nathanielpong的个人专页

新加坡一別，已經年半🥲是日晚飯除咗幾兄弟聚首一堂，更邀請亦師亦友既中學老師一同相聚😌老師男朋友是荃灣地膽，相識滿天下，知道要同舊生食飯，主動幫忙訂海鮮及餐廳。廿四孝男朋友👍🏻其實食海鮮，最緊要新鮮，但廚房功力及調味係絕對可以令成件事昇華！薑蔥炒蟹 兩隻肉蟹一隻膏蟹！蟹本身已經夠鮮！仲啖啖肉添！再加上廚房大哥既魔手，非常好味！豉油王煎花竹要知道煎到每隻蝦都咁入味，唔係間間大排檔都煎到。相信蝦係先走油再煎！蝦肉又夠實好味蒜蓉粉絲蒸蟶子王蟶子夠大隻呢個難度唔高，主要都係調味同蒜既時間，但真係要讚d海鮮！！竟然係香車街街市樓下買架咋！脆炸豬手 皮炸得好脆，肉唔算好實同太「難」！不過不失之作！脆皮西施豆腐外脆內軟！好好食！呢個可以一試！ 其實仲有叫乳鴿，不過無影相！乳鴿都係不過不失！如果可以再多d肉汁就最好了*要讚一下老師男朋友既關係！係香車街街市入面海鮮檔買到呢d海鮮！價錢唔貴喎！$800蚊 加工費$400 :)個人覺得加工費可以👍🏻因為自己未試過買海鮮去加工！希望大家唔好見笑🙏🏻下次要去下其他地方試下買海鮮加工貴唔貴先另外散叫同野飲加埋$624 加埋$1200海鮮同加工 人均$260 👍🏻👍🏻👍🏻👍🏻👍🏻*大排檔還大排檔！環境同衛生絕對唔會高分！呢食得大排檔，就預左呢d環境！So far 有冷氣，可以接受！態度同服務都好良好👍🏻會再幫襯…查看更多

今日約左客兩點半但做完野都成點半😨咁岩又仲有海港城coupon😏唯有速戰速決《一幻拉麵》坐左係店最入面，望住個海景食lunch 😂 一坐低店員已經問係咪用coupon🤡Coupon唔用得一人套餐 唔係差好遠姐 可能差杯野飲😂是但啦 即時落單 原味+鹽味+幼麵招牌蝦湯拉麵 - $88 + 5隻餃子 - $ 35 6/10 個蝦湯底好濃，食第一啖個麵時候已經充分感受到，但我高估左自己😂食到一半發覺好咸，個湯係太入味。或者我唔應該鹽味？定應該揀有蕃茄果個？ 唯有下次再試多次 但今次真係太咸😫 餃子正常 無咩特別就唔講了 …查看更多

話說因為有公司資助😆有5000蚊去食米芝蓮餐廳🤤其實睇左《有啖好食》既摘星之旅好耐，係芸芸中菜館裡面，最終揀左「天龍軒」。（因為女朋友喜歡食中菜）餐廳位於102樓，搭lift上103樓再落一層。酒店只接受安心出行，訂位時收線生已經提醒當晚男士的Dress Code，以及幫忙預訂了招牌菜- 「蜜燒西班牙黑豚肉叉燒」 (需 24 小時前預訂)訂位時有問可否坐窗口位，不過要book到9月底，收線生表示remark到時睇下有無空位👍🏻不過當然係無位啦😂坐低我地先點左第一輪試下食物份量同資素先窩貼大蝦多士 $156 評分 8.5/10 好香口既多士，蝦味十足，炸出黎但無油林林感覺（食過坊間某d餐廳，食完成口油），配埋甜酸醬，更好味。果然係食評推介熱門之一 👍🏻👍🏻👍🏻 自己本身特別喜愛食蝦多士，要求算高，所以呢個都會嚴謹 d評分 蜜燒西班牙黑豚肉叉燒 半份 - $200評分 7.5/10之前睇過youtube定食評，大廚話係試過晒隻豬全部部位黎整叉燒，發覺呢個部位係最好（好似係肩膊位？）