SU314的个人专页

飯後老公呢個新牌仔又話想練下車，問我有乜嘢地方想去，我就諗不如出來食下糖水啦！都已經係晚上10點多，即上來OpenRice search 下附近仲有冇糖水店未收啦！見到芋圓圓十一點先收喎，終於有我鍾意食嘅丸子，一於gogogo😋我哋第一次嚟食，糖水都有好幾種選擇，全部都會有芋圓，如果唔想要就落單嗰陣時講聲。最後叫咗桂花雪梨及鮮奶椰汁桃膠。糖水唔算太甜，咁先唔會搶咗芋圓味。大家睇吓啲圖就知道非常足料，啲桃膠多到呢😆。店家寫明自家手工製作嘅芋圓、黃薯圓及紫薯圓不含糯米粉，依然大粒煙韌，好有咬口，而且圓子唔會好似有啲店咁淡而無味，會食到原材料嘅味道，老公都話比同區某人氣店出色，確係真材實料呢。店舖堂食座位比較少，附近街坊多外賣取走，當晚10點半左右仍然有不少人來到外賣呢！P.S. 店家亦提供生芋圓，可以買返屋企自己整啊！…查看更多

上次來大圍已經幫襯過PLATFORM，所以今次一心來到大圍想去另一間咖啡店試試，可惜尋找了1小時車位也找不到，心灰意冷下決定再去田心村碰運氣，泊車位當然又是滿了！正打算離開回家之時，剛好有車走了，既然有位泊車，就順理成章再來PLATFORM吧！可能今日較晚來到(7時左右)，咖啡已不提供。原本想吃的蛋卷都賣光了，唯有點了上次已想吃的馬鈴薯糰($92)及菠菜蝦卷，可是下單不久，店員告知菠菜蝦卷也沒有了😢 。想點朱古力貝果，當年也是賣光光😥。只好點了燒鴨胸肉Brunch($96)。馬鈴薯糰先來，使用了忌廉汁、煙肉、白菌、溫泉蛋、芝士及洋蔥配搭，有如馬鈴薯糰版的卡邦尼吧。我本身也很喜歡吃馬鈴薯糰，但香港較少餐廳有這道菜，自己在超市買回來烹調的總是覺得不像樣，今次在PLATFORM 吃的實在很不錯👍🏻 馬鈴薯糰咬落有點煙韌，軟得來仍很有質感。芝士煙肉配忌廉汁怎會輸，加上溫泉蛋就更上一層樓！不久燒鴨胸肉Brunch來了😁，相當豐富的一盤，有鴨胸、蘆筍、薯蓉、煎蛋🍳、沙律菜及Bagel。沙律菜很新鮮，醬汁微酸帶點香味，加上少許橄欖，吃起來很清新。烘得脆脆又暖暖的芝士Bagel 鬆軟可口，牛油芝士香味溢滿口中，真想一吃再吃😋。燒鴨胸肉很有驚喜，烹調時間剛好，內裏還是又嫩又多汁，鴨味濃郁，配上雜莓黑醋醬，是我喜歡的味道，真是一試傾心😍。香滑的薯蓉是帶有薯粒的那種，吃下去令口感更加豐富呢！下次要來吃蛋卷及甜品喔！想來吃晚餐的朋友要注意，大約七點半左右就截單了，今晚看到不少人也碰壁呢！…查看更多

今日去開灣仔，突然醒起蘋果優惠apps有J.Co Donuts & Coffee 冬甩買一送二優惠喎！平時要$16 一個㗎，今日只係$16就有三個，真係超抵呀！點可以唔去買呢！之前曾經有朋友請過我食，有好多種口味，試過幾隻都非常好食喔！今日可能因為有買一送二優惠，所以好多口味都賣晒，不過對我來講都好足夠啦！最後買咗店員推介嘅Tiramisu、Choco Caviar Strawberry 及 Crunchy Crunchy。冬甩鬆軟好味，Tiramisu 嗰個都唔錯，不過就比較甜，同埋中間較多cream。我個人較喜歡食 Crunchy Crunchy，咬落真係好脆，而且唔係好甜😋😋😋。Choco Caviar Strawberry 送咗比朋友，我諗應該都好正嘅😁…查看更多

