sweetli的个人专页

嗰日經過南昌V·Walk，諗住搵嘢食，見到一間裝修好似泰國嘅餐廳篤篤船麵，價錢唔貴又有位，就入去諗住食吓試吓佢，咁熱嘅天氣梗係叫個酸辣鳳爪試吓先！又真係幾好食酸酸甜甜又唔太辣，之後叫咗個泰式湯麵，真係好有喺泰國街邊食嗰種風味！即刻好掛住泰國跟住叫咗個豬頸肉撈金邊粉，豬頸肉熱辣辣外脆內軟，的確真係幾好食！係個撈金邊粉個味有少少唔似泰國，比較港式！但係都可以一試當然唔少得叫咗沙嗲，熱辣辣啖啖肉！吾錯！最後當然要叫埋兩杯泰式奶茶，咁就可以喺香港食到一餐唔錯嘅泰國菜…查看更多

放工經過沙田突然間想食火鍋，諗起朋友之前介紹沙田有一人一鍋好平好抵食，就諗住嚟試吓，有好多個套餐可以揀，最後揀咗個美國牛小排套餐，有牛肉豬肉雞肉，佢嘅牛肉好好食！墨魚滑都好新鮮，出邊有自助吧可以自己拎菜同埋一啲丸。另外又有壽司同前菜🤩湯底就揀咗壽喜燒同埋蕃茄湯底,壽喜燒依然會有一隻生雞蛋，配搭牛肉食真係好好食，最特別係佢有沙冰🥳無限咁樣飲,食完熱辣辣嘅火鍋配一杯沙冰好正！打邊爐任食，價錢嚟講都算唔錯推薦食牛肉，牛舌都好正…查看更多

呢間西式餐廳喺商場入邊好方便，好啱放咗工之後去，算係開放式餐廳🍴今晚我哋叫咗個二人套餐，有一款前菜，兩款主菜包甜品同飲品環境好舒服，而且可以影下相 叫完餐之後坐低好快就上咗麵包同餐湯俾我哋，麵包好軟熟，配上果醬好夾！餐湯飲落酸酸甜甜好開胃，沙律好新鮮，叫咗個肉丸意粉同埋燒雞， 份量都好大碟，因為係全隻雞上！我覺得個肉丸意粉好好食， 肉丸好多汁， 燒雞係有少少乾，但係整體都唔錯，好入味，之後令我驚喜嘅係甜品今日係朱古力蛋糕， 有埋甜品真係好正！佢哋送個杯水果茶都幾好飲整體嚟講如果想食西餐，呢一間都咁嘅價錢同質素都可以一試！…查看更多

聽人講深水埗有一間一間涼茶舖話有芋圓食，好似好出名又平，放假既時候，食完晚飯就同朋友聚會，然後去試吓呢間糖水店，最出名當然係仙草百配啦， 一碗只係＄25， 價錢真係算幾平，其實糖水來講都算可以接受價錢， 入邊有好多種配料，加埋一齊食都幾好食， 整體感覺好有口感另外，配料又多又唔同種類， 芋圓就比較細粒，但係由於好多配料嘅關係，都可以一試！ 但最大問題係好多人等位到夜晚嘅時候，所以你食完嘅話佢會好快收走你嘅嘢， 想坐啲傾計嘅朋友就諗下先好入去食但都可以一試既…查看更多

想去一啲好靚，質素幾好，食物嘅味道都唔錯嘅餐廳同朋友食個晚飯，仲諗住可以影下啲靚相，行過女人街就見到呢間餐廳好似唔錯， 成間餐廳以藍色為主調， 真係幾靚！我去嘅時候係晚餐嘅時間，所以食物都會比較貴少少，但係我見到種類都幾多又有小食可以揀所以就入咗去試吓啦！真係冇令到我失望，我叫咗個吉列豬扒咖喱蛋包飯，黎到真係好大分量， 而且佢擺到可以打卡😂😂好有cafe feel!晚餐係包餐湯同甜品，其實價錢都還可以，68蚊左右加一，如果包埋熱飲就好啦！但係整體個飯都幾大個， 而且味道都唔差！ 下次可以再試下！…查看更多

