FoodieBoyfriend的个人专页

難得係沙田放工試吓呢間新開嘅有田牛標榜用嘅係宮崎有田和牛店員仲話係佢哋全港獨家Menu都係以牛為離就點咗份$298嘅御膳set講真，呢個價呢個份量，堅抵有幾款唔同嘅丼飯 再加 一份和牛紙火鍋丼飯水準有啲參差 有好大改善空間不過勝在款式夠多 每樣食啲唔易膩紙火鍋配料都足料淨係兩大塊和牛西冷都值回票價👍🏼整體呢個set係幾抵佢仲有個set係海鮮mix牛肉不過入得和牛專門店又無理由要溝海鮮嘅下次有機會試埋個燒肉set…查看更多

還記得當初太子白楊街，初次食到花膠湯麵的感動。作為本地花膠雞湯麵的先鋒，當年甫開業已大排長龍，周末情況更甚。當年一碗麵賣五六十蚊，不便宜，但呷一口花膠湯，味道濃厚黏口，骨膠原滿滿，雞肉不算嫩滑但份量也不少。當然，膠不是真花膠，雞也是冰鮮貨，但呢個價食到呢個味道，絕對是驚喜而超值。時光流逝，小店愈做愈大，花款愈來愈多。登龍街開業後幫襯過幾次，水準雖有下滑但味道仍是合格的，偶爾支持回憶也當回憶當初的感動。但疫情影響，收店時間提早了，夜遊人的我近兩年都無再幫襯…直到昨晚（28/2），全城除罩的前一晚，神推鬼㧬之下，食咗相信係最後一次嘅樂湯雞…一份口水雞，一碗花膠雞湯粉絲。口水雞上枱就知出事，口水醬色澤偏淡，無辣椒粒，一睇就知係大陸平價醬。花生量少，雞皮深黃，肉質韌，懷疑是熟食來貨或隔夜，睇見都唔開胃。花膠雞湯一望也看得出比之前的淡薄，但入口仍算ok，最大問題是配料，雞肉較口水雞更差，嚡口無味，完美的刷膠口感；花膠連鱈魚膠都稱不上，浸發到極大嚿但零味道，且口感偏硬。一碗八十幾蚊，份量尚可，但一餐飯的飽足除了份量還講求味道，單是這點已經令身為開業Fans的我大失所望…「店做得愈大，味道自然愈差」大概是本地食店的不變真理。言而食客也有自己選擇的權利，花膠雞近年也新開了不少小店，當小店失去初心，我又何必戀棧回憶？一口氣打了五百多字告別文，也算對得起這回憶的味道吧。…查看更多

銅鑼灣新店，主打無味精車仔麵。講真，健康係好，但食車仔麵講健康真係多舊魚🤭配料麵係大唔款式，另有啲免費配菜，但個湯底近乎無味，fail🤦🏽‍♂️主食唔得，反而另加嘅花雕溏心蛋流心入味，做得唔錯。小插曲，樓下有人派傳單～食滿$50+$1送龍蝦，話滿$100+$2送兩份，上到去個疑似經理話要兩張傳單先換到兩份🙄老實講我唔特別好食龍蝦，都無特登落去拎多張，但咁做優惠真係太小家🤷🏽‍♂️何必呢～…查看更多

貴氣下午茶，咸甜點各五款，加兩件scone同一杯飲品。用料高級，味道自然唔會走樣。咸點兩款三文治都唔錯，甜點Macaroon夠脆薄，朱古力撻濃味😋呢度飲品梗係飲熱朱古力，香濃幼滑，正👍🏼原價要$536兩位，真心貴。好在今次用積分換voucher～抵…查看更多

大坑型格西餐Tipsy的姐妹店。新店以粉色系佈置為主，地方闊落舒適👍🏼套餐百多元，有大愛的紅菜頭芝士沙律做頭盤👍🏼主菜油封鴨脾做得出色，皮脆肉嫩😋另一款燴羊膝夠大份啖啖肉😬對比係apm西餐廳，同一個價錢呢度抵食好多～…查看更多

機場又一拉麵店！呢間8拉麵挾三田製麵之名，之前食過沙田首店，拌麵都算合理，點知呢間質素線下跌，可以講得上係難食添🤦🏽‍♂️拌麵配料不文不類，味道偏台式，粟米仲要凍凍地😐拉麵湯底味淡之餘仲有鹼水味😩完美繼承機場味千地位🤦🏽‍♂️…查看更多