飯後回程時，友人同我都好想食甜品🍮，我提起早前食過KFC嘅黃金流沙軟雪糕好正，就諗住行去最近嘅元州商場KFC啦！可惜可能太晚，軟雪糕已經賣晒啦。原本有啲失望，經過附近嘅元祖和風食堂虎藏時，友人見到門口燈箱廣告軟雪糕只係$10，就買咗扭紋雪糕一試，我見個筒同廣告上邊唔同喎，唔係一般脆筒，係嗰種好似日本曲奇嘅筒啊，所以我都決定試吓牛奶雪糕先！估唔到雪糕比想像中有奶味，個曲奇脆筒仲要係朱古力味㗎，食完都幾滿足啊，性價比高，$10真係物超所值！…查看更多

今日陪老公過灣仔，食完好heavy嘅拉麵之後，隨便喺附近行吓，途經灣仔度見到呢間雪糕店，記得之前有朋友推介過，店員主動招呼試食，就即管試吓啦！試咗幾隻味道，都有驚喜，非常吸引呢！我嘅選擇困難症又出現啦，最後老公同我各自揀一隻味道！我揀咗抹茶雪糕，雪糕真係好滑😋，微甜中帶點甘苦，食完之後抹茶味仍然在口中停留左一段時間😍，抹茶控必食！士多啤梨雪芭甜中帶酸，今日天氣熱熱地，好適合食呢個呢～❤️ 佢哋嘅🇮🇹意大利手工雪糕使用天然材料，冇加香精及人造色素，食落好回味！而且雪糕都係於店內製造，真係夠晒新鮮呀👍🏻 雖然價錢都唔平，但係物有所值㗎！👍🏻👍🏻👍🏻依家即刻影咗雪糕嘅相，打卡同埋share上Facebook仲可以減$5添！P.S. 試食咗嘅幾種味道之中，仲有開心果味都好值得推介呀！…查看更多

去葵涌廣場嗰日，除咗食左麻辣撈麵，仲去咗附近嘅茶理史買古法黑糖鮮薑奶（$30）。之前試過好幾間嘅黑糖珍珠鮮奶，薑奶就比較少店舖有，仲要係期間限定，就決定買來一試啦！賣相就好似平時嗰啲黑糖珍珠鮮奶，本來滿心期待，一飲之下。。。。甜到爆啊😥，就算攪勻晒啲薑糖，再等到啲冰融晒都係超甜😔，鍾意甜野嘅我都唔係好頂得順。老公叫咗蘭桂人烏龍冷泡茶（$20），反而呢個又幾正，感覺清新，飲完個口回甘，一段時間口中都充滿茶味，個茶為店舖挽回唔少分呢。…查看更多

而家少咗去長沙灣昌華街嗰邊食嘢，所以都有一段時間冇嚟金鮨kinzushi きんずし了。咁啱喺Facebook見到話人日有九折，又咁啱約咗兩個好友，問咗佢哋OK就嚟食啦！我梗係推介我最鍾意食嘅<自家秘製醬燒三色三文魚鮨丼>啦！朋友食到好開心笑唔停口，仲加點咗一件三文魚鮨壽司呢！就算只係叫一件壽司，師傅都好有心機製作及擺碟。另一朋友叫咗<特上拖羅丼>，有拖羅、牡丹蝦、海膽及三文魚魚腩，好豐富，食材質素好，性價比高。仲有每次都唔少得加錢轉定食，最主要都係為咗個三文魚麵豉湯啊，出面一定食唔到呢個味！由開張幫襯到而家，次次帶/介紹唔同朋友嚟呢度食都唔會失望㗎！👍🏻👍🏻👍🏻呢餐食完真係大滿足呀！😋😋😋P.S. 我都好鍾意食伴碟嗰啲蔥、紫蘇葉同埋酸薑，撈埋啲飯食好正喔～ …查看更多

早幾日冇計劃地去咗葵涌廣場，嗰度有唔少小店都有得食麻辣嘢，真係花多眼亂啊！最後老公帶左我去咗呢間小食店 Oh My Cow，我哋叫咗麻辣手撕雞撈麵+雲耳+牛肚，只係$32，嚟到見到真係分量十足！麵條質地口感好，仲有呢度個醬汁係店主獨家調配，真係喺其他地方都食唔到呢種味呀，極之惹味，就算未食，聞到個味都流晒口水！喜歡食麻辣野嘅人一定唔會失望！食完真係幾飽㗎！呢度配料選擇都幾多，好想試吓雞腎、青瓜等等，我一定會再嚟食㗎！…查看更多

