！朋友book 咗位，今日終於有機會試試👏！雲丹蟹肉卷 海膽好新鮮蟹肉又鮮甜，加了少許黑松露作點綴，味道比例相當好，好好味👍🏻👍🏻！蟹味噌甲羅燒有齊蟹肉、蟹子、鵪鶉蛋、蟹膏和蔥粒，專人即煮熱辣辣，口感層次好好，味道超香濃✨✨！雪場蟹腳 專人開殼燒製方便進食，但感覺份量有點少！海鮮沙律 海鮮份量都唔少，每一啖都食到，蔬菜新鮮爽口而醬汁都調節得剛剛好，開胃必點！清酒煮蜆 蜆肉大大隻夠飽滿，最緊要冇沙👍🏻湯底清甜微微清酒香，可以連湯都飲埋😅！南瀛玉子燒 質地軟熟又夠滑，蛋味香濃🥰加入埋高湯，看似簡單的一道小食，製作得不錯👍🏻！唐揚炸雞 脆卜卜，比想像中大件好多😊味道正常！飲品～青蘋果乳酸 ／乳酸梳打 甜品～芝麻雪糕／雲呢拿千層蛋糕…查看更多

經過黃埔見到呢間《新鮮圍煮》有個新推出嘅火鍋四人餐😋份量都唔少，刺身、海鮮、肉類，種類樣樣有👍🏻唔駛諗，一於入去試試先！ 前菜涼拌海蜇象拔蚌刺身拼盤（蝦大大隻、帶子新鮮，北寄貝、象拔蚌夠爽口）✨湯底花雕藥膳雞鍋（藥膳味唔算濃郁，但半隻雞大大份而且肉質都好滑👍🏻）新鮮海鮮白鱔片、蜆、蝦肉類沖繩水飼豚梅肉（肥瘦適中）本地手切肥牛（脂肪分佈均勻，只需烚一烚，入口軟滑）肥鵝腸、水魷（清洗得好乾淨）鮮蝦雲吞（餡料好足好鮮甜）自家炸響鈴（豆香濃郁即點即製）重有其他火鍋配料魚皮餃、金紗魚腐、手打鮮墨魚丸蜂巢冰豆腐、鮮菌雜菜籃、粟米…查看更多