SmileK的个人专页

今次幫襯油塘大本型的銀杏館是由長者經營，主打香港地道老風味，本土婆婆家常菜，零味精無添加。午餐主要係食港式客飯嘅半自助餐，一個客飯嘅價錢已經包埋個自助沙律吧(大約$5x起)，沙律吧有沙律菜、豆、玉米及蕃茄，據聞是銀杏館樂活有機農莊供應，絕對有益健康。旁邊有白飯、白粥及是日素湯，飲品吧有洛神花茶或香茅青檸茶，旁邊還有一部咖啡機。整體感覺很養生。主菜點了蒸豆腐及蒸雞，個人感覺得有家的味道，而且不會太重口味、不會太鹹。標榜零味精，食完亦都唔會好口渴。呢個價錢有客飯仲有有機半自助餐都算係咁!服務方面，每位長者都很親切和藹，充滿笑容，服務態度滿分。銀杏館一直支持『長者就業』，繼續讓長者們發揮佢地所長，也讓我們吃到家的味道，希望大家都多多支持社企，支持婆婆廚房!…查看更多

過江龍日本班戟店幸せのパンケーキ，係東京、大阪已經係超人氣，來到香港氣勢亦都唔弱，上年9月份開店至今都仍然大受歡迎，下午大概排了20分鐘才能入座。我就例牌點咗個原味班戟($108)嚟試下，呢度嘅班戟都係即叫即做，大約等20分鐘保證以最好嘅狀態送到客人面前，班戟帶有濃濃嘅蛋香味，空氣感十足有綿綿嘅口感，本身班戟本身沒有帶甜味，所以要配上蜂蜜奶油同蜜糖一齊吃， 據報導奶油是北海道鮮奶製成，而蜜糖則選用紐西蘭麥蘆卡蜂蜜，拼湊而成就是【幸福的味道】。廿分鐘又廿分鐘，幸福不會是一步登天，用心經營及等待後，才能得到幸福的甜度。…查看更多

見到門口有個期間限定，張Poster睇落已經好有霸氣，新橫浜家系豚骨拉麵 ($88)，凰點係放大4倍嘅紫菜同3倍肉增量。碗麵落到枱同張Poster冇分別，塊紫菜同叉燒一樣非常大塊，叉燒肥瘦適中帶有油香，肉質軟嫩，湯底好濃郁但有啲膩，麵嘅硬度適中有啲啲韌，再加上和拉麵完美拍檔的溏心蛋，整體感覺唔錯!其次嘅係一風堂杯麥茶好好飲，感覺可以清走食拉麵嘅油膩，坐枱亦有生蒜及芝麻比客人調味，以及有醃製芽菜比大家作前菜或配料用。十分貼心!…查看更多

自家燒吧係一間燒烤餐廳，佢特別之處就係佢個燒烤爐，唔駛我地自己拎住燒，又唔駛我地自己反，個爐經過齒輪嘅配合幫我地360度完美燒出烤雞翼。除咗燒烤方法特別，佢地嘅嘢食都好豐富，首先講燒烤食物，牛、雞、豬及羊肉串都有齊晒仲有細茄、栗米、翠玉瓜、紫心蕃薯及棉花糖等肉串方面都OK，可以接受。不過我相信可能係自己燒得太熟有所影響，但特別介紹係翠玉瓜，燒烤後係滿滿清甜嘅水份，成枱人每人都要食三串，大讚!其次燒烤醬料都好緊要除左配蜜糖及海鹽，餐廳仲有孜然粉比大家選擇，仲有三款口味咁多，分別係原味、辣味及花生。 除咗燒烤，餐廳都會提供熟食及冷盤，大凍櫃有日式沙律前菜及水果，熱盤有焗蠔、餃子、炒蜆、雞翼及薯條等...飲品除咗罐裝嘢飲外，仲可以叫手沖特飲或凍檸茶最後一個小凍櫃有埋雪糕雪條食，燒烤未熟時有得食住先都唔錯。餐廳方面整潔，員工服務好貼心，每枱人都會介紹燒烤爐用法、醬料介紹、生/熟食物夾。2.5小時的燒烤體驗有一個好滿足嘅晚上。…查看更多

COBO HOUS係一間主打藝術元素的餐廳，裡面啲甜的賣相亦相當精緻。餐廳樓底高再加上簡約又富時尚的裝潢，充滿空間感之餘又令人感覺舒服不壓迫。經友人推介要試呢度嘅Popcorn Mountain($188)，呢個甜品份量適合3至4個人食，高度有接近1.5部電話咁高，個甜品主要係粟米味雪糕上面痴滿Popcorn再淋上焦糖醬，之後員工再喺上面刨上岩鹽。因為個Popcorn太搶味，導致粟米味雪糕就好似比較淡嘅Vanilla雪糕，不過就係咁剛剛好平衡返，最到位應該係落咗個岩鹽，成個甜品整體嘅甜度大大提昇!!…查看更多