之前見朋友喺Facebook貼左媽咪雞蛋仔，話好好食，我成日經過都冇幫襯，琴日就決定試吓黃金雞蛋仔啦！落單後等左唔係好耐，新鮮熱辣雞蛋仔就到我手。雞蛋仔每粒顏色大細好平均，脹卜卜，賣相好吸引！食落口真係外脆內軟，不過如作為普通雞蛋仔我覺得係好好食，但作為鹹蛋黃雞蛋仔，我食晒成底都真係完全食唔出鹹蛋黃嘅鹹香，可能鹹蛋黃太少了，蛋糕仔嘅味完全蓋過鹹蛋味呢！以呢個價錢我有啲失望，或者下次試吓芝士雞蛋仔，我見都幾多人買。 …查看更多

平時經過見圓圓好多人捧場，聽聞口碑亦好好，但我最怕就係有排等，所以之前都冇機會幫襯到。今日經過見到人少少，就即管試吓啦！諗來諗去，最後都係決定買咗黑糖珍珠鮮奶。飲過好多間飲料店嘅珍珠奶茶或鮮奶，都未試過一間係覺得非常好食嘅，圓圓嘅珍珠充滿住黑糖味，超級香，口感又好Q，甜甜的好好食，可以話係我食過之中最正嘅珍珠呀。此外，整杯黑糖及鮮奶比例適中，搖勻後唔會太甜，飲落真係非常滿意！不過呢間等待時間就耐少少喇，大家要有啲耐性呢～…查看更多

星期六相約左3位朋友一齊去VERO品嚐大家至愛0既朱古力及蛋糕~我地使用團購券，包一杯朱古力飲品及一件CAKE。好濃0既朱古力啊 ! 圖中4杯，最後共KO左6杯，分別係: Singnature chocolate 70% 唔算太甜，朱古力香濃Raspberry chocolate x2 帶有一點點果酸，味道唔錯Mint chocolate 稍為覺得薄荷味重左D，少少苦Caramel chocolate x2 同Singnature chocolate 70%感覺差不多，Caramel 味不重是日可能飲左太濃0既朱古力飲品, 覺得件CAKE同飲品0既味差不多~朱古力魔一定喜愛~~最頂果粒野食落似棉花糖~成件酸酸甜甜~有層次感~成個比薩斜塔咁~HAHAAA~原本應該係唔斜架~! 蛋糕鬆軟~中間有d Strawberry 醬同粒粒, 連埋塊朱古力食都唔好搶左d味~好食~^^~如果Hazelnut味再濃番d仲好~朱古力味比重多左少少~味道清新~好味到不行啊啊啊!! 朋友話好似食緊蘋果批~!! XDD好想買個大0既食呀~大個0既都係250元~抵~!! 外圍d白朱古力正呀~唔會太甜,重奶味~入面係芒果布甸+ Coconut cake, 唔係好食到Coconut 味! 布甸如果滑D就好喇~4個人用左6張團購券，食左6款又靚又美味CAKE，真係極之開心滿足~^^~不過果度係冇位坐, 全程我地企左成個鐘0係度食~!我推介VERO 0既CAKE多過朱古力飲品~HAHAA…查看更多

呢排d天氣真係熱到爆~!! 去完中環vero刷完一輪，我地再殺過尖沙咀Venchi食gelato~用左團購券，40元都唔洗就可以食2杯3球gelato~超抵呀!可惜我地太晏去，冇朱古力呀~! 只係餘下3款味.........不過一場來到冇理由唔食無花果 : 我地食唔慣呢隻味，有d粒粒，清清地，可以一試椰子 : 對我來講甜左d，同行友人覺得好好味~cappuccino : 好滑~好香0既cappuccino味~好似飲緊cappuccino咁呀~一致推介~…查看更多

