Sabrinaipks的个人专页

可能我嘅好評為小店帶嚟麻煩啦？可能係導致生意由忙變超忙？係嘅話，真係要說聲抱歉！我唔希望因為我嘅好評而導致小店廚師制作出嚟嘅食物大失水準！點解咁講？咪就係我萬萬都冇諗過食竹笙會食到啖啖都係沙！完全唔食得，2餸實際變咗1餸！未食之前，我已經諗定評語嚟讚，唔係間間店都有竹笙，真係人算不如天算！豬紅有1、2件係有極之少嘅醙味，我條脷比較敏銳，少少味嘅差別都食到，真係唔知好定唔好！接住落嚟係讚嘅，窩筍新鮮香氣撲鼻，薄薄地都幾多片；蜂巢凍豆腐勁索汁，連同好味嘅湯汁一齊入口，原來清湯嘅辣度係最低嘅，唔食得辣又想食辣嘅朋友仔可以試清湯！何解清湯都辣？咪就係配料都係微辣囉！一開始我都唔發覺，之後因為感覺自己有啲熱氣但又想食米線咪諗住清湯唔辣囉，點知都係少少辣，先留意到係配料微辣嘅緣故！我嘅好評只係想鼓勵下廚師，希望可以堅持，保持水準同不斷進步！…查看更多

唔飽唔餓唔知食咩好，於是又周圍search睇下有咩食，又俾我發現咗一間小小店！細係細咗啲，但只做外賣都夠喇！喺嗰刻想食多士就揀咗黑松露蘑菇芝士多士，WhatsApp 落單超方便！行過去啱啱好！估唔到都幾香黑松露味，勁多蘑菇加埋芝士同脆脆嘅麵包，大大份，邪惡得嚟又好味喎！會唔會係我第一次幫襯就試咗最招牌最好味最啱胃口嗰樣食品呢？下次買第樣嘢食會唔會都有驚喜呢？希望唔會俾我讚壞咗啦！有啲店舖經我一讚就即刻水準下降而且吊高嚟賣！我唔想咁樣，只係想鼓勵下用心制作嘅廚師，繼續堅持，保持水準同不斷進步！…查看更多

雲吞麵冇咩特別，係啲鹼水味冇以前咁重，不過好好多！令我冇咁抗拒！:)生菜鯪魚球粥要讚，啲鯪魚球雖然有啲骨但可以咬碎吞落肚嘅，有五六粒大大粒又新鮮，塞滿成個外賣兜，而且每粒鯪魚球入面都有果皮，鯪魚肉有果皮嘅香真係令人回味，係生菜絲少咗啲！水餃麵+$3轉伊麵純粹係想避開啲鹼水味，點知煮水餃嘅湯水同湯底都係用嚟煮鹼水麵嘅，避無可避！伊麵嘅口感仲冇鹹水麵咁好，因為鹹水麵係好爽㗎！口感冇得頂，係鹹水味問題啫！環境差係老店嘅缺點但亦都係特色！只要唔影響到食物，保持到食物水準同不斷進步，我冇意見，只外賣！每當想食平靚正熱辣辣好味嘅粥粉麵時就可以近近地享受得到，滿足也！…查看更多

一向都好鍾意食米線、薯粉嘅，都竟然從未知道自己附近有間雲南米線！🤦‍♀️一試不得了！吸引我再食嘅因素：1）米線夠軟滑，2餸（招牌腩肉+雞翼尖）$43；（唔會好似某啲店整到硬嘅，口感太差）2）足料，雞翼尖夠淋，如果可以入味啲會更好，而招牌腩肉之所以叫招牌係有道理嘅，肥瘦適中，食落口唔會太硬，帶油香；（淨瘦肉係唔會有嘅口感同香味，太肥又會太肥膩）3）湯底微辣已夠香，唔會因為唔夠辣而唔夠味；4）口水雞$40夠滑嫩，唔會好鞋口，入面嘅花生一咬落去，好香之餘連埋口水汁嘅香辣味一齊，令人食慾大增，對於鍾意食香菜嘅人嚟講，多幾片香菜會更吸引；5）可以打電話落單，唔洗去到先等；6）有得俾Alipay, 超方便！冇得雞蛋裏挑骨頭！要試埋其它食物同薯粉再講！…查看更多

