咘咘豬的个人专页

柴灣新開拉麵,梗係要去試下. 環境好舒服,我星期六下午去食,只得兩枱人.老公叫左個和牛拉麵（$128）, 薄薄的一片牛（定兩片？）老公話唔記得了, 厚度是打邊爐一烚就熟個種, 味道都ok. 另外加左一份餃子（$38）,普通啦. 加左隻溏心蛋（$12）,都ok.加$10有一枝細枝裝汽水.因為老公一早自己食緊所以無影相.我叫左個香葱豚肉拉麵, 豚肉係煎香左,味道ok, 仲有半隻溏心蛋.食拉麵最緊要係個湯底, 正如我所料, 港式拉麵既味道, 即係買枝味精湯底返來開水個種, 我乜都無加,一碗麵要$88, 係柴灣黎講, 貴唔貴見仁見智了, 反正我試一次就夠了.…查看更多

之前試過下午茶，都知中㑀，但街坊話晚市六十幾蚊有個套餐，都ok, 諗住再試多次！唉……真係想講粗口！！！就咁叫左兩個飯……無叫套餐，'急凍硼砂蝦仔炒蛋，連蛋都慳，水汪汪的炒蛋，勁大pat芡，勁垃圾！一間冰室竟然連炒蛋都整到咁！頹到咁！！！極度令人失望失望失望失望！ 椒鹽豬扒係炸豬扒再灑上炸蒜加辣粉，以炸豬扒來講味道還可以，但份量少，大概一塊豬扒份量。以此價錢，我寧願食對面大快活！無下次！無下次！無下次！…查看更多

好耐未食過delifrance, 點知一試真叫人失望！ 叫左個all day breakfast, 晚上六點已經無牛角包，成份餐都是凍，煙肉，腸都是凍，多士凍到搽牛油都唔溶，多士賣相很差，粟米黑黑地仲出晒水，磨菇好像無煮過！另外，芝士西蘭花好大陣"up"味 (只是烚熟左的西蘭花淋上芝士) 。大蝦蕃茄燴飯至少係暖暖地，不過有菠蘿食落都唔夾！怪怪的！唉！真係無下次！比較正常係餐湯，不過都是微微暖。心太軟都正常，但唔明點解要切開件蛋糕漏晒裡面d醬先黎上碟！…查看更多

試左個salted caramel mille crepes, $75, 好好食，不會過甜，每一層好薄。 另外試左banana mille feuille, $68, 都好食，不過較 crepes 遜色。外賣返屋企雪左幾個鐘先食，個酥皮林左～…查看更多