日本品牌 J.S. FOODIES 12月登陸到港，仲有FLIPPER'S的招牌梳乎厘班戟可以食，平日下午3點左右唔太多人排隊，等咗20分鐘左右就入得喇，不過假期就難講啲。今次揀咗個生果梳乎厘，是即叫即製的，需要等約20分鐘。個班戟上配料有士多啤梨，藍莓，香蕉同忌廉，佢地個班戟都幾鬆軟而且有蛋香味，入口即溶，賣相飽滿，忌廉打得好好，質感都幾滑又唔太甜，有奶味。生果方面都OK餐廳環境方面整潔，服務良好，整體感覺唔錯。班戟迷唔好錯過喔!…查看更多

丸龜製麵唔覺唔覺已經開咗好多分店，2018年3月全球已經有一千間達成香港的丸龜製麵跟返日本都是採用自助形式, 選好烏冬 可揀配菜或野飲 然後結賬,之後自己去調味吧加調味或裝水。今日揀左「釜揚烏冬」意思是烏冬煮好後連湯撈進木桶裡，之後客人沾汁進食 。我之後揀咗炸雞件做配菜。烏冬彈牙有韌度，不會粉感重，再配合蔥同薑沾汁食，味道唔錯!炸物方面有少少失色，有幫襯過嘅朋友都知，烏冬係即叫即整，但炸物係預先炸起，所以放上桌嘅時候已經凍咗一半，除非你等到佢岩岩炸起果一刻咁就正喇!個炸雞其實都可以接受，雞肉都算滑就係凍食冇咗個感覺...食完自己個餐，顧客可以跟返日本規矩，自行將托盤及餐具送回 「返却口」喔!…查看更多

宜加出面好多新開嘅糖水鋪都係食冰為主，其次是以生果為主的甜品。有冇人會記得我地香港的中式糖水呢?我認識嘅翠苑係一間老字號嘅糖水鋪，裡面有好多傳統嘅糊類糖水、紅/綠豆沙、喳咋、甚至桑寄生紅棗連子蛋糖水都有。星期六日仲會有限定嘅腰果糊，有健脾補腎嘅功效。而且翠苑每碗糖水都要清晨開始烹調準備，真正係功夫野。我揀嘅喳咋就落足料，裡面由多款豆類煮製而成，味道濃郁，口感豐富，再配合椰奶嘅甜味，真係好幸福呢!有機會大家又支持下中式糖水丫…查看更多

之前行皇室堡見到Mee...lemongrass 門口嘅餐牌好吸引，有$84原隻波士頓大龍蝦喇沙，但係限量60隻已經售罄最後冇幫襯。今晚又經過皇室堡諗住搵晚餐, 夜晚8點幾優惠價的原隻波士頓大龍蝦喇沙仲有供應，決定入去試下。拎飛排隊唔駛20分鐘就可以入座喇，兩個人我地點咗一個大龍蝦喇沙同埋串燒。波士頓大龍蝦喇沙湯底充滿香料和椰香的味道 唔錯龍蝦肉大大舊 肉質彈牙 最滿意部位係鉗位另外,喇沙裡面放咗兩個麵底 一個油麵和一個米粉所以食落去有油麵嘅彈性 又有幫忙吸收湯底嘅米粉不過$84份量係幾大 建議兩個人Share食餐廳另外有提供手套比客人暢快咁食龍蝦 好貼心雞肉+牛肉串燒好少可食串燒會配菠蘿, 車厘茄, 麵包, 青瓜等配菜，食咗咁多肉有蔬果平衡下 都幾好~最愛佢地嘅串燒醬汁 配合雞肉牛肉 好好味…查看更多

車仔麵絕對係香港地道美食,呢間拱照車仔麵係香港仔都有成廿年歷史.以前懶得諗會食大雜薈麵,不過餸好多, 會食到好飽。今次見佢有個細雜薈麵,有八款餸,白菜,蘿蔔,豬皮,豬紅,雞翼尖,紅腸,齋同魚片套餐配冷熱飲品$41份量適中岩岩好.我一向選擇油麵底,呢度既油麵好爽口 唔會太淋易斷,成碗車仔麵最精彩的是蘿蔔,因為湯底已經好飲,蘿蔔再吸收湯底後特別清甜!!其次齋同豬皮都係入味之選。其他配料就普普通通啦,港式三寶(豬皮 蘿蔔 魚蛋)比起魚片 我會想要魚蛋多d,車仔麵冇魚蛋始終好似差梗d野~…查看更多