Lunch時間唔肚餓冇食嘢，到咗4點零開始肚餓，於是外賣自取麻辣肥腸酸辣粉！雖然麻辣肥腸同以前唔同咗，以前係豬大腸，但配料都冇點變，花生夠脆又夠香，配上青瓜絲、芫茜、蔥花、白芝麻！簡直小菜我通常要BB辣，而酸辣粉要小辣，雖然酸辣粉小辣都算辣，但係小辣係我認為最好味嘅，唔會辣到蓋過所有香味嘅，小辣辣度令薯粉發揮到最好味，要讚下啲薯粉夠軟滑煙韌酸辣粉嘅薯粉係成個粉嘅靈魂，薯粉嘅好壞好重要！當然如果要尋求刺激嘅話，就揀辣度高啲嘅！不過一定要無時無刻有嘢飲同紙巾喺度stand by! 尤其喺烈日當下嘅日子，一定刺激到邊食邊標汗，手不離凍飲！食得辣先好尋求刺激啊！…查看更多

近排好想食辣，於是左搵右搵睇下有邊間辣嘢想試，今次試正宗雲貴川，見佢食評話口水雞拼涼拌粉皮唔錯，收工就快返到屋企就諗住打電話去叫外賣，點知只能自取！未去過驚搵唔到，咪睇手機地圖搵，好彩冇迷路！去到付款就即刻拎到外賣返屋企！一打開外賣盒見到以為會好辣！我試3小辣，食落唔會好辣！粉皮又滑又爽有驚喜！如果有啲青瓜絲、芫茜、生菜會更好！但口水雞鞋鞋地，似雞胸肉再林少少嗰種口感，唔嫩滑而且太咸！:(唔值個價錢！…查看更多

好鍾意燒生蠔，味道啱啱好又冇腥味！水煮牛肉辣度適中，適合香港人口味！唔錯！川味脆腸夠爽脆但唔係我所愛！招牌蠔餅炸到金黃但感覺太油，如果芫茜多些少可以幫助中和油膩感！原條燒茄子都係我杯茶，好味！燒韮菜嘅孜然味夠突出但要趁熱食，否則凍咗會太韌！燒翠肉瓜多汁清甜，唔似燒嘅！燒原隻魷魚筒和燒墨魚咀冇咩特別！店家唔知係出錯定誠意送多2串燒牛舌和燒豬頸肉呢？我都講下燒牛舌啦！太咸唔夠香！燒豬頸肉啖啖肉，但吸引唔到我！雖然貴咗啲，食宵夜抵食會更吸引，但係總體算唔錯！如果有埋夠鑊氣嘅炒米粉就會令成個宵夜完美喇！網上外賣平台送餐都好快下！…查看更多

本人皮膚過敏只能食新鮮食物，這間韓國料理食物的新鮮度絕對pass，但本人比較喜歡正宗韓國料理！還有雪糕相沒位上載同大家分享！通常我這個吃貨會將前菜也清掉的，但因為這些前菜太港式了，吃不下！雖然食物新鮮，味道也不錯，但本人卻只鍾情於正宗韓燒，沒有驚喜的感覺，唯一感到開心的是皮膚最終沒有作出反抗！也是因為這次用餐後才發覺自己的皮膚只接受新鮮食品，非常挑剔！身為吃貨也只能選擇高質食品，不能不經思考隨意地吃喝！這間值得一試！喜歡港式韓燒的吃貨更不需多講！…查看更多

本人皮膚過敏而不能進食不新鮮的食品，要測試新鮮與否，本人一試便知龍與鳯！或者蒸氣火鍋這種食法是比較健康的吧！皮膚不但不敏感而且有美容功效，或許是心理作用？我不這樣認為！這個除了海鮮之外都是任食任飲的蒸氣火鍋全程都有專人服侍，所有新鮮食物都絕不會被我這種只懂食不懂做的人所破壞！有雜菜籃照了相但不知所終，都是很新鮮的菜！粥底也不能上載因只能上載12張相片！我選了鮮淮山雞粥，鮮甜！值得試！小提示：粥底有雞肉的話不要再叫雞肉！…查看更多

第一次衝去這間店時，門口一條長龍，最少要排一小時，於是再想食也放棄了；第二次較早去到這間店，人流不多，坐下後便叫了招牌臭臭鍋，店內播放起台灣出名歌星歌曲，十分悅耳，很快便上菜，但火力不太夠，等湯底滾起都需要多點時間，臭豆腐味道一般，沒有想像中惹味，粉絲未放到鍋裏已經沒有火了，於是叫人加火，邊食邊看到人流不斷增加，愈食愈熱，於是叫了一杯凍水蜜桃綠茶，不能沒有凍飲品，侍應都忙到不可開交，食飽了就直接行去收銀處付款，不等侍應們了！總體味道都算不錯！但當回到公司的那一刻才知道中伏了！肚痛衝去洗手間！…查看更多

