valfrid的个人专页

凍冰冰星期六仲要返工簡直係人間悲劇😢為了彌補心靈空虛，今日一定要食個豐富早餐，所以揀咗呢間位於上環信德的西式餐廳。 平時返工經過見入面坐滿人，心稔應該唔衰得去邊，加上外面menu影得塊魚柳好吸引...好啦，就入去試下。首先，餐廳位於扶手電梯旁，上層途人可清楚看見客人進食，沒有私隱環境確實麻麻。點餐亦要自己到收銀處落單和付款，攞咗個飛碟就可以搵位坐，當飛碟響就會有姐姐攞餐送到座位上。我鐘意食魚，今次點咗個炸魚柳，滑蛋田園沙律 加凍檸茶。 終於等到姐姐送餐，一望好失望，所有份量都超級“迷你”, 但亦合符$38嘅標準。凍檸茶 - 味道同濃度不太特別，等同普通茶餐廳水準。田園沙律 - 無醬汁，無味道，菜質硬應該雪太耐，感覺似食野草。炸魚柳 - 香脆，味道略淡，沙律醬汁太少，最後攞咗包茄汁代替多士 - 非常難食，咬咗兩啖就放棄了😝 塊多士唔夠熱又唔脆，蜜糖味道奇怪，再加上我唔鐘意食厚包，所以對塊多士非常失望。飯後感： 環境同食物都屬中下，價格適中但個人認為茶餐廳質素會較好。 最重要一點，我個座位係對住冷氣，d風不停迎面吹，食完想坐陣hea吓都唔得，簡直係想趕客😅 不過可能位於信德當眼處，好多旅客都貪方便快食，所以呢間餐廳仍然長期爆滿。最後評語： 只推介炸魚柳…查看更多

同事慶祝生日，近近地book咗公司附近間酒樓稔住lunch就落去飲啖茶食個包。 點知去到個reception比錯枱其他人搞到我哋企定定呆望5分鐘都未有位，谷鬼氣叫咗個經理理論終於爭取到張吉枱，但就白白浪費咗我哋寶貴15分鐘。 一埋位我哋就好落力點單，結果交單後20分鐘d點心先開始慢慢上😫其實我哋lunch都只係得一個鐘，咁等真係兩個鐘都唔夠食。 等待期間連水都要自己去茶几斟，服務可想像到係幾咁惡劣。 食物方面，水準一般，完全無特別可言：蟹鉗角 - 唔好期望熱辣辣，麵粉多又無醬汁提供沙律炸蝦角 - 失望之作，完全無蝦味，又係一碟“凍冰冰”點心鹹水角 - 餡少， 感覺似食緊麵粉 海蜇頭 - 令人印象深刻，口感爽脆，加上芥辣更顯鮮甜。牛雜 - 醬汁略嚴太鹹，不過尚算入味鮑汁鳳爪 - 較多豉油味，但肉質淋，容易入口牛肚 - 唔爽口，但汁夠多 蠔油菜 - 沒有特別，烚菜一碟椒鹽豆腐 - 味道ok, 可惜又係唔夠熱蘿蔔糕 - 覺得屋企自己煎得仲好味😅牛肉燒賣 - 一睇就知鹹味十足，真係又鹹又硬，知道點咖哩魚蛋起碼彈口d兼有咖哩味其實仲有好多其他點心，但真的不值一提，現今社會都係食服務，所以如果酒樓服務可以改善下，d點心可以再熱些少，咁我都會再考慮嚟幫襯的 …查看更多

今晩抱住大期望約咗好友係Nardo稔住食好嘢，結果食物質素“不像預期”, 主菜及飲品淡而無味, 食物醬汁配搭亦非常奇怪。 首先飲品，叫了3大瓶不同味道的果汁，感覺好似飲藥水，建議大家選擇其他飲品都唔好叫呢d大支裝，會後悔的食物方面，茄汁同醬油係必需的，因為大部份食品都係相貌吸引內裡無味，但值得一讚係沙律同薯條。 沙律 - 醬汁味道濃烈，店主亦好慷慨地把醬汁淋到滿滿的，菜質清脆亦算新鮮，一大盤已足夠6人份量。 薯條 - 即叫即炸，入口熱辣辣沒太多麵粉，感覺較健康，適合小朋友作茶點。除沙律和薯條，我哋仲叫咗炸物拼盤(雞翼，雞塊，三文魚角)，腸，肉丸， 芝士長通粉，黑松露煙三文魚飯. 呢幾款食物體會廚師用心制作，但味道實在太清淡，感覺似一大堆白麵包填飽肚，若廚師再調配吓d醬汁，食物質素一定大大改善。最後，必需講吓全晚最好食的甜品 - cakes.New York Cheese Cake - 芝士味濃郁，蛋糕唔會太實，入口立即感受到濃厚芝士味，蛋糕香滑再加上一層白色cream, 令味道更鮮甜。Blueberry Cheese Cake - 同New York 差唔多, 但加上鮮甜berries, 令蛋糕更吸引， 簡直可以馴服扭計中的小朋友。雖然呢間小店食物質素麻麻，但勝在服務態度好，同環境舒適，適合朋友相聚，如果對食物無要求都可以一試。…查看更多