東京過江燒肉店。幾年前第一次到東京，第一餐晚餐就係食呢間😂日本採放題形式，三百幾包埋生啤free flow，抵食。香港就當然貴多了，一份三至四片約七八十蚊，要吃飽至少四百起跳，不過肉質都幾新鮮。服務殷勤，但室內稍嫌抽氣不足。暫未有酒牌，慳返酒水計落都可一戰😏👍🏼…查看更多

銅鑼灣新開澳葡菜，裝修以天藍色為主調配格仔花磚，幾有過大海feel😂菜式大都以濃味為主，乳豬脆包，皮脆包更脆，啖啖肉食得過癮👍🏼 鵝肝焗鴨飯，飯有菇香又乾身，加鵝肝同葡式肉腸夠哂惹味👍🏼木糠布甸幾搞笑，用打碎嘅英記杏仁餅做分層，又幾夾，好似比原塊食更好味😂留意返呢度未有酒牌😏人均三百零，趁新店剛開無咩人可一戰👌🏼 …查看更多

第一次食呢間，semi-buffet形式，頭盤選擇都幾多，冷盤前菜加埋有廿幾三十款，食一轉都飽😛推介有法國生蠔，鮮甜唔腥，主食必點牛仔肉雲吞，味道超濃郁👍🏼貴就貴啲，間唔中豪一次都ok～😗 …查看更多

中環新開扒房。主打的連骨熟成牛扒，兩人份要千多元，但堅係美味。點了英國草飼連骨西冷，入口有𡁻頭，肉味也濃，可配自家製醬汁，也有多款芥末，味道變化多。但牛扒以外的水準參差，前菜沙律粗糙欠特色，配菜炸薯條好味但稍微炸過頭。埋單相當入肉😅不過服務殷勤，牛扒也出色，偶爾慶吓祝都唔錯🍷🤪👍🏼…查看更多

油麻地人氣小食店，主打四川小食鍋魁。店子超細，小小的空間就靠兩位員工密密做，一鍋十幾件，賣完要等十幾分鐘先有下一鍋。效率低，但保證件件新鮮出爐👍🏼味道有甜有咸，但輪到我們已剩牛豬口味，各點一款，入口酥脆，略帶麻辣味，幾特別，但稍為油膩，食一件就夠皮🤭見到店主放盤轉手，咁細間鋪月租已要幾萬元，飲食小店真係難做到一個點🤦🏽‍♂️…查看更多

一聽店名以為是地踎中式小店，點自裝修新派光猛，老闆熱情好客，意外地好坐。主打源自湖南的粉麵小吃，以鯇魚為主食材，湯底加入泡椒或辣椒🌶️等，愈食愈辣，酸香有勁👍🏼價錢合理，份量也足，行過值得啪一碗試吓😋…查看更多

髒髒包，在韓台人氣火熱的新款麵包，最近陸續進軍本地麵包店。酥皮麵包加入朱古力醬內餡，表層再灑上滿滿的可可粉，味道濃郁，比想像中好味😂不過真係會食到成手朱古力🤦🏽‍♂️另一走綠茶包🍵以紅豆為餡，但綠茶粉生吞太乾，食到一半就頂唔緊👋🏼…查看更多

新開張時人氣極興的日本過江龍麵包店，起初數次行過都大排長龍，但現時已是門可羅雀～😂當日限量招牌的French Toast，今日到6點仍在發售。自家製麵包浸過蛋漿再焗，用鐵板上夠保溫，食落口感似布甸，甜美有蛋香，極味美。份量唔大但極飽肚，兩個人食當下午茶剛好😋咖啡酸香，味道不過不失。製作出色，但套餐連黑咖叫價$102，嚴重overpriced，食一次就夠。睇個勢，呢個鋪位做唔出人氣離結業也不遠了～👋🏼 …查看更多

周末元朗遊，去完Accro Coffee嘆咖之後，順路試試呢間元朗人氣小店。店家以豬雜打出名堂，小小一碗豬雜瀨，索價$50，貴！不過豬雜奇多，豬肝豬腰豬肺豬粉腸豬脷樣樣齊，洗得乾淨，款款爽脆不腥，味道的確👍🏼但瀨粉份量奇少😩正常人應該唔夠飽🤦🏽‍♂️食到一半記得落辣汁轉換口味，自家製，香辣有後勁，正！小食麻辣豬耳也出色，小辣多麻，層次豐富。整體味道不錯，人氣所累，定價偏高，嘗一次就好了👌🏼…查看更多