coli_101的个人专页

呢間嘢好似幾出名，喺旺角銅鑼灣都有分店。一場嚟到中環地區，就諗住過嚟試吓啦。自問都食過唔少差唔多價錢嘅串燒店，呢間嘢唯一嘅優點就係好平有$10/$15/$20串嘅選擇，但係就要兩串起跳。第一次食，咁梗係要叫啲不嬲去開串燒舖要叫嘅款式，例如係雞肝、雞皮、雞翼、牛舌芯、燒茄子等，見到食評有人推介燒鵪鶉蛋串，所以都叫黎食吓。其實$10-$15 無乜太岩叫。但生啤$48買一送一係幾抵飲。大致上嘅評價就係味道普通，有得揀唔會再回訪，有唔少差唔多價位味道更好嘅選擇。但overall叫對得住個價錢囉食評時間：黑松露雞肝，極普通，燒到全熟，冇黑松露味。雞翼味道普通，冇燒到外脆內嫩嘅感覺，就普通燒雞翼。燒菠蘿: 就正常燒菠蘿燒蠔： 係平，$48/2 隻，但完全無蠔味，食完唔知食咗咩燒鵪鶉蛋串：直頭係唔知點解會有呢個菜式，仲要有人推薦勁伏燒牛舌芯： 佢冇寫厚切，所以係超薄，而口感一般，可以唔洗叫推薦～算唔錯既真。性價比之選：鹽燒雞軟骨👍🏻雞肉棒配日本蛋👍🏻燒鮮雞皮👍🏻 茄子都算🆗，惹味$10串嘅五花腩，味道口感嚟講性價比高…查看更多

其實喺幾年前都有喺其他分店食過一次佢嘅招牌豬扒飯但嗰時食落佢嘅豬扒似烚豬扒咁，無味，完全唔知自己食緊乜勁失望事隔多年再試一試喺樓下嗰間睇下會唔會會有咩唔同？結果都係一樣塊豬扒係無味好似白烚咁完全唔知食緊啲乜嘢 衰過碟頭飯嗰時咁啱係茶市仲特登叫咗個西多士心諗西多士咁容易整實冇事啦點知原來西多士都可以係整得好難食唔太明點解個麵包炸得唔夠好 又唔鬆軟花生醬味道好劣似cheap野🤯難食到我男朋友直頭叫我唔好食啦去第二度再叫啦總之乖乖地食隔離百分百浪費左我成舊水係到…查看更多

呢間野新開咗一段時間，但冇特別話想試，因為開係寶琳黎講個定價都唔平。但最近見到佢新出咗一個午市套餐，包一碗麵再加餃子再加汽水或茶，咁岩經過見到諗住試吓佢。唯一想讚侍應嘅態度都好友善，算有禮貌。我同同行人叫咗一碗蜆加廣島蠔拉麵（套餐），一碗蝦紅湯拉麵（單點）。有2隻廣島蠔，算幾新鮮係好味。配料都係一般，荀陣味唔係我中意，佢既蜆就有啲沙，味道普普通通唔算新鮮，佢聲稱係鮮魚蠔湯，都真係有啲蠔味，但係魚湯味就真係好一般🧐。自問對拉麵都算有要求，拉麵嘅湯底係好緊要，所以對我嚟講真係好失色。湯係飲唔哂，亦唔想飲。拉麵嘅麵質係中等粗硬度，唔算係幼面，無咩記憶點🤔。反而加左$2試嘅辣蝦醬，有驚喜，係幾好味，加埋落啲湯先叫做好返啲。套餐送嘅餃子2隻真係可以話難食。。。😰應該係一早整定晒，然後擺咗一段時間所以真係又硬又唔夠熱，奉勸大家唔需要貪佢個午市套餐嚟食。因為唔想飲汽水叫咗杯伯爵紅茶。嘩🤯！未試過杯熱茶可以咁難飲，都係沖茶包姐😂😂但係嗰浸香料味太重真係接受唔到。唔係一般伯爵茶味。大家想飲茶都係飲叫返綠茶。同行人叫嘅蝦紅湯頭拉麵，佢就話個湯頭都係算濃郁，不過不失，有食過更好。蝦就都算新鮮，但一定唔會係超彈牙個隻，似白灼蝦多啲無乜味。整體都係不過不失，唔算差但唔算好好味😅。總體而言，就係如果住附近嘅不妨可以一試，始終拉麵湯底呢啲係好個人口味。但係如果住得遠就唔需要特登入嚟食。我自己本人就會更鍾意食戲院隔離嗰間，整體同味道真係更唔錯。…查看更多

係咁加價加到$28一底已經好貴，結果係勁少醬好似接近無既咁少，個餅無蛋香又薄又乾又唔脆。之前食過雞蛋仔仲衰，影衰哂個利強記個朵，明明學生時期喺北角食嘅時候真係超好食。呢間都一定唔會再幫襯，兩個阿姐都好似唔優做咁。…查看更多

係屋企睇睇下YouTube睇到串燒，突然想食，即search屋企附近有無咩串燒店，結果搵到呢間，好似好多好評，即刻打電話留枱試下。因為唔算話太肚餓，左燒牛舌、燒白鱔、燒豬大腸、燒雞腎、燒茄子、燒菠蘿，樣樣都好正、份量夠、味道都正，性價比超高！現場環境好舒服，好岩同朋友黎吹水食野，價錢超合理！地方都唔難搵，就係將軍澳廣場對住個屋苑入面，都算易搵。絕對會encore，第時食串燒近近地唔洗去尖咀下次會想試埋其他…查看更多

星期日book咗1:00pm 2位去，因為星期日特別有海鮮供應 所以價錢稍貴，每人$418 另需加1。但所謂海鮮都係有生蠔、蟹腳、龍蝦、蝦、青口等，貌似好多選擇，實則去到眼見全部都係得返d殻，蟹腳、龍蝦全部似餸頭餸尾，完全無肉。只有超少量生蠔，同大量似放左好耐嘅蝦同青口無人問津。其他冷盤都尚算可以，沙律、芝士、ham等都正常發揮，但收$418 完全不值回票價，眼見其他人都只好再叫main去搭救，十分無奈。熟食選擇唔多，唔叫main根本無野好食。坐到2:00多，眼見餐廳完全零意欲refill海鮮，但我地完全都未點樣食過海鮮，便親自詢問職員海鮮類會否refill，無奈竟答覆話出面未食哂唔會refill，亦話已經唔多人需要食，十分無奈！難道我地1點黎就唔需要食嗎？全部都係似係食淨，d海鮮仲要無乜肉，點食呀？最後餐廳肯再次refill，結果refill完都係無肉嘅🙄其實一Refill完仲要有唔少人出去拎，可想而知唔係無人食，係根本無得揀！！個個都揀黎揀去揀唔到。。。仲要收碟收得好慢，職員多次跌爛碟，呢到跌個到碟，勁唔專業。全餐最正常，最值得加許嘅係甜品，不算甜亦有水準，但無奈我地食到2:45pm已經收哂所有食物，其中一位職員好好地係廚房拎返各甜品一件比我地先有得食，但整個體驗都好差。埋單計埋支still water一個人$500但唔知食左乜野！奉勸大家如果係想食Sunday seafood brunch, 請去其他餐廳，呢個價錢大把選擇！！:(…查看更多