午市油塘搵飯食見富田做9折優惠決定入去開飯!石頭鍋海鮮烏冬 配煎餃子加中華沙律前菜海鮮有剝殼蝦 帶子 魷魚 及青口都算豐富啦上枱嘅時候個湯仲Keep住滾要攤一陣先食得 味道方面 都幾好食湯底免得過就唔好飲喇個餐$56仲跟一份餃子 中華沙律同野飲餃子就一般埋枱嘅時候已經凍左 感覺是預先整定的餃皮都比較厚我寧願唔要個餃子 計平d 因為個烏冬都好夠飽芝麻醬雜錦魚生冷烏冬 配三文魚壽司加沙律菜基本上係唔會輸嘅系列烏冬夠凍 冰冰涼涼的 夏天食好舒服配芝麻醬 撈魚生食 好好味三文魚壽司魚生紋理都均衡食落正正常常啦$54 咁多野食 算係咁…查看更多

炮台山附近覓食,見到門面白雪雪嘅西餐廳,好奇下入去試下.點咗兩份Set Dinner,都有餐湯,蒜蓉包及野飲跟,我選擇咗菜湯,味道中規中矩。蒜蓉包就鬆脆。到主菜喇~BBQ醬燒豬仔骨 配意粉份量好充足 意粉量多,又有兩舊肋骨,肋骨尚算入味,再配合BBQ醬 感覺幾好,始終不是專門燒肋骨的餐廳,有這個水準 都尚算合格.香草羊髀扒 配薯菜份量都係ok羊最怕佢有一陣羶味呢個羊髀因為香草再加醬汁關係,食落唔係太羶, 肉質都比較軟腍,所以都係合格嘅!最後餐廳是免收加一服務費,不過坐位就比較窄喇…查看更多

我地一班老友狗狗揀咗間八哥主題餐廳聚會環境舒適 係食飯傾計嘅好地方Book咗位 不用等就有位👍到介紹野食喇!黑松露薯條薯條脆口配合黑松露醬是絕配!Cuppucino叫熱飲都會有八哥嘅樣味道就正常啦BBQ肋骨BBQ醬好入味 但係肋骨比想像中細隔離個菇都係重點 好Juice墨魚汁麵呢個有少少失望因為個味道唔多夠濃風乾火腿南瓜飯南瓜飯比較清新淡味要配合埋火腿嘅咸味一齊食先好食3D 芒果慕絲朱古力蛋糕賣相精緻 但食落有d腬4個人食就岩岩好個朱古力底好好食…查看更多

今曰33°C真係好想飲杯冰咖啡嚟到Arabica 購買階段人雖然多但係收銀速度快排隊差不多5分鐘就完成交易之後等待咖啡時間亦唔長因為沖調咖啡專員都有成4-5人等咗約5分鐘就有杯香濃冰咖啡在我面前點咗杯Iced Caffe Latte (tall)先試第一口 咖啡香味濃郁入口又細滑 味道亦比較平均糖水要自己加為咗唔好破壞咖啡的味度 我落咗半盒仔糖水就算喇但係始終加咗冰 咖啡濃度飲到最後始終會大減所以嘆佢地嘅咖啡我都會建議大家熱飲嘆到最後一口都係滿滿濃郁香滑嘅咖啡!…查看更多

成日來Coco唔係炸豬蛋包飯就係試佢嘅芝士漢堡咖哩飯今次想試下佢地嘅焗飯系列紅酒汁漢堡焗飯: 紅酒汁其實比芝士搶晒味只有隱隱約約的紅酒味滲出漢堡都是中規中矩米飯有些小過火 另外,網民都覺得焗飯size比較細但我覺得配合了芝士反而食到有d腬所以我覺得size是適中的如果你問我下次會唔會再揀焗飯系列我會支持返蛋包飯 或 咖哩飯系列呢兩個系列都有返咁上下水準咖哩辣度仲可以自選喜辣嘅朋友唔駛驚食日本咖哩唔夠辣喇最後揀咗雪糕做甜品今日係碎朱古力曲奇雪糕上面有半塊威化餅底下還有脆脆食起嚟冇咁腬同埋有不鏽鋼杯上雪糕雪糕融化速度都相對慢特別在夏天 每一口雪糕都維持冰凍的很貼心!…查看更多