。食落叉燒汁味濃郁，但不覺肥膩。叉燒咬落比較腍，可能同部位有關，的確是有點與眾不同。 👍🏻👍🏻👍🏻不過唔太有喜出望外感覺脆皮燒三層肉 - $138評分 6.5/10頂層塊皮的確好脆口，咬落第一啖係咬到呢層「脆」味，係聽到有聲，第二層係肉，第三層係膏，由頭到尾三個唔同層次，無太大肥膩感，呢個頭盤算不過不失啦 蒜蓉蟹味菇炒蟶子皇 - $218 評分 7.5(+0.5) /10呢隻蟶子既配菜比較簡單，但菇同蒜再調味去炒，好夾個味。師傅仲好細心將蟶子分開三份，唔駛自己切 👍🏻👍🏻👍🏻👍🏻蟶子必須要夾埋菇呢d配菜一齊食，否則味道太單調（0.5分係我無夾埋配菜一齊食）炸釀鮮蟹蓋 $ 298 評分 7/10呢個菜都係必食推介之一，第一次食呢道菜，好喜歡大啖大啖食佢d蟹肉，個喼汁配落去都幾夾，只不過蟹肉鮮味不太突出，呢道菜不過不失，可能自己期望太過片皮烤鴨半隻 - $498評分 7 (-0.5 )/10我同女朋友都極喜愛食片皮鴨，份量比我想像中少好多，味道又唔係比坊間其他突出。扣分係分量個度同價錢既比例，令成件事性價比低左，或者係我唔識食又或者食材問題哈哈珍珠洋蔥爆和牛 - $688評分 8/10 第一啖食落口，先食到洋蔥既香氣，調出黎醬汁，同和牛份外夾🤤食材原因，和牛的確唔算好多舊，但每舊都唔算細粒，唔係個d 一口牛粒黎。和牛入口完全唔韌，咬落好鬆軟，口感一流 （食材嘅原因，所以落小小心機都可以好好食我覺得）性價比就見仁見智喇百合紅酒炆和牛面頰 - $292評分 8/10 呢個紅酒汁無珍珠洋蔥和和牛果個咁燶，紅酒煮牛都唔係第一次，所以一定係夾到個味而擺出黎賣相都非常吸引。女朋友覺得唔夠腍，相反我覺得呢個口感岩岩好，個人覺得呢個性價比高d 哈哈 龍軒東坡肉 - $150評分 9.5/10東坡肉係我地第一round 點菜時點，但係叫到第二round 野先上菜，不過唔緊要🤣 點菜時侍應建議點一份切開一半，兩人share👍🏻份量岩岩好，女朋友全晚最喜歡食既一道菜😂醬汁甜而不膩，東坡肉三層好鮮明，平時好怕食因為好肥真係😂😂😂入口即融又唔肥真係好好味⭐️而且成價比都高🤪高分😆👍🏻花酒鴛鴦螺-油潑酒香螺片拼香酒辣螺花 $398 評分6(+0.5)/10Er….螺片比較啖味，辣花螺都okay，但可能見到個名個彈期望較高，所以有落差0.5分加俾杯白蘭樹下😂叫呢個包一杯花雕蛋白蒸蟹拑 - $338評分 10/10 黎之前已經知呢個係必食推介⭐️蟹拑係食過最大隻😂相信大廚處理隻蟹拑有用莞茜，不過係好淡莞茜味（個人不太喜歡莞茜），可接受😄蟹味極度新甜🤤配搭蒸蛋白，剩係睇個蛋白就知火喉掌握到爐火純青，不偏不倚，唔會太老🤤賣相都👍🏻👍🏻👍🏻👍🏻蛋白中都仲有蟹肉，淡淡既花雕並無喧賓奪主，反而令蟹肉同蟹拑鮮味更出😌大概要令海鮮既鮮味更出，經常都會用酒或者辣😌Anyway呢個真係必食🤪香芒楊枝甘露 - $98評分 7.5/10個芒汁好好味，有芒果既甜同鮮味，師傅仲係面放在塊薄荷葉，wow，好清新，個配搭唔錯！不過唯一美中不足係柚肉有d酸，影響左成個口感😭本身想試鴿蛋腐竹露同蛋撻，但真係好飽了😣😣😣😣最後感想：服務同環境絕對係5星級，侍應們都好細心，例如建議適當份量，上菜時為你切開，上菜速度等等。環境就唔駛講，好舒適，同隔離台距離都有番咁上下👍🏻食物黎講我俾4星😂仲有進步空間既🤪好啦今次既摘星之旅就完滿結束喇😂😂😂多謝大家收睇🤪🤪🤪🤪…查看更多