西九龍中心一向都係美食嘅聚集地，特別不能不提嘅就係一間韓國人開嘅皇帝雞， 我食過一次之後真係成日都想去食，而且喺韓國食品味道同香港有啲唔一樣，所以我已經食咗好多次，今次實在太想食所以叫咗中size!!兩個人食就啱啱好啦，之後再帶啲主食， 咁又可以好飽食一餐！呢個雞係甜辣味，啲肉都好滑，最緊要係個醬汁真係超級正，因為甜甜酸酸甘， 有少少辣！份量都算幾多， 而且又冇骨，所以食落好方便！但係真係會一試上癮如果下次有肚嘅話都想有個大嘅…查看更多

好耐之前已經嚟過美林邨，但係好似有八年冇返嚟，今晚今日放工早左又想去大圍搵朋友食個晚飯，大家都好想食日本料理，無意中就搵到呢一間餐廳， 佢係隱身喺美林邨嘅冬菇亭，環境都幾好，燈光比較暗，好有高級日本餐廳料理既感覺，而且價錢好似幾平首先，我哋因為有兩個人嘅關係所以就可以叫一份小食大家share所以就帶咗忌廉蚧肉薯餅一份 呢個薯餅新鮮滾熱辣， 係啱啱炸出嚟嘅， 外脆內軟，加埋沙律醬，做前菜小食真係好滿足！同埋呢個薯餅好有飽肚感，建議可以兩至三個人一齊食一份 之後就到主菜啦，就叫左一個蒲燒鰻魚飯呢個鰻魚飯真係好好食， 鰻魚好軟，而且重點係冇骨， 真係呢個價錢來講真係好好味！我覺得呢個好抵食，因為普通食一個鰻魚飯都冇可能咁平必推！之後仲叫咗多一個豬軟骨拉麵， 豬軟骨好入味好稔呢個豬軟骨拉麵只係需要＄47，日式料理餐廳咁嘅價錢來講真係唔錯，湯底同面都好好味好彩交通同我屋企好方便， 我諗我下次都係會再黎呢間食！環境好同朋友聚會真係唔錯唔會太過多人…查看更多

其實唔太鍾意食譚仔嘅米線，但係佢嘅小食同埋雞翼都好好食，特別係口水雞翼同埋土匪雞翼，最鍾意佢有細份同大份揀，好似仲係即叫即整， 突然太掛住食土匪雞翼，所以就同朋友入咗去譚仔食一餐午餐，我就冇叫米線，叫咗一份大嘅土匪雞翼， 落單之後大約等15分鐘左右，土匪雞翼先會上卓，黎到真係熱辣辣，勁好食，一邊又多汁雞肉又嫩畫，好多人都好鍾意食譚仔米線，但係黎到譚仔除咗食米線一定要食呢個土匪雞翼， 因為真係好少地方可以整到咁好食！…查看更多

平時喺網上就見得多人宣傳芋圓， 又話呢間好食嗰間好食，見到呢間好多人介紹， 又好似好特別咁有香芋同埋紫薯嘅甜品， 就令到我好想快啲試吓！甘啱今日就同朋友有空檔嘅時間， 下午就去咗海記到試吓呢個芋圓甜品！今次就叫咗香芋雪樂冰芋圓西米露， 嗰個雪樂冰好特別， 唔似雪糕， 食落去都唔錯！之後有芋圓，番薯圓，紫薯圓，都算幾多粒， 咬感都幾好，我覺得全香港暫時最好食嘅係呢度嘅圓，但係整體嘅感覺就比較甜！如果冇咁甜嘅話就會好啲， 但係都值得一試！…查看更多

黎到黃埔，好多人都話美味佳嘅燒烤好好食架， 話一定要試，本身都幾鍾意食串燒雞全翼，之後喺網上見到蛋炒腸粉，好似好特別自己又未食過，所以經過就你試吓佢啦黎到既味道真係好香，叫咗兩串雞全翼，一串燒雞肉，又平又正！雞翼燒得啱啱好，皮有啲脆，肉質嫩滑，而且佢嘅調味粉好正，特別要試吓佢喺枱面擺嘅醬汁， 有啲似沙茶醬！好令人回味無窮！雞肉都非常嫩，全部都係肉，可以一啖食之後就係蛋炒腸粉，其實聽個名又唔覺得有咩咁特別，但係好多人都話好好食，所以就叫左一個！估唔到味道真係唔錯，腸粉表面脆脆地，入面就軟，加埋沙茶醬，超級正！…查看更多

入開元朗，第一時間就係諗到B仔涼粉， 好似入到去就要食到佢先有這意義甘因為佢嘅雞翼尖令人回味無窮！今次去開決定要去總店食下， 完全冇失望我同朋友兩個人叫咗好多小食， 有雞翼尖，腸粉，芝士腸，滷水雞翼！仲有叫咗一個甜品！腸粉好滑，啲醬汁好正完全唔會太過鹹！滷水雞翼好入味，而且勁大隻勁多肉！比起一般買嘅更加大隻， 所以點都要叫返一碟食下！芝士腸就普通，但如果鍾意食都可以叫黎試吓！最值得一提嘅就係雞翼尖，呢個係你到必食既！佢有蒜香味，辣得好過癮！一個人係可以食兩碟嘅，而且雞翼尖好大隻好多肉呢個西瓜西米撈， 超級超級好食， 有得飲又有得食仲有超多西瓜肉，仲要係好甜好好飲！食到最後可以當西米露咁食期待下次再去…查看更多

嗰日喺附近等朋友放學， 見時間早早地，又想傾吓計，又想食下午茶，又唔想行到返去商場咁遠食，就喺附近就見到有呢間餐廳， 環境幾舒服，所以就決定入去食下個Tea見到個餐牌都好多選擇，有西多士，三文治，特色嘅嘢飲！咁下午茶當然要叫紅豆冰呢杯紅豆冰好正，紅豆好多又好綿，攪勻一齊飲真係好正好滿足之後又叫咗下午茶必食嘅西多士， 係餐廳員工推介我哋嘅，見好耐冇食就叫啦！西多士真係即叫即整，一切開內面有好多花生醬，熱辣辣仲有煙， 同牛油溶埋一齊，真係滿分！我朋友就叫咗雞髀同沙律，呢個係生炸雞髀，超多肉汁勁嫩滑！成個下午茶好有港式味道下午茶食到呢啲真係勁滿足！有機會下次都一定要再嚟食，水準之上…查看更多

上網見到好多評論話麻辣川米線係全港十大米線之一，咁下午就一於決定食呢一間米線！佢有兩個鋪位，座位有少少窄，但係唔會太迫！見到有一個麻酸辣湯底， 好似好特別咁，所以就叫左呢個湯底加墨魚丸，價錢算可以，33蚊包一$6的餸，其他餸可以照加錢計，湯底望落唔算重口味，叫咗少少辣，唔會話好有辣嘅味道， 反而有少少麻， 但整體來講吾辣又吾酸，可能要叫中辣先好啲？但係我覺得個湯底有點油膩，墨魚丸都唔算特別好食，成碗米線食完覺得好普通， 都算好食！比譚仔好食啲既！但係我覺得冇新聞講得咁正， 可能試麻椒辣:(…查看更多

好耐之前喺台灣食過八方雲集的餃子， 覺得好好食， 嗰日行過長沙灣又肚餓，經過見到呢間八方雲集就諗住食個下午茶，空間好大嗰陣全店得我一個人，呢間分店冇咩人！之後就叫咗一個套餐，有五隻招牌鍋貼， 同埋一碗湯麵，有飲品送！但價錢偏貴，鍋貼嚟到賣相普通，食落去有點失望，因為個底唔太脆， 成隻鍋貼有少少鹹，湯麵更加係普通，不過湯麵勝在有四隻大水餃，但真的和我以前食有少少分別， 可能下次都未必會再食呢間，因為味道未去到水準之上。…查看更多

喺網上睇到近期呢間空氣Pancake好流行， 之後經過旺角就去食下， 一去到好多人， 可能係星期六日嘅關係，要等至少45分鐘以上， 我哋叫咗一個原味pancake，黎到真係有好香嘅蛋香味， 睇落好鬆軟，食落都有小小雞蛋嘅味道， 空氣感十足， 食完好似冇食過咁，可以好快就食完兩件， 因為真係好鬆軟！不過咁嘅價錢， 食到兩件空氣感pancake，都算差不多！可能食完之後未必會再食第二次，除非你係好喜歡空氣感Pancake！…查看更多