今日天氣好, 於是約同事行上嚤囉街食懷舊冰室. 地點較偏僻又要行斜路, 奉勸女士們唔好著高踭鞋,好容易拗柴.可能兩人關係, 今日好快就安排到位, 呢到地方細所以繁忙時段必需搭檯, 如果5~7人就會安排一張較大檯, 但通常要等段長時間先有位.呢間冰室出名豬扒炒意粉同咖哩飯,我就點了咖哩牛肉飯而同事亦點了咖哩豬扒飯, 不得不讚就係伙計態度非常好, 落單伯伯好有禮貌,今時今日呢種服務態度真係好難得.食物方面, 咖哩同飯分開上, 個人分析如下:飯 – 份量多, 細食又唔想浪費可以要求少飯.  飯較軟身, 啱愛食軟飯既我咖哩 – 有少許辣, 我同事唔食辣就覺得好辣,反之我就覺得非常輕微, 真係因人而異.  咖哩味道濃厚,份量剛好足夠完成一碟飯, 不過要求多汁嘅我就覺得添多少少汁會更完美. 洋蔥 – 咖哩放有洋蔥, 份量適中, 但欠缺洋蔥味薯仔 – 不軟不硬, 但略嫌大塊味道唔夠突出牛肉 – 份量多肉質軟又入味, 絕對適合配飯凍檸茶 – 沒特別, 正常檸茶一杯因為太飽我無嘗試同事塊豬扒, 不過同事讚塊豬扒口感適中又夠入味可惜佢唔食得辣所以下次都係試豬扒炒意粉較穩陣今餐結帳總數如下:咖哩豬扒飯 + 熱檸茶 – $44咖哩牛肉飯 +凍檸茶 - $46繁忙午市時段, 呢個價錢相當合理, 加上殷勤服務態度, 我絕對會繼續支持呢間懷舊小店 …查看更多

今朝上班時段塞車, 預計落車後無時間排隊買早餐, 但早餐又不能不吃, 於是我趁未到站就打去上環信德蘭芳園落定order, 沿途可以順便攞埋走, 真係一分鐘都不能浪費可能因為熟客仔關係,蘭芳園姐姐對我特別好, 所以我唔認同網上話服務態度差,反而仲覺得有街坊感覺.  不過慳儉嘅我就嫌佢哋早餐略為貴, 出前一丁餐要$38再加杯凍飲total $40, 日日食個苛包真係頂唔住.今日叫咗餐肉炒蛋出前一丁加杯凍檸茶, 可能因為時間關係, 返到公司d湯比麫索走晒麫 – 焗太耐麫相對變得軟化, 加埋附帶油包, 出前一丁的味道很重餐肉 - 一開二兼薄切蛋 - 全隻炒 食完個早餐其實都好飽, 味道不太特別, 不過分量就好足, 唔似其他茶餐廳偷工減料. 但由於價錢較貴，時間許可下我都係少買為妙…查看更多

相信大部份上班族每日都頭痛Lunch食乜好, 如果唔想等位又食到經濟點心, 我會推薦呢間位於上環市政大廈內的自助式茶居, 地方雖然狹窄但勝在價錢平和食物質數平均, 點心亦由老闆親自制作, 誠意十足, 係不錯的午市選擇.今日自己和同事總共6人點了16款點心, 埋單$388, 每人平均$65, 比起大型食肆相對較便宜:1.燒賣 - 用料十足, 餡料豐富2. 叉燒包 - 平常3.煎蝦腸 - 腸粉皮特別煎到微焦, 咬落去非常香口4.蘿蔔糕-有蘿蔔味5.芋頭糕-自己唔太愛芋頭所以無食, 但同事讚不絕口6.馬拉糕 - 大件，屬於傳統馬拉糕7.鳳爪 - 多汁8.春卷 - 鬆脆, 要趁熱食9.煎腐皮卷 - 誠意推介, 煎得外皮鬆脆, 咬落有口感10.鮮竹卷 - 餡料多11. 菜 - 正常12.鳳爪排骨飯 - 正常, 但醬油要自己出去攞13. 排骨 - 肉質較硬14.蝦餃 - 正常15.金錢肚 - 正常16.雞包仔 - 正常由於同事係熟客仔,老闆特別送些小食, 感覺溫馨, 現在確實好少老闆會咁親民.雖然呢到無服務又要搭枱, 但點心供應充足, 係我哋呢班打工族不錯既食堂。…查看更多

香港人鐘意同時間比賽，特別係女性逢星期一至五通常都會較到最遲先出門口，如果想食個早餐又唔想排長龍，我會推介上環信德呢間麥當勞。 雖然每朝條龍都排到出門口，但counter必定安排兩個嬸嬸落單，而呢兩位嬸嬸絕對係關鍵，雖然年紀大但落單速度絕對快過年青人，再加上另一邊有一班團隊專門執單，所以由排隊到攞嘢食都只需大概10分鐘，係朝早繁忙時間10分鐘真係好吸引。至於食物品質方面，同其他分店都差不多，今朝我就食咗份煙肉蛋漢堡餐包薯餅加一杯凍檸茶 - $29，價錢適中又飽肚，件漢堡包雖然略微乾身但尚算可以接受，值得推介比所有愛和時間玩遊戲又唔捱得餓嘅食家…查看更多