leroychan012098的个人专页

住左係置樂都有幾年，有次經過呢間秋香見佢裝修都幾靚，好特別下咁，又開左係冷巷咁有性格，就約左個朋友再落黎睇下咩料原來係有煲仔飯食既，仲有啲串燒，小食咁，聽店員講佢地有啲時令既新菜色，係海鮮黎架！仲要每日都係限量，我同個朋友作為海鮮狂就唔執輸啦😂叫左個白鱔煲仔飯同麻辣象拔蚌，頭盤就叫左個粟米沙律，順便叫左啲串燒過下口癮😆之但係一食呢啲又香又辣既野就會好想飲酒，見佢成個水吧成堆酒，乜都有，生啤手工啤sake威士忌，連燒酌都有，忍唔住喇飲返2杯啤啤佢先，啲手工啤好特別包裝好靚今舖真係飲飽食醉，坐得又舒服，睇怕之後都會成日落黎飲返杯😋…查看更多

係openrice睇到呢間有Allday breakfast食，屯門好少餐廳係有alldaybreakfast，同朋友就約左放假一齊去食。去到坐低我地order左黑松露蘑菇意粉，allday breakfast 同兩杯咖啡，坐低傾左陣就上左咖啡，杯咖啡好靚！好快就上埋食物，allday好用心裝飾擺得好靚，仲要係有鬆餅同yogurt,絕對比得上喺出面食既。朋友個黑松露意粉好香又多汁😍佢話味道岩岩好 唔會太重味 份量都好足夠。一路傾計一路聽住啲8，90年代既歌，非常好feel。…查看更多