同朋友0係銅鑼灣食完日式燒烤，又想食下甜0野喎~想起世貿有間 Mamma Mia Gelato，之前食過旺角果間, 都唔錯, 就帶朋友去世貿果間食啦~我地分別叫左以下味道:開心果+冧酒提子 及 薄荷朱古力+特濃咖啡開心果味食落好香好滑,又希d開心果碎增強口感，真係食到停唔到口啊~相比下冧酒提子就遜色得多喇，冧酒味唔夠，同稍為甜左d。朋友鍾愛薄荷朱古力，雪糕店有呢隻味係必點!Mamma Mia Gelato 0既薄荷朱古力亦冇令佢失望，Gelato充滿清涼薄荷味~透心涼呀~特濃咖啡 味道雖不致於真係特濃，但都有非常香濃咖啡味~ 下次要試下其他味先~~…查看更多

之前買左團購券, 見就到期, 快快同朋友book時間食啦~團購二人餐已set好菜單:1)Welcome Drink2)凱撒沙律3)是日精選餐湯拼法式蒜蓉包4)頭盤 香煎鵝肝拼鹽燒鮑魚5)水果口味雪芭6)主菜 威寧頓牛肉卷配燒豬柳伴紅酒汁7)甜品 朱古力布朗尼拼法式焦糖燉蛋8)法式花茶我地一坐低先來了Welcome Drink! 味道不錯,似冇酒精0既baileys! 團購券已經係2個多月前買, 我都忘記左個set係有咩野食, 問問waitress個set係有咩啦, 點知佢答我有Welcome Drink沙律餐湯頭盤主菜甜品....我係想知食咩野啊............. 成餐由頭到尾waitress都冇介紹上枱0既菜式係咩呢.....雖然團購係早已set好, 但都好應該上枱時講下菜式嘛.....waitress 全程都冇咩笑容, 同客人都冇咩交流, 好似機械人咁, 只一味上菜,收碟,加水......服務有必要改善下......講番d 食物, 凱撒沙律好大份, 味道就普普通通 蒜蓉包都夠脆0既~餐湯就一般0既紅湯, 我朋友話好似波士頓餐廳果d咁~hahaa香煎鵝肝拼鹽燒鮑魚 我唔食鵝肝, 我朋友話都唔錯, 但唔太夠熱, 鮑魚仔就冇咩特別....原本set list 0既 水果口味雪芭 變左 芒果凍湯, 想起楊枝甘露.....呢個凍湯我地一致覺得好甜......而湯內0既藍莓,士多啤梨 都非常酸.....威寧頓牛肉卷配燒豬柳伴紅酒汁 因為waitress冇介紹, 我地最初仲以為件豬柳係雞~呢個配搭好似有d怪.....伴碟0既係之前凱撒沙律果d生菜蕃茄+西瓜+凍湯果d超酸士多啤梨.....同埋一大碟上枱, d 唔同0既汁好似溝埋一齊...............威寧頓牛肉卷內有D蘑菇,好似有D芝士同埋千島醬, 整體少少偏咸...燒豬柳就幾好, 仲有好多肉汁~朱古力布朗尼拼法式焦糖燉蛋 朱古力布朗尼非常硬,朱古力味唔太夠,我地都冇食哂.....焦糖燉蛋我覺得唔合格 , 同平時食開果d口感好唔同,係就係好有蛋香, 但一d都唔滑, 質感同顏色似中式燉蛋....(中式燉蛋都可以好滑)總結, 對呢餐幾失望 , 因之前食過d私房菜都正好多!以呢個質素,團購價440元我都覺得唔值, 如果以原價880元一定唔會去食。…查看更多

同朋友們去左數碼港影下相，行到攰就去下食tea~假日的數碼港商場人流好少，開頭經過法國廳見裡面冇人，留意到門口餐牌有tea set (到5點半)，近5點我地再去見有人就入左去食tea~未入去時，唔知係咪我地太晏去食tea，店員話5:30要清場.....好似唔係好想做我地生意.....不過我地覺得半小時都應該夠時間食，咁都照入去啦~XD原本想叫蘋果卷，但賣哂.....我地叫左3個TEA SET~西多士配雪糕 我試左少少，好似唔太夠熱，都ok啦~芒果PanCake配雪糕 沒有特別田螺焗薯蓉 我食呢個幾好，朋友覺咸左少少 食tea冇咩大要求，又想坐得舒服，呢度都可優閒地食下0既~hahaa…查看更多