TerenceChan3417的个人专页

晚市終於開返， 同個大埔朋友諗住收工係大埔食過晚飯返屋企，咁就揀左呢間，4月26日晚去嘅。 由於太肚餓關係又得2個人咁就叫左1個2人餐(~$235) ，餐牌寫無骨海南雞飯，馬拉"jaun"炒通菜，蝦餅，2杯特飲，看似無問題，上菜睇到眼突。先黎係一般單人碟頭份糧海南雞飯，等左1陣未上第2個飯，我問女服務員你個餐有個飯未上，佢話個海南雞飯上哂，係得1個，之後就通菜(正常份量，唔太鹹), 再上埋2原粒切開4個半邊嘅蝦餅。一睇就個跟本唔係2人餐， 你個雞飯比2個油飯我都好， 我問你飯可唔可以加or多飯， 女服務員話無架啦你要就加白飯不過收錢， 你再唔係叫多個炒飯囉。最後因為唔夠食叫多左個豬頸肉炒飯先岩岩夠，仲要另1個係女仔食量唔算好大。 當然唔夠食再叫好正常， 但1個2人餐油飯又好，白飯又好，都比返2個我丫。唔多唔少有D影響心情， 去唔去你地自己諗，叫餐問清楚有D咩，2人餐？ 名黎姐，真係2個人食咩，傻豬黎嘅…查看更多

其實呢d放題大家都成日食，都係食果D野， 無咩好寫，食物相我都無影張。 今次寫食評係同服務有關。我地4大1小到餐廳食飯，餐廳安排左4人位，我地肩接肩咁坐，所以我地未開始就要求換位，果時我地位3歲小朋友被一名職員呼喝(名就唔開，如果係你本人睇到就反省下) ，叫佢度高要收佢小童價，呼喝聲音全場食客都望過黎，小朋友比佢嚇親，要成場人都望哂過黎就知有幾大聲都唔好講咩態度，佢果句"細路過去果去度高，超過90收你小童"真係有哂畫面。 首先一早講左4大1小， 你安排4位人已經唔岩， 仲要喝個小朋友度高！？ 已經講左4大1小度咩高！？ 之後我地都話無所謂1早講左有小朋友而佢真係高過90cm , 繼續要求換枱。個職員好唔順氣咁換枱比我地， 之後每次過黎我地枱都串串貢， 7點半已經叫我地8點要準時走， 我地問返佢我6點22分坐低點解要8點走？ 之後佢走左去check 單， 知道自己衰左就話你地8點22分要走 遲1分鐘都唔得。 成晚食餐個心情就比呢個職員影響哂， 如果唔係有小朋友唔想走黎走去， 我應該今晚唔會係到食。…查看更多

沙田睇完早場 大約1點半時間 沙田周圍都要等位突然想食台灣野 就黎左洪師父今日叫左紅燒牛肉麵 同 鹽蘇雞扒飯紅燒牛肉麵湯汁夠濃郁 牛肉有咬口 粗麵唔會太軟身鹽蘇雞扒飯 我覺得比較抵食 有沙律菜伴碟 鹽蘇雞夠大塊 可能lunch hour比較忙 切件大小不一飯方面 有肉燥 菜甫等等 就咁送飯已經可以食完全碗飯…查看更多

D2 place睇完戲之後差唔多時間食個晚餐唔想諗野嘅情況下叫左個勿當奴2人餐 $128巨無霸 將軍漢堡 薯條 蟹肉薯餅 洋蔥圈巨無霸有驚喜 2塊牛柳都唔薄 都有肉汁將軍漢堡中規中舉 都係用返2塊豬柳 不過口感有提升薯條用左粗波浪紋薯條 記得自己出去拎黑松露沙律醬蟹肉薯條只有1件 2人餐如果唔係情侣 好似有點難分羊蔥圈如果洋蔥切返粗d會好d食完2人餐好似有D唔夠喉 之後再點多份威靈頓牛扒 $128 自己買冰鮮都差唔多嘅價錢 餐廳到食 算抵 …查看更多

