vivianchoi821的个人专页

第一次食呢間米線，知道佢好出名，本身都幾期待。餐廳環境好逼，張枱好細。落左order之後，都等左15-20分鐘先有野食。坦白講，d餸好普通，唔算好食。湯底有d淡，冇特別。最好食係米線，真係煮得幾好食😂 不過食完之後，我個肚開始唔舒服。雖然未去到肚屙，但感覺呢間餐廳既衛生都麻麻地。食完一次，下次唔會再食😅😅…查看更多

同屋企人去呢間餐廳食lunch。由於父母年紀大，佢地唔識用手機點餐，所以叫左個後生嘅女侍應幫手落單。點知呢位女侍應唔識講廣東話，全程講普通話。我真係以為自己去左深圳…. 😅😅 食物份量好大份，我地都食唔晒。但食物味道麻麻，唔係特別好食🤨 綜合而言，如果你唔追求高質素嘅餐廳，只係想是但食一餐，呢間餐廳都可以考慮，價錢都合理。…查看更多

其實之前同同事食過好幾次，每次個質素都好飄忽，時好時差。今日天氣好凍，同同事去堂食，諗住暖下個胃。入到餐廳，已經等咗好耐先有嘢食，結果大家食咗幾啖，都一致認同係超難食 🤢 個「湯」根本係熱水加辣油，再加酸菜同其他配料。米線一d味都冇，反而有水喉水味，我食咗幾啖冇食啦 😰 2024年加左價，食物味道反而差咗咁多，真係以後都唔會再食，食完激到一肚氣😡😡😡米線$48冇套餐，飲品要正價，要加$16先有一杯熱飲。價錢唔合理🤯🤯…查看更多

餐廳環境又細有侷促，坐得好唔舒服 🫤 個紅菜頭湯淡到好似水咁，唔知飲緊d乜嘢… 叫咗個鰻魚炒飯，個味道又好奇怪，d鰻魚粒又細又少 😵 最誇張係杯凍華田，d阿華田粉都未溶晒，已經拎出黎俾客飲…. 我食完餐飯之後，已經決定blacklist呢間餐廳，以後都唔會再食❌…查看更多

第一次食呢間火鍋店，真係人生中最難受嘅食火鍋體驗 🤢 我地叫咗個鴛鴦湯底，分別係「冬陰功湯底」和「壽喜燒」湯底。個壽喜燒湯底真係不得了，鹹到完全食唔到，簡直係挑戰你嘅味蕾😨 D肉類好韌，仲話係「頂級」牛小排/牛肩胛，真係衰過隔離佳寶嗰d 🤡 海鮮仲誇張，完全貨不對辦，又細又唔新鮮，見到都唔開胃。我地都唔敢食太多，驚會肚痛。至於個自助區，根本就冇乜嘢可以食，全部都係廉價食材。最多嘅就係丸類，但又係唔好食既 😵總括而言，呢間火鍋店d嘢食都好難食。但難食都算，湯底鹹先係最大問題。我地食完之後，全日都好唔舒服同埋好口渴 🤢🤢 我以後真係唔會再嚟呢間火鍋店食 😰 …查看更多