本來想試食的那間店舖排隊等位的人龍太長，最少要等一小時，本人的胃餓到快要反了，又怎能夠等待那麼久呢？本人最愛之一就是韓燒，於是就在那附近找到了一間韓燒店，坐下便是急速地在餐牌裏尋找想吃的食物，從未試過第一次光顧就可以那麼快決定吃什麼的，點了韓國統營珍寶生蠔，吃到有一點沙，算合格吧，烤牛五花肉（調味），沒令我失望，好味道，烤特級雪花牛肉，肉厚有口感，好味，韓國啤酒配燒肉，用生菜包著燒肉吃是異常的juicy，不得不提的是泡菜，辣得來香味較重，生菜，前菜都免費而且吃完後，店員會自動添加，很好的服務，而且店員亦會過來提供意見，生蠔燒到熟了但仍繼續燒的時候，店員會提醒生蠔已熟可進食，過熟會沒那麼好吃！讓我感到服務更貼心！總體食物質素好之餘服務也好，意外的驚喜！…查看更多

無意中發現這間餐館有火鍋，於是便二話不說去嘗試了，一來就選了美國牛肉清湯火鍋，真的是清湯火鍋才可以食到食材的新鮮程度，雖然食材都新鮮，但本人後悔點了這個清湯火鍋，真的非常清淡，不太適合本人，不是喜歡清淡的人最好不要點清湯火鍋，美國牛肉雖然新鮮，但質感比較粗糙不滑，而麵豉湯就稍為令我失望，味道不差但聞到洗潔精味，這讓人胃口大減，另外本來想點多個鐵板燒日本魷魚的，誰不知道竟然沒有貨，被迫點了其它，在難以選擇的情況下點了鐵板燒牛仔骨，味道太一般了，到底應該點些什麼才能吸引到本人再次光臨呢？…查看更多

在本人喜歡的電視節目《馬家開飯》中有介紹這間店，於是二話不說就去了嘗試！雖然夢幻雞翼係用手食比較好，但本人怕手不乾淨，就用了筷子，如果有即用即棄的手套用就好了，雖然不環保，但要用手的而基於衛生問題，難免也不能時時也那麼地講環保！吃了夢幻雞翼之後，感覺很夠味，適合喜歡吃濃味的朋友們，配上飲品本人試了黑加侖子香青檸酒梳打，飲品名大概是這樣，希望沒記錯啦！真的沒有選錯，值得一試！本人擔心從此以後嘴又更加挑剔了～豬肉鐵板燒真的不能不說，豬肉的味喊到讓人不得不叫白飯，那種濃味讓我可吃下2碗白飯，白飯是日本米，口感很好，但飯上面的兩塊蘿蔔不夠爽，稍為遜色；而蔬菜味剛好，熱辣辣地邊燒邊吃，感覺真的很美好！但在燒的過程中，會不停彈油，穿了淺色衣服的必須要小心！…查看更多

在一次放lunch去買外賣等待外賣的時候，發現原來有間韓國店在那裏附近，於是本人這吃貨很快就去試味了，雖然本人未算是食量最大最吃得的人，但也算是個小吃貨！這間店的一鍋份量就足以讓我飽得很滿足，吃得出這店對食物的堅持！本人每次都把食物吃光光！不過覺得欠缺一點就是只有任飲白開水沒有熱茶，本人比較喜歡食物配香香的熱茶，配上熱茶的話，那就更完美了！本人會繼續光顧這店的，回味無窮，無時無刻也會想起這裏的食物，愈想愈肚餓！…查看更多

去長洲玩到滿足但仍欠缺一樣，就是食海鮮，人生路不熟也不知哪間餐廳好食，見到有人很努力地推銷海鮮餐，於是就沒有考慮太多而選擇了這間餐廳！坐下餐檯不久便舉手點餐，但沒有人理會，那些碗筷用水清洗完之後，明顯會見到很多污垢在水中，令人食慾大減！可能正因為這樣，點了其中一個蒜蓉粉絲蒸扇貝就只得4個小扇貝？薑蔥炒蟹只得2個，加多1個蟹蓋令食客視覺上以為有3個蟹！通菜像樹根一樣老！最有味的算是椒鹽賴尿蝦，雖然椒鹽味算不錯，但感覺賴尿蝦不太新鮮！總括而言，原本長洲遊玩是開心的，卻被這間餐廳破壞了，留下不好的印象！…查看更多