大方's Profile

這間茶餐廳在朗豪坊對面，跟朋友，或自己來食嘢都不錯，坐位間隔有空間感，跟人搭枱也舒適自在。有時 set lunch 唔啱食, 也會散叫嘢食，加杯凍飲，差唔多近百。這間餐廳的炒粉麵飯比較好吃, 例如菜遠牛河，海南雞飯等。…Read More

今天1：30來到很快安排入座，看看午餐menu, 由$58起-$2xx豐儉由人，選擇也很多，有意粉，漢堡包， 三文治，牛扒， ribs, 另外每個午餐可以add on 加錢叫一樣 side, 真係抵，因為正價餐牌不便宜。 不過Lunch set (午餐) 只是星期一至五才供應，星期六日或假期就要正價餐牌order。 南瓜湯帶點小辣，我個人不食辣。ice tea 和意粉都正常水準，但最驚喜的是意粉上的多士，超crispy又香，但係成餐飯最好食一定係迷李布朗尼配雪糕 (Mini chocolate brownie with ice cream) Brownie 味道香濃但甜而不膩，加上Vanilla ice cream,令人回味無窮。…Read More

上個禮拜突然想食壽司， 諗起雅蘭商場的梅之丘美登利壽司店， 因為曾經幫襯過東京的總店，記得那裡壽司質素很好， 因此充滿期待。去到被安排坐bar檯, 由於只有兩個夥記， 要等好耐先搵到人落單， 等了約十五分鐘壽司，麵豉湯和蒸蛋上枱， 看上去賣相是不錯的， 魚生感覺是大大片， 可惜食落去魚味很淡， 壽司飯的調味和質感一般，感覺這個價錢和質素是不合比例的，一田超市的盒裝壽司比這裡的好食啊！真的懷念東京的美登利總店壽司， 價錢便宜又好食。…Read More

今日經過新世紀，見4點幾有點餓，就去 Urban cafe 食下午茶當晚餐。門口只有2人在排隊，等了大約10分鐘可以入座， 點了 slow cooked roasted chicken 1/4 with mixed green and fries, 另外要了杯熱檸茶。等左10分鐘食物才上枱， 烤雞好鞋又乾，沙律菜味道正常，粗薯條最好食夠熱又脆口的， 熱檸茶茶味一般。 以 $88+10% service charge 嚟講，真係唔值。 下次我都係去番 6樓 outback, 比較啱我口味。…Read More

某日家人去火炭順香園買咗一袋野食番嚟唔駛100蚊有幾包馬仔，芝麻餅，老婆餅，嚤囉酥2包，光酥餅，蛋捲。順香園全人手製造，馬仔香甜鬆脆， 很得我心。 嚤囉酥外皮煙韌有口感，裡面有椰蓉唔會太甜。…Read More

有日去citysuper買嘢之後見餓就過 food court 食個 early dinner. 由於個人鐘意食烏冬，咁就 order 天婦羅冷烏冬+八爪魚丸，因為平日下午5點客人唔多，等10分鐘就可取餐. 烏冬煙韌好食， 天婦羅炸得啱啱好唔會太油， 八爪魚丸微暖，外脆裡面有少少八爪魚肉，好啱我胃口以 food court 野食嚟講， 價錢唔平，不過在 harbour city 食野， 我諗一半既錢都係交租的吧！？…Read More

平日下午 2：30 去到只有幾枱客人， 見有 lunch set, 叫左辣豬肉套餐$68和甜辣雞套餐$62, 等左大約十五分鐘就上菜，我的甜辣雞夠熱又脆，味道開胃送飯最啱，但蛋卷擺係飯面上，蒸氣餘温令個蛋卷有點過熟，不過味道係唔錯既。老公既辣豬肉好乾身，真心唔掂， 佢既蛋卷用碟送上，咁樣反而保持軟滑。食完午餐之後見到 poster 既芒果牛奶冰$88好吸引， 咁就叫一碗兩個人分， 芒果夠酸酸甜甜，牛奶冰配芒果好滿足，不過份量太大，其實一碗冰最啱四個人食。…Read More

