CarmenMok3737的个人专页

噚日先幫襯完，正常收銀姐姐如果見樓面唔得閒，都會幫客人手落單，但佢叫我叫樓面落，我喺咁叫人先有人理我。最差係個帶眼鏡嘅阿姐，明明有好多位又唔俾人坐，又話嗰區做清潔....但其他位又冇人執枱,正常客人好自然行去空枱度，跟住個阿姐有啲兇咁話我‘’唔好見枱就坐‘’，咁我就等佢執枱啦！我坐咗唔夠5分鐘，跟住再有其他客嚟就俾人坐話做清潔嗰區嘅枱。真係想知係咩嘢玩法嚟呢～😤食物質素都ok,只係服務差啲啫🙄…查看更多

趁天氣涼涼哋，去咗食我喜愛嘅日式燒肉呢！😍叫咗好多特色燒肉，其中最特別係38cm長嘅鎖鍊牛翼板，牛味濃兼肉質唔錯……😋我同朋友分別叫咗特上燒肉5點盛同3點盛，無論牛，豬，雞每種肉都整得好入味，肉質又好嫰滑。5點盛～有澳洲和牛，燒汁牛肩肉，鹽燒一口牛舌，青檸豚拖羅,仲有鹽燒手羽3點盛就有果味牛肋肉，味噌豚腩肉，仲有青檸雞腿肉～😋另外又送蟹子爐邊燒蛋…… 全部都好美味呀！餐廳嘅服務員亦好有禮貌同細心，今餐食得好滿足呀！💞…查看更多

3號風球下的Tea time ,去咗中環嘅 Sogno Cafe， 試咗佢哋嘅白雲黑松露意粉，依朵白雲用蛋白焗製，整得好有特色呀！😍不過白雲味道咸咸哋，我初初仲以為係甜呢……😂意粉質感彈牙，配埋黑松露加白汁煮出嚟，無論外觀同食物味道都十分好，值得推介！再叫咗雜莓飲品＋伯爵茶戚風蛋糕，蛋糕食落充滿茶香，真心好味！😋而雜莓飲品就偏甜少少，但都整得好香，可以一試！餐廳擺設以雲朵同貓為主題，感覺輕鬆舒服，又可以俾自己減吓壓呢！😄…查看更多

等咗2年，海防道街市熟食檔終於重開啦！🤩好掛住“華香園”嘅秘製豬扒飯，豬扒煎得較乾身，但食落少少似燒排骨，甜甜哋好香口😋,午市唔駛半個鐘就已經賣晒啦，勁誇張！眼見只得老細同佢老婆兩個打理成間檔口，老闆娘負責整豬扒，而老細就忙住負責幫客人落單，真係做到冇停手。😅如果想食好嘢，大家要等耐少少呢！再食埋隔離檔蘇施黃推介嘅“咖央多”，椰漿好香甜美味。今個lunch好滿足呀！💕…查看更多

今日去咗附近探親戚，聽聞安泰街市裡面開咗間韓式小店，而我自己又好鍾意食韓國嘢，所以經過就幫襯一吓。😄鋪頭位置唔算起眼，有幾張枱放喺旁邊，可以方便街坊堂食，而我今次選擇外賣返親戚屋企食。真心好想試佢哋嘅炸雞，埋單唔駛100蚊就已經有8件炸雞同一大盒嘅韓國粉絲……好抵食呢！我哋叫咗甜酸同原味炸雞，兩款都整得好味又夠熱，外脆內軟仲好Juicy, 而炒粉絲亦加咗好多配料一齊炒，真心抵食兼值得推介嘅小店嚟！😋💕…查看更多

今晚去咗間以花草為主題嘅餐廳慶祝家人嘅生日，我哋叫咗好多美食，最鍾意就係Birthday burger同紫醉金迷，每款食物都整得好靚，味道仲好好呢！🤩Birthday burger~感覺好靚，好鍾意支紅心candle呀！😍紫醉金迷～聽到個名都已經覺得好靚，味道仲好有層次感，灑上金箔做點綴，靚到唔捨得食呢！😋二重奏芝士貓耳朵～芝士味香濃，啲意粉真係好似貓耳呢！🐱又叫咗青檸蝶豆花同巨蜂提子梳打～杯蝶豆花隻色整得靚，感覺好夢幻！今餐大家都食得好開心滿足，環境感覺悠閒，係值得推介嘅樓上餐廳～👍💕…查看更多

自從疫情後，已經好耐冇出街食火煱啦…😬見情況緩和返少少，帶埋屋企人去咗我最愛嘅海底撈打吓邊爐先。🥰餐廳嘅服務真係非常好，服務員態度貼心又積極，今次我哋選擇咗喺lunch時段用餐，叫了3個lunch set同無限添飲，進餐期間不停幫忙加飲品，又送咗個兒童餐（蒸蛋同豬仔飽）同文具小禮物俾小朋友。而餐廳就送咗個修甲服務俾我，仲有一袋自家製嘅零食俾我哋。大人同細路有得食又有得玩，真係各取所需，大家都食得好開心呢！…查看更多

終於去到長假期嘅最後一日，真係唔捨得咁快就結束……今日去咗“波希米亞風”以木色為主題嘅餐廳，裡面環境舒適，有兩張藤製搖椅，感覺好有渡假feel～🥰我同朋友分別叫咗兩個set dinner,主菜叫咗黑鱈魚柳配金不換檸檬泡沫及慢煮美國豬鞍架配茴香。😋餐廳先嚟一碟香煎帶子西瓜沙律配黑醋汁，賣相精緻同colorful,食落感覺好fresh。我哋又叫咗海鮮拼盤及3隻生蠔，拼盤有蝦,黃金螺同青口, 全部水產都好新鮮，真係食得好滿足。終於到主菜嚟啦……黑鱈魚柳上嘅檸檬泡沫好特別，魚嘅質感較結實又唔會霉，值得推介嘅選擇。豬鞍味道亦都唔錯，肉質又有彈性。:)最期待嘅甜品終於出場啦～🤩芒果泡沫嘅賣相好靚，仲有好多唔同嘅水果鋪喺裡面，口感好特別！😋餐廳環境寧靜舒服，我同朋友都食得開心又滿足呢！💕…查看更多

唐包點新出咗情人節限量版心形玫瑰加野莓嘅朱古力流心包,睇宣傳紙版賣相已經覺得好吸引。💕外皮有點點嘅玫瑰花碎,成個包粉紅色真的好靚,再加上朱古力流心內藏有4種野莓,酸酸甜甜食落唔會滯。值得一試!!👍😁…查看更多

今日經過旺角新人氣商場TOP,竟然冇意中發現開咗我喺日本好幾年前一試難忘嘅味之時計台,仲記得佢哋嗰塊大大塊牛油加上味噌湯底,真係超好食。冇諗過終於喺香港開佢哋嘅第一間分店,當然要即刻試吓啦！😍 不負衆望,個湯底好香濃,麵質(我揀咗普通硬度)但依然好彈牙好正,啲豚肉煎得好香唔太肥,係隻蛋略為咸咗少少,但整體依然保持喺日本嘅水準,值得一試。另外叫咗碟餃子,都煎得好香脆。😋下次我會再去試埋佢哋嘅濃湯蝦味噌豚肉麵,依款睇落都幾吸引！…查看更多