業餘食家Carman的个人专页

睇到全部係正評，見到個裝修有幾得意，所以入去試一試。可惜太令人失望， 食物水準好一般，魚片頭非常唔新鮮因為魚腥味深重，墨魚滑肥豬肉過多，一落湯就散晒， 口感非常差。呢個明顯唔係口味嘅問題，係食物質素嘅問題。不過點都要補充一句，服務非常好，服務員都好親切。現在喺香港地，大部份侍應生都比客人更有態度，所以呢間嘢服務質素值得一鑽。希望食物質素盡快改善，我會再嚟多次，但真係要盡快改善，唔係競爭咁大真係好難做落去。…查看更多

本身唔係韓劇迷，對近年係香港多左好多韓食fusion 店感覺都係一個"伏"字! 特別係門口一大堆人排隊個種。但今日嚟到呢間真係超級唔錯，食物制作認真。特別推薦個蟹餅同甜品，蟹餅特懷疑係全件都係蟹肉，唔係泰式蟹餅個種口味，但好好味。另外個甜品奶凍好好味，酸酸甜甜咁，好特別。仲有個risotto 都好得。唯一唔好係，全部散叫，無set 嘅。…查看更多

我永遠相信一個道理，就係有圖有真相。但由於有字數下限，所以我就加多幾句，一個餐廳食物做得唔好，乜裝修都係假，服務又混亂，千萬唔好帶老人家去食，唔係大家都食到一肚氣。淨係睇到呢碟所謂沙爹牛炒河都火滾啦，凍嘅！D汁好似硬膠咁。炒蠔餅根本係炒油餅，一口咬落去成口油。…查看更多

自從一個月前來第一次來試過後，今個月已經食左四次，可想而知係有幾好味，以下係我嘅必食推介:1. 燒安格斯肉眼2. 燒蕃薯粒3. 芝士年糕4. 燒聖子5. 燒羊肉串6. 燒牛肉韮菜卷7. 燒黑豚肉串8. 煮蜆9. 燒白鱔我相信我馬上會去第5次啦。…查看更多

放工經過間舖頭，門口一張poster 大大份海膽好吸引，天氣熱食湯飯又易入口，所以入嚟試下。今次試左個海膽蟹腳湯飯，非常好味，一試難忘，海膽份量好足，基本上每啖都食到海膽。下次嚟一定試埋個鮑魚花膠烏冬。唯一敗筆係有個灰色uniform 懷疑係老闆娘嘅女仔態度惡劣，又面目猙獰大大聲呼喝員工。黑口黑面。員工都係人，真係應該好好改善。…查看更多

中伏！中伏！又一次中伏，睇完大台電視節目，見D主持食到好好味咁，今日突登去試下。我非常失望。坦白講，串燒呀，燒海鮮呢類嘢，係好多都好好味，但呢間真係唔得。最可以接受係燒大虎蝦，完隻大虎蝦上面好像有滿滿嘅蛋黃醬，非常野味。其他如豚肉荔枝燒，燒蟶子等，上枱都唔夠熱，味道一般。豚肉唔夠香，荔枝又唔係酸酸甜甜。最後個麻辣鐵板芝士公仔面，就係個味道唔太妥當，無麻，只有小小辣，芝士又唔太配合。真心失望，街檔做串燒總係予人好有風味嘅感覺，但今次真係唔妥，而且價錢唔平。唯獨係員工服務還可以。…查看更多

無想過，真係無想過，在各大連鎖快餐店食左咁多年一人一鍋，一人一鍋對我嚟講就只係代表難食，冰鮮材料 (冰封材料)同張枱永遠唔夠位擺。所以今日無意中嚟到呢間係上環新開業嘅一人一鍋店本來是純為醫肚，速戰速決，點知，一句講晒 : 超級好味，非常驚喜!主打A5和牛同美國入口安格斯牛肉，仲話有米芝蓮大廚主理嘅一人一鍋店，店內格局好唔錯，重點係，唔知大家有無感覺，一般連鎖快餐店嘅一人一鍋，永遠張枱都唔夠位放，簡單嚟講係配件多到連個tray 都放唔晒。但呢度坐得非常舒服。而店內居然有單身吧枱位，確實係單身人仕嘅福音。食物方面，一人一鍋，但份量十足，用料新鮮，當然我無入廚房睇 ，但起碼好過好多逐碟計嘅火鍋店。如果細食的話，叫多碗飯，其實兩個女仔share一鍋再加餸都好OK. 主打嘅肉類好好味，絕對好味過好多牛肉嘅放題火鍋店。必試是麻辣鍋，可以選小辣，好香好麻，食完個咀真係好麻呀，好正！另外海鮮鍋配料亦非常足。一百完樓下有交易。天氣開始涼啦，呢間店係非常唔錯嘅選擇。…查看更多

服務態度係好好嘅，餐廳嘅環境亦好溫馨舒適。但就覺得有點貴，而且份量亦有點小。食物味道非常好。今日試左幾道菜，最好味是鹽焗魚同蘋果批，魚好鮮味，蘋果批是焗嘅，賣相好精美，食落口既有蘋果香又有焗面包的香味。粟子雞我就麻麻，但蝦子麵真的一流，可惜我只係分到一啖多DD。蠔上蠔係十分超級好食加🎉…查看更多

不是第一次來光顧，但每次都有新驚喜。乳豬是不能錯過嘅招牌菜，另外有個小食拼盤都是不能不試，賣相很特別，每一口都是一個享受。蘋果醬黑毛豬真係好好味，份量亦真係非常足夠，幾個人食都夠呀。西班牙海鮮飯亦非常入味。之前去過K11 旁嘅分店，坐得無咁舒服，比較適合飲杯嘢，天文臺道嘅呢一間就好好多，三五知己食個晚飯真係一流。…查看更多

越開越多冰室，看來一般常餐茶餐已經無法滿足香港人，我亦係睇到網上有人討論先專登嚟事。首先係冰條奶茶，我覺得奶味同茶味都夠，條冰條係影相位，正常速度飲其實又唔會話越飲越多。仲食左個馬來咖哩牛舌飯，牛舌好淋，好入味。咖喱真係好正。瑞士雞翼正常。入味嘅。全餐重點係個黑松露炒蛋火腿多士，非常好味，黑松露真係好香，不過兩個人食一份較好，唔係食左其他乜都唔洗食。…查看更多

下午茶set 有兩款，一款係摩天輪，另一款係倫敦。今次揀左個倫敦嘅。賣相非常精緻，一半甜點，一半咸點，比例適中，咸點非常啱我嘅口味。咸點中特別喜歡一款三文治，因為入面是我最喜歡嘅芝士及火箭菜。另外一款牛角包即非常可口。另外，成間餐廳嘅服務都好好。不過亦有需要改善嘅地方，就係個scone嘅clot cream ，太重牛油味。…查看更多

朋友話想食韓國嘢，所以就隨便入左呢間。確實係好難食。1. 雞。唔記咩名，但見到個個叫。等左45分鐘煮到出嚟，除左咸到苦，無第二個感覺。雞肉死死實實。好可怕。2. 西瓜冰。著實我就飲唔到西瓜味。好甜。俾支韓國7up 但杯嘢本身係滿嘅，咁你必須飲到一半先可以倒入去，倒左入去個味又無乜分別。所以唔知搞乜。…查看更多