星期日下午3點幾去了又一城千兩，店內只有幾枱客人。 炸蝦壽司卷芒果醬，炸蝦食起嚟夠脆，但係裡面既炸粉勁厚，而蝦肉真係好少， 我覺得有啲被搵笨既感覺。 嗰日無心情本來唔諗住寫食評， 因此食左幾碟壽司都無影相， 但係食完呢碟野真係醒晒，點都要影低下次唔會再叫啦！…Read More

今晚去南記開餐， 叫左個腩肉春捲酸辣米線和一杯大豆漿。 由於都晚上 9點幾人唔算多， 都容易揾位，另外，由於我食唔到辣，咁我碗粉叫左少辣， 酸菜湯好惹味，有大量芽菜和韭菜， 腩肉和春捲夠多食得好滿足， 加埋一杯夠凍但唔太甜既豆漿，就非常滿足了。…Read More

今日下午去朗豪坊買野，經過呢間甜品店，睇左 menu 最後揀左 Affogato Uji Matcha $53, 食落Matcha味好濃，甜味係靠在雪糕上淋上那個"抺茶"， 整體夠冰凍而且雪糕夠滑， 但係以 $53嚟講，我覺得 city super 果間既雪糕我更鐘意。…Read More

今日下午去黃埔吉之島，未食晏晝咁經過 Italian tomato, 問過店員邊種蛋糕好食, 佢推介我食森林雜莓撻, 我見幾靚就買咗件食。我食第一啖已知中招了， 睇到有啫喱，雜莓，mousse， 蛋糕和撻， 但係食落完全無比我食甜品嗰種幸福感覺，只係一層層既材料唔係好match， 好勉強食完，覺得三十幾蚊完全唔值。…Read More

早兩日晏晝2點去左老街，鋪頭差唔多坐滿人， 我叫左紅燒牛肉麵， 凍胚芽奶茶加珍珠， 老公叫左鹽酥雞肉燥飯， 凍檸檬紅茶。牛肉煮得夠淋又夠味，麵質彈牙， 雖然算唔錯但我比較 buy 程班長牛肉麵。 杯奶茶我個人認為茶味比較淡左啲，但珍珠夠 Q， 都 ok.鹽酥雞炸得夠熱又啖啖肉，好食過麥記麥樂雞 ，肉燥飯比較普通無乜印象， 凍檸檬紅茶的茶味欠奉，只有少少酸味和糖水，好普通。由於台灣人開既“程班長”和“阿元來了”比較啱我口味，如果唔計搭車錢同時間， 我都會去果兩間幫襯呀！…Read More

上個禮拜過海，就嚟西營盤既阿元食野， 下午3點幾人唔多， 隨意坐低 bar 枱， 點左刈包， 綜合湯， 百香果綠茶珍珠， 刈包真係無敵好食， 五花腩肉質夠肥美， 配上花生糖碎， 芫茜， 酸菜， 減少肥肉既油膩感， 花生糖碎令刈包味道提升， 鹹和甜的完美平衡在衝擊味蕾， 雖然卡路里爆標，但係一定要encore 多一個 ，食完覺得非常滿足。 相對嚟講，食完綜合湯我都無乜印象， 百香果珍珠綠茶叫微甜都略為甜左啲，解喝消暑。全店都係台灣店員，佢哋講既台灣國語親切有禮， 令人好似去左台灣咁。…Read More

幫襯呢度超過十年，由於位置唔太就腳，我間唔中先嚟一次。昨日去開佐敦就週圍揾野食， 嚟到已經下午4點有三個人排緊隊， 點左細法包和汽水 $45, 十分鐘之後先攞到就行出門口食，因為鋪頭好細又迫滿人， 法包夠脆餡料豐富，腩肉， 扎肉，嚼肉， 豬手肉，醃製蘿蔔絲， 不過以前嚟食時候肉既比例會多啲，我寧願佢加價好過將貨就價。…Read More

星期日下午過嚟佐敦，見麥文記唔駛排隊就入去搭枱，叫左碗雲吞麵和1支忌廉， 雲吞一如以往爽口彈牙，麵質啱啱好唔會有梘水味，雲吞麵加忌廉 $45, 咁多年水準都差唔多， 諗起雲吞就係會諗起麥文記。…Read More