其實已經唔係第1次幫襯馬六由於返工ot所以出左街食完晚假再做野馬六海南雞飯海南雞份量算多 食過3次 份量都係平均 雞肉雞滑而最令我加分嘅係晚餐嘅小配菜 竟然係同餐廳完整叫一碟菜嘅份量一樣 所以雖然晚餐88蚊 但係有碟咁大嘅菜 係到抵返哂加影之前食嘅魔鬼魚扒飯午餐…查看更多

尋日行完藝術館見仲有時間就行下海港城路過cheesecake factory見唔使排隊就入左去食晚餐叫左炸芝士通心粉，意式酥脆雞扒，Oreo milk shake, 非常車厘子Ghirardelli朱古力芝士蛋糕餐廳限時2個鐘，環境方面空間夠大，係間坐得舒服嘅餐廳。 服務都好好，經常自動有人黎fill水。食物方面比夠大份同濃味，炸芝士通心粉球入而芝士通粉飽滿，加埋外面嘅醬汁，非常好味。意式酥脆雞扒有一薄薄嘅脆脆係外面， 雞扒應該係用雞胸肉，但唔會太"鞋" 同乾，加埋醬汁味道岩岩好。Oreo milk shake唔會太甜，值得推介非常車厘子Ghirardelli朱古力芝士蛋糕，cheese cake好滑，低層有濃濃嘅朱古力，加埋清新嘅水果唔會太"溜"由於得2個人食 最後食唔哂要打包返去所以如果有心去cheese cake factory可以帶多1 2 個人 可以share食多D種類。 …查看更多

灣仔放飯時間 好多人 黎左波士冰室 環境似新式茶記 唔太迫叫左是日午餐 日式吉列豬扒蛋包 $65 賣相都唔錯 就咁唔食豬扒 咖哩都可以送哂全個蛋包飯 個飯係炒飯底 豬扒都唔薄 又大塊 同有肉汁灣仔區食lumch $65 蚊 都可以一戰 …查看更多

女友偶爾過下海就陪佢去食野啦 臨時係openrice見到Honbo有咁多like就黎Try Try佢鋪頭唔算大 一張8人長枱 3張4人高枱 加多2張2~3人枱 坐滿應該都好迫 背貼背 如果人少環境裝修都ok 所以要睇時段去食物種類唔多 今次叫左honbo2.0 為左影相浮誇D麻 之後叫多左個chicken burger同埋cheese fries.Honbo2.0 包外脆內軟 渣左牛油係中間 牛肉多汁 又未至於爆汁滴哂出黎 食上黎都唔會好論盡chicken burger比較有驚喜 雞扒炸到脆邊 中間唔乾身 同埋個醬汁 好特別 帶有少少甜味 cheese fries就令我失望 芝士同炸薯條融埋一齊 一舊野咁 質地怪怪地咁總結牛堡無咩特別只係誇張多肉，雞堡比較有驚喜味道，薯條不了。 由於無餐叫 所以如果想Try直接叫包就ok 返正地方細 坐唔耐。 …查看更多

今日黎到元朗茶記食沙爹牛肉蟹王麵 西多士 蘇炸豬扒 蘇炸雞翼沙爹牛肉蟹王麵方包 同一樣大光麵唔同 蟹王麵比較幼身 麵質唔太軟身 由於幼身面積相對粗身咁麵黏到更多嘅醬汁沙爹醬夠濃厚 你會見到全個碗面都覆蓋住沙爹醬 所以夠哂沙爹味牛肉夠滑 又唔會完全太軟身 有口感西多士同其他茶記差唔多 即整夠熱 不過呢到勝在夠平 14蚊咋炸豬扒 同 炸雞翼方面 都係即炸嘅關係都係香脆可口 炸粉唔多 豬扒同雞翼都唔會柴身今次order 左 沙爹牛肉蟹王麵，沙爹牛肉通粉，西多士，炸豬扒炸雞翼，2杯奶茶，合共$127 都算抵食 如果去開元朗都可以考慮…查看更多

A1 太少肉燥 攪到個飯無咩味 衰 d 咁講好似食緊白飯咁(另外無下午茶又唔早講， 仲話2點半有。 2點半去到就話廚房做唔切要45分， 3 點返去都話未 ready, 最後仲唔做下午茶。 早 d 同人講， 人地唔使等丫麻) …查看更多