近排有同事推薦係公司附近既一間台灣小食店於是就今日lunch去食啦我地一行5人，1230已經去到門口都有人等位，不過我地等左陣就有位坐了一坐低，緊係點幾樣肉燥，正宗台灣野黎試下正唔正宗啦古早味魯肉飯：見到一粒粒既豬肉粒係飯上面，新鮮熱辣辣，豬肉入口好稔口店員話仲係用上珍珠飯，份量一個人岩岩好，不過我地share黎食古早味肉燥飯：呢個主要係肉燥淋上飯面，無魯肉飯咁香口，不過都好好味，口感無咁油膩。肉燥乾伴麵：其實只係將飯變左做麵😂呢個麵幾好𡁻口，但個人會喜歡配飯，因為肉汁同肉碎同飯撈埋個種口味更勝一籌滷大腸：呢個滷大腸好好味滷得入味，最緊要腸都清理得好乾淨，因為本人好怕食d唔乾淨既內臟呢個值得推介台式松花皮蛋豆腐：可能我本人小食台灣野，唔知有碟咁既野，豆腐凍凍地，好滑，再配上皮蛋，一個惹味一個清淡，好match呢碟係龍鳳號其中一個主打招牌黑白切（綜合）：因為太肚餓原故，食左先記得影相店員介紹呢碟野個陣話係每日新鮮既黑毛豬運送黎香港店鋪。我就唔識咩黑毛白毛😂都係食落口，分好食定唔好食好過呢碟野入面有唔同既豬部位，我諗應該成碟都係白灼，再加小小調味，但係真係食到陣新鮮既味呢個都推薦俾大家試下如果唔介意佢既部位🤣（因為有人唔中意食內臟）秘制大雞腿：我就食唔落，不過同事話呢個雞脾咬落都好juicy😂我仲有好多野未食就飽左喇其實仲有個湯 不過我都係無飲到其實仲有個鴨舌好好味，不過我又係掛住食無影相環境：枱櫈都留有古式既風格，飲品方面仲有幾款懷舊野飲，同埋一d台灣特飲，而牆身卻有一幅現代畫，古今合一，不錯。下次會再幫襯，不過座位比較小，唯一美中不足。好彩今次唔駛等太耐…查看更多

因為女朋友是個愛吃中菜之人，生日飯，我就決定帶佢食間有情調又係中菜館既餐廳。因為女朋友都係吃貨之人，又光顧唔少中菜餐廳，所以開頭我都諗左好耐。最後選擇左「天外天」，呢間位於HOTEL ICON 28樓頂層既餐館。我係一個多星期前已經打黎訂位，要求坐窗口位，不過可能時間太短，接線生話暫時未有，可以幫我remark番，到時有會安排番。當日，我地如常準時到達餐館，侍應帶我地去到窗口位坐低，雖然呢個景望落既角度就麻麻，不過都叫酒店同埋都叫望到海哈哈起碼酒店既餐館都真係有服務先啦哈哈，有remark! 由於我唔記得影個餐單，所以接住落黎d名 我唔俾名喇哈哈頭盤：有隻薰蛋，隔離隻匙羹上有d黑松露，原來蛋是流心蛋再加上黑松露，可能比較少食呢類中西合璧既菜，感覺幾好，而且頭盤，算是開胃口。因為本人唔食青瓜所以就不評論了。叉燒兩件，厚厚地，蜜汁做得幾好，唔會太濃搶走晒豬肉味，脂肪比例偏瘦，但係肉質好淋再加上肉汁，呢舊叉燒幾好。乳豬皮兩件，呢個係女朋友另外加單既。好脆口，不過價錢係90幾蚊4塊（一人兩塊），值唔值就見仁見智喇哈哈😄So far 頭盤每樣野都幾不錯。 8/10呢個個名好靚但唔記得左哈哈呢個係一個炸蝦併沙侓，都叫有心思地炸，上面一條條既薯仔絲應該係，咬落去蝦，好juicy，點埋個沙侓醬就減番小小肥膩，清新小小。味道其實幾好，只是太單一做法，如果可以再多些少創意就更好了。 7/10XO醬唔知炒魚柳炒得幾好，魚都好好味，不過好細份，幾啖食晒。7.5/10蓮藕拼黑椒唔知咩牛個牛同個汁好夾，熱辣辣咁食幾好，仲好juicy添7.5/10魚湯烏冬個魚湯好甜，而且加入蔥花，冬菇粒，令個烏冬唔會太單調，而且口味頗夾。個人覺得呢個係最無驚喜下，反而印象比較深刻。8/10最後甜品係芒果同熱情果味既配搭甜品食完咁多野，整番個清新甜品，成個set dinner so far 一道接一道都諗過晒，幾好呢樣野又。7.5/10另外兩個人再開左枝白酒黎飲，成餐2500。合理價錢。其實食呢次飯發生左個小插曲，我地本身係點900幾個餐，但佢落錯order，變左600幾，我地都係食到主菜見唔係鮑魚先知。不過呢個餐都好好食，兩個人都覺得食物質素好，服務態度都好好，主動每道菜都同你略略介紹下。…查看更多

因為天氣轉涼再加上女朋友都想打邊爐就揀左銅鑼灣呢間「十卜火鍋」由於事前，已經看過食評，對食物款式大概都有印象。我地都留左兩位，晚上八時半，到達門口數分鐘已經安排好位置。先講環境，呢度既裝修，擺設，餐具都是以「舊式香港」為主，見到有懷舊霓虹招牌，鏡。連餐具都用番一d比較古色的配搭。一坐低，我地就揀左「卜卜蜆」火鍋湯底二人套餐再加上碟小的本地手切牛肉蜆數量都多，不是十多隻了事。鍋到左之後，店員建議可以嚐幾口湯，因放了少許辣椒絲，同清酒煮蜆差不多感覺。只是蜆的鮮味不夠甜個人覺得。店員稍後亦主動走黎幫手撈起蜆，另外用一個大碗裝起，防止蜆變得老身，非常貼心蜆數量不少隨後店員，一併將套餐內的餸菜連牛肉送上。由於太肚餓關係，並沒有遂一為所有食物拍照。😅二人套餐包括：十下三寶滑：有驚喜之作，牛筋配爽口馬蹄，鯪魚肉配有臘腸在內及蝦子，蝦滑配上咸蛋黃。唔知以前係真係有呢三種丸定係首創，創意度十足，味道都可以配合得幾好，讚👍🏻 9/10惹味香腸：香腸只有4條，不過咬落口，啖啖甜味既肉，配合打邊爐，有意想不到風味。 8/10 三星蔥醬爆貢丸：聽說三星蔥好像是台灣特產，蔥就好似無食到，但咬落，入面有餡，肉汁豐富，口感還好。 7.5/10蟹肉蟹粉餃：呢個餃每人得一隻，上台之後，我望左幾眼，心想咁普通既點知一咬，入面蟹肉已經熟到淋晒，不過咬落d汁出晒黎，夾埋蟹粉同蟹肉，口感一流。可惜我夾起時，整爛左，建議唔好擺太落，皮穿了就不好了 9/10脆炸響鈴：正常響鈴，無特別。6/10脆炸魚骨：因為有魚骨關係，特別硬同脆，淋多幾淋先食，不過不失。 5/10寬冬粉：食過食評話呢個幾好食，可能個人喜好問題，唔中意食咁有嚼口既麵或粉，而且無完全吸收湯底精華。可能係我放落去時間唔長掛，但麻麻地呢個粉 4/10蔬菜拼盤：菜方面都好甜，冬菇幾好食，係種類方面比較少。如果可以有金菇就最好喇haha 7/10本地手切肥牛：幾「稔」口，唔算太肥，都好嚼口，不過份量同價錢就有點不算太正比，哈哈。 所以就..6